накова – Вистина.мк

Дали е можно: Мелита и Накова (да) си го делат меѓу себе? (ФОТО)

Антонио Димитриевски — Sat, 09 Jul 2022 07:48:32 +0000

Македонските убавици, едната некогашна ТВ водителка, другата топ модел и манекенка, Мелита Ракичевиќ и Александра Накова очигледно се многу блиски. Двете се дружат приватно, па случајно или намерно понекогаш викендите ги поминуваат заедно... Меѓудругото и на море. Како на пример во Грција, во Неа Потидеа на Халкидики.

И како што е редот, додека двете сирени ги впиваа сончевите зраци кои го навестуваат долгото жешко лето, „некој трет“ беше задолжен за овековечување на моментот! Барем на оние моменти што е дозволено да ги видат сите, иако... никогаш не се знае! А каде на друго место ако не на социјалните мрежи се разбира, на кои и Накова и Мелита се многу активни и постојано постираат нови фотографии.

Позирањето на обете им е во крвта, па не им беше тешко што одделно, што заедно да ја распостелат сета своја телесна раскош и убавина... „Како две сестри од различна мајка“ - што би рекла самата Накова!

Згодни, стројни, бујни, пожелни... со сочни облини што мамат воздишки, одделно или заедно македонските трендсетерки го разубавуваа беломорскиот брег во различни пози, на различни локации, во различни комбинации секси костими за капење. Или можеби ова последново не е баш така?

Имено на една од фотографиите убаво се гледа дека Накова испружена на лежалката за сончање на себе има дводелно црвено бикини...

Веќе на следната фотографија, каде што обете позираат на приватната плажа, двете македонски сирени на себе носат различни костими... Накова во едноделен, син со длабоко деколте, а Мелита... ист како нејзината „сестра од друга мајка“ претходниот ден: дводелно црвено бикини...!!?

Па, белким не е истиот!? И тој и оној другиот, едноделниот, црвен со патент во средината?

Или можеби Александра и Мелита сепак си делат меѓу себе и работи што не ги знаеме?

А кога сме веќе кај овие што ги дознавме, самите процените, па одлучете на која истиот костим и стои подобро? И на која со задоволство би и' го... препорачеле едноделниот, а на која дводелниот?

Накова повеќе не копнее по Мелита: Се сретнаа, само што по нивната средба едната заврши во болница!? (ФОТО)

Антонио Димитриевски — Thu, 30 May 2019 08:23:35 +0000

Неодамна порталот на 1ТВ објави дека Мелита и Накова се скарани, а гевгеличанката експресно ги демантираше објавувајќи заедничка фотографија на двете џет-сетерки крај која напиша: „Ми недостасуваш убавино, моја втора половино“.

И не помина долго време, само неколку дена, за Мелита да и го задоволи копнежот на Накова. Двете убавици се сретнаа, најдоа време одново да се дружат и повторно да бидат заедно.

Она што пропуштиле да си го кажат и раскажат за се' што им се случило во периодот додека се не беа виделе, го направија во еден елитен скопски ресторан. Салати, морска храна, вино... и бескрајни, безгрижни шепотења на двете убавици.

Едната на „другата во мене“ веројатно имаше што да и раскаже и обратно... Сепак дружбата на двете „сестри од различна мајка“ по се' изгледа не заврши „со хепи енд“... Само да не помисли некој дека имало некаква кавга, недоразбирање, расправија, лутење, не дај Боже скандал... Ниту случајно! Имено, сето претходно кажано, Мелита го овековечи како доказ на нивната „верна дружба“ постирајќи го на приказните од својот Инстаграм профил! Сепак, последната фотографија ги зачуди, загрижи и стави во мисла сите љубопитни следбеници на двете убавици, чија повторна фузија заврши на инфузија!

Мелита постирала кадри од една позната приватна скопска клиника, каде се гледа како женска личност е легната на болничкиот кревет, најверојатно во доцните ноќни или раните утрински часови, и прима инфузија! Што се случило, од која причина, колку тоа било сериозно... И конечно, која од нив двете е на фотографијата или е некоја трета...? Мелита должи прецизен одговор!

1ТВ објави дека Мелита и Накова се скарани, гевгеличанката експресно „им ја затна устата“: „Ми недостасуваш убавино, моја втора половино“ (ФОТО)

Антонио Димитриевски — Mon, 27 May 2019 07:09:33 +0000

„Екс водителката Мелита Ракичевиќ ставила крај на дружбата со манекенката Александра Накова! Во една расправија Накова ѝ рекла на Мелита дека била стара, по што Мели смртно и се налутила и дефинитивно ставила крај на нивното повеќегодишно пријателство. Доказ за тоа е Инстаграм, каде ниту Накова ниту Мелита повеќе не се следат“ - објави викендов порталот на „1ТВ“.

