написи – Вистина.мк

Антониа Гиговска за разделбата со Иван: „Премногу ме имаше во медиумите со бившите партнери“

Слободанка Илиева — Wed, 29 Jun 2022 09:17:44 +0000

За некои луѓе велат дека се родени под среќна ѕвезда. Токму таква е ѕвездата на Антониа Гиговска. Таа има нешто што не може ниту да се одглуми ниту да се купи. Освен што ангендата со настапи ѝ е преполна и скоро секој ден е во различен град, таа успеа да стигне во Сокобања, Србија и да ја подигне наградата „Поп пејачка на годината. На таква вест не можете да не кажете браво! Сцената што многу од пејачките ја посакуваат и сонуваат, таа ја впива со сите сетила и чекори по неа. Но, кога станува збор за нејзиното име и презиме, мислењата во јавноста се поделени. Многумина велат дека арогнтноста преовладува кај оваа млада пејачка, а оние кои што ја познаваат го кажуваат сосема спротивното. Нејзиниот карактер моижеби не им се допаѓа на многумина, но тоа не е случај и со музиката која таа ја прави. Недоамна ја објави својата нова песна Атлантида, а објави уште една со наслов „Око моје“. Токму естрадниот магазин “Бекстејџ„ ја имаше можноста да присуствува на снимањто на новиот видео запис. Во ерата на ријалити ѕвезди, на деградација на вредности, кога површината доминира над содржината, една 21-годишна девојка го докажа токму спротивното - дека квалитетот и напорната работа можат да те доведат до остварување на сонот. Кога е врската со Иван во прашање, таа открива дека кај нив ништо не се сменило, освен тоа што сака да го тргне приватинот живот од социјалните мрежи. Што конкретно кажа, погледнете во продолжение:

Ќерката на Жељко Шашиќ, Софија ги прокоментира пишувањата дека имала афера со Душко Тошиќ – еве што вели

Христина Ѓоргиевска — Tue, 25 Jan 2022 09:55:24 +0000

Ќерката на Жељко Шашиќ, Софија ги прокоментира пишувањата дека имала афера со Душко Тошиќ – еве што вели По семејната драма која се случи на Божиќ откако Душко Тошиќ ја удрил Јелена Карлеуша, фудбалерот повторно се најде во центарот на вниманието. Имено, како што пишуваа српските медиуми, Душко наводно имал афера со ќерката на Жељко Шашиќ и Соња Вуксановиќ, Софија Шашиќ. Наводно, парот имал афера и нивната врска ја одржувале во странство. По овие шпекулации се огласи и Софија Шашиќ. -Апсолутно не е вистина. Не сакам да ги коментирам тие написи бидејќи тужбата е испратена на адресата каде што треба, вели Софија за стори.хр Според пишувањата на медиумите, Душко и Софија наводно три месеци се во врска, но според тврдењата на младата дизајнерка тоа не е вистина. фото: Инстаграм/duskotosic/sophiasasic

Регионалните медиуми не престанаа да пишуваат: Која е Данела Арсовска – жената која преживеа „бугарска афера“ и го доведе Заев до оставка! (ФОТО)

Антонио Димитриевски — Mon, 01 Nov 2021 13:54:41 +0000

Главна вест во сите денешни срски медиуми се резултатите од локалните избори, а најмногу оставката на премиерот Зоран Заев, со тоа и на владата, јави дописникот на МИА од Белград. Регионалните медиуми непрестанато пишуваат за Арсовска – жената која преживеа „бугарска афера“ и го доведе Заев до оставка! Сношти, медиумите детално со резултати ја пренесоа веста за победата на локалните избори на опозициската ВМРО-ДПМНЕ и освојувањето на власта во главниот град Скопје, за да потоа денеска акцент се стави на веста за оставката на Заев на премиерската функција. Заев поднесе оставка, ВМРО-ДПМНЕ бара вонредни избори, јави РТС и Политика, „Предизвика земјотрес на Западен Балкан: Која е Данела Арсовска? Ја преживеа „бугарската афера“, а потоа го победи Заев. Вести онлајн, „Избори во Северна Македонија: Зоран Заев поднесе оставка, Арсовска прва жена градоначалник на Скопје по 30 години“ објави Вечерни новости, „Заев повеќе не е премиер на Македонија: Од полититката воопшто не е тешко да се отиде“ пишува Правда, се сличните наслови во речиси сите медиуми. Ал Џезаира под насловот „Поразот на Заев е воедно и пораз за ЕУ“ го цитира скопскиот аналитичар Суад Мисини, кој кажа дека „победата на локалните избори на ВМРО-ДПМНЕ во Северна Македонија можеби нема да даде ветер во крилата на десницата, но секако ќе го поттикне антиевропското расположение не само во земјата, туку и во целиот Западен Балкан. ТВ Н1 имаше специјална емисија за настаните во земјава во која професорот на Факултетот за политички науки Чедомир Чупиќ изјави дека „оставката на Заев е одлука која е апсолутно невообичаена за Балканот“ и додаде дека „е добра за демократија, слобода и политички живот во Македонија“. -Добар потег е, имате свест, но и совест, го изгубивте Скопје, не го направивте тоа што го очекуваа граѓаните, најдобар начин е да се повлечете, што не значи дека тоа е трајно повлекување, им покажавте на граѓаните дека сте одговорни, кажа Чупиќ. Вестите се пренесуваат од час на час, така што последните информации се однесуваат на сотаноците и потезите на Заев околу прашањето на идното премиерско место и идната влада, што се предвидува во Уставот, и каде оди понатаму земјава. Последна вест е откажувањето на доаѓањето на Заев во Белград на 3 и 4 ноември на закажаната средба со претседателот Александар Вучиќ и албанскиот премиер Еди Рама во рамки на иницијатаивата „Отворен Балкан“, како и дека ќе дојде друг преставник од Македонија.

Васил Хаџиманов реагираше на срамните коментари на „болните умови“ за причината на смртта на неговиот татко, Зафир: „Бруки нечовечни“! (ФОТО)

Антонио Димитриевски — Wed, 31 Mar 2021 06:54:40 +0000

Македонскиот актер, пејач и композитор Зафир Хаџиманов кој голем дел од својот живот го помина во Белград, како што е познато пред три дена почина од последиците предизвикани од коронавирусот. Но уште неговата душа што се вели не стигна ни да се упокои кај Бога, а неговиот син, познатиот џез музичар Васил Хаџиманов, доживеа низа непријатности на социјалните мрежи од противниците на вакцинирањето, таканаречените „антиваксери“, кои „начекаа“ простор и ситуација за ширење на своите тези во вид на теории на заговор, овој пат за жал, на сметка на трагедијата на семејството Хаџиманови и името на покојниот Зафир.

Имено, на Фејсбук профилот на починатиот уметник, логично и нормално, луѓето оставаа бројни коментари, меѓу кои мнозинството изрази почит кон сето она што за својот живот и битисување Зафир Хаџиманов го направи, создаде и остави зад себе како творештво и своевидно музичко и културно наследство, секако сочувствувајќи со неговото семејството.

Но, се појавија и такви, кои на безумен и нечовечен начин најдоа причина да ја шират својата теорија, создавајќи паника и несигурност кај населениото со своите лажни вести, а во истовреме создавајќи му дополнителна болка, но и проблем на ионака ожалостеното семејство Хаџиманови.

Револтираните почитувачи на уметноста и музикатана Зафир Хаџиманов веднаш изреагирааа на ваквите јавни пишувања, потсетувајќи дека не е ниту момент, ниту место да се пласираат лажни вести и прават скандалозни заговори. Синот на Зафир,  Васил Хаџиманов и самиот се огласи на социјалните мрежи, видно револтиран и изнервиран од она што се случува за сметка на нивната семејна трагедија.

„На сите 'болни' кои овде ставаат срамни коментари им порачувам дека татко ми почина како резултат на последици од Ковид -19 вирусот. Како тежок срцево болен пациент, тој не можеше да ги издржи последиците од вирусот. Да се вакцинирате еднаш, да знаете што било подалеку од вашиот задник, не е доволно да се заштитите од овој страшен вирус. Ако видам друг сличен коментар тука или каде било, јас лично ќе се погрижам да ве најдам и да ве научам на памет како се однесува и што не се изговара или пишува на профилот на починатиот. Срамови едни нечовечки“ - напиша Васил на социјалните мрежи револтиран од претходно напишаното. Дел од српските медиуми успејаа да го исконтактираат Васил Хаџиманов, кој одбил да ги коментира написите, туку само кусо додал: „Не би коментирал. Не сакам да се фокусирам на тие ужасни луѓе, туку на тоа кој беше Зафир и што остави зад себе“ - изјавил џез уметникот. Фото: Инстаграм принтскрин/vasil_hadzimanov

