музичка програма – Вистина.мк

Од 24-ти до 28-ми август: Богата музичка програма во Пробиштип за Денот на рударите

Антонио Димитриевски — Mon, 21 Aug 2023 12:43:40 +0000

По повод Денот на општина Пробиштип и Денот на рударите 28-ми август, Општина Пробиштип организира богата културно-уметничка програма која ќе трае пет дена. Програмата започнува на 24-ти август со фолк вечер на која концерт ќе одржи ансамблот „Македонија“ од Скопје. На 25-ти август следува „Рудар рок фест“ на кој ќе настапат: „Преку ред“, „Прв ред“, „Ashborn“, „Беседа“, „Мамут“ и „Last Expedition“. 26-ти август е резервиран за македонските музички ѕвезди, ќе настапат Дани Димитровска, Ѓезме, Игор Џамбазов и Гуру Харе, Дац и Александар. Следната вечер (27.08) настапуваат балканските ѕвезди „Фрајле“ и „Прљаво казалиште“ а истата вечер tribute бендот „Бело копче“. На 28-ми август манифестацијата се завршува со концерт на Наташа Малинкова.

Дегустации и музичка програма за Свети Трифун во Неготино: „Наздрави со вино, за љубов и среќа“

Антонио Димитриевски — Mon, 06 Feb 2023 10:30:52 +0000

Општина Неготино традиционално го одбележува празникот на Свети Трифун – заштитник на лозарите. По тој повод во Салата на Општина Неготино, Музејот на Неготино и Градскиот плоштад ќе се одржат неколку настани во чест на празникот. Програмата започнува во петок (10.02) а главното одбележување е на 14-ти февруари на Градскиот плоштад. Покрај локални фолклорни групи и бендови ќе настапи и познатиот музички состав „Љубојна“.

Ова е музичката програма на „Вевчанскиот карневал 2018“

Антонио Димитриевски — Fri, 05 Jan 2018 11:12:39 +0000

Од 12 до 14 јануари во Вевчани нè очекува една од најголемите и најуникатни културни знаменитости во нашата земја – ВЕВЧАНСКИ КАРНЕВАЛ! Со оваа манифестација, Вевчани во својот автентичен и мистичен дух, повторно прераснува во голема отворена сцена подготвена од вевчанските василичари на карневалот познат ширум светот по неговата архаичност и како најголемиот европски фестивал на сатирата! Прославата на најстариот театар на отворено ќе започне во петок, на 12 јануари со забавниот дел од музичката програма во чии рамки ќе настапат групите „Фолтин“ и „Плутос даутс“ (Pluto’s Doubts), а кулминацијата на вечерта е загарантирана со диџеј сетот на светски докажаниот, македонски продуцент и композитор Кирил Џајковски.

Во сабота, на 13 јануари, вечерта во пресрет на дочекот на Новата година по стариот календар, посетителите ќе имаат можност да уживаат и во настапите на „Џамбо Агушев оркестар“, Блага Петреска и „Чалгија саунд систем“. Саботното попладне, пак, е резервирано за традиционалното дефиле на учесниците во карневалот кои ќе ги презентираат своите василичарски маски.