музика – Вистина.мк

Овој пејач е близок роднина на Кеба, а сите го знаат како Горан Кеба (фото)

Слободанка Илиева — Thu, 07 Mar 2024 11:51:12 +0000

Драган Којиќ Кеба има прв братучед кој исто така е пејач, но не така познат како неговиот роднина. Имено, во прашање е пејачот Горан Јевтиќ, за кого Кеба преку тетка вели дека е негов брат. Инаку, Горан е талентиран за музика, но не е познат како Кеба и не сака да се експонира иако ја сака музиката и се занимава со неа. Инаку, дипломирал на ДИФ (Факултет за физичка култура), а Кеба за него зборувал вака:

View this post on Instagram

A post shared by Goran Jevtić (@gjevtic77)

- Ова е мојот брат од тетка ми. Горан Јевтиќ се вика, Горан Кеба, инаку во моето семејство сите се Кеба - изјави Кеба за својот братучед, а вака Горан зборуваше за музиката и неговиот однос кон неа: - Завршив факултет и го сакам спортот, но музиката ми е на прво место. Отсекогаш сум следел добри песни и сакам добри народни песни. Кога почнав да пеам, тие двајца беа актуелни - рекол братот на Кеба и додал:

View this post on Instagram

A post shared by Goran Jevtić (@gjevtic77)

- Само што се најдов на ваков начин на живот, малку школа, малку свирки и толку - изјави Горан на ТВ Гранд каде се појави со Кеба. фото:instagram printscreen/ gjevtic77/ dragankojickeba

Талентиран за музика, ама не и за девојки: Мики Секуловски е ултра актуелен во регионот, но на љубовен план и не му е така сјајно (фото)

Слободанка Илиева — Mon, 04 Mar 2024 09:33:24 +0000

Велешанецот Мики Секуловски (36) од ден на ден станува се поакуелен не само кај нас, туку и пошироко во регионот, а се' тоа благодарение на неговиот талент кој го презентира преку „Ѕвездите на Гранд“. Доколку некој пред неколку години му кажеше на Мики дека ова ќе му се случува, веројатно немаше да му вррува. Со оглед на тоа дека во Македонија пред десетина години беше познат преку „Македонки Идол“, а започна и соло кариера, сепак, тогаш нештата не беа вакви или едноставно не беше вистинското време.

View this post on Instagram

A post shared by Miki Sekulovski (@mikisekulovski)

Сега дојде токму она за кое можеби повеќето улесници на „Ѕвездите на Гранд“ сонуваат и посакуваат, а тоа е да бидат редовно пофалени, увежени и поласкани од жирито како што тоа му се случува на Мики. Нема кого не би му годеле редовни комплименти, па и на Мики Велики како што му дадоа прекар судиите на популарното музичко шоу. Но, ако кога е музиката во прашање му тргна во петта брзина, на љубовен план е во лер. Мики во изјава за Гранд откри дека не се појавила вистинската или тој едноставно не се потрудил да ја најде. „Најверојатно се уште ја немам пронајдено вистинската. Имав некои семејни проблеми и останав во Белгија 5 години, бидејќи едноставно морав да останам. Но се вратив и одлучив да се пробам во „Ѕвездите на Гранд“ и живеам во Македонија. Има девојки во Македонија, само треба некој да се потруди да ги најде“ изјави Мики за Гранд. Јасно е дека девојките сакаат популарни ликови, особено музичари, така што Мики нема сомнеж дека наскоро ќе го огрее и без многу да се труди, а како што тргнале нештата може и не ќе мора да мрдне ни со прст. За потесетување, братот на Мики неодамна стана татко, па можеби ќе повлече нога во семејството Секуловски и ќе му се посреќи и на Мики што поскоро да се скраси со понежна половина. фото:Instagram printscreen/ mikisekulovski

Босанец го разврза јазикот: „Имам 16 милиони, а џебовите ми се празни!“ (фото)

