музичар – Вистина.мк

Музичарот и советник во општина Аеродром, Дарко Масларковски демонстративно ја напушти „Левица“: Не сум сам и единствен кој вака се чувствува, но сум прв кој гласно кажува дека во партијата нешто смрди-корне“

Антонио Димитриевски — Thu, 29 Feb 2024 10:02:37 +0000

Дарко Масларковски со години познат како музичар, музички арстист, изведувач, организатор на разни настани, концерти и манифестации кога е во прашање македонската алтернативна музичка сцена. Заедно со својот брат близнак, членови на неколку бендови, од кои најпознати култните „Пука козметика“ и „Брука“ и едни од сопствениците на забавно-музичката Интернет телевизијата „Бла Бла ТВ“. Откако Димитар Апасиев ја основаше партијата Левица, Дарко Масларкловски станува нејзин член и не само тоа, туки и еден од нејзините најистакнати поединци. Како еден од најгласните, најборбените, најправедните, најреволуционерните заслужно ќе се најде на листата за советници на партијата и на последните локални избори успева да се избори за советничко место во општината каде живее - скопската општина Аеродром. И кога некои предвидуваа дека „Левица“ расте, напредува, завзема се поголем простор и се надеваат на што поголемо парче од политичкиот колач на претстојните парламентарни и претседателски избори во Македонија, тргнаа скандалите, а со тоа и првите знаци на „расколот“ во партијата откако токму Дарко Масларковски разочаран , деновиве јавно ја напушти истата! Дали по очигледно оддамна насобраниот гнев и нездоволство тригер за ваквата одлука беа гласините во јавноста дека СДСМ и помага на Левица да собере потписи за нивната претседателска кандидатка Билјана Ванковска, со цел да се создаде поделба во опозицијата, па членови на партијата се кренаа против партиското раководство? Или јавно обзнанетите документи од страна на Петар Богојески од „Македонски концепт“ во емисијата „Заспиј ако можеш“ на ТВ Алфа, во вид на тендер договори на институции каде директори се луѓе поставени од Левица со фирми чии сопственици се блиски до ДУИ и шокантниот партиски Правилник за задолжителни донации на „Левица“, според кој наводно секој кој ќе добие хонорарна работа или се вработи преку партијата, треба да плаќа од 20% до 25 % од своите примања во истата, ја прелија чашата на горчина? Што и да е, веројатно незадоволството кулминирало до точка на вриење, па македонскиот музичар и опшински советник не можејчи повеќе да ја истрпи неправдата што му се случува пред очи, откако „му пукнал филмот“, реши да пресече. Та „пука брука“ или не, Дарко Масларковски повќе член на Левица - не е! Одлуката јавно ја соопшти на својот Фејсбук профил, каде отворено и се обратил на јавноста, појаснувајќи зошто се решеил на ваков „радикален чекор“: „Почитувани ДРУГАРИ, пријатели, роднини како и цела македонска јавност Сакам да ве информирам дека од денес ЈАС не сум повеќе член на политичката партија ЛЕВИЦА. Одлуката ја носам со чиста совест и разум базирана на повеќе причини и дејства на кои не можам да останам рамнодушен. Разочаран сум бидејќи работите во партијата не се на она другарско и чисто идеолошко делување, како на почетокот, тоест полно е со византиски игри, намерно уништување, игнорирање и оддалечување од чесни, вредни, борбени, бестрашни, бескомпромисни "чисти" кадри. Се случува опкружување со полтрони, интересџии и безкичмењаци кои безпоговорно следат ЛУДИ ДИРЕКТИВИ(како таа за отстранување на МАКЕДОНСКОТО ЗНАМЕ од Кутлеш) како и екипирање на раководни кадри кои се премногу сомнителни, увезени токму од политичките елити против кои се бориме(наводно се бори и Левица). Рацинизирани се сите оние кои на почетокот со сета своја способност, труд, напор и знаење дадоа ОГРОМЕН придонес во развојот на делото и партијата, а додадени се разно разни мешетари и луѓе со сомнително минато и потекло. Растурени се најсилните ограноци со инфилтрации на горепосочените и во јавноста само привидно се прави чувство дека расте партијата, нