напад – Вистина.мк

По обидот за физички напад кон неа, се огласи Елена Ристеска: „Ова ми се случи без причина и повод!“

Антонио Димитриевски — Tue, 24 Oct 2023 11:50:30 +0000

Информациите, поткрепени од извештајот во полицискиот билтен на МВР по што осамнаа написите во медиумите дека Елена Ристеска била физички нападната со тврд предмет од женско лице со иницијали Е.Т. во познат скопски ноќен клуб, јавноста бруи за скандалот и непријатноста која и се случила на пејачката. Веројатно не можејќи повеќе да го издржи притисокот на јавноста која бараше пејачката да се огласи и да ја каже својата верзија на вистината, Ристеска наместо поединечно да одоговара на повиците на новинарите кои претходно ги игнорираше, реши да излезе со заедничко соопштение до медиумите и јавноста на социјалните мрежи, меѓу другото и на нејзиниот Инстаграм. Во својот пост насловен: ВАЖНО, пејачката напишала: „Чувствувам должност и почит спрема целата јавност и новинарите да ви се обратам околу натписите каде се споменува моето име. Да, точно е дека имаше обид за напад кон мене, но за истото е поднесена кривична пријава и очекувам од полицијата да го разреши случајот. Очекувам поддршка од сите вас бидејќи ова ми се случи без причина и повод. Не се грижете јас сум добра, ви благодарам на сите кои ми пишувате да изразите поддршка. После 21година кариера, градење на име и реноме на пристојна и нескандалозна личност, ова за мене е нешто што мислам дека најмалку сум го заслужила и го гледам како обид да се извалка моето име. И покрај сето ова, јас продолжувам да пеам за моите фанови“ - споделила Ристеска. Дали е тоа што го кажува е токму така ќе можеме да заклучиме од две нешта: Откако ќе ја слушнеме верзијата и на другата, во случајов „обвинета“ страна и секако од судската завршница по поднесената кривична пријава на пејачката кон својот напаѓач. Фото: Инстаграм/elenaristeska_era

Јелена Карлеуша никогаш не останува должна: „Мала од скандала“ жестоко распали по хејтерите – „еј гремлини…“

Слободанка Илиева — Thu, 25 May 2023 10:14:57 +0000

Јелена Карлеуша не сака да молчи пред хејтерите! Поп дивата објави отворено писмо на Инстаграм во кое се обраќа до сите оние кои ја навредуваат по појавувањето во „Хит твит“. Пејачката веќе со денови се соочува со негативни коментари и осуди, поради ставовите што ги искажа јавно. Таа се огласи на својот профил на социјалните мрежи и им порача на хејтерите дека ќе им се спротивстави. - За жал, бизарноста да биде уште поголема, ордата на овие маченици кои како да ме напаѓаат не можат да објаснат што точно погрешно кажав. Еве, прашајте ги. Тој нема да има одговор. Вистината е една работа - не мора да кажам ништо погрешно. Ме мразат стандардно! Мразат и се восхитуваат во исто време! Тоа е болка. Повторно, сета завист и омраза кон мене излезе затоа што едноставно сум поуспешна, поубава, похрабра, поправедна и посветла, а тоа ги нервира болните и злите гномови од темнината. Добрите луѓе ми честитаат на мојот став. Навикната сум на багерот. Тоа не се обични нормални луѓе, тоа се еден куп бедници. Им се смеам во лице. Сама ги јадам, никој не ми треба... И секако дека секогаш ќе им враќам со стил. Никакви грди гремлини без имиња не ме откажуваат барем еднаш неделно. И така речиси 30 години – напиша Карлеуша. Денеска во медиумите настана врева кога Јелена на својот Инстаграм профил објави дека планира да го откаже долгоочекуваниот албум. Сепак, пејачката сега повторно се огласи на својот профил, велејќи дека само се шегува. - И да, нема доцнење на албумот, се шегував... Навистина го мислеа тоа?! Еј гремлини... - напишала Јелена. фото: Инстаграм принтскрин/јелена карлеуша

Миа Костова во напад на системот за одбрана на Ламбе: „Пет години не го најдовте тој што ми го запали автомобилот, а го yaпcивте Ламбе додека бугарскиот клуб се’ уште чуреше“ (ФОТО)

