музички фестивал – Вистина.мк

„ДромФест – КултурДром“ во вашиот дом на 16, 17 и 18 декемвриво општина Аеродром

Антонио Димитриевски — Wed, 14 Dec 2022 11:41:41 +0000

За прв пат во Општина Аеродром се оддржува културно уметничка манифестација која во себе содржи: музика, театар, улични артисти, поезија, базар на ракотворби, со единствена цел збогатување на културно уметничкиот живот на жителите на Аеродром и сите останати посетители. Зошто ДромФест? Затоа што заедница без уметност и култура е мртва заедница. Затоа што уметноста и вдахнува живот на заедницата. Затоа што уметноста е потребна секому, а достапна е само некому. Затоа што најголемата скопска општина скоро и да нема манифеатации од културата. Затоа што Аеродром има најголем број музичари, актери, уметници, поети, писатели, ракотворци... Затоа што нема простор, сцена, локација, објект за културни настани. Најпосле, за да покажеме дека на Аеродром му е потребен Дом на култура, дом за сите уметници - творци, дом на култура за сите аеродромци. ДромФест – музички фестивал, 16 декември, од 17:00 до 24:00 часот, плато позади Капитол Мол. Настапуваат: Ласт Експедишн, Лоши Деца, Лара Иванова, No Name Nation, Пајак, Cruel, Sol Nocivo, Коноп бенд и Ди Џеј Жолти. ДромФест - Базар на ракотворби е на 17 и 18 декември, од 10:00 до 20:00 часот во ТЦ Бисер. На базарот на ракотворби ќе бидат изложени ракотворби (филигран, слики од срма, врамени везови со македонски фолклор, рачно работени кукли, рачно работен накит, плетени додатоци за облека, новогодишни рачно работени украси....) од членките на Здружение домаќинки на Македонија. ДромФест – детска програма, на 17 декември, од 12:00 до 14:00 часот, во Капитол Мол, на приземје и втори кат. Пантомима шоу со единствениот Кирил Трајковски Максим, Интерактивна претстава за деца со многу забава, хумор и едукативна програма преку техники на пантомимата. Претстава со жонглери и акробати од Фазбабл. ДромФест – Театар на 17 декември, од 20:00 часот во Капитол мол, на трети кат, ќе се одржи театарска претстава „Пациенти“ на театар Провокација. Не ја пропуштајте урнебесната комедија во режија на Ѓорѓи Ризески, во која играат: Роберт Ристов, Мирјана Ристов и Радо Алексовски. ДромФест - СтихоДром на 18 декември, од 18:00 часот во Капитол мол, на втори кат, ќе се одржи поетското читање „Стиходром: врзете се поетуваме!“ што „Скопскиот поетски фестивал“ го организира во соработка со „Дром Фест ‒ КултурДром во вашиот дом“, на кој ќе настапат дванаесет поети од Општина Аеродром поддржани со диџеј сет на Кристијан Јордановски. Посетителите ќе имаат можност да слушнат поезија од: Андреј Ал-Асади, Иван Антоновски, Јулијана Величковска, Диме Данов, Искра Донева, Светла Јакшиќ, Живко Новески, Лилјана Пандева, Димитар Пандев, Дијана Петкова, Глигор Стојковски и Виолета Танчева-Златева. ДромФест – школо за гитара Бојкоски на 18 декември, од 16:00 до 17:30 часот во Капитол мол, на втори кат. Малите виртуози од школата за гитара Бојкоски, ќе приредат незаборавно музичко патување низ класиката, џезот, забавната, рок и народна музика. Ристе Бојкоски e македонски уметник, виртуозен гитарист и професор во „Школо за гитара Бојкоски“. Покровител на фестивалот е Општина Аеродром.

