на далечина – Вистина.мк

Љубов на далечина: Мина Врбашки ја објави најромантичната фотографија досега, а еве ја пораката која му ја испрати на згодниот фраер (фото)

Слаѓана Атанасова — Mon, 26 Sep 2022 11:21:26 +0000

Поранешната задругарка Мина Врбашки веќе некое време ужива во љубовта со мистериозниот Дино Кајевиќ. Тој успеа да го освои нејзиното срце по бројните емотивни бродоломи. Сепак, фактот дека тие двајца одржуваат врска на далечина потврдува дека не е сè од бајките. Имено, Мина летово стапила во емотивна врска со извеснен Дина, со кој се забавувала на црногорското приморје. Но,момчето на поранешната задругарка живее во Норвешка, а атрактивната Мина често лета во оваа скандинавска земја. Меѓутоа, таа со новата објава на социјалната мрежа Инстаграм потврди дека далечината им е проблем. - Недостасуваш - пишува во објавата на Мина каде Кајевиќ ја бакнува во образ. Фото:Принтскрин/Инстаграм/Мина Врбашки

3 работи заради кои врските на далечина „пукаат“: Во овие врски нема место за лаги

Христина Ѓоргиевска — Mon, 31 Jan 2022 13:30:01 +0000

Многу луѓе веруваат дека врските на далечина се вистински предизвик. Донекаде се во право – не е лесно да се одржи врската кога со партнерот се гледате само неколку пати годишно. За да успее и опстане врската, потребно е да се придржувате до одредени правила, но и да направите план за се да испадне совршено. Се разбира, врските на далечина можат да функционираат исто како и кога партнерите живеат заедно. Експертите за врски советуваат кои три работи партнерите треба да ги избегнуваат за да не им пропадне врската.

1. Секојдневни кавги

Секако, во ред е да имате несогласувања и расправии, но не дозволувајте кавгите да станат дел од секојдневието. Не е исто кога ќе се расправате со партнерот во живо и телефонски, бидејќи оној од другата страна на „жицата“ може во секое време да ја спушти слушалката или извесно време воопшто да не одговори. Заради тоа, вашата врска може да биде на несигурна почва; затоа обидете се да ги решите работите со мирен тон и неколкучасовен разговор.

2. Љубомора

Во овие врски љубомората е неизбежна, бидејќи тој црв на сомнеж секогаш буди „каде е, со кого е, што е, кога ќе …“. И вам и на вашиот партнер ви треба личен простор, како и време да си посветите на себе. Врската на далечина бара бесконечна доверба за да опстане.

3. Лаги

Кога сте во врска на далечина, не треба да има „бели“ лаги. Бидете искрени со партнерот, кажете му што ве мачи, за што размислувате… Никогаш не треба да им кажете дека, на пример, гледате филм, кога всушност сте во кафуле со пријателите. Ако мислите дека вистината може да повреди друга личност, обидете се да зборувате за тоа, бидејќи секогаш постои начин безболно да го кажете тоа што го имате. извор: попара.мк

Љубовта е силна, но се плашите од неизвесна иднина? Еве како да ја одржувате врската на далечина, без никакви проблеми

Христина Ѓоргиевска — Fri, 17 Sep 2021 12:15:34 +0000

Иако често ќе ве обзема чувство на несигурност, лесно можете да одржите романса, доколку двете страни го дадат својот максимум. Дали сте во романса со месеци со партнер кој не живее во вашиот град или држава? Не грижете се, иако на прв поглед не изгледа ветувачки, односите на далечина можат да бидат многу стабилни, но можат да завршат и со брачен завет. Ако успеете да ги отворите овие докажани совети, ќе имате бајковита љубов. 1. Одвојте пари за чести состаноци Направете каса со вашиот партнер, каде што двајцата ќе заштедите пари за почести посети на една од локациите. Борете се за истата цел, без изговори и сомнежи. 2. Нека секојдневните разговори стануваат ритуал Откако ќе ги завршите секојдневните обврски, изолирајте се и јавете се на партнерот преку видео повик и споделете разговори за вообичаените преокупации, желби, очекувања со посилната половина, со цел да го одржите чувството на припадност. 3. Планирајте за иднината Честопати, двете страни ќе чувствуваат несигурност и криза поради оддалеченоста што е фактичка, но со идеите за свршувачка, заеднички живот или брак, можете да ја зајакнете врската и да ја подигнете на повисоко ниво. 4. Направете го вашиот партнер среќен со знак на внимание Ако сте свесни дека вашиот подарок ќе ја израдува посилната половина, изненадете го со вашата омилена литература, облека или козметика што ќе ја испратите на неговата домашна адреса, без разлика колку километри е подалеку. 5. Охрабрете го вашиот партнер во сите сегменти од животот Обидете се да запомните какви обврски има вашиот партнер во наредниот период и испратете му зборови за поддршка, мотивација пред деловниот состанок, испит, натпревар и таквите гестови ќе останат длабоко врежани, бидејќи докажувате колку тој ви значи и колку вие всушност го почитувате. извор: попара.мк

3 големи предности на врската на далечина

Христина Ѓоргиевска — Wed, 10 Jul 2019 12:00:13 +0000

Љубовта на далечина може да биде комплицирана, има свои позитивни и негативни страни. Баш како и секоја друга љубовна врска. Одржувањето на врската на далечина може да преставува предизвик за некои луѓе, додека за други тоа не е голем потфат. Тоа нема толку врска со љубовта, колку што има со разумот. Старата изрека вели „Далечината за љубовта е како ветрот за свеќата – ако е пламенот мал, ќе го изгасне, ако е голем, ќе го разгори“. Ако двајцата сте се согласиле да ја одржувате врската на далечина, во исчекување на поголеми работи во иднина (поради студирање, работа, семејни обврски), ви останува само да погледнете на посветлата страна на нештата и да сфатите дека ваквата ситуација има и свои големи предности. Тоа не значи дека саканата личност помалку ќе ви недостига, туку дека знаете дека далечината не е фактор за цврстината на вашата љубов и нема да се опседнувате со тоа, да паѓате во очај или да се самосожалувате. Останувате фокусирани на своите цели На почетокот на врската скоро сите сакаат да поминуваат што е можно повеќе време со саканата личност. Иако во тоа нема ништо лошо, нашата желба да поминуваме многу време со партнерот може да се одрази на остварувањето на некои други цели што сме си ги поставиле лично за себе. Врската на далечина во овозможува да се посветите на себе и со поддршка од партнерот да се фокусирате на остварување на вашите планови, да работите на надоградување на своите вештини и слично. Исто така, нема да се чувствувате виновно ако останете подолго на работа или работите за викенд, мислејќи дека го запоставувате партнерот заради работните обврски. Ја развивате креативноста Многу е полесно да ја изразувате љубовта кога сте во можност да го видите, допрете, бакнете партнерот речиси секој ден, но врската на далечина ви овозможува да ја развивате својата креативност. Тоа бара многу поголем труд, но поволностите се големи. Освен што ќе му покажете на партнерот дека би направиле сѐ за да го одржите пламенот меѓу вас силно разгорен, исто така разбудената креативност може да ја примените на многу други полиња, особено во работата или вашето хоби. Имате повеќе време за пријателите и семејството Треба да научите паметно и праведно да го распоредите вашето време за да може да се посветите и на партнерот и на семејството и на пријателите. Понекогаш е тешко да изменаџирате сѐ така што никој нема да се чувствува запоставен. Кога партнерот е далеку, искористете го слободното време да го поминете со родителите, роднините и пријателите и да им помогнете на каков било начин. извор: Курир.мк