Слободанка Илиева — Tue, 13 Feb 2024 13:28:20 +0000

За проблемите со кои се соочуваат денешните музички автори зборуваше Драган Стојковиќ, Босанац, хармоникаш и член на жирито на натпреварот „Ѕвезде Гранда“. Музичарот за српските медиуми се осврна и на минатото, а нагласи дека клубовите и урбаната музика, која е програмирана на снимањето, многу се промениле кога е во прашање естрадата и додаде дека квалитетот на музиката денес е многу полош од порано. - Денеска нема мецени, немаме ни издавач, таа или тој треба да плати за се’. А најдобриот звук доаѓа од музичарите, а не од програмирањето. Денешните снимки кога ги слушаш, почнувајќи од мојот Џиџа па продолжувајќи, само пука, нема динамика, нема пуштање. Американците го прават тоа поинаку, прво прават демо снимки, па ја слушаат песната, па гласот го снимаат во Лос Анџелес, па басот во Чикаго, виолините свират во Њујорк, па склопуваат се’ и така се добива квалитетот - рече тој.

View this post on Instagram

A post shared by Dragan Stojkovic Bosanac (@d.s.bosanac_official)

Босанецот подвлече дека уште еден голем проблем за музичарите и авторите настанал во моментот кога музиката преминала на дигиталните мрежи, каде што нема голем профит, па денес пејачите сè помалку снимаат албуми.

View this post on Instagram

A post shared by Dragan Stojkovic Bosanac (@d.s.bosanac_official)

- Кај нас жабата виде дека коњот го потковуваат, па ја кренала и ногата. Не можеш да му направиш такво нешто на сиромав. Логото на „Мерцедес“ може да го ставите на „југо“, но „југо“ останува „југо“. Во 1980-тите, луѓето заработуваа, но се плаќаше данок на вкупниот приход на граѓаните и сето тоа беше редовно. Денеска имам 16 милиони прегледи на едно од моите кола, но џебовите ми се празни, тие пари се ништо во споредба со тоа - изјави Босанецот. фото:Instagram printskrin/ d.s.bosanac_official

Кариерата на Џенифер Лопез во залез: „Ова може да биде последно!“

Слободанка Илиева — Tue, 13 Feb 2024 07:24:28 +0000

Џенифер Лопез за неколлку дена ќе ги израбува обожавателите со нов албум. Долгоочекуваниот албум, прв по десет години, Џенифер Лопез ќе го објави на 16 февруари, а како што објави Entertainment Tonight, ова можеби е последниот албум на латино дивата.

View this post on Instagram

A post shared by Jennifer Lopez (@jlo)

This Is Me… Сега се вика нејзиниот проект инспириран од љубов со Бен Афлек, а заедно со албумот ќе излезе и филм. „Вистината е дека навистина не знам дали некогаш ќе издадам албум по овој. Ова може да биде последниот“, рече Џеј Ло. Многу фанови останаа загрижени по оваа изјава, но се свесни и за фактот дека новиот проект се чека веќе една деценија, па никогаш не се знае кога е оваа латино дива во прашање. фото:Instagram printscreen/ jlo

Три месеци по трагедијата на нејзиниот концерт Калиопи го отпеа ветеното во Белград: „Во контакт сум сум со семејството на несреќната жена“ (фото)

Слободанка Илиева — Wed, 07 Feb 2024 08:35:29 +0000

Серијата концерти на нашата ултра позната и обожувана регионална музичка ѕвезда Калиопи беше прекината поради еден немил настан. Имено, пред три месеци беше закажан концерт во Белград, но за жал истиот беше одложен бидејќи на една жена од публиката и се слоши и почина. Тогаш Калиопи со длабоко желење реши да стопира се’,па средбата со белградската публика да ја закаже за подоцна. Тоа подоцна се случи сега во МТЦ салата каде Опи го отпеа ветеното пред своите обожаватели. Максимално предана на сцена, со пеење од срце и тон емоции, токму онаква како што ја знаат и очекуваат да ја видат и слушнат сите кои со нетрпение го чекаа концертот.

