најдобри – Вистина.мк

Алгоритмите покажуваат кои се најдобри години за брак

Слаѓана Атанасова — Fri, 29 Sep 2023 12:55:13 +0000

Вонбрачните партнери, без разлика на возраста, често се соочуваат со прашањето за брак, што е многу специфично за овие простори. За оние кои се загрижени кога би било најдобро да се легализира врската, експертите имаат одговор. Идеално е што побрзо да се заврши образованието, да се најде стабилна работа и да се реши станбеното прашање. Младите, па дури и оние не толку млади, се свесни колку е тешко да се исполни секоја од овие три ставки. Но, има и такви луѓе и им се препорачува да се венчаат бидејќи нема зошто да чекаат. Исто така, новинарот Брајан Кристијан и когнитивниот научник Том Грифитс, преку нивната книга „Algorithms to Live By: The Computer Science of Human Decisions“ дојдоа до сознанија за која возраст е најдобро е да се омажиш. Одговорот е – 26. Како стигнале до тој број? Според книгата, повеќето ги носат најдобрите одлуки по разгледување на „37 проценти од опциите“. Тие го користат примерот на проверка на апликантите за работа и тврдат дека по проверка на 37 проценти од оние кои аплицирале, би имало смисла да се избере кандидатот кој е квалификуван без дополнително пребарување. Авторите на студијата велат дека во овој момент, рецензентите на кандидатите имаат доволно информации за да направат добар избор, но не премногу за да бидат оптоварени со неодлучност. Дуото оди понатаму, па велат дека ова правило функционира и при изборот на партнер. Опсегот во кој обично се бара љубов е помеѓу 18-40, а 37 проценти се 26. После тоа, квалитетот на опциите почнува да опаѓа. Се разбира, сите овие се „ладни“ бројки и не мора да имаат врска со реалноста, но ако имаат смисла, имаат. Особено ако се знае дека човечкиот мозок се развива до 25 години, па сите одлуки потоа се позрели, помудри и би можело да се каже - попаметни. Само, ништо од ова не може да гарантира успешен брак... Извор: Кајгана

Во кои години мажите се најдобри во кревет?

Христина Ѓоргиевска — Tue, 11 Jan 2022 14:15:22 +0000

Сексуалниот нагон значително се менува со текот на годините. На прв поглед може да изгледа дека хормоните имаат главна улога кога станува збор за желбата за секс, но не е така во сите случаи. Важна улога во создавањето на либидо имаат и други фактори од психичка, социјална и физичка природа. Поради тоа често се случува луѓето кои би требало да бидат на врвот на својата сексуална моќ всушност да имаат помало либидо од постарите луѓе. Мажите во дваесеттите години Во текот на дваесеттите години мажите имаат високо ниво на тестостерон, хормон одговорен за сексуалната возбуда, поради што обично имаат и посилен сексуален нагон. Од друга страна, околу 8% од мажите на оваа возраст доживуваат повремени проблеми со еректилна дисфункција. Станува збор за состојба која настанува како последица од здравствен или психички проблем поради што е неопходен разговор со доктор за да се утврди причината за оваа појава. Мажите во триесеттите и раните 40 години Иако тестостеронот почнува полека да опаѓа околу 35-тата година, многу мажи и понатаму имаат силен сексуален нагон во текот на овие години. Нивото на тестостерон обично опаѓа за околу 1% годишно, но кај некои мажи може да опаѓа и побрзо, а тоа влијае на сексуалниот нагон. Покрај тоа, многу мажи на оваа возраст чувствуваат голем стрес поради работата, семејството и другите обврски и тоа може да влијае на заинтересираноста за секс. Мажите на 50+ За мажите на оваа возраст, кои се со добро ментално и физичко здравје, не постои причина зошто не треба да продолжат да уживаат во сексуалниот живот. Но, во овие години често се појавува проблем со еректилна дисфункција односно ерекциите стануваат поретки и недоволно силни за сексуален однос. Самото стареење не е главна причина за еректилна дисфункција, туку здравствените проблеми кои доаѓаат со годините како што се срцеви заболувања, дијабетес, висок холестерол и лекови кои се користат за нивно лечење. извор: кајгана

Кои се најдобрите туристички места? 5 земји со интересна кампања привлекоа најголемо внимание кај луѓето

Христина Ѓоргиевска — Wed, 09 Jun 2021 12:00:38 +0000

Медитеранот традиционално привлекува голем број на туристи секоја година во текот на летниот период, а таков е случајот и во овој пост-пандемиски временски период. Секоја година Медитеранот привлекува речиси третина од светските туристи, особено кога станува збор за летните годишни одмори, а таков тренд е забележан и во 2021 година. Многу од земјите кои во голема мера зависат од посета на туристите овие денови зголемено се обидуваат да насочат внимание на себе со разни кампањи и промотивни активности. Кои моментално се најинтересни земји за туристите?