По убиството на синот на еден од можните организтори на ликвидацијата на Аркан, се огласи Цеца откако некој се обиде да и го припише најновото убиство на белградскиот афалт: „Ова што го правите е монструозно!“

Антонио Димитриевски — Tue, 02 Feb 2021 11:11:26 +0000

Војната на белградските улици не завршува. Во последните неколку години, многу луѓе беа убиени во крвави пресметки и се чини како да се вратија бурните 1990-ти, кога некој некого убиваше речиси секој ден. Последната жртва на врелиот белградски асфалт беше синот на Зоран Ускоковиќ Сколе, кој беше убиен пред три дена, а имаше 22 години и исто име како неговиот татко. Во улицата Борска на Канарево брдо, убиецот чекал Ускоковиќ да го паркира своето „Ауди“ и да се упати кон зградата. Тој му тргнал во пресрет и во моментот кога се разминале тој се свртел и го застрелал одзади во главата. Две чаури биле пронајдени на местото на ликвидација. Убиениот Зоран Ускоковиќ нема кривично досие, а неговата мајка и очув живеат во близина на местото на убиството, па се претпоставува дека тој тргнал кај нив. Во медиумите има многу шпекулации за мотивот за ова брутално убиство. Освен приказните за причината поради која младиот Ускоковиќ наводно влегол во криминалното милје, весниците пишуваат дека „гревовите од минатото“ се причина за погубувањето. https://www.youtube.com/watch?v=99xL0lJMyTc&feature=emb_logo Воскресна приказната што кружеше во Белград по оној 15-ти јануари, кога беше убиен Жељко Ражнатовиќ - Аркан. Во тоа време се шушкаше дека крвавиот чин во хотелот Интерконтинентал е организиран токму од Сколе - постариот. Оттука, некои медиуми пишуваат дека убиството на неговиот 22-годишен син, што е несомнено дело на професионалец, е продолжение на конфронтацијата со постариот Ускоковиќ, односно, дека тоа може да е чин на крвна одмазда. По написите веднаш се огласи и вдовицата на Аркан, балканската фолк дива Светлана Цеца Ражнатовиќ. Пејачката во приказните на својот Инстаграм само кусо напиша: „Срам да ви е! Она што го правите е монструозно“! - јасно го кажа својот став Цеца. Остана дилемата дали навистина искрено го мисли тоа или од страв за можен атак кон членови на нејзиното семејство!?

Елена Велевска со „доказ“ регираше на „дното“ на таканареченото новинарство: „Колку болен треба да е човек за да измисли вакви невистини?“ (ФОТО)

