надеж – Вистина.мк

Бренда од „Беверли Хилс“ доживea божјо чудо во борбата со опаката болест: Актерката виде светло во тунелот кога најмалку чекаше (фото)

Слободанка Илиева — Wed, 31 Jan 2024 11:45:17 +0000

Шенон Доерти конечно доживува олеснување во услови на исцрпувачка битка со ракот во четвртата фаза. Открила дека се случило чудо откако ризикувала. На новото издание на нејзиниот подкаст „Да бидеме јасни“, актерката рече дека нејзиниот онколог, д-р Амин Мирхади, ја ставил на нова инфузија за лекување на нејзиниот рак, но кога не забележале разлика по четири третмани, нејзиниот медицински тим сакал да проба нешто друго – иако инсистирал да продолжи со сегашната терапија. Како што се утврдило, телото на актерката станало приемчиво за оваа терапија по шестиот и седмиот третман. Таа објаснува дека лекот ја разградува крвно-мозочната бариера, што може да ги спречи лековите за хемотерапија да стигнат и да ги уништат туморските клетки во мозокот. Во случајот на Шенон, лековите за рак сега можат да навлезат во клетките на туморот преку ослабена бариера. Шенон продолжува со лекувањето, изјавувајќи дека верува дека „Бог ги видел нејзините напори и интервенирал“. За потсетување, на Шенон првпат и беше дијагностициран рак на дојка во 2015 година, а по 2 години хемотерапија, таа беше во ремисија. За жал, нејзиниот рак се врати во 2020 година и се прошири на мозокот минатата година. фото: Instagram printscreen/ theshando

Мартин Костадинов во своето музичко првенче нуди – „Надеж“ (ВИДЕО)

Антонио Димитриевски — Thu, 11 Jan 2024 12:14:40 +0000

Дваесетгодишниот талентиран Мартин Костадинов од Гевгелија го објави своето првенче „Надеж“, песна исполнета со многу емоции кои лесно можат да допрат до слушателите. Младиот пејач освен што го збогати музичкото парче со својот милозвучен глас, се погрижи за текстот на песната како и музиката заедно со Борис Кјаев. Битот е дело на Немања Кипиќ, пратечки вокали се Јасмина Атанасова и Александар Комненовиќ, а зад сценариото за музичкото видео стои познатиот инфлуенсер Александар Динев. Спотот е снимен и едитиран од страна на Александар Комненовиќ, а за кореографијата се погрижи Цветанка Атанасова.

Мартин истакна дека ова дело има посебно значење за него бидејќи отсликува дел од неговиот живот: „Песна која што за мене има огромно значење, неколку минути кои опишуваат една прекрасна, но, и болна етапа во мојот живот. Се надевам дека ќе ви се допадне и ќе уживате во мојот првенец.“ За потсетување, младиот Мартин минатата година се натпреваруваше на музичкото талент шоу „Ѕвездите на Гранд“ под менторство на познатата пејачка Ана Бекута, и дефинитивно остави одличен впечаток. Но, ова е само почеток, Мартин во моментов работи и на втора песна со побрз и весел ритам, а дотогаш слушајте ја „Надеж“.

3 лаги што мажите им ги кажуваат на жените кога сакаат да им дадат лажна надеж

Слободанка Илиева — Mon, 08 May 2023 12:50:49 +0000

Советник за врски откри три лаги за кои вели дека мажите им ги кажуваат на жените кога сакаат да им дадат лажна надеж. Џејкоб Лукас, кој живее во Велика Британија, вели дека ги користел неговите реални методи за да „помогне на милиони луѓе да го добијат љубовниот живот што отсекогаш го посакувале“. Покрај тоа што работи директно со клиенти, тој споделува содржини за запознавање на TikTok со своите 750.000 следбеници. Во неодамнешното видео, кое беше насловено: „Запомнете дека заслужувате многу подобро од некој што ве лаже“, тој покажа примери за неискрени коментари за кои вели дека мажите понекогаш ги користат. – Ако некој прави нешто од овие работи, оставете го, бидејќи заслужувате подобро од тоа – рекол Џејкоб. – Јас сум професионален тренер за запознавање, а ова се три лаги што ќе ви ги каже мажот за да ви даде лажна надеж дека ќе влезете во врска. 1. „Не сум подготвен за врска“ Првата лага што ја споделува Џејкоб е ако мажите не сакаат да ја наречат врската „врска“, дури и кога се гледате долго време. – Број еден, ако сте со него повеќе од три месеци и тој ви каже дека се уште не е подготвен за врска, тоа е лага. – Запомнете, ако мажот по три месеци не може да одлучи дали сака да биде со вас, тогаш тој е маж со многу ниска вредност, бидејќи тоа покажува дека е многу неодлучен и дека заслужувате некој многу подобар – вели Џејкоб. 2. Едно кажува, друго прави Неговиот втор совет се однесува на тоа дали зборовите што ги кажува се конзистентни со неговите постапки. – Кога ќе ви каже дека ве сака, но сепак не сака да се врзе за вас, оставете го. Ако ве сака, ќе се посвети и тоа е факт. Причината поради која рекол „те сакам“ е да ви даде лажна надеж и да ве повлече. Вие заслужувате многу подобро. 3. „Не е вистинското време за нас“ Продолжувајќи кон својата трета и последна точка, Џејкоб рече: – Ако некому му посветувате време како да е ваш дечко, но тој всушност не е ваш дечко, тој ќе каже дека едноставно не е вистинскиот момент во неговиот живот да биде во врска со вас. извор:popara.mk фото:shutterstock