Грција

Грција ја започна промотивната кампања со име „All you want is Greece“ чиј фокус е на природните убавини на земјата и на безбедност од коронавирус. Оваа промотивна кампања е најголема во последните неколку години и планот им е да привлечат барем 15 милиони туристи.

Хрватска

Хрватска многу позитивно и рано се издвои (уште од месец февруари) со својата кампања „Safe stay in Croatia“. Оваа земја гарантира безбедност и сигурност на сите туристи кои ќе одлучат да одат таму на одмор.

Турција

Турција започнала кампања со порака „Enjoy, I'm vaccinated“ која јасно говори дека сите туристички и угостителски работници се вакцинирани.

Шпанија

Шпанија започнала промотивна кампања со слоган „You deserve Spain“ и главно е во дигитален формат, а се спроведува на социјалните мрежи. Нивната кампања има за цел да му покаже на светот за каква туристичка убавина станува збор.

Франција

Франција има кампања „What really matters“ ја промовира перцепцијата за живот и животен стил, особено во руралните и ретко населени подрачја. извор: точка.мк

Maрија Шерифовиќ за пријателството со Јелена Карлеуша: „Глупо е да се каже дека сме најдобри пријателки“

Христина Ѓоргиевска — Thu, 21 Nov 2019 10:55:30 +0000

Марија Шерифовиќ и Јелена Карлеуша веќе пет години седат во жирито на „Ѕвездите на Гранд“, а пред камерите може да видиме разни нивни кавги и несогласувања. Меѓутоа, Карлеуша неколку пати истакна дека Шерифовиќ и е добра пријателка и помогнала во тешки ситуации. Марија сега проговори за пријателството со најголемата дива, па откри дали може да и биде пријателка. „Тешко е да се биде пријател на Јелена Карлеуша, а исто така е тешко да се биде пријател на Марија Шерифовиќ. Ова е петта сезона како седиме во жирито на „Ѕвездите на Гранд“ и само еднаш бевме на кафе. И тоа не беше договорено, туку по снимањата отидовме да поразговараме и да пиеме кафе. Значи, само еднаш бевме на кафе“. Марија исто така проговори колку е блиска со Карлеуша. „Јелена може да ми се јави во 5часот наутро. Не само таа, туку сите кои седиме во жирито. Глупо е да се каже дека сме најдобри пријателки. Добро е, се слушаме, работиме заедно и имаме слични ставови во „Ѕвездите на Гранд“ вели Марија. За потсетување, Шерифовиќ истакна дека следната сезона нема повеќе да биде дел од музичкото шоу.

Кинотека на Македонија прогласена за едно од најдобрите арт-кина во Европа

Антонио Димитриевски — Tue, 03 Jul 2018 11:35:20 +0000

Кинотека на Македонија прогласена за едно од најдобрите арт-кина во Европа од блогот Spotted by locals. На блогот се објавени водичи за 71 град кои се создадени од вистински локалци кои живеат во градот за којшто пишуваат, го зборуваат локалниот јазик и пишуваат за нивните омилени места во градот. Основачите на блогот ги посетуваат сите градови и лично ги запознаваат локалците кои пишуваат за блогот и ги посетуваат локациите препорачани од нив. „Скопје има прекрасно арт-кино во кое се чувствувате како во Музеј на филмот. Кинотеката главно се фокусира на независниот филм и документарци. Речиси секој месец се одржуваат ретроспективи и филмски ревии посветени на филмови од одредена земја. Кинотеката е посветена на презентирање на суштинската филмска уметност“, се вели во извадокот на статијата на блогот посветен на Кинотеката чиј автор е Бојана Трајковска.