Антонио Димитриевски — Fri, 11 Dec 2020 08:45:18 +0000

Во ова држава дефинитивно не се знае „кој пие , кој плаќа“? За жал цехот, на крајот го плаќаме сите ние, а најмногу оние што најмалку треба... Ни криви ни должи! Дефинитивно го допревме дното во многу нешта, во кои за жал, предничат медиумите и новинарската професија. За пристрасност, необјективност, платени „политички пискарала“, новинарски „питбули“, партиски медиуми, „копи-пејст“ неписмени препишувачи и шерувачи на туѓи вести... и слично, оддамна приказната е позната. Повеќето „новокомпонирани“ медиуми, се буквално токму тоа. Тежок „турбофолк“, шунд од најнизок ранг во некогаш благородната професија, гордо наречена „седма сила“, која сега не е ни илјада и седма, а камо ли седма, а за сила и да не зборуваме. Зашто ако е силата да бидеш туѓ климач со глава, безгласен и безрбетен соопштувач на туѓи мислења, платен „дворски шут“ на политичкиот двор или естрадна „дворска будала“, само затоа што мислиш дека така ќе бидеш „прв човек до царот“ или до народот сеедно, мора да си идиот... И тоа од од најнизок ранг, во морална смисла секако! Ваквата состојба е некако најизразена во онлајн медиумите на новото време, порталите, кои кај нас се' уште неподлежат под строга законска регулатива, па така нерегулирани, всушност го уништуваат еснафот кој ионака политиката го обезличи, изгнаси и клекна на колена. Така засилени дека се' им се може, без грам човечка, а камо ли новинарска етика, без достоинство, норми и граници до каде, што се' може и во колкава доза, поединци земаа таков замав, што си земаа за право на нивните порталчиња да осамнуваат наслови и написи со најдолни гнасотии. Дно-дна од најнизок вид, статии кои всушност не се ни тоа, туку збирштина од лични навреди, понижувања, омаловажувања, гадости, гнасотии... за кои се во најмала рака се казнува. По маалски со ќотек, правно со судска тужба, прекршочна или кривична пријава, со санкција во вид на парична или затворска казна... Ама да имаше асална држава, судство и закони како што треба... Вака, останува на самонаречените пискарала од дома да им се може да „плеснат“ што ќе им падне на тоа малку што го имаат во главата, и никому ништо... Се додека не налетаат на некој „рунтав под носот“, па по маалски да им „укаже и превоспита“! Последниот случај на една од најреномираните и најпопуларни македонски фолк пејачки Елена Велевска е уште еден пример во низата, „уште една цигла во ѕидот на срамот“ на македонското онлајн новинарсто, ако така можат ваквите небулози и тие што ги чкртнале да се наречат. Имено, пејачката на својот Фејсбук профил се пожали на она што осамнало во неколку наврати за неа на еден ист портал, обзнанувајќи ги насловите и написите кои навистина се граничат со новинарско дно. Збирштина на лични навреди и понижувања кои ни приватно, „of the record“ не би ги кажале, а камо ли напишале и јавно објавиле во нешто што треба да се декларира како медиум, а всушност излегува дека „ѕиден весник на срамот“... На оној сопствениот, секако, кој сакајќи да го извалка ликот на естрадниот уметник, само ја валка професијата, уште повеќе тонејќи ја во калта, а себеси во „септичката јама“ на сопствениот примитивизам и простотилук. Зашто тука од новинарски еснаф - нема ни „Н“! Велевска со право реагирала и тоа прилично културно и коректно, во однос на за неа напишаното и објавеното, само кусо посочувајќи ги принскриновите од „писаниата“ како „доказ“ со нејзин коментар на истите: „Колку болен треба да е човек за да измисли вакви невистини... Дно кое може само ваков портал да си го дозволи“ - искоментирала пејачката. И со полно право... Но, вистинскиот коментар или подобро, вистинското прашање е како може државата да си дозволи вакви медиуми (ако тоа вопшто и се) да постојат? Метаморфозираните бришачи на „неподобни вести и видеа“ бришат од Фејсбук и Јутјуб се' што и пречи и ја загрозува власта, а глумат етичари, истата таа власт се заканува дека ќе апси и казнува за ширење лаги, навреди и говор на омраза, новинарските здруженија и синдикати се најгрлати кога некој ќе им чепне во „спокојот на политичко - медиумските платеници“, естрадните здруженија организираат протести за немање можност да си го зарботат лебот само кога се загрозени колективно, а поединечно...? Ќе имаат ли сега сите тие доблест да реагираат на ваквите недолични понижувања на новинарската професија, на естрадниот еснаф и на личноста и нејзиното пред се', човечко достоинство, кое во случајов е најмногу загрозено и погодено? Ало, Кривичен, МВР, ЗНМ, МАН, СЕММ - Совет за етика во медиумите, Синдикат на новинари, Естрада на Македонија... се слушаме ли? Или треба да ве слушаме само кога Вас ве боли, а за тие заради кои постоите кога најмногу ќе ги заболи - „баш ве боли“?

Ана Николиќ жестоко одговори на написите дека била во затвор кај Раста и правела скандал: „Треба да застанете кога го спомнувате неговото име“

Христина Ѓоргиевска — Fri, 16 Oct 2020 09:45:28 +0000

Деновиве една од главните теми во регионалните медиуми е апсењето на Стефан Ѓуришиќ Раста поради поседување на наркотици. Српските медиуми пишуваа дека наводно Ана го посетила Раста во затвор и направила скандал, па наводно му се заканила дека ќе му го одземе старателството над ќерката Тара. По тој повод се огласи и Николиќ на својот Инстаграм профил. „Уште една лага, уште 5 тужби. Со вас не може поразлично. Јас се надевам дека и новинарите еден ден ќе одговараат кривчно за секоја напишана лага. Срам да ви е. Треба да станете и да стоите кога ќе го спомнете моето име и зборот „татко“, како и името Раста“, напиша пејачката.