View this post on Instagram

A post shared by Kaliopi (@kaliopi_official)

-Балград, ти засекогаш остануваш во моето срце! Оооо каква ноќ!, напиша Калиопи во описот на фотографиите од концертот кои ги постави на својот Инстграм за да сведочат на уште еден феноменален музички спектакал полн со бура од емоции каков таа секогаш знае да приреди. Се вели дека музиката ги поврзува луѓето и говори со јазикот на љубовта, а Калиопи умее совршено и магично да ги конектира. Токму затоа пред српските медиуми таа кажа и дека со позитивна мисла, поистоветување и емпатија, успеваме да се зближиме уште повеќе, мислејќи и на немилиот настан за кој биле објавени и невистини. - Имаше многу неточни информации за самиот настан. Само ќе кажам дека гледаме напред и размислуваме позитивно, тоа што го доживеавме некако не собра уште повеќе, доживеавме нешто незамисливо. Во постојан контакт сум со семејството на несреќната жена. Токму тој момент направи нешто примарно и не натера да го цениме животот повеќе од порано – изјавила пејачката за Пинк.

View this post on Instagram

A post shared by Kaliopi (@kaliopi_official)

Белградскиот концерт на Калиопи беше совршено музичко стартување од годинава, а таа како и секогаш неуморна за споделување љубов и музика продолжува со полна агенда настапи. Следно ја слуша и гледа македонската публика и тоа во Маврово на 17-ти февруари. фото:Instagram printscreen/ kaliopi_official

„Целосно ја баталив музиката“: Луна Ѓогани ги растажи фановите, па откри во која професија се гледа сега (фото)

Слаѓана Атанасова — Mon, 05 Feb 2024 08:45:40 +0000

Јутјуберката Луна Ѓогани во емисијата „Премиер - специјален викенд“ зборуваше за мајчинството и кариерата, а на самиот почеток откри дека ужива во мајчинството и се труди слободното време да го поминува со семејството. - Децата се многу врзани за мене и јас сум многу среќна поради тоа. Сега растат и се многу интересни. Постарата ќерка сè уште покажува љубомора, која веќе ја спомнав, но полека ќе помине. Се навикнав на мајчинството и обожавам да поминувам време со моите деца - изјави Луна, а потоа откри како ја поминува неделата со семејството: - Во недела обично ручаме заедно, се одмораме, легнуваме, се гушкаме, се бакнуваме! Одиме во некој трговски центар, да бидеме заедно. Немаме многу време да бидеме заедно во текот на неделата, па викендот го одвоив за вакви активности - рече таа и откри дали планирала толку брзо да ја исполни својата улога на мајка: - Не можеш ништо да планираш во животот. Сè се случи некако брзо, спонтано, но успеав! Мајка ми многу ми помага и се надевам дека ќе го имам истиот однос со моите ќерки како што има мајка ми со мене. Господ ќе дозволи да бидам како неа на нејзини години - вели Луна. Ѓогани откри и дали ќе и се врати на музиката и дали можеби сака да се поврзе со мајка и и татко и преку музика: - Целосно ја баталив музиката. Почнав да се бавам со некој вид на водителство. Изградивме студио. Ми се допаѓа тоа, тие подкасти. Веќе имав некои емисии и гости. Ќе ги поканам и моите родители да посетат, но посебно секако. Што се однесува до тоа спојување во музичка смисла, ако се појави добра песна, како добар маркетинг, може да се случи, зошто да не - заклучи Луна во емисијата Премиер викенд специјал. Фото: printskrin/instagram/

