Maртија Станојковиќ: „Мајка ми не ми дозволува да летам во облаци, секогаш ме спушта на земја“ (видео)

Христина Ѓоргиевска — Wed, 12 Jan 2022 08:59:47 +0000

Мартија Станојковиќ важи за една од најпопуалрните млади пејачи во Македонија. По нејзиното учество во регионалното музичко шоу „Пинкови ѕвезди“, успеа полека, но сигурно да се вплови во естрадните води. Во интервју за „Бекстејџ“, Мартија се потсети како ги поминувала новогодишните празници како дете. -Прво што ми текнува е жената која ме израсна, наничка. Секоја година, пред Нова година прва ми оставаше пакетче пред елката. Тоа ми беше најубав момент од моето детство затоа што повеќе не добивам подароци под елка. Тоа ми се враќа во меморијата и ме потсетува на овој период. Мартија откри и што ја одбележало во 2021 година. -Дефинитивно тоа е моја песна и спот. Приватно, морам да кажам, добив две внуки, од брат ми. Тоа ми беше најубав момент од оваа година. Пејачката истакна дека песна која ќе памети е песната „Хиена“ на нејзината колешка Антониа Гиговска. Мартија истакна дека личност која и ја одбележа годината е нејзината мајка. -Не сакам да сум досадна. Дефинитивно тоа е мајка ми. Секогаш ми беше поддршка во се што ќе направам, дали е добро, дали е лошо. Таа секогаш ми е најголема емотивна поддршка, вели младата пејачка. Станојковиќ откри што си посакува на себе во 2022 година. -Сите знаеме дека здравјето е најважно. Јас, пред 2,3 недели прележав корона. Ќе си посакам на себе и на гледачите здравје, тоа ни е најпотребно. Меѓудругото, посакувам и успех, среќа, љубов, дисциплина, изјави Станојковиќ. Целото интервју погледнете го видеото подолу. фото: принтскрин/јутуб/инстаграм

најголема поддршка – Вистина.мк

Maртија Станојковиќ: „Мајка ми не ми дозволува да летам во облаци, секогаш ме спушта на земја“ (видео)