Антонио Димитриевски — Thu, 09 Jun 2022 07:54:27 +0000

Реакциите по опожарувањето на влезната врата на бугарскиот културен клуб „Иван Михајлов“ во Битола, приведувањето и притворот за според МВР, осомничениот сторител, пејачот Ламбе Алабакоски не стивнуваат. Не заради тоа што некој го оправдува чинот или заради тоа што починителот, ако е тој, е медиумски позната личност, туку заради нешто што се нарекува селективност на системот, кој функционира само тогаш кога нему и на актуелните властодршци така им чини. Се' друго завршува пред воопшто и да почне... Или поточно, зацршува со делото, кое е починето или од „непознат сторител“ или „виновникот“ е колатерална штета кој платил со сопственот живот, па нема кому да му се суди или е во прашање „виша сила“. А всушност виновник секогаш има, кој од позиција на сила и моќ „диригира“ со доказите како што нему му одговара. Дека на сите им е дојдено преку, знаете веќе што, па и повеќе од тоа, доказ се бројните реакции на социјалните мрежи. Од оние на обичните греаѓани, до оние на познатите личност. Така екс водителката и позната инфлуенсерка Миа Костова, која ионака е позната по тоа дека има „остар јазик без влакна на него“, и овој пат не им го премолче перчењето на министерот за внатрешни работи и неговата полициска свита за „брзата и успешна акција“ при откривањето на сторителот за опожарената влезна врата на клубот на Бугарите во Битола. Таа со свој Фејсбук му порача на „Сир Оливер“: „ Откако сме Северна, најважно за било каква разрешница е да така им одговара или во друг случај услов за пронаоѓање на виновникот е да си пејач. Немам друго објаснување“. При тоа потсети на ннејзиниот случај кога намерно беше запален автомобилот на паркингот прд загара во 20217 година, а починителот никогаш не беше пронајден. како и во стотици, илјадници други случаи. „Ова е мојата кола, запалена пред зграда 2017 (ако не се лажам) на ист начин како и палењето на бугарскиот клуб во Битола. Увидна имаше и камери и дечко со капуљача кој замислете 5 години подоцна не се пронајде. Или, никој не мрдна со прст ниту некој некогаш после записникот ми се јави да ми даде било каква инфомација или да ме праша било што во врска со случајот. Да се потсетиме на Тетовската болница за која е осомничен кабел. За фабриките (Треска-н.з) на чии места ќе се кренат згради и се самопалат од мака или од жешко време, за сега. Е ама, бугарскиот центар си доби осомничен, па реално, уште чуреше кога Ламбе беше приведен. Наравоучение: Откако сме Северна, најважно за било каква разрешница е да така им одговара или во друг случај услов за пронаоѓање на виновникот е да си пејач. Немам друго објаснување. *Она мало главче кај ретровизорот е 5 годишниот Андрија кој до ден денес има трауми иако мајка му не беше ни крива ни должна да добие запалена кола ничим изазвано. И секако, никогаш никој да не одговара за делото. Мислам дека толку гнев направивте помеѓу народот што треба да сме среќни што оние на кои им е преку глава, палат само објекти. Ќе почнеме да се палиме и меѓу себе, прашање на време е кога. А сега одете кај овие од партија и читајте како е Ламбе психопат“ - порача Костова во својата јавна порака. На неа се надоврза и пејачката Ребека, поточно нејзиниот сопруг др. Милан Ристески, кој потсети и на палењето на автомобилот на пејчката и ТВ водителка Сузана Туринџиева, чиј тукушто купен автомобил пво 2020 година исто така беше запален на паркинг, а покрај него од пожарот беше зафатен и автомобилот на Ребека и нејзиниот сопруг. [embed]https://arhiva.vistina.com.mk/namerno-zapaleni-avtomobilite-na-pejachkite-suzana-turundzieva-i-rebeka/[/embed] „Се разбира“, виновниците никогаш, до ден денес не беа пронајдени! Впрочем како во многу други случаи... Освен во овој со клубот на Бугарите во Битола и Ламбе - „пироманот“, како што го нарекоа режимските медиуми во своите наслови! Фото: Фејсбук принтскрин

