напушти – Вистина.мк

Музичарот и советник во општина Аеродром, Дарко Масларковски демонстративно ја напушти „Левица“: Не сум сам и единствен кој вака се чувствува, но сум прв кој гласно кажува дека во партијата нешто смрди-корне“

Антонио Димитриевски — Thu, 29 Feb 2024 10:02:37 +0000

Дарко Масларковски со години познат како музичар, музички арстист, изведувач, организатор на разни настани, концерти и манифестации кога е во прашање македонската алтернативна музичка сцена. Заедно со својот брат близнак, членови на неколку бендови, од кои најпознати култните „Пука козметика“ и „Брука“ и едни од сопствениците на забавно-музичката Интернет телевизијата „Бла Бла ТВ“. Откако Димитар Апасиев ја основаше партијата Левица, Дарко Масларкловски станува нејзин член и не само тоа, туки и еден од нејзините најистакнати поединци. Како еден од најгласните, најборбените, најправедните, најреволуционерните заслужно ќе се најде на листата за советници на партијата и на последните локални избори успева да се избори за советничко место во општината каде живее - скопската општина Аеродром. И кога некои предвидуваа дека „Левица“ расте, напредува, завзема се поголем простор и се надеваат на што поголемо парче од политичкиот колач на претстојните парламентарни и претседателски избори во Македонија, тргнаа скандалите, а со тоа и првите знаци на „расколот“ во партијата откако токму Дарко Масларковски разочаран , деновиве јавно ја напушти истата! Дали по очигледно оддамна насобраниот гнев и нездоволство тригер за ваквата одлука беа гласините во јавноста дека СДСМ и помага на Левица да собере потписи за нивната претседателска кандидатка Билјана Ванковска, со цел да се создаде поделба во опозицијата, па членови на партијата се кренаа против партиското раководство? Или јавно обзнанетите документи од страна на Петар Богојески од „Македонски концепт“ во емисијата „Заспиј ако можеш“ на ТВ Алфа, во вид на тендер договори на институции каде директори се луѓе поставени од Левица со фирми чии сопственици се блиски до ДУИ и шокантниот партиски Правилник за задолжителни донации на „Левица“, според кој наводно секој кој ќе добие хонорарна работа или се вработи преку партијата, треба да плаќа од 20% до 25 % од своите примања во истата, ја прелија чашата на горчина? Што и да е, веројатно незадоволството кулминирало до точка на вриење, па македонскиот музичар и опшински советник не можејчи повеќе да ја истрпи неправдата што му се случува пред очи, откако „му пукнал филмот“, реши да пресече. Та „пука брука“ или не, Дарко Масларковски повќе член на Левица - не е! Одлуката јавно ја соопшти на својот Фејсбук профил, каде отворено и се обратил на јавноста, појаснувајќи зошто се решеил на ваков „радикален чекор“: „Почитувани ДРУГАРИ, пријатели, роднини како и цела македонска јавност Сакам да ве информирам дека од денес ЈАС не сум повеќе член на политичката партија ЛЕВИЦА. Одлуката ја носам со чиста совест и разум базирана на повеќе причини и дејства на кои не можам да останам рамнодушен. Разочаран сум бидејќи работите во партијата не се на она другарско и чисто идеолошко делување, како на почетокот, тоест полно е со византиски игри, намерно уништување, игнорирање и оддалечување од чесни, вредни, борбени, бестрашни, бескомпромисни "чисти" кадри. Се случува опкружување со полтрони, интересџии и безкичмењаци кои безпоговорно следат ЛУДИ ДИРЕКТИВИ(како таа за отстранување на МАКЕДОНСКОТО ЗНАМЕ од Кутлеш) како и екипирање на раководни кадри кои се премногу сомнителни, увезени токму од политичките елити против кои се бориме(наводно се бори и Левица). Рацинизирани се сите оние кои на почетокот со сета своја способност, труд, напор и знаење дадоа ОГРОМЕН придонес во развојот на делото и партијата, а додадени се разно разни мешетари и луѓе со сомнително минато и потекло. Растурени се најсилните ограноци со инфилтрации на горепосочените и во јавноста само привидно се прави чувство дека расте партијата, нема месен огранок во Ново Лисиче каде имавме најсилна поддршка на избори има нов огранок во некое село со 500 жители и 3 члена. Најверојатно раководството низ својата длабоко затворена призма на делување и секташање не дава простор за вистинско растење на партијата, вистинска борба, која многупати била задушувана од самото раководство, па најверојатно исплашени од расколите од минатото кое ги следи како црна сенка, не дозволува никој да пристапи, дава различни идеи и делува. Не се посветува и одвојува ни тронка време за да се согледа и реши внатрепартискиот проблем со дискусија и другарски муабет Не сум сам и единствен кој овака се чувствува, но сум прв кој ГЛАСНО кажува дека нешто "СМРДИ", а смрди КОРНЕ. Дали последната надеж за конечно добра, партија на НАРОДОТ е контролирана и усмерувана од некој повисоки сили и центри на моќ? Времето можеби не е најадекватно и баш пред избори, но јас не можам повеќе да бидам дел од нешто што ќе го уништи духот на МАКЕДОНЦИТЕ, одземајќи му ја можноста за ВИСТИНСКА политика и партија која вистински се БОРИ за МАКЕДОНИЈА. ПРЕДАДЕНИ СМЕ Се вклучивме во ПОЛИТИКА (прв пат се ОБОИВМЕ/ИСПЉАВМЕ ПОЛИТИЧКИ) со сето срце и душа и човечки капацитет, ВЕРУВАЈЌИ во ИДЕАТА и КАУЗАТА за БОРБА за Македонија и подобра иднина за сите луѓе. Борбата за МАКЕДОНИЈА ја ПРОДОЛЖУВАМ секако, но го фрлам оружјето ЛЕВИЦА кое е отапено до толку што не може ниту хартија да пресече, а камо ли да нанесе сериозен удар на НЕПРАВДАТА кој ја трпиме 30 + години. П.С. Во советот на општина Аеродром ќе продолжам да делувам како независен Советник“ - стои во обраќањето на Масларковски, кој како што самиот вели, не е сам и единствен кој вака се чувствува, но е првиот кој гласно кажува дека во „Левица“ нешто смрди - корне“! Дали Левица полека „пука“ и дали е формирана само за да биде нечија политичка „козметика“, ќе видиме допрва?! Избори се ближат...! Фото: YouTube/Brooka/Заспиј ако можеш/Општина Аеродром/Левица - web page/ Facebook/Дарко Масларковски

