народ – Вистина.мк

Прво огласување на Марија Шерифовиќ после скандалот: „За народот веќе немам нерви “ (фото)

Слаѓана Атанасова — Tue, 13 Sep 2022 09:02:15 +0000

Марија Шерифовиќ неодамна се најде во центар на еден скандал кога социјалните мрежи и домашната јавност беа шокирани од видеото на кое се гледа како се расправа на улица во Белград, пред автомобил запрен на сред пат. Јасно се слуша како Марија пцуе, а потоа се приближува до автомобилот и удира со тупаница во стаклото. Пејачката само еднаш зборуваше за медиумите, потврдила дека е таа на видеото, но не сакала да ги открие деталите од инцидентот. Сега Шерифовиќ ги изненади сите кога реши да го искористи Инстаграм за да комуницира со своите следбеници и да одговори на сè што ги интересира па одговараше на различни прашања. - Сфатив дека немам повеќе нерви за овој народ, сите сакаат да бидат видени што е можно повеќе, што е можно подобро, сакаат се да експлодира на сите страни, а никој нема динар! Што е тоа, што е тоа?! Всушност, едноставно е, тоа се само комплекси - започна Марија, но нејзината приказна не заврши тука. Марија се фати и за учесниците на „Ѕвездите на Гранд“. - Заклучив нешто друго, а тоа е дека во „Ѕвездите на Гранд“ јас умирам со тие деца, обидувајќи се да ги направам што е можно подобри луѓе, пејачи, изведувачи и толкувачи, а потоа завршува тој натпревар и потоа додека ги гледаш нивните постапки како минува времето, всушност забележуваш дека тоа било само губење време. Се разбира, чест на исклучоците кои се ултра ретки. Во исто време, тоа е веројатно затоа што никој нема идеја, никој нема мозок, никој не сака нешто големо, никој не сонува и се гледа себеси некаде. Добро, јас разбирам и дека треба да живееш и да наполниш гориво, да купиш пелени, сето тоа го разбирам, но ако веќе гледаш дека имаш предиспозиција да бидеш нешто поголемо отколку што ти нуди овој момент, тогаш се надевам ќе направиш сè за ова на светот... не знам – рекла пејачката. Фото:принтскрин/Инстаграм/Марија Шерифовиќ/Јутјуб

„Македонијо златна… јака ти душа“: Игор Џамбазов ја разреши или само одново ја загатна дилемата, до државата ли е или до народот? (ФОТО)

Антонио Димитриевски — Tue, 31 Aug 2021 08:47:11 +0000

„Каков народ - таква држава“ - вели една позната поговорка, ама дали е баш така, никој не е до крај сигурен во кажаното?! Точно е дека власта си ја бира народот, ама кај нас мора да има некој скриен парадокс, некоја латентна фалинка, штом 30 години вака ни оди како што ни оди со државата, а еден куп власти и владеачки коалиции и се „изнаредија“ на нашава кутра Македонија! Ќе го реши ли проблемот генерален „мастер ресет“ на системот или грешката е во генетскиот код на народот? Прашање или поточно дилема на која никој не може точно да одговори. Најдобар доказ за тоа се и последните примери со новите мерки за ковид пандемијата. Вакцинација, па вакцинација, сертификат и за влез во нужник на првото кафуле ти бараат, ако не дај Боже те спотера среде град, бидејќи јавни тоалети - нема, а за пиење кафе без да покажеш дека си „боцнат“ барем еднаш и муабет да не праиме?! Арно ама, народот е „жив ѓаол“ и не можеш баш така да го правиш „будала“, зашто ионаке веќе доволно „збудален“ од се' што му се случува по сите основи, на сите полиња. Патем, кај нас како што е познато се фалсификуиваат лични карти и пасоши, па за сертификат за вакцинација збор не станува... Само ти посакај. Се разбира на црно, за 50 евренца! Ова ионака е јавна тајна, па јавно го обзнани и нашиот шоумен Игор Џамбазов на својот Инстаграм профил. Со тоа ја разреши или само одново ја загатна дилемата, до државата ли е или до народот? Или ќе да е до двете? Фото: Инстаграм принтскрин/igordzambazov/pansionprespav

Ана Николиќ никако да му „погоди“ на народот: Пејачката повторно мета на осуда – бараат да и се додели старател! (видео)

Слободанка Илиева — Thu, 19 Nov 2020 10:58:06 +0000

Српската пејачка Ана Николиќ на социјалните мрежи неодамна се пофали со двете нови тетоважи, по што наиде на лавина коментари и критика од фановите. Имено пејачката откако објави видео на кое се гледаат нејзините две нови тетоважи, не ни помислуваше дека ќе наиде на вакви коментари. https://arhiva.vistina.com.mk/radio-mileva/ana-nikolikj-istetovira-edno-ime-nad-gradite-za-da-prochitate-chie-kje-mora-da-ja-soblechete-foto/ Дел од нив беа и дека тоа е страшно што го направила пејачката. -Страшно… Некој нека и помогне, пријателите, семејството, некој… -Жално! Некогаш беше убава, греота!