Сѐ е подготвено за „99 Мегастарс“: Ден за музика, награди и незаборавни моменти

Антонио Димитриевски — Wed, 29 Nov 2023 11:17:20 +0000

Одбројувањето за „99 МЕГАСТАРС“ почна. Во тек се финалните подготовки пред утрешниот МЕГАден за МЕГАсреќа и „99 МЕГАСТАРС“ – денот кога ќе си ги освежиме најубавите музички спомени, но и денот кога ќе споделиме незаборавни моменти на среќа, забава, дарување... 30 ноември е ден кога среќата ќе биде насекаде, а токму таа, исто како и музиката, им дава душа на универзумот, крилја на умот, лет на имагинацијата, а магија и радост на нашите животи. Затоа подгответе се МЕГАквалитетно и МЕГАуникатно искуство со добра македонска музика и една поинаква, позабавна лотарија − Државна лотарија, којашто за вас ги овозможи Мегавин и „99 Мегастарс “! На 30 ноември во СЦ „Јане Сандански“ со почеток од 20:00 часот ќе се слави музиката, успехот, ќе се одбележи најновата мегапобеда megawin.мк, новата визија, новиот симбол, една убава 15-годишнина, но и пишувањето на новите страници за уште 26 нови среќни приказни од наградната игра „Биди ин, регистрирај се на мегавин“... Она што треба да го запомните е дека влезници за оваа вечер НЕМА во продажба - единствен начин да се дојде до нив е со регистрација на платформата megawin.mk (пријавувањето за влезница ќе биде возможно до самиот почеток на настанот), а секој оној кој ќе се регистрира на платформа www.megawin.mk заклучно со денес до 23:59 часот ќе учествува и во наградната игра „Биди ин, регистрирај се на Мегавин“. Вкупниот фонд за награди и подароци изнесува 12 000 000 денари. Наградниот фонд е: 5 луксузни патувања за двајца во Дубаи, 10 гејминг лаптопи Lenovo, 10 iPhone 14 Pro и еден автомобил BMW. Првите 50.000 регистрирани на www.megawin.mk добиваат промотивни вредносни ваучери од 100 до 10.000 денари, што ќе можат да се искористат за играње на платформата megawin.mk. Во улога на водители на настанот присутните ќе ги видат неповторливиот Игор Џамбазов, Маријана Станојковска, Мартин 99 Трпчевски и Миа Костова, а како звучеше македонската музика на времето ќе нѐ потсетат: Искра Трпева, Peace Brothers, Куку Леле, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Бени Шаќири, Андријана Јаневска, Верица Пандиловска, Александар Тарабунов, Арчи, Сара Мејс, Бојана Скендеровски, Ламбе Алабаковски, Нови дечки, Тони Зен, Ивона Јо, Ластовица, Дуо Дис, Наде Талевска, Теа Трајковска, Дарко Гроздановски, Мила Николовска-Ѓумар, Александар Ристовски - Принц... И тоа не е сѐ, освен аудио ве очекува и неверојатно визуелно доживување - бина со големина од 120 квадратни метри, повеќе од 100 квадратни метри ЛЕД екрани, „зелена соба“ со сите изведувачи, а уреден ќе биде и надворешниот дел, односно просторот пред салата – инаку наменет за сите оние кои нема да бидат во можност да влезат во салата. И пред СЦ „Јане Сандански“ ќе бидат поставени ЛЕД екрани и шатори каде бесплатно ќе се дели топол чај. Настанот ќе биде емитуван и на профилите на социјалните медиуми на Државна Лотарија, како поддржувач на проектот - во чија реализација учествуваат повеќе од 200 луѓе, а дел од dreamream-от се Дарко Панчевски и Емилија Илиевска, проект-менаџери; Мартин Трпчевски, уметнички директор; Александра Тимковска, лице задолжено за односи со јавност, Божидар Божиновски, сценарист; Зоран Тошевски, сценограф; Advanced Solution Group - Маркетинг кампања и Ангелина Китановска, стилист. Најголемиот пријател Државна лотарија за оваа вечер вели дека е влог во заедничката среќа, затоа не пропуштајте ја можноста - дојдете утревечер во СЦ „Јане Сандански“ со почеток од 20:00 часот - зашто не е ин само да се биде фин, туку ин си ако се регистрираш на Мегавин“...