„Само во тешки ситуации сфаќате“: Илда Шаулиќ проговори за луѓето кои му го свртеа грбот на семејство по смртта на Шабан (фото)

Слаѓана Атанасова — Mon, 19 Feb 2024 08:15:33 +0000

Популарна пејачка, Илда Шаулиќ, најави голем проект кој го подготвуваше од минатата година. Имено, во чест на нејзиниот покоен татко, кралот на народната музика Шабан Шаулиќ, таа реши повторно да отпее дел од неговите песни и да им подари нов аутфит. Првата песна од овој проект беше објавена неодамна, по повод петгодишнината од смртта на Шабан, а Илда од посебни причини одлучи да биде „Не плачи, душо“. Таа сега откри се за песната, нејзините планови, а најави и посебен албум со неговите песни. - Имав посебен однос со татко ми... Тој секогаш имаше поинаква приказна со мене отколку со другите деца. Можеби затоа што решив да тргнам по неговите стапки. - Со тоа ќе се занимавам во иднина. Ова е само една песна која ја објавивме како најава, а за септември планираме албум. Еден албум сигурно нема да биде доволен за да ги собере сите негови песни како што јас сакам, но полека...Никој нема да го прави тоа што го правеше татко ми. - Не плачи душо'' мораше да се објави сега... За симболика ја избравме петгодишнината од неговата смрт. Таа има посебна порака, многу ми се допаѓа таа песна - рекла Илда, а потоа прокоментирала како семејството реагирало на нејзината идеја да ги обработува песните на Шабан: - Семејството беше малку исплашено... не се мешаа... Тогаш во еден момент се исплашив и сакав да се откажам. Сега сум горда, а исто така и моето семејство. Пејачката проговори и за немањето поддршка од одредени луѓе по смртта на Шабан, што најмногу ја повредило нејзината мајка! - За неа беше разочарувачки што некои луѓе и го свртеа грбот по смртта на татко ми . И сега може да ми каже дека и е тешко што не и ѕвони телефонот, никој не и се јавува барем на кафе од сите тие луѓе што биле многу добри со нив. Мене тоа не ме потресе, но неа ја потресе. Нема да ги именувам секако... Само во тешки ситуации сфаќате какви луѓе се тие, но правите некаква чистка во вашиот живот и тоа е природно. Така бев и јас, отсекогаш сакав да имам големо друштво, ги земав со мене, а потоа сфаќаш дека многу се таму само за интерес... На крајот сами се разотидоа, ништо не направив јас се се случи природно – заклучила таа. Фото: printskrin/instagram/ildasaulic

