Ако ја правите оваа грешка при нанесување спреј за сончање, ниту фактор 50 нема да ви делува!

Христина Ѓоргиевска — Tue, 09 Jul 2019 11:30:13 +0000

Конечно дојде лето и можеме да се пофалиме со топло време и високи температури. Сакаме целосно да ги искористиме топлите денови и да појдеме на плажа или базен, на прошетка во природа или да се искачиме на планина каде што воздухот е поладен. Кој и да е вашиот избор, вие треба да бидете заштитени од директното продирање на сончевите зраци на вашата кожа. Должни сте на вашата кожа да ѝ ја дадете потребната нега ова лето. Правите грешка при нанесување спреј за сончање: Поради неа ниту фактор 50 нема да делува Ако користите спрејови со фактор како заштита од штетното сонце, важно е да знаете правилно да ги нанесувате за тие добро да дејствуваат. „Повеќето луѓе не го нанесуваат спрејот за сончање во доволна количина што е потребна за да ги заштити. Потребно е спрејот да се нанесе обилно, односно додека не стане видлив на кожата, за да може да се впие во кожата. Тој исто така треба и да се нанесува многу често. Потребно е спрејот да се прска околу шест секунди за да се нанесе во доволна количина. На пример, ако нанесувате фактор 45 само две-три секунди, реално добивате заштита со фактор 10 или 12“, напоменува њујоршкиот дерматолог Раман Мадан. Се препорачува и комбинирање на лосион и спреј за сончање кој им е попрактичен на повеќето за употреба на плажа. Лосионот нанесете го уште пред да излезете од дома, а на плажа обновете ја заштитата користејќи спреј и правете го тоа на секои два часа. Кога станува збор за заштита на лицето, спрејот за сончање никогаш не го нанесувајте прскајќи директно во лице за да го избегнете неговото вдишување. Спрејот обилно нанесете го на дланките и потоа намачкајте го на лицето. извор: Кафепауза

Дали и вие го правите истото? 5 грешки кога нанесувате парфем

Моника Манасиевска — Fri, 08 Mar 2019 13:45:09 +0000

арфемите траат пократко отколку што дамите мислат, а купуваат големи пакувања со надеж дека тие траат подолго и дека заштедиле. Добитникот на многубројни награди, францускиот дизајнер на парфеми Francis Kurkdjian, откри 5 најголеми грешки кои жените ги прават додека купуваат парфеми и во неговото нанесување. Не тријте ги зглобовите Поголем дел од жените ставаат парфем прво на зглобовите на рацете, потоа ги тријат и на вратот, всушност ова е голема грешка. Триењето на рацете ја загрева кожата со што произведува ензими кои може да го променат мирисот на парфемот – објаснува Kurkdjian. Највисоките и најниските ноти на мириси се менуваат со овој чин и парфемот повеќе не е воочлив и опоен. За парфемот да мириса идентично како од шишенце, потребно е да прснете и да оставите да се исуши. Не чувајте го парфемот во купатило Парфемите се многу осетливи во условите каде се наоѓаат, а наглите промени во купатило за време и после туширање влијаат на мирисот. Топлината поттикнува хемиска реакција на внатрешните органски состојки од парфемот и резултира со промена и губење на мирисот. Најдобриот начин за чување на парфемот е во оригинална амбалажа на собна температура. Избирајте помали пакувања Ако сте доволно среќни да имате различни парфеми или не го користите својот омилен парфем секој ден, со време кислородот ќе почне да влијае на распад на молекулите во парфемот кои влијаат на мирисот. Вообичаено, едно шишенце има рок на траење од 3 месеци, па ако не го користите парфемот на дневна основа најдобро е да купите помало пакување. Ако веќе имате големо шишенце парфем, најдобро е да ги чувате во фрижидер за да им го продолжите рокот на траење. Парфемите со потполно природни состојки не се подобри од делумно синтетичките Идејата за целосно природен парфем звучи примамливо, но мирисот може да ве разочара. Мошус, најпопуларната состојка на сите парфеми се добива од животните , па мора синтетички да се произведи. Други популарни мириси како на пример божур, фрезија, лилјан не можат да се добијат по природен пат зошто не ослободуваат доволно арома. Kurkdjian смета дека идеална формула за парфем се етерични масла, природни концентрати, многу ароматични маслени билки и екстракти, како и синтетички состојки.

нанесување – Вистина.мк

Ако ја правите оваа грешка при нанесување спреј за сончање, ниту фактор 50 нема да ви делува!

Дали и вие го правите истото? 5 грешки кога нанесувате парфем