View this post on Instagram

A post shared by Ana Nikolić (@ananikolicofficial)

-Некој нека и помогне на Ана. Уништува се. Под итно да и се даде старател, се само дел од коментарите на социјалните мрежи откако го објави ова видео.

ТВ Хунта

Антонио Димитриевски — Wed, 26 Feb 2020 10:02:24 +0000

Во екот на светска епидемија на КОРОНА вирусот, во денови на предизборие, во моменти на кулминација на корупција и организиран криминал на највисоко ниво... ВИЕ ни го укинувате правото за НАШИ пари да гледаме ТВ КАНАЛИ преку кабловските оператори!? Тогаш плачевте по некакво квази „балансирано информирање“, а сега народот го ставате во медиумски мрак! Небаре сме 18 век! Уште Интернетот фали да го укинете и социјалните мрежи да ги забраните... и да бидете не само ТВ, туку комплетна медиумска ХУНТА! Затскривајќи се зад плаштот на некакви „авторски права“, ги кршите и законот и основните човечки права, меѓу кои правото на слобода на говорот, протокот на слободни информации и нивната размена, правото на слободна мисла, информација, едукација, забава... Сето она што модерната телевизија го нуди денес преку кабловските оператори и интернет провајдери во лепеза од различни ТВ канали, програми, емисии... Со донесен шверцерски закон во нетранспарентна постапка преку ноќ, без право на широка расправа, дебата, размена на мислења, искуства, стручни совети... Само со притискање на копчето на тастерот, со истот оној прст со кој вашите неуки поданици прво го чепкаат носот или не знам што веќе друго, па слепо ги извршуваат вашите наредби донесувајќи фатални одлуки за народот. Отсега ќе ја гледаме само програматта на Јавниот сервис... 1, 2, и 3, односно Собраниски. Не дека е лоша или добра, ама циркуз ионака гледаме од седниците на Собрание, па барем ставете камери уште и на судските рочишта, за реалното шоу да биде комплетно. Ионака шоуто и го украдовте на естрадата, која беше каква што беше, а вие ја доотепавте. Каква „Задруга“, „Парови“, „Фарма“... Па Вие сте сите три во едно! Станија, Миљана Куљиќ, Мина Врбашки... и останатите цицлесести уличарки се „мали деца“ во однос на Вас и вашиве „Луј Витон“ ѕвезди. Од судии и обвинители, до политичари, поданици и извршители... на кривични дела, секако! Невини сте пред законот, колку што се „невини“, знаете веќе каде, споменатите силиконски старлети! Арно ама се’ има свој крај... 12 април е близу. Обвинителите и судиите, вакви какви што се и нивната (не)правда видовме дека може да се купи... Ама судот на народот нема цена, нема пари со кои можете да го купите! Има само цена што мора да се плати!

Вардарци триумфално дочекани, добија грандиозна прослава, а народот се поклони пред Стоилов: „Столе ти си наша икона“

Антонио Димитриевски — Tue, 04 Jun 2019 07:19:32 +0000

Вардарци добија грандиозна прослава по големата победа по која станаа европски прваци. Народот се сплоти на скопскиот плоштад каде громогласно ги поздрави сите херои кои имаа учество во овој голем успех.

Сепак, најголемите заслуги му ги препишаа на нашиот Стојанче Стоилов. Насобраниот народ му порача: „Столе, ти си наша икона“!

Стоилов не ја криеше гордоста што вторпат излегува пред илјадници фанови на плоштадот во центарот на Скопје, како освојувач на ракометната Лига на шампиони. „Добро вечер, Скопје, добро вечер Македонија. Ова вторпат го кажувам: Скопски Вардар – европски првак.“

„Овие што ги гледате зад мене, тоа се најголемите амбасадори на нашата држава. Голем голем дел од нив не се Македонци и еден ден ќе си отидат во нивните држави. Ќе кажуваат, си беше еднаш еден Вардар, во една Македонија. Верувајте – најубавиот дел од нивните кариери ќе им биде Вардар. Да живее Вардар, да живее Македонија“ – дополни капитенот Стоилов.