Многумина останаа вчудовидени, знааејќи дека Мелита и Александра откако се здружија по разводот на Накова, станаа толку многу блиски, што беа речиси нераздвојни, па едната другата ја нарекуваше „сестра од друга мајка“!

Често одеа заедно на луксузни патувања, постојано објавуваа секси фотосесии, двете ставија во исто време силикони и тоа кај ист хирург, имаа исти надргадби на косите, па дури имаат и слични силиконски усни... Во последно време имаа или си ги менуваа истите очила за сонце, костими за капење... Или што би се рекло, Мелита и Накова беа „другата во мене“!

Но дека нее баш се' така како што некои објавуваат и пишуваат, се потруди експресно да демантира згодната гевгеличанка. Имено, Накова експресно на својот Фејсбук профил објави фотграфија на која е заедно со Мелита,крај која напишала: „Ми недостасуваш убавино, моја втора половино“. Што значи дека нема ниту „К“ од кавга, напротив... Накова и Мелита се во одлични односи, иако веројатно поретко се гледаат.

Но, по се изгледа причината е друга, сосема поинаква... Мелита последниов период беше отсутна од Македонија додека престојуваше во Дубаи, а Накова во тој период повторно беше медиумски активна. Најпрвин ја снимаше новогодишната фотосесија за „Бекстејџ“, па се појави во последниот спот на ДНК за темата „Ромео и Јулија“, а наскоро и во видеото на „Балкан бенд“ за песна наменета за регионалниот естраден пазар.

Но, тоа не ќе да е главната причина за „раздвоеноста“ на двете убавици... Она што стои меѓу нив освен нивната взаемна пријателска љубов, по се' изгледа е и една друга, нова љубов, која и се случува на Накова!?

Последните објави на нејзините профили на социјалните мрежи јасно асоцираат и потенцираат дека на сексапилната гевгеличанка одново „и летаат пепрутки во стомакот“!

Доколку е така, можеби тоа е причината што Накова и Мелита повеќе не се толку „блиски“, или поточно, не минуваат повеќе време во заедничка дружба?!

ДНК ви нудат гола романтика во нивната верзија на „Ромео и Јулија“ (ВИДЕО)

Антонио Димитриевски — Thu, 25 Apr 2019 09:40:08 +0000

„Ромео и Јулија" е насловот на новата песна на ДНК! И ако се' уште не сте ја слушнале песната и не сте го виделе спотот, сторете го тоа веднаш, колку да не сте во заблуда дека станува збор за романтична балада.

Музиката, текстот и продукцијата е на веќе докажаниот двоец Панчо и Лазар Цветкоски, додека аранжманот го потпишува 5R. Зад мастерингот стои Streaky од Лондон.

Видеото, пак, од кое дефинитивно скока притисок е работено со Cherry Cannon Studio. Извршни продуценти се Панчо и Илија Димкоски, кој стои и зад режијата, сценариото и воедно е и директор на фотографија. Зад камерата, пак, овој пат застанаа Моника Павловска и Андреј Бранковиќ. За шминката стандардно беше задолжена долгогодишната соработничка на ДНК, Елеонора Марк. Стилист е Богдан Ѓаковиќ МИНУС 1, додека асистент на продукција е Марко Ивановски.

Во кадрите кои се снимени во клубот „Епицентар", пак, освен момците од ДНК, односно Панчо и Андреј, се појавуваат и танчарките од студиото Twerk Low Z(https://instagram.com/low_z_ и https://instagram.com/twerk_studio_low); Латин Принц, Мажестик (Александра Трпеска), топ моделите: Александра Накова и Емилија Розман и единствениот македонски кошаркар кој заиграл во НБА, Перо Антиќ.

Веројатно, сето ова е сосема доволно инспиративно за да се слушне песната и погледне видеото, кое само по себе е прилично уникатно и нешто досега невидено на домашен терен.

„Се трудиме секогаш да сме поразлични во она што го правиме, и кога станува збор за музиката, но и кога се во прашање спотовите. Имаме одлична екипа со која, пред сè, одлично се забавуваме на снимањето, но и екипа која даде сè од себе да имаме совршен финален производ. Има благодариме на сите кои се дел од оваа приказна. Веруваме во „Ромео и Јулија", вели Панчо.

А вие за да поверувате во она што го нудат ДНК во нивното аудиовизуелно видување на „Ромео и Јулија“, проследете ја музичката видоприказна во продолжение: https://www.youtube.com/watch?v=NpUykHhZmsQ