20 години интернационалeн музички фестивал „Тра ла ла“

Антонио Димитриевски — Mon, 12 Aug 2019 09:31:58 +0000

Од 13-18 август ќе се одржи 20-тото издание на Интернационалниот музички фестивал ТРА ЛА ЛА 2019 Охрид и Битола, Македонија. Учествуваат солисти од 14-26 годишна возарст од 22 држави. Интернационалниот музички фестивал ТРА ЛА ЛА оваа година го одбележува својот 20-ти јубилеј и е една од најуспешните манифестации од овој вид во цела Европа. Во досегашните изданија на фестивалот ТРА ЛА ЛА покрај учесниците од Македонија, земаат учество и репрезенти и делегации, солисти и вокални групи од Малта, Индија, Шпанија, Естонија, Велика Британија, Украина, Хрватска, Белорусија, Кипар, Бугарија, Латвија, Австралија, Бугарија, Русија, Албанија, Литванија, Романија, Србија, Јапонија, Косово, Полска, Италија, Словенија, Молдавија, Израел, Унгарија, Црна Гора, Босна и Херцеговина и многу други.

Проектот има за цел да придонесе во развојот на музичката култура во нашата држава и јакнење на натпреварувачкиот дух кај младите. Со тоа се допринесува во афирмацијата на македонската и светската естрада, дел од партиципантите се учесници на голем број европски и светски манифестации како детската Евровизија, Сан Ремо џуниор, Славјански базар и многу други познати случувања. Фестивалот ТРА ЛА ЛА е член на Светската асоцијација на перформанси и уметости (World association of performing and arts) WAPA со седиште во Ерменија, а наскоро се очекува да стане член на Светската асоцијација на фестивали и уметности (World association of festivals and arts – WAFA). Соработува со преку 40-тина фестивали и организации ширум светот. Гала концертот ќе се одржи на 17 aвгуст 2019, во Центар за култура, Битола, почеток 19 часот. Билетите се пуштени во предпродажба.

Месец мај резервиран за музичкиот фестивал „Ентерфест“ во Скопје

Моника Манасиевска — Mon, 23 Apr 2018 09:52:54 +0000

Музиката е моќно средство за поврзување на луѓе. Таа ги премостува јазичните и културните поделби. Музичкиот екосистем генерира богати социјални, културни и економски придобивки. Од 29 мај до 03 јуни, на две сцени, надвор и внатре во спортскиот центар „Борис Трајковски“, започнува ново музичко доживување за љубителите на фестивалите - ЕНТЕРФЕСТ. Она што досега се случуваше далеку од центарот на Скопје и Македонија сега ќе може да се доживее во срцето на главниот град, петдневен музички спектакл за кој долго ќе се се раскажува. На фестивалот учество ќе земат над 50 изведувачи од земјата и странство. Во рамки на фестивалот ќе се организира и семеен ден со слободен влез со посебна програма, анимација и забава наменета за сите дечиња.

Фестивалот има за цел на едно место да ги спои сите љубители на добрата музика од Македонија и од соседните земји. Освен што велат дека ќе има музика за сечиј вкус, додаваат и дека на посетителите ќе им понудат најевтино квалитетно пиво. А во продолжение погледнете и кој сè ќе настапи на првото издание на фестивалот: 1. Тамара Тодевска 2. Ера Иштрефи 3. Масимо Савиќ 4. Атомско Склониште 5. Дадо Топиќ 6. Партибрејкерс 7. Ван Гог 8. Игор Џамбазов и Гуру Харе 9. Гоце Саф 10. Опча опасност 11. Марчело 12. ПМГ 13. Дивље Јагоде 14. Ај Кју 15. Земља Грува 16. Кепурдхат 17. Елементал 18. Бени Нон Стоп 19. Неверне Бебе 20. Кербер 21. Визија 22. Конкуринг Лајон 23. Бед Копи 24. Дани 25. ЕнБеКа и Твистер 26. Кара 27. Министерс Галери 28. ДНК 29. Кристина Арнаудова 30. Севдах Бејби 31. Ки 32. Аутмајнд 33. Викторија Лоба 34. Теодора 35. Ничим Изазван 36. Агушеви оркестар 37. Темпера 38. Фолтин 39. Но Нејм Нејшн