„Ѕвездите на Гранд“ со истиот состав како лани – прв пристигна Мили, па проговори: „Наше е да го избереме најдобриот“ (фото)

Слаѓана Атанасова — Mon, 26 Sep 2022 12:23:37 +0000

Многубројни шпекулации го поттикнаа и фактот што емитувањето, а не снимањето на новите емисии на„Ѕвездите на Гранд“ не започна во времето кога вообичаено започнува новата сезона на популарното музичко натпреварување. Во прилог на гласините дека емитувањето на оваа емисија е под знак прашалник беше и фактот што во поранешната временска рамка на „Ѕвездите на Гранд“ ТВ „Прва“ од минатата сабота емитуваше уште еден музички натпревар - „Никогаш не е доцна“. Сепак, повеќе нема простор за шпекулации, бидејќи е потврдено дека ќе има нова, 16-та сезона на „Ѕвездите на Гранд“. Жирито денеска ќе влезе во студиото со истиот состав како лани - Цеца Ражнатовиќ, Марија Шерифовиќ, Ана Бекута, Вики Миљковиќ, Ѓорѓе Давид, Драган Стојковиќ Босанац, како и членовите на продукциското жири Снежана Ѓуришиќ и Александар Милиќ Мили. Мили прв пристигна пред студиото и откри дека се е подготвено за новата сезона и дека од неа се очекува многу. - Се е подготвено за новата сезона, очекуваме многу од неа. „Гранд“ е исклучително популарна емисија, а секако со неа соработуваат и најголемите телевизии. На која телевизија ќе биде „Ѕвездите на Гранд“ ќе бидете навремено известени, наскоро се официјално ќе објавиме. - Тоа се работи кои се менуваат, не верувам дека тоа ни е проблем. Сигурно ќе биде во сабота, ако се емитува на „Прва“. Фокусиран сум на конкурентите и на она ново што ќе го направиме. Сигурен сум дека ќе бидеме на некоја од телевизиите на која ќе не гледаат. - Ништо не се смени, се остана исто. Моите критериуми не можат да се променат. Можете да видите кога некој го заслужува нашето внимание, тоа на сите им е јасно. Наше е да го канализираме и да го избереме најдоброто. Фото:Принтскрин/Инстаграм/Оливер Буниќ

Магдалена Цветкоска – Ена ви го нуди „Најдоброто“… од себе! (ВИДЕО)

Антонио Димитриевски — Sat, 15 Feb 2020 09:05:12 +0000

Млада, убава, згодна, шармантна, со скриен сексапил, кој не сака да го експонира, зашто веројатно нема потреба за тоа... Нејзините телесни атрибути и убавина се потенцијал на кој можат да му позавидат многу познати убавици од естрадата и тоа не само од домашната, туку и од регионалната. Но, зошто би го истакнувала она што го има на себе, кога за неа многу повеќе зборува она што го носи во себе. Оној другиот, креативниот, авторскиот, лирскиот потенцијал кој преку нејзините стихови е вткаен речиси во секој македонски хит или секоја балада што ќе остане, во последниве десеттина години. Пишува стихови за сите, но најретко за себе... Можеби затоа беше и крајно време девојката која ги пишува најубавите текстови на македонската естрада да се појави со нова песна. „Најдоброто“ е насловот на новата песна на една од не само најквалитетните текстописци, туку и македонски женски вокали, Магдалена Цветкоска - Ена. Помина повеќе од една година откако Ена ја издаде последната песна, но специјално за овие празнични денови, односно за денот на љубовта и виното, згодната пејачка и текстописец реши јавноста да ја почести со една прекрасна тема, овој пат како кантавтор, зашто музиката и текстот ги потпишува токму самата таа, а нејзиниот брат - хитмејкерот Лазар Цветкоски, овој пат бил задолжен само за аранжманот и продукцијата. „Ова е лесна љубовна песна која ми беше готова веќе подолго време, но решив да и ја подарам на мојата публика за денот на вљубените и виното. Таа е ѝ најава за следните песни кои ги подготвувам, а ќе бидат објавени во периодот што следи“ - ветува Цветковска. Ова се супер вести со оглед на тоа дека Ена и нејзиниот тим веќе имаат подготвени неколку песни, а дел од нив ќе добијат и своја видеоприказна. Она што е важно да се потенцира, дека Магдалена Цветкоска ако до сега ја знаевте само како текстописец и женски вокал, овој пат таа се реализира и како комплетен автор, зашто самата се потпишува на сите нови песни кои допрва ќе имате можност да ги слушнете. Ова е „Најдоброто“ од Ена, но само засега... Јаготката на шлагот од Магдалена Цветковска, допрва следува. Дотогаш уживајте во понуденото „парче од музичкиот колач“, во „Најдоброто“:

најдоброто – Вистина.мк

„Ѕвездите на Гранд“ со истиот состав како лани – прв пристигна Мили, па проговори: „Наше е да го избереме најдобриот“ (фото)

Магдалена Цветкоска – Ена ви го нуди „Најдоброто“… од себе! (ВИДЕО)