Сања Вучиќ откри како ја одржува емотивната врска, но и дали и е полесно откако настапува соло (фото)

Слаѓана Атанасова — Mon, 27 Nov 2023 08:42:15 +0000

Екипата на една емисија замина во градот на светлината - Париз заедно со пејачката Сања Вучиќ, која таму приредила спектакуларен настап. Пејачката открила како ја одржува врска со своето момче со оглед на тоа што често не е покрај него поради настапите кои ги има, но и колку и е полесно бидејќи има соло кариера. - Не се плашам дека ќе ме украдат овде, силна сум, ќе бегам и додала: - Случајно не сум тука со мојот партнер, но ќе има можности. Веќе сум заљубена. Заљубувањето секогаш доаѓа спонтано. Не ми пречи кога се пишува за дечко ми, но и не ми се допаѓа. Отпрвин сакав да го сокријам тоа, иако тоа е невозможно. Не можеме навистина да не се појавиме никаде. Сè што треба да знаете тоа е површно. Во постојан контакт сме, ја чувствувам таа обврска, мислам дека треба да се посветам на тоа да биде мирен и да одржува мирно пристаниште, бидејќи често патувам - открила пејачката. -Немам 20 милиони во паричникот, можеби ќе стигнам до нив во следните неколку децении. Платформите покажуваат добри бројки. Горда сум, деби албумот е уште еден чекор кон успехот што посакувам да го имам. Само се надевам дека ќе оди нагоре - вели Сања и додава: - Моите родители не сакаа да се занимавам со музика на истиот начин како нив ... Но, овој мој начин е прифатлив, така што нема откажување. Фото: Принтскрин/Instgaram/sanjalilwolf

Јами распали по Барбара Бобак: „Не ме интересира, извини ако животот ти е глуп“ (фото)

Слободанка Илиева — Fri, 24 Nov 2023 13:39:13 +0000

Јасна Миленковиќ, позната под псевдонимот „Јами“, јавно го искажа својот суд на темата за пеење песни на други колеги. Повеќето од нив ја препознаа Барбара Бобак, која е позната по нејзините насловни изведби. Јасна Миленковиќ Jами истакна дека и пречат преработките на нејзините хитови и дека секој треба да пее свои песни, а не да ги зема од другите колеги. Како што многумина ја препознаа Барбара Бобак во изјавите на пејачката, Јами сега проговори и стави крај на шпекулациите.

View this post on Instagram

A post shared by Jasna Milenkovic Jami (@jamiofficial)

- Тоа е вирална приказна која започна. Точно е дека моите песни се евергрин, но на тоа мора да му дојде крајот. Тоа е идиотизам и дрскост. Не ме интересираат тие имиња, сите се луѓе кои немаат свои хитови. Немате хитови, па крадете! Барбара, ниту некој друг ме контактирал. „Тие работи“ е мојата биографска песна. Тоа е мојот живот. Со што ми ја сфаќаш песната како што треба. Ако животот ти е глуп, извини, но не можеш да украдеш туѓо - вели Јами, а потоа додава:

View this post on Instagram

A post shared by Bobak S. Barbara (@barbara.bobak)

-Замислете да снимам кавер на песната на Снежана Ѓуришиќ „Kuće mala krečene u belo“, а таа да ја сними мојата „Sibica“. Ако моите песни требаше да звучат како што ги изведуваат, никој немаше да чуе за нив. Ми ја уништуваат песната! Тргни се, симни се од мене! Ова што се случува оди против здравиот разум – заклучува Јами за Информер.рс фото:Instgaram / barbara.bobak / jamiofficial

Подгответе се за „99 Megastars“ – уживање за сите сетила (фото)