Му приоѓа и од чиста мира го удира со тупаница в лица: Осамна видео од нападот на Драган Бјелогрлиќ врз режисерот Гага Антонијевиќ (ВИДЕО)

Антонио Димитриевски — Mon, 23 Aug 2021 09:36:12 +0000

Актерот Драган Бјелогрлиќ го нападнал режисерот Предраг Гага Антонијевиќ, а на социјалните мрежи се појави видео од нападот. Инцидентот се случил во Ниш, каде се одржува филмскиот фестивал, во нишкиот хотел „Амбасадор“ во четири часот наутро. На видеото се гледа како Бјелогрлиќ му приоѓа на Антонијевиќ одзади и го напаѓа од чиста мира. Според медиумите, во моментот на нападот, Антонијевиќ седел со Владимир Кецмановиќ, уредникот на културната редакција на РТС, кој исто така е сведок на овој немил настан. Шокирани гости станале и пришле да ги разделат актерите. Погледнете како тоа изгледало: Фото: Јутјуб принтскрин Видео: Јутјуб

Васил Гарванлиев самиот комплетно ја „закашка“ работата, а сега одново иритира, „плаче“ по Европа, напаѓа и обвинува за наводен „организиран напад“ врз него: Демек, го фатиле Васила, го… насила?!“

Антонио Димитриевски — Fri, 16 Apr 2021 07:49:38 +0000

Годинешниот македонски преставник на „Избор на песна за Евровизија“ никако да „исплива“ од морето скандали во кое сам се нурна. Заглавен во калта од недоветни изјави и гестови, се' подлабоко тонеше, а сега сакајќи да прета во „живиот песок“ во кој самиот си скокна, му се заканува опасност до крај да потне и да се „удави“! Имено, Гарванлиев во интервју за „eurovisionworld.com“ „плачејќи и кукајќи“ врз својата несреќна судбина обвини дека бил цел на наводен „организиран криминален напад“, поради тоа што има бугарски пасош! „Ова беше организиран криминал- напад против мене, врз кој немав контрола. Работите беа извадени од контекст и беа презентирани лажни информации кои завршија со многу негативен одговор со сајбер малтретирање и јавно линчување. Не посакувам такво нешто никому, но гледајќи ја светлината во мракот, многу сум благодарен затоа што на мојата песна и ’даде уште подлабоко значење и уште поголема желба да бидам уште поуспешна“ - вели Македонецот со бугарски корени и бугарска патна исправа. Неговата изјава да не e трагична, би било смешна... Вака, трагикомичните изјави на струмичанецот кој самиот ги исполитизира и својот случај и музиката, не се ништо друго туку смешен обид да се извади од нешто, во што беспотребно си се вплетка без никој да го „тепа по уши“. Патем, за истото сега одново ја иритира јавноста со ваквите недокажани изјави, „плаче“ по Европа, напаѓа и обвинува за наводен „организиран напад“ врз него?! Тврди дека ова го направило посилен како човечко суштество и како уметник и му дало поголема одговорност: „Да бидам глас за безгласните, особено за уметниците ширум светот, кои немаат уметничка слобода да бидат свои“ - додава Гарванлиев. А, се запрашал, имаа ли македонаските уметници слобода и право да бидат во трката за избор на песна и изведувач од страна на националниот сервис, која патем сите го плаќаме, или само тој „од Струмица црпнат“ беше предодреден па без право на натпревар на останатите, нему му беше овозможено да биде и годинава преставникот на земјата на која ниту името не скаше да и го изговори, велејќи дека живее таму некаде, „од другата страна на границата“? А, при тоа „протежираше“ бугарско знаме во видеото, „мафташе“ со бугарски пасош, се фалеше со бугарските корени, на раката носи симболи во боите не на македонското, туку на бугарското знаме, „леташе орли“ на фотографиите при евровизиското дружење со претставничката на Албанија, Јонида Малиќи, го доведе МРТ во „незавидна“ ситуација да размислува и да си ја преиспитува одлуката за неговиот избор, па да мораа „да замижат“ и „да го вадат од калта“... Многу извесно, заради себе или заради „некој над нив“, а никако заради него самиот и неговите непромислени „будалаштини“, со кои одново продолжува да ја иритира нацијата во изјавите и интервјуата по Европа! И после имало „организиран криминален напад“ врз него!!? Демек... „Го фатиле Васила, го... (знате веќе што), на сила“?! А всушност ТОЈ беспотребно „не силува“ сите нас!

