Традиционален „Василичарски концерт“ со најголемите хитови во МОБ

Антонио Димитриевски — Mon, 04 Jan 2021 18:35:47 +0000

Традиционалниот концерт во чест на празникот Василица кој се одржува во Македонската опера и балет, годинава е насловен „Најголемите хитови“. На концертот што ќе се одржи на 12-ти и 13-ти јануари, повторно диригент ќе биде Бисера Чадловска. „Оваа година концертот e со наслов „Најголемите хитови“, направен е избор од најдобрите хитови од досегашните Василичарски концерти, со симфониски аранжмани. Публиката ќе има можност да ужива во популарните странски и македонски хитови во изведба на оперски и поп солисти, придружувани од Оркестарот“, најавуваат од МОБ. Билетите чинат 1.000 и 1.200 денари, и се во ограничен број, а се продаваат онлајн и на билетарата на Македонската опера и балет. Концертите ќе се одржат според протколите за одржување јавни настани, одобрени од Комисијата за заразни болести, со задолжително носење заштитна маска.

Битолскиот камерен оркестар со најголемите хитови од Тоше: „Засекогаш во срцата“

Антонио Димитриевски — Tue, 15 Jan 2019 12:57:08 +0000

Камерниот оркестар на Битола годината ја започнува со концерт посветен на најголемите македонски евергрини и незаборавни песни од нашата легенда Тоше Проески, кои на настанот соодветно насловен „Засекогаш во срцата“ ќе ги изведуваат: Елена Ристеска, Наде Талевска, Ѓоко Танески, Димитар Андоновски, Антонија Гиговска, Бојан Стојков, Елена Петреска, Тамара Стојковска и Ана Гаштарова.

Концертот ќе се одржи еден ден по роденденот на Тоше, на 26 јануари во Центарот за култура – Битола, кој е и организатор на настанот, а влезниците ќе бидат пуштени во продажба од 17 јануари.

најголеми хитови – Вистина.мк

Традиционален „Василичарски концерт“ со најголемите хитови во МОБ

Битолскиот камерен оркестар со најголемите хитови од Тоше: „Засекогаш во срцата“