Слободанка Илиева — Sat, 11 Nov 2023 17:56:41 +0000

Музиката е универзален јазик на кој зборува срцето и има моќ да нѐ натера да чувствуваме различни емоции. Таа е највисоката форма на магија и, како што во една прилика рекол Карлос Сантана, има моќ да ги зближува луѓето. Музиката во исто време е и лек, факт потврден од Британската академија за звучна терапија (БАСТ), што со години ги проучува корисните ефекти од слушањето музика за терапевтски цели. Едно истражување на БАСТ, односно проектот наречен „Музиката како лек“, се обидува да идентификува точно каков вид музика стимулира позитивни нервни одговори и колку долго треба да се слуша пред да почнат да се активираат овие одговори. - Повеќето луѓе слушаат музика секој ден и речиси сите имаме тенденција да ги менуваме плеј-листите врз основа на расположението. Психолозите повторно докажаа дека музиката може да има влијание врз нашето здравје. Имајќи го тоа на ум, би било одлично ако може да се препише музика за да се помогне во одредени состојби, велат невролозите од БАСТ. Резултатите од истражувањето се неверојатни – 89 % од испитаните 7.580 лица рекле дека музиката е суштинска за нивното здравје и благосостојба. Ние нема да докажуваме ништо, ниту ќе одиме против оние кои веќе го сториле тоа, само во пракса ќе се обидеме да делувамe лековито и да потврдиме дека музиката е лек за душата – затоа не пропуштајте да бидете дел од големиот музички настан „99 Megastars“ закажан на 30 ноември со почеток во 20:00 часот во СЦ „Јане Сандански“. А тогаш освен што ќе можете да уживате во добро познатите рефрени, ќе имате можност да си ја тестирате и среќата – зашто освен многу музика ќе има и многу, многу изненадувања. Влезот на „99 Megastars“ ќе биде бесплатен со регистрација, а информациите за ова очекувајте ги на 18 ноември. Во улога на водители на настанот, што воедно ќе биде и музичко патување низ времето и одлична можност да се потсетиме на некогашните големи хитови и музички имиња кои одамна не сме ги виделе на сцената, ќе се појават Игор Џамбазов, Маријана Станојковска, Миа Костова и Мартин Трпчевски. А дел од музичките имиња, кои ќе бидат задолжени за забавата ќе бидат Александар Митевски, Андријана Јаневска, Арбен Шакири, Верица Пандиловска, Искра Трпева, Peace Brothers, Маја Гроздановска-Панчева, Ребека Јанковска, Ристо Самарџиев, Кристина Арнаудова... Што се однесува до техничкиот дел, благодарение на кој присутните ќе добијат можност за уникатно уживање и настан каков што ретко се гледа на нашите простори, очекувајте бина со големина од 120 квадратни метри, повеќе од 100 квадратни метри ЛЕД екрани, „зелена соба“ со сите изведувачи, а уреден ќе биде и надворешниот дел, односно просторот пред салата – инаку наменет за сите оние кои нема да бидат во можност да влезат во салата (начинот на кој ќе се обезбедува место ќе биде објавен на 18 ноември). Пред СЦ „Јане Сандански“ ќе бидат поставени ЛЕД екрани и шатори каде бесплатно ќе се дели топол чај. Настанот ќе биде емитуван и на профилите на социјалните медиуми на Државна Лотарија, како поддржувач на настанот. Во реализацијата на овој мега проект учествуваат повеќе од 200 луѓе, а дел од dreamream-от се Дарко Панчевски и Емилија Илиевска, проект-менаџери; Мартин Трпчевски, уметнички директор; Александра Тимковска, лице задолжено за односи со јавност, Божидар Божиновски, сценарист; Зоран Тошевски, сценограф; Advanced Solution Group - Маркетинг кампања и Ангелина Китановска, стилист. Најголемиот пријател Државна лотарија за оваа вечер вели дека е влог во заедничката среќа. За „99 Megastars“ и настаните што следуваат Државна лотарија има многу поводи, но најважниот е, велат, да се собереме, да ја славиме среќата, надежта, музиката, дружењето, убавите спомени, искрените емоции... „Среќа е да се биде заедно, да сме живи и здрави, да пееме и играме, да се наградуваме, да се радуваме на добивки, да учествуваме во креирањето на едно големо цело за сеење среќа и надеж онаму каде што е потребно да се помогне“, велат од Државна Лотарија. На 30 ноември среќата ќе биде насекаде, исто како и музиката, а таа не заборавајте му дава душа на универзумот, крилја на умот, лет на имагинацијата, а магија и радост на нашите животи. Бидете дел од „99 Megastars“ и не заборавајте – датум: 30 ноември, време: 20 часот, локација: СЦ „Јане Сандански“.