Има на што да биде „Proud“: Тамара Тодевска доби уште едно признание на „Евровизија“

Христина Ѓоргиевска — Wed, 12 Jun 2019 06:59:12 +0000

Оваа година „Избор за песна на Евровизија“ се одржа во Тел Авив, Израел. Нашата држава ја претстави Тамара Тодевска со песната „Proud“ која со својот моќен вокал растури на европската сцена. Имено, по гласењето на жирито, Тамара го освои првото место, а по гласовите на публика го освои седмото место. Меѓутоа, Тамара доби уште едно признание односно е прогласена за најдобар женски вокал.

Вкупно 23,3 отсто од гласачите за најдобар женски вокал и го дале својот глас на македонската претставничка Тамара Тодевска. Со овие радосни вести се пофали и самата пејачка на својот „Инстаграм“ преку кој се заблагодари на сите кои гласале за неа.

Неодамна во ендо интервју Тодевска истакна дека досегашната нејзина кариера била само генерална проба, односно дека допрва доаѓа нејзиното време.

Тамара најави дека подготвува нова песна, а до крајот на годината планира да издаде и нов албум. Ова е прва ваква награда за нашата држава. Зад Тамара се Кејт Милер-Хајтке од Австралија и Тамта од Кипар. За потсетување, Тамара го постигна најдобриот резултат досега на Евровизија. https://www.youtube.com/watch?v=0pAURAsum4A

најдобар женски вокал – Вистина.мк

Има на што да биде „Proud“: Тамара Тодевска доби уште едно признание на „Евровизија“