View this post on Instagram

Jos jedna u nizu LAZ,jos 5 TUZBI.... sa vama drugacije ne moze! Ja se samo nadam da ce jednom i novinari krivicno odgovarati za svaku neistinu i gnusnu laz koju napisu!!!SRAM VAS BRE BILO!P.S.VI NECETE GORETI U PAKLU....AD JE VASE STANISTE!SOTONE...P.P.S.RASTA JE TARIN OTAC,I ZAUVEK DEO PORODICE KOJA SE RASPALA...SRAM VAS BILO!A svi koji nisu razumeli...kao i ovi koji sebe nazivaju "novinarima" ,DA USTANETE I STOJITE MIRNO KADA IZGOVARATE MOJE IME I REC "OTAC" kao i ime "RASTA"

A post shared by Ana Nikolić (@ananikolicofficial) on Oct 14, 2020 at 6:57am PDT

Посетуваме, Ана и Раста се разведоа во 2018 година, а од бракот ја имат ќерката Тара.

Душица Јаковљевиќ се огласи по написите дека го пријавила бившиот во полиција

Христина Ѓоргиевска — Thu, 07 May 2020 11:10:52 +0000

Во српските медиуми утринава осамнаа вести дека водителката Душица Јаковљевиќ наводно го пријавила пораншениот сопруг Александар Миљуш за семејно насилство. Имено, како што пишуваа медиумите, таа го пријавила сопругот дека го малтретирал нивниот син. По овие написи, се огласи и водителката која прокоментира: „Сега сите ме бараат, немам никаков коментар на таа тема“. За потсетување, водителката од бракот со Александар има две деца, синот Огнен и ќерката Анѓела.

По написите дека била приведена и ставена во самоизолација, се огласи и Северина и ја откри вистината

Христина Ѓоргиевска — Fri, 20 Mar 2020 08:42:02 +0000

Во српските медиуми неодамна се појавија вести дека хрватската пејачка Северина Којиќ не ги почитувала мерките за самоизолација и од полицијата и била пронајдена на Бежаниска коса и однесена кај сантирен инспектор. Имено, како што пишуваа медиумите Севе дошла од Хрватска во Србија за да го види својот син Александар на што има право да го гледа во вторник и четврток, но тоа не успеала во тоа, затоа што детето и неговот татко се во изолација заради коронавирусот. Меѓутоа, Севе исто така треба да е во самоизолација затоа во март била во Швајцарија, а медиумите пренсуваа дека пејачката не ги испочитувала мерките, па затоа е уапсена. Северина се огласи преку својот ПР и ги демантираше овие пишувања. „Полицијата не ја бараше Северина Којиќ за време на нејзиното престојување во Белград, ниту пак беше однесена некаде, ниту пак ги кршеше препораките за заштита. Не е точно дека шеташе низ Белград. Неточно е дека Северина во Србија дојде од Швајцарија. Таа пристигна во Србија на 12.03. четири дена пред да се прогласи вонредна состојба. Не и се дадени никакви мерки за самоизолација од страна на надлежните тела на граничниот премин Бајаково, како ни по враќањето од Швајцарија во Хрватска“ велат од ПР-от на пејачката. Како свесен граѓанин Северина ги почитува сите мерки и препораки за заштита.

Бора Чорба реагираше на написите дека е тешко болен

Христина Ѓоргиевска — Sun, 20 Oct 2019 08:25:52 +0000

Естрадниот магазин „Свет“ пишува дека фронтменот на „Рибља чорба“, Бора Ѓорѓевиќ е тешко болен и дека наскоро оди на лечење, а оваа вест ја пренесоа домашните и регионалните медиуми. „Бора неодамна дозна дека е болен.Единствено решение е операцијата“ вели извор за „Свет“. По овие пишувања, Бора Чорба реагираше со соопштение во кое ги демантира овие пишувања. „Рибља Чорба не ги откажа концертите, ниту ќе откаже еден настап. Напротив, 7 декември сме во Минхен, а во подготовка е голема турнеја. Се закажуваат и датуми за Америка. Веста за откажување на концертите е злонамерна, со намера да ни го обезвредни албумот „Да тебе није“ и да внесе несигурност кај нашите фанови, но и да ги обесхрабри организаторите“ вели Бора и додава: „Исто така злонамерно е напишано дека бараме некои пари. Им благодарам на оние кои понудија финансиска помош, но пари не ни требаат. Сите во бендот сме осигурани“. На крајот, Ѓорѓевиќ се огласи и за написите дека е тешко болен. „Не сум тешко болен, а тоа се виде на успешаната турнеја во 25 градови, а посебно на последните два – 13 септември во Љубљана и 5 октомври во Виена. Свириме и пееме подобро од кога и да било. Веруваме дека ваквите информации се саботажа на лоши луѓе. Во име на „Рибља чорба“, Бора Ѓорѓевиќ“.