Маја Маринковиќ побесне во емисија во живо: Старлетата се спакува и го напушти студиото (фото)

Слаѓана Атанасова — Tue, 27 Jun 2023 12:11:53 +0000

Маја Маринковиќ синоќа гостуваше во емисијата „Народ пита“, но го напушти студиото по расправија со нејзината ривалка Александра Николиќ. Старлетата и победничката на Задруга се соочија синоќа и настана хаос. Иако на почетокот посегнаа еден до друг, после тоа дојде до тотален пресврт. Имено, Маја и Александра постојано се навредувале и провоцирале, а едно вклучување предизвикало тотален хаос во студиото. Гледачот се сврте кон Николиќ и почна да ја навредува Маја, поради што Маринковиќ ја прекина програмата, стана и ја напушти емисијата, а гледачите останаа во шок. Ги спакувала подароците што ги добила од обожавателите, станала и си заминала. Водителката Ивана Шопиќ се обиде да ја смири разбеснетата Маја, но задругарката веќе го напушти студиото каде ја чекаа Билал Брајловиќ и таткото Таки. Инаку, Маја откри дека се преселила во Сараево и почнала да живее заедно со Билал. - Заедно сме откако заврши „Задруга“, не се разделивме ниту една минута, навистина ни е убаво. Живееме заедно, зедовме стан во Сараево, се преселив. Живеам меѓу Сараево и Белград, и се е убаво, луѓето се прекрасни и се е во најдобар ред, се уште е рано за деца - изјавила Маја. Фото: Принтскрин/Јутјуб/Задруга

Поранешната сопруга на Џони Деп го напушти Холивуд: Еве каде сега живее озогласената Амбер Херд (фото)

Слаѓана Атанасова — Fri, 05 May 2023 11:18:31 +0000

Холивудската актерка и поранешна сопруга на славниот Џони Деп, Амбер Херд се преселила од Калифорнија, каде што живеела, во Европа. Колапсот на бракот на Амбер Херд и Џони Деп, како и судските постапки што следеа, а ги следеше целиот свет, се тема за нова книга. Деп ќе биде главната ѕвезда на претстојниот филмски фестивал во Кан, а Херд одлучи да го напушти Холивуд, пишува Дејли Мејл. Таа е практично отсутна од очите на јавноста по завршувањето на судскиот процес за клевета во Вирџинија минатата година, во кој беше утврдено дека го клеветела својот поранешен сопруг. Еден британски таблоид сега објави дека актерката дискретно се преселила во Шпанија со нејзината мала ќерка Уна. - Зборува шпански и е среќна таму, ја тргна ќерка си подалеку од вревата. Мислам дека не брза да се врати на работа или во Холивуд, но веројатно ќе се врати кога ќе дојде време, за вистински проект - изјавил неименуван пријател на актерката. Хит актерката од „Aquaman“ го продаде својот дом во Калифорнија минатиот јули за 1,1 милион долари, речиси двојно повеќе од она што го плати за тоа. Потоа, во октомври, таа беше фотографирана на плажа во Мајорка со девојката Ив Барлоу. Во тоа време се зборуваше дека живее под кирија на островот. Сепак, за Дејли Мејл е дојавено дека Амбер сега трајно се преселила во нов дом надвор од Мадрид. Амбер Херд не работеше од „Аквамен и изгубеното кралство“ во 2021 година и нискобуџетниот трилер „In The Fire“ минатата пролет. Не е познато дали таа+- се уште е со Ев Барлоу, која остана во Лос Анџелес и работи како писателка. На Божиќ, Барлоу објави есеј во кој рече дека „го бара оптимизмот на крајот на годината што и го промени животот“, што многумина го протолкуваа како најава дека се разделила од Амбер. Фото: Принтскрин/ ЕПА Имаџес/Инстаграм