Препознајте ги симптомите на напад на паника и научете како да ги совладате

Слободанка Илиева — Fri, 19 Mar 2021 13:00:20 +0000

Стресот се споменува како главна причина за староста, но и генетска предиспозиција. Иако точните причини не се потврдени. Симптоми на паничен напад и како да ги препознаете: Потење Жешки бранови Страв од лудило Задушување/Губење на здив Брз ритам на срцето Вртоглавица Страв од смрт Чувство на губење на земјата Болка во градите Страв од луѓе, гужви, јавни настани Висок крвен притисок Повеќето луѓе обично не го препознаваат првиот напад на паника, но сметаат дека станува збор за сериозен физички – здравствен проблем, па затоа секогаш прво се обраќаат кај општ лекар. Добар лекар ќе ги препознае симптомите и нема да го испраќа пациентот на непотребни прегледи, туку во здравствена установа што може да му помогне. Ако препознаете барем 3 од овие симптоми кои траат до десет минути, би било препорачливо да контактирате со професионалец кој ќе ве упати на соодветен третман. Паничните напади може да се излечат, потребна ви е добра волја и желба да продолжите да живеете без нив, како и соодветна помош од психолог или психијатар. Лице кое има напад на паника еднаш развива страв од страв од повторување на нападот, на улица, на работа или каде било. Затоа тие често се повлекуваат и се здружуваат, но за среќа нападот на паника успешно се третира. Потиснат стрес и напади на паника Со акумулирање стрес што не го доживувате негативно на почетокот, може да предизвика напад на паника за некое време. На пример, ако чувствувате стрес после стрес потиснувајќи ги негативните емоции не дозволувајќи да излезат од вас, не сте си направиле услуга, но ги ризикувате вашето тело и ум во овој случај на напад на паника. Дозволете си да дозволите негативните емоции секогаш да излегуваат од вас туркајќи ве да не станете посилна личност токму спротивно од тоа што си правите лошо на себе. Кој доживува напади на паника? Луѓето кои се склони на напади на паника обично се почувствителни, емпатични, поинтелигентни Тие лесно ги читаат туѓите емоции. Тоа се луѓе кои од другите луѓе обично се видени како јаки баш поради претходните искуства, стресови каде што биле претставени како силни и стабилни личности. Како да се ослободите од негативните емоции: – Физичката активност е важна и за физичкото и за менталното здравје. Спортските или лесните прошетки можат да ви помогнат да се ослободите од стресот што се насобрал во текот на денот. – Зборувајте со пријателите за работи што ве мачат, можеби тие не можат да ви помогнат да ја решите вашата ситуација, но самиот разговор може да ве ослободи. – Зборувајте со себе, што е тоа што го сакате, што е тоа што не е добро за вас и обидете се да го поправите. Силната волја и желба секогаш можат да ви помогнат. Не бидете често самокритични, туку фалете се. – Ако мислите дека не можете да се ослободите од негативните емоции самостојно или со помош на пријател, контактирајте психолог или психијатар, тие секогаш се тука за да ви помогнат со професионален совет. Не се срамете или плашете се од професионалец во светот, сосема е нормално да имате личен терапевт. Денешниот начин на живот, брзината, стресот го бараат тоа. Лекување напад на паника Пред да се обратиме до стручно лице за помош, она што треба да го знаеме во случај на напад на паника е дека ништо нема да ни се случи и дека ќе помине брзо. Прифатете го фактот што ви се случува во моментот. Соочувајќи се со стравот, му се спротивставувате, со страв ја продлабочувате агонијата. Длабокото дишење може да ни помогне да се смириме и да се вратиме во нормален проток. извор:курир.мк

Бившата девојка на новото момче на Цеца ја нападнал манијак полевајќи ја со киселина: „Жива сода“ во очи, оштетен вид, страотни изгореници и унакажано лице (ФОТО)

Антонио Димитриевски — Fri, 05 Feb 2021 10:59:20 +0000

Богдан Срејовиќ, новото момче на балканската фолк дива Светлана Цеца Ражнатовиќ, по разводот со мисицата Зорана Тасовац, со која беше оженет и со која има ќерка, бил во врска со архитектката и дизајнерка Владана Радосављевиќ, со која се забавуваше до 2018 година. За неа се слушна во јавноста кога медиумите кон крајот на 2016 година објавија дека непознато лице ја нападнало Владана во близина на нејзината зграда во белградската населба Дорќол и и' истурило киселина врз лицето. Богдан ја оставил пред зградата, а додека тој го паркирал автомобилот, манијакот ја искористил можноста и ја нападнал од одзади. Само што ја видел како лежи на подот, Срејовиќ веднаш ја однел Владана во Ургентниот центар, каде таа беше задржана во болницата со изгореници од шести степен и оштетен вид. Инаку, во тој период непознато лице напаѓало девојки во центарот на Белград и им правело идентични работи, па се претпоставува дека Владана била една од неговите случајни жртви. После тешкиот период на рехабилитација таа успеа да се опорави, а Богдан и бил за цело време голема поддршка. Две години по инцидентот, во 2018-та година таа ќе се присети на овој настан и ќе објави на Инстаграм како изгледала по нападот. „Месец декември (велат месец на прошка), точно две години од нападот и истурање киселина (жива сода) врз мене од страна на „напаѓачот Н. Н. Треба да се ослободам од секоја физичка и психичка болка, како и од последиците што ми ги остави овој настан. Фала му на Бога што ме одржуваше во живот и што речиси се опоравив. Повеќе не се гледам себеси како жртва, туку како победник. Во оваа прилика, се обидувам да му простам и да го жалам тој кутар маж / жена што можеше да помисли на вакво нешто. Се надевам дека го / ја усреќило секое мое изгорено делче од шести степен, изгорената коса, секоја рана, оштетениот вид и секоја голтка храна на цевка. Но, сè поминува и се лекува и се обновува, само злото останува во таквите луѓе“ - напиша тогаш Владана. Фото: Инстаграм принтскрин

Дејан Матиќ за време на терористичкиот напад во Виена бил во ресторан: „Се криевме во подрум додека да помине опасноста“

Христина Ѓоргиевска — Thu, 05 Nov 2020 08:58:32 +0000

Дејан Матиќ се криел во подрумот на ресторан за време на терористичкиот напад во Виена. Кобната вечер, пејачот излегол во градот со сопругата Јелена и пријателите, не знаејќи дека џихадистите ќе извршат напад. Тие одлучиле да излезат да се забауваат бидејќи следниот ден на сила настапувал полициски час поради коронавирусот, но прославата се претворила во хорор. „Бевме кај пријатле во ресторан и штом слушнавме што се дознава, се симнавме во подрум и чекаме да помине нападот“, вели Дејан Матиќ за Информер. Тој седнал со сопругата и пријателите во еден ресторан непосредно пред да започне пукањето во градот, а еден час подоцна дознале дека Виена е под опсада. -Нападот започна во 20 часот, а еден час подоцна дознавме што се случува. И тогаш се слушаа сирени, настана општ хаос. Паника се прошири на социјалните мрежи и тогаш еден пријател не однесе во подрумот на ресторанот. Се чувствував како да сме во скривалиште бидејќи војната започнуваше. Некои беа исплашени, но јас бев прилично смирен. Најдраматичен момент од вечерта била кога се проширила веста дека терористите се движат кон местото каде што се наоѓал ресторанот во кој бил Матиќ. - Слушнавме дека напаѓачите се движеле кон округот во кој сме. Тогаш еден човек, бегајќи од терористите, влета во ресторанот. Тој беше блед како крпа, вознемирен и нем. Не можеше да каже ништо. Тој беше на лице место, виде што се случува и побегна кај нас - се сеќава Дејан на застрашувачките сцени. Тие почекале да помине опасноста, па по неколку часа го напуштиле ресторанот. - Штом беше безбедно, јас и сопругата влеговме во такси и отидовме дома. Нашите деца беа со жена која ги чуваше. За време на нападот и се јавив и и реков да не паничи. Таа дури и не знаеше што се случува, а децата спиеја. Матиќ вели дека животот во Виена се вратил во нормала, колку е можно поради полицискиот час, воведен поради коронавирусот. Луѓето се исплашени, но живеат нормално. Тој ги испраќа деца на училиште и во градинка. - Мислев дека Австрија е последната земја во која ова може да се случи. Виена отсекогаш била безбеден град и сега не ми е пријатно тука. Но, сето ова го поминав индиректно. Кога имаше војна во Босна, само гледав како ќе стигнам до Дрвар. Не е важно каква е војната, што се пука ... Сега беше така.

Драгана Мирковиќ потресена поради нападот во Виена „Цела ноќ не можев да спијам“

Христина Ѓоргиевска — Tue, 03 Nov 2020 11:26:18 +0000

Сношти (02.11.2020) во Виена имаше терористички напад, а по тој повод се огласи и Драгана Мирковиќ која заедно со семејството живее во оваа метропола. „Драги мои, бидејќи од сношти добивам многу прашања сакам на сите да ви порачам дека јас и моето семејство, како и оние ги познаваме, сите се добро“, почнува пејачката. Таа во официјалното соопштение порача сите да се чуваат и да ги чуваат своите семејства. „Многу сум потресена, цела ноќ не спиев гледајќи вести, а моите мисли и молитви се насочени кон настраданите во нападот во Виена и вакво нешто никогаш да не се повтори. Во овој момент сакам да ви порачам да се чувате себе и своите блиски. Ве сака Драгана“, заклучи Мирковиќ.

Што да направите ако имате напад на мигрена додека сте на работа?

Христина Ѓоргиевска — Wed, 12 Aug 2020 12:45:36 +0000

Секој момент со мигрена е ужасен, но ако имате мигрена додека сте на работа и не можете веднаш да заминете дома, еве што можете да направите за полесно да го преживеете денот и да ја спречите болката да ескалира. Мигрената најчесто се појавува во најлошиот можен момент, но има некои работи што можете да ги направите за да ја спречите пред да го земе својот последен замав.

1. Реагирајте

Кога ќе го почувствувате доаѓањето на мигрената, реагирајте веднаш, бидејќи колку побрзо ќе реагирате, толку побрзо ќе престане. Земете аналгетик колку што е можно побрзо, а потоа одвојте неколку минути за прошетка или одморете малку пред лекот да почне да дејствува.

2. Приспособете се

Обидете се да се приспособите на околината за да ви помине болката колку што е можно поскоро. Ако е можно, затемнете ги светлата (и во просторијата и на екранот на компјутерот), исклучете го звукот на ѕвонење на вашиот мобилен телефон и затворете ја вратата од канцеларија за да ја намалите иритацијата однадвор.

3. Поставете приоритети

Додека имате мигрена, вашата концентрација и продуктивноста веројатно ќе ви бидат доста намалени. Идентификувајте ги најважните дневни задачи и обидете се да договорите некој друг да ги направи или одложете ги за друг ден. Чувајте ја енергијата за работите што мора да ги направите и направете ги колку што е можно побрзо и поефикасно. Не заборавајте дека во тој момент не треба да очекувате совршени резултати.

4. Внесувајте доволно течности

Дехидратацијата може да предизвика мигрена или да ја засили, па затоа секогаш чувајте шише со вода во ваша близина и пијте редовно. Дури и малите голтки во текот на денот значат многу.

5. Јадете

Ако сте прескокнале некој оброк, гладот може да предизвика мигрена, а храната може да ја намали болката. Дури и ако гладот не е неподнослив, лесно сварливите оброци или закуски во текот на денот ќе го одржат вашето ниво на енергија и ќе ве спасат од слабост.

6. Заздравете

Откако мигрената ќе помине, дајте си доволно време да заздравите. „Мигренскиот мамурлак“ е последната фаза на мигрената и навистина постои. На долготрајната исцрпеност, слабоста и главоболката им треба време за целосно да поминат. Постепено вратете се на работа.

7. Спречете ја

Превенцијата е најсилниот и најефикасниот начин за отстранување на мигрената. Откријте што е најдобро за вас за да ја спречите мигрената и што ја предизвикува и смислете план како да ги отстраните сите потенцијални закани, така што ќе ја намалите можноста за појава на мигрена уште на самиот почеток. извор: Кафепауза