музички двобој – Вистина.мк

По Гавазова-Велевска, нов, овој пат машки музички двобој: Туше и Цаки – „Кисми“ на фолк дуел

Антонио Димитриевски — Thu, 21 May 2020 09:09:26 +0000

Минатиот викенд изгледа беше „историски“ за македонската фолк естрада. Ако немаат можност за тезги по кафеани, за настапи по угостиртелски локали, концерти по клубови и дискотеки, пеење по свадби, свечености и семејни веселби, фолкерите најдоа можност за нешто друго: домашна онлајн забава. Концертите од по дома, онлајн, на интернет станаа традиција, особено за некои од пејачките, како Сузана Гавазова, која редовно секој викенд има свое „онлајн хоум лајв фолк шоу“, а минатиот помина во знакот на првиот женски музички фолк двобој помеѓу неа и како што се говореше во медиумите, „лутата конкурентка и соперничка“, колешката Елена Велевска. Музичкиот дуел на двете фолкерки мина во „пукање“ со познати песни и хитови, а за атмосферата да биде уште подобра, Сузана и Елена беа придружувани од двајца одлични музичари: Ицко Ѓорѓиовски на клавијатури, како и познатиот виртуоз на дувачки инструменти Александар Ангелов од групата „Дрим тим“. Нивниот настап, јавноста имаше можност да го следи на фан страниците на четворицата музичари, а се емитуваше и во живо на единствената македонска музичка сателитска телевизија, ИН ТВ. На нивниот репертоар повеќе беше застапена македонската песна, а интересно беше и тоа што во еден момент Елена и Сузана ги заменија своите песни. Елена пееше песни од Сузана, а Сузана од Елена. Јавноста уживаше во “Бум бум”, “Те шизнав”, “Опасна за око”, “Една е мајка”, “Срце бакшиш”, “Удри дајре до сабајле”, а беа отпеани и македонски извори и патриотски песни. Прекрасната вечер која имаше и хуманитарен карактер зашто се донираа средства за најпогодените со коронавирусот, двете атрактивни фолкерки ја заокружија со заедничка изведба на познатиот македонски новосоздаден фолк евергрин, „Едно име имаме”. Двете атрактивни фолк пејачки изгелда повлекоа нога, па, по женскиот, бргу беше закажан и првиот машки, музички фолк двобој. Имено, овој викенд, силите на микрофонот со своите гласови и песни ќе ги одмерат двајца македонски фолк пејачи. Фолк мегдан закажаа едни од најбараните фолк пејачи на македонската естрада, Благојче Стојановски -Туше и Цаки - „Кисми“. Нивниот музички дуел е закажан за 23-ти мај, сабота, со почеток од 20 часот, а фолк двобојот на Туше и Цаки ќе може да се проследи на нивните фан страни на Фејсбук, но, истиот ќе биде пренесуван во живо и на сателитската ИН Телевизија. Ако музичкиот двобој на Гавазова и Велевска „прострела во срцата“ илјадници фанови со добра песна, убаво расположение и барем за малку им ги отрргна мислите и грижите од не така розовото секојдневие на голем дел од нивните фанови, машкиот фолк двобој на Туѓе и цаки веруваме дека ќе биде уште пожесток... Се разбира, кога е во прашање песната, како празник за душата!

Сузана Гавазова и Елена Велевска на музички двобој: Фолкерките закажаа дуел пред камери (ФОТО+ВИДЕО)

Антонио Димитриевски — Thu, 14 May 2020 07:38:09 +0000

Сузана Гавазова и Елена Велевска дефинитивно важат за можеби најпопуларните, но и најатрактивните, најзгодните и најсексапилни македонски фолк пејачки последниве години. Но, годиниве наназад, за нив исто така во медиумите често можевме да прочитаме дека двете фолкерки воопшто не се во добри односи. Секој медиум имаше своја приказна, секоја од нив своја страна и видување на истата, а публиката остана самата да го извлече својот заклучок, да донесе свој суд. Имено, есента 2018 година, Велевска во едно свое интервју за еден сега непостоечки естраден ТВ магазин, изјави дека со колешката Сузана Гавазова не се најдобри односи, но и дека на некој начин секогаш ќе бидат ривалки бидејќи се во иста професија. Велевска во интервјуто истакна дека со нејзината колешка „се скарале“ бидејќи требало заедно да снимаат дует. Меѓутоа, Елена трипати била во студиото за да го сними својот дел, Гавазова не се појавила. Од друга страна на приказната, нејзината колешка Сузана во интервју за истоимениот магазин истакна дека едноставно не се погодиле со термините. Целата приказна за која Вистина.ком.мк и тогаш пишуваше, можете да ја прочитате подолу. https://arhiva.vistina.com.mk/radio-mileva/suzana-gavazova-i-odgovori-na-obvinuvanjata-na-elena-velevska-video/ Дуетот никогаш не се случи, по што нивната комуникација не престана да функционира, но добро упатените тврдеа дека оттогаш односите им биле баеги „заладени“, а нивните муабети се сведувале на „службени“?! Речиси две години подоцна, корона пандемијата ја „закатанчи“ естрадата дома. Затворени локали, забранети јавна собирања, стопирана дејност... На естрадните уметници, меѓу кои и на двете македонски фолкерки, единственото нешто што им остана беше музицирањето... од дома! Гавазова таа можност обилно ја користеше, па секој викенд атракртивната струмичанка има мини концерт од својот дом во живо и тоа онлајн, пред вклучените камери кои тоа го пренесуваат на Интернет и социјалните мрежи. Велевска пак, додека настапите и се „во лер“ заради карантинот и изолацијата, паузата ја искористи исто така работно, само на поинаков начин. Со „Томато“ продукција сними ново, провокативно видео за нејзината стара песна „Говорот на телото“, во кој Елена соло пред камерата го потенцираше сиот свој телесен раскош и сексапил, а истото го „репризираше“ неодамна и со слична, уметничко-еротска фотосесија, во која Елена во различни пози се претстави прилично гола, од центарот на македонската метропола. https://arhiva.vistina.com.mk/radio-mileva/elena-velevska-pokaza-deka-i-grevot-ima-svetla-strana-govorot-na-teloto-vertikalno-video-vo-koe-pejachkata-najmnogu-e-vo-horizontala-video/ Деновиве ненадејно во јавноста осамна информацијата дека Сузана Гавазова и Елена Велевска закажале фолк дуел?! Иако се' уште јавно не се знае чија е идејата, всушност се работи за уште еден закажан саботен „хоум концерт“ во живо на Сузана Гавазова, на кој нејзин специјален гостин ќе биде Елена Велевска, а сето тоа онлајн на Интернет ќе го пренесува сателитската ИН ТВ! Сепак, откако веста се појави на социјалните мрежи, одекна како бомба, па многумина тврдат дека всушност станува збор за еден вид музички двобој на двете атрактивни фолкерки. Која прва ќе потегне „микрофон“, ќе има ли „Бум бум“, каква „Тактика“ ќе примени Гавазова и ќе биде ли „Опасна за око“ во оваа естрадна „Џунгла“...? Или прв ќе проработи „Говорот на телото“ на Велевска, па од „Грешница“ ќе се претвори во „Невина“... Ќе побара: „Погледни ме за крај“ или до крај ќе остане на своето: „Недостапна за тебе“? Музички дуел кој оддамна се чека, а Ваше е само удобно да се сместите и онлајн и да го проследите, за да дознаете за што точно станува збор! https://www.youtube.com/watch?v=H8ahZR1wJdM