„Заминувам, точка!“: Цеца ги напушти „Ѕвездите на Гранд“ (видео)

Слободанка Илиева — Thu, 02 Feb 2023 10:22:09 +0000

Снимањето на „Ѕвездите на гранд“ не може да помине без да се крене прашина околу него. Во најновата емисија прво започнаа да се караат Ана Бекута, Вики Миљковиќ и Снежана Ѓуришиќ. По нивната кавга започнаа да се караат и најголемата балканска пејачка Светлана Цеца Ражнатовиќ и Мили, по што пејачката реши да го напушти шоуто. -Секогаш контра од се што сум кажала, тоа и е манир, вели Бекута на сметка на Вики. -Што рече, па ти дури сега зборуваш? Ја праша Вики. -Извини, но зар не сме компетентни, дофрли Снежана. По ова својата расправа ја започна и Цеца која кратко потоа ја напушти и емисијата.

View this post on Instagram

A post shared by Zvezde Granda (@zvezdegranda)

-Зошто да се сложувам? Нели рече да го изгубам кредибилитетот? Ти благодарам многу изјави Цеца. -Не сакам да ја расипувам оваа идила на размена емоции помеѓу Цеца и Мили, дофрли Марија Шерифовиќ. По ова Цеца изјави дека не е фер и дека го напушта шоуто. Видеото веднаш се прошири на социјалните мрежи, а фановите на ова шоу се во исчекување што ќе се случува понатаму. фото:Инстаграм принтсктин/zvezdegranda

Скандал во „Бекстејџ“: Дијана – „Оу-Џи“ стана и го напушти интервјуто бидејќи не и се допадна прашањето (ВИДЕО)

Антонио Димитриевски — Sat, 14 May 2022 09:44:50 +0000

Од неодамна дело од македонските медиуми, меѓу првите и Вистина.ком.мк, како и нашите соработници од најгледаниот естраден ТВ магазин „Бекстејџ“ ја разработија темата за Онлифанс – платформата за возрасни, која најчесто ја користат анонимни или познати модели и инфлуенсери, но и други помалку или повеќе познати личности меѓу кои и музички артисти, со тоа што на неа објавуваат експлицитни содржини со нивни автентични фотографии. Времињата се такви какви што се – се’ потешки… Животот станува се’ поскап, трошоците се’ повисоки, стандардот се’ понизок, а можностите за зароботка речиси никакви. Токму тоа е причината зошто дел од нив се одлучуваат на овој чекор. На ова тема, новинарската екипа на „магазинот од зад сцената“ реши да поразговара со македонската (т)раперка Дијана ОГ, првиот музички артист кај нас кој отвори свој профил на споменатата страница. Зошто се решила да го отвори, но и колкава е нејзината заработка од „скокотливите“ содржини што ги споделува на својата „Онли фанс“ страница беа дел од прашањата за Дијана ОГ? Претходно, познатите одговараа на прашањето: Дали Онлифенс го сметаат за легална проституција, па на прашањето дали ваквиот начин на заработка можеби не е еден вид нешто слично, следувала бурна реакција на пејачката, која станала, револтирана го напуштила интервјуто и си заминала! Медиумите и новинарите се тука за да поставуваат прашања, а јавните личности треба да се навикнат дека не се тука само за фалење и комплименти, туку мора да бидат подготвени и на она што понекогаш ги погаѓа и како прашање или констатација не им се допаѓа. Дијана, а со тоа и продукцијата која стои зад неа, со нејзината постапка покажала дека се' уште не знае и не е „зрела“ за шоубизнис, иако со оглед на нејзините години можеби треба и да и се прости, но и да сфати дека е време да научи да се носи со професијата, со која самата избрала да се занимава! Однесувањето кон новинарите и воопшто односот кон медиумите, особено пред камера, е важна работа како за личноста, така и за нејзината кариера. Без оглед дали коментарот, написот, рецензијата или новинарското прашање понекогаш (не) ви се допаѓа... Умешноста на вашиот одговор е она, со што на „незгодното прашање“ другиот „ќе го спуштите на земја“ или „седнете во скутот“, а никако со „кукавичко“ бегање од интервјуто! Но, што всушност се случило, што тоа Дијана - Оу-Џи „ја извади од папучи“ за така изнервирана лутито да стане и замине, прекинувајќи го интервјуто, погледнете во видеото на „Бекстејџ“ во продолжение:

Укринската победничка на Евровизија ја напушти Украина и сега е во Турција: Се вклучи во емисија во живо и откри како се чувствува

Христина Ѓоргиевска — Wed, 02 Mar 2022 10:00:32 +0000

Пејачката Џамала која во 2016 година победи на Евровизија, по бегањето од Украина сокривиште најде во Истанбул, Турција. Џамала во 2016 година ја претставуваше Украина на Евровизија. Таа сега ја напушти сопствената држава поради нападот на Русија. -Русија ја напаѓа мојата земја. Мирни луѓе во украински градови. За мене ова е глупост. Потребна ни е помош оф целиот свет. Оваа војна мора веднаш да заврши, порача таа. За време на викендот, пејачката на Инстаграм објави дека заедно со децата ја напуштиле Украина без нејзиниот сопруг кој останал да ја брани нивната држава.

זמרת על הכוונת | ג'מאלה, זוכת האירוויזיון האוקראינית שנמלטה מארצה בריאיון ל-@mayarachlin: אני לא מרגישה בטוחה גם עכשיו. סימנו אותי, פחדתי שאהפוך למטרה. מצפה מהקהילה הבין-לאומית שלא יהיו אדישים. מודה לאירוויזיון על ההחלטה להדיח את רוסיה מהתחרותhttps://t.co/UtIl7HqwTY #ערבערב pic.twitter.com/TKoyqMBYlm
— כאן חדשות (@kann_news) February 28, 2022

По доаѓањето во Истанбул, пејачката се вклучи во емисија во живо и зборуваше за напуштањето на нејзината земја. -Вечерва пристигнав во Истанбул кај сестра ми. Одлучив да го напуштам Киев вечерта на 24 февруари кога во близина на мојата куќа се слушна експлозија. Одлучивме заедно со семејството да одиме во Западна Украина. Таму поминавме една ноќ со некои луѓе. Размислувавме таму да останеме и да чекаме да се разјасни ситуацијата, изјави таа. Меѓутоа, откако беше заробан аеродромот во близина на Киев, одлучила да ја напушти земјата и сокривиште да најде во Истанбул. -Немам доверба. Дури и во 2016 година кога со песната „1944“ бев на Евровизија се беше поразлично. Во цела Русија се водеше кампања против моето семејство. Не се чувствувам сигурно, додаде пејачката. фото: Kann News/инстаграм

Огнен Амиџиќ ја прокоментира ситуацијата кога Тања Савиќ ја напушти неговата емисија: „Непрофесионална е, таквите ситуации ми се смешни“

Христина Ѓоргиевска — Tue, 01 Mar 2022 10:09:43 +0000

Пејачката Тања Савиќ неодамна гостуваше во емисијата „Амиџи шоу“. Меѓутоа, се случи вистински скандал кога пејачката стана и ја напушти емисијата, па не се ни врати. По тој повод, сега се огласи и Огнен кој ја прокоментира целата ситуација. -Не се слушнавме и не гледам причина за такво нешто. Тања не испадна професионална, прво за мене, а потоа и за останатите гости во студиото. Секој има право да си ја гради кариерата како што сака, но некои работи не се на место, вели водителот. -Мене тоа лично не ме погодува бидејќи сум професионалец, но не е во ред на тој начин да се прави приказна во медиумите. Ако некој има проблем со гостите кои ги покани мојот тим, секогаш може да ми каже, па ќе се договориме да го поместиме гостувањето. Ваквите ситуации се смешни, вели Амиџиќ. -Има неколку имиња кои повеќе нема да ги поканам во емисија, но нема да ги именувам. Тие ќе се препознаат. За потсетување, во емисијата во која гости беа Тања Савиќ, Ивица Дачиќ, Јована Јеремиќ и Бранимир Несторовиќ додека Јована одговараше на прашање, Тања го напушти студиото со изговор дека оди во тоалет и не се врати. Од друга страна, Јована тогаш порача: -Замина во тоалет и не се врати, само си замина додека одговарав на прашање. Не навлегувам во причините за нејзиниот заминување.Мислам дека интелектуално не можеше да се вклопи со нас, таа нема заеднички теми со нас, изјави таа. Откако Савиќ ја напушти емисијата, се огласи за медиумите и потенцираше дека нема што да коментира. фото: Инстаграм/amig show/tanja_savic_private/youtube/