Денес се празнуваат Св. маченички Вера, Надеж, Љубов и мајка им Софија

Антонио Димитриевски — Thu, 30 Sep 2021 10:32:14 +0000

Денеска е Св. маченички Вера, Надеж и Љубов и мајка им Софија. Во својот богослужбен циклус, Црквата на овој ден се сеќава на животот и мачеништвото на четири римјанки Вера, Надеж, Љубов и нивната мајка Софија. Овие четири христоподобни души беа приведени од римските власти за време на прогоните на императорот Хадријан, во првата половина на вториот век по Христа. Заради исповедањето на Христа и одбивањето да принесат жртви пред празниот идол на Артемида, Вера, Надеж и Љубов беа ставени на маки пред очите на нивната мајка и најпосле им беа отсечени главите. Софија ги зеде и ги закопа телата на своите три ќерки и откако помина три дена и ноќи во молитва над нивниот гроб, го предаде својот дух на Бога. Денес именден слават сите што се викаат: Вера, Верче, Верка, Надежда, Нада, Наде, Софија, Софи, Софка, Софче, Љуба, Љупка, Љубица...

Жељко Јоксимовиќ во време на коронакризата: „Во моментов се занимавам со „надеж“, се убедувам себеси дека не можам да престанам да верувам“ (ФОТО)

Антонио Димитриевски — Mon, 01 Feb 2021 12:39:21 +0000

Жељко Јоксимовиќ зборуваше за тоа како се справува со пандемијата на коронавирусот, што имаше влијание врз музичката индустрија, а со тоа и врз неговото семејство - сопругата и наследниците. Пејачот вели дека првенствено се обидува да размислува позитивно. „Се подготвувам за нормалноста што сигурно ќе дојде. Се обидувам да бидам трпелив, да не лелекам, особено затоа што се соочуваме со толку многу болни, мртви луѓе и да најдам сила и верба во сето ова што ќе можеме повторно да му се радуваме заедно. Значи, би можел да кажам дека се занимавам со надеж“ - изјави популарниот музичар во интервју за „Дневни аваз“. На прашањето како ментално ги доживува промените што се случија во март 2020 година поради короната, тој одговори: „Па, како што реков. Се убедувам себеси дека не можам да престанам да верувам. И, се обидувам да ги разберам оние што не веруваат. Фала му на Бога, имам семејство, како прибежиште, пријатели, како поддршка и сопствена тврдоглавост што не ми дозволува ниту да мислам дека можеме да бидеме поразени. Тоа не доаѓа предвид“ - категоричен е Јоксимовиќ. Тој е татко на четири деца - ќерките Мина, Ана и Срна и синот Коста, па беше запрашан колку е загрижен за правецот во кој оди светот и човештвото. „Доволно за да бидам мотивиран да се обидам да го сменам тој свет, колку што можам. Затоа, меѓу другото, отворив телевизија. Да менувам“ - искрен е пејачот. Иако многу брачни парови не сакаат да ги мешаат и комбинираат работата и приватниот живот, тоа не е случај со Жељко и неговата сопруга, водителката Јована Јоксимовиќ, која сега работи на неговата телевизија „К1“. „Започнавме како тим, и продолжуваме како тим. Затоа, дури и кога не ги правиме истите работи, ги живееме заедно, зборуваме за нив, ги доживуваме, се поддржуваме едни со други. Значи, во суштина, ништо не се сменило“ - вели Жељко. Јоксимовиќ додаде дека е задоволен од тоа како го перцепираат луѓето од телевизискиот свет, како човек од музичката сцена. „Засега, оди добро. Целата оваа приказна е, на многу начини, семејство, луѓето што се во неа ја доживуваат така и во сето тоа, јас не сум ништо повеќе од обичен член на семејството. И точно е дека одлучувам за многу работи, но исто така се обидувам да го правам тоа како што се прави во семејството. Седнуваме и се консултираме, се договараме. И се работи, затоа што имам одличен тим и Мања Грчиќ кој го води. Мислам дека нема такви професионалци како неа, барем не кај нас“ - рече на крајот Јоксимовиќ.

Димитар Андоновски ќе ве убеди дека сепак има – „Надеж“ (ВИДЕО)

Антонио Димитриевски — Thu, 16 Apr 2020 10:37:16 +0000

Пејачот Димитар Андоновски вчера го промовираше својот нов музички проект “Надеж” (“Hope”). “Ова е проект кој започнав да го работам од неодамна за мое лично задоволство. Инспириран од ситуацијата во која се наоѓаме, вишокот слободно време го искористив да се посветам и да почнам да го реализирам. Се работи за обемен и долг проект, процес на кој му треба време, но се надевам дека еден ден ќе го чујам на голема сцена со голем број солисти како музичко сценски перформанс. Затоа решив да споделам дел од музиката и со вас” - вели Андоновски. Текстoт го напиша неговата сестра Маја Андоновска – Илијевски, видеото го изработи Сергеј Светозарев. Проследете какозвучи изгледа неговата „надеж“ ( “Hope”): https://www.youtube.com/watch?v=SHD6bTbekxU&feature=emb_logo

Снаата на Цеца била репрезентативка на Србија: Богдана Родиќ била голем талент, но преку ноќ и без образложение се откажалка од кошарката (ФОТО)

Антонио Димитриевски — Mon, 02 Dec 2019 11:47:55 +0000

Свадбата на синот на Цеца, Вељко Ражнатовиќ и неговата избраничка, сега веќе сопруга, Богдана Родиќ привлече големо внимание во целаокупната, па и во спортската јавност. Спортските медиуми кои пишуваат дека снаата на Цеца важела за голема спортска надеж сооглед што во не така далечното минато била кошаркарка и тоа младинска репрезентативка на Србија. Богдана во младинските категории настапувал со број 17 на дресот за тимот на Радивој Кораќ. Во 2015 година забележале одличен резултат во Регионална лига за жени и учество во финале на Купот “Милан Цига Васојевиќ“. Таа најголем успех го остварила во дресот на јуниорската репрезентација на Србија 2013 година, на Европското првенство кога репрезентативките освоиле сребрен медал. За време на кариерата доживеала две тешки повреди на колената, но успешно се враќала на паркет и продолжила да реди успеси. Сепак, во 2015 решила и покрај одличните резултати да објави крај на кариерата на општо изненадување на сите.

Вера, Љубов, Надеж и мајка им Софија… или православен Валентајн

Антонио Димитриевски — Mon, 30 Sep 2019 10:41:20 +0000

Според календарот на МПЦ (Јулијанскиот календар) денеска е 17 септември. Денеска се слави празникот на љубовта и надежта, пандан на католичкиот Валентајн. Денеска е Св. маченички Вера, Надеж и Љубов и мајка им Софија. На овој ден именден празнуваат: Софија, Софка, Вера, Верица, Нада, Надежда, Натка, Љубе, Љупчо, Љубен, Љубомир, Љубосав, Људмил, Љуба. Во својот богослужбен циклус, Црквата на овој ден се сеќава на животот и мачеништвото на четири римјанки Вера, Надеж, Љубов и нивната мајка Софија. Овие четири христоподобни дури беа приведени од римските власти за време на прогоните на императорот Хадријан, во првата половина на вториот век по Христа. Заради исповедањето на Христа и одбивањето да принесат жртви пред празниот идол на Артемида, Вера, Надеж и Љубов беа ставени на маки пред очите на нивната мајка и најпосле им беа отсечени главите. Софија ги зеде и ги закопа телата на своите три ќерки и откако помина три дена и ноќи во молитва над нивниот гроб, го предаде својот дух на Бога. Празникот е посветен на жените и нивните деца, првенствено ќерки. Се верува дека девојчињата треба да ги израдувате со некој подарок, колку и да е тој скромен. Ќе биде доволно да им посветите внимание и да им покажете колку ги сакате.