Некогашната победничка на Евровизија, украинската пејачка го напушти Киев: „Четири дена со децата патувавме без храна“

Христина Ѓоргиевска — Mon, 28 Feb 2022 11:00:21 +0000

Украинската пејачка која пред шест години победи на Еврвовизија со песната „1944“ со своите деца го напушти Киев. Таа на Инстаграм објави снимки и напиша како со семејството одлучиле дека треба да ја напуштат својата земја откако Русија ја нападна Украина. -Пети ден е како окупаротите од Русија ја нападнаа Украина. Ноќта на 24 февруари со децата тргнавме од Киев, четири дена поминавме во автомобил, бевме без храна, од состојба на шок не ни помисливме да земеме. Нашето движење изгледаше како два километри да ги возиме четири часа, опиша пејачката низ солзи. По четири дена поминати на пат, пејачката еден дел до Румунската граница го поминала пешки. -Милион жени и деца ги напуштаат своите домови, ги оставаат своите сопрузи да ја бранат државата. Украина е голема и убава. Мислам дека тоа е важно. Верувам во нашиот претседател, војска, во нашите силни храбри мажи и жени. Ние ќе победиме, вели пејачката. -Верувам во својата публика која зборува руски, луѓето кои доаѓаа на концерти од цела Русија. Знам дека не е лесно, голем е ризикот. Но, може да влијаете да се променат работите, порача пејачката. Кога пред шест години настапуваше на Евровизија, Русите побараа Јамала да биде дисквалификувана, но ЕБУ но не најде ништо спорно во песната, па на крајот Јамала победи и ја однесе Евровизија во Украина. ЕБУ ја дисквалификуваше Русија од годинешното издание на Евровизија. фото: инстаграм/reuters

Македонската кандидатка Валери Димовска ги напушти „Ѕвездите на Гранд“, а еве која е причината – „Жал ми е што заврши на ваков начин“

Христина Ѓоргиевска — Fri, 21 Jan 2022 08:37:21 +0000

Македонската кандидатка Валери Димовска (24) ги напушти „Ѕвездите на Гранд“. Имено, на својот „Инстаграм“ таа истакна дека се тестирала пред да оди на снимањето на третиот круг кој неодамна започна да се снима, па нејзиниот тест испаднал позитивен и ќе мора да остане дома. Токму и поради тоа одлучила оваа сезона да не продолжи. -Не знам како да почнам, но еве. Пред да одам на снимање на „Ѕвездите на Гранд“, јас испаднав позитивна на корона и нормално не бев на снимање на 3иот круг. Поради тоа оваа година повеќе не настапувам, многу ми е криво што мораше да заврши на овој начин. Се надевам дека следната година ќе имам повеќе среќа. Ви благодарам на сите за поддршката која ми ја дадовте, напиша таа во кусите приказни на „Инстаграм“. Инаку, Валери настапуваше во првиот и вториот круг и ги освои шест гласа, a за свој ментор го одбра Ѓорѓе Давид. [embed]https://arhiva.vistina.com.mk/zestoka-kavga-vo-dzvezdite-na-grand-bosanac-vikashe-na-veleri-dimovska-nishto-ne-se-razbirashe-a-sherifovikj-se-pojavi-so-kolachi-na-scenata-video/[/embed] Дали Валери ќе се врати во музичкото шоу или пак ќе се пријави следната година останува да видиме. фото: Инстаграм/valeryy.d