Лозано ги стопи обожавателите: Емотивно, моќно и со затворени очи ги сподели своите чувства (видео)

Слободанка Илиева — Thu, 22 Nov 2018 08:06:29 +0000

Кога се пее од душа и со полно срце емоција, а дополнително Бог ќе го дари талентот и прекрасниот глас, тогаш изведбата допира најсилно. Токму таквите изведувачи стануваат поблиски на публиката, поради поистоветувањето со емоциите, случките, љубовта... Таков отсекогаш бил и се уште е нашиот поп-пејач Влатко Лозаноски –Лозано кој уште откако се појави на домашната естрада плени со својот моќен, а во исто време нежен вокал кој ги „топи“ срцата на обожавателите. Секоја негова песна се пее од почеток до крај, дури и оние новоиздадените за инстант кусо време веќе ги знаат сите, од 7 до 77.

View this post on Instagram

A post shared by LOZANO (@vlatkolozanoski) on Sep 23, 2018 at 12:03pm PDT

Лозано слободно можеме да го ставиме во категорија на пејачи што ненаметливо, скромно и само преку песна знаат да ја освојат публиката. Доказ за тоа се многуте негови отпеани хитови низ годините, од „Сонце не ме грее“, „Како тебе нема друга“, „Бонбона“, „Мандарина“, „Јако, јако“, „Километри“ и секако најновата „Надеж“ која моментално е една од најслушаните македонски забави песни.

View this post on Instagram

#JakoJako ❤??

A post shared by LOZANO (@vlatkolozanoski) on Jul 12, 2018 at 4:42pm PDT

Лозано има пракса своите обожаватели редовно да ги чести со видеа од изведби снимени во домашна атмосфера, а на истите тој не само своите песни, знае да отпее и странски, но и домашни песни од колегите. Секое негово видео има илјадници прегледи и коментари во кои фановите без резерва знаат да му ги препишат наискрените комплименти. На последното такво видео кое го објави, Влатко со затворени очи ја пее „Надеж“, а за истото доби комплименти и пофалби до негоглед.

View this post on Instagram

"Немаш ни благодарам..."

A post shared by LOZANO (@vlatkolozanoski) on Oct 22, 2018 at 2:00pm PDT

Токму публиката преку тие коментари заклучи дека Влатче е полн со емоции кои знае преку песна да ги сподели така моќно што ретко кој би останал рамнодушен.

View this post on Instagram

"Што е добро кратко трае знај..." #Надеж #Nadez ❤??

A post shared by LOZANO (@vlatkolozanoski) on Nov 20, 2018 at 2:43pm PST

Доколку досега не сте погледнале и слушнале некои од домашните видеа на Лозано, тогаш драго Ви препорачуваме да го следите на Инстаграм и да уживате во неговите изведби.

Балада која ќе ве освои: „Надеж“ е новиот хит на Лозано (ВИДЕО)

Христина Ѓоргиевска — Tue, 06 Nov 2018 10:11:38 +0000

Едно од највредните и најпопуларни музички имиња во земјава, Влатко Лозаноски - Лозано подготви уште еден хит за својата публика, која од ден во ден ја има се повеќе и тоа надвор од границите на нашата земја. По летниот хит „Јако, јако“, Лозано овој пат со прекрасна балада која носи наслов „Надеж“, за која сме убедени дека ќе ги освои симпатиите на обожавателите.

Како и за претходните песни на Лозано, така и за оваа како автори се потпишуваат, кој друг ако не, тандемот Лазар и Магдалена Цветковски, додека спотот во кој се појавува и преубавата манекенка Билјана Шкортова го изработија момците од „Веста продукција“.

- „Надеж“ е песна во која многу верувам и знам дека ќе и се допадне на публиката. Песната и спотот се снимени уште на почетокот на годината, а гледачите може да забележат дека го имам истиот имиџ како и на „Километри“, односно брадата е идентична како и на тоа видео. Инаку со мојот тим сметавме дека сега е одлично време за да ги почестиме слушателите на македонска музика со оваа балада - изјави накусо Лозано.

Новата песна е достапна и на најпопуларните музички онлајн продавници: Spotify, Deezer, iTunes, Google Play и многу други.

Баладата „Надеж“ е дел од третиот албум „Десет“, на кој што промоцијата е започната уште пред неколку месеци. Албум на кој ги има и добро познатите: „Километри“, „Јако, Јако“, „Камо тебе да те имам“, „Мандарина“, „Жена како ти“, „Како тебе нема друга“, „Пред да се раздени“ и „Бонбона“. Погледнете: https://www.youtube.com/watch?v=SP8aOFYMJZ0&feature=youtu.be&fbclid=IwAR0dH6CsCaUHl36IiTec6Ow5seYeHVmhaBdXALshhWW8p5MdhRx_HGN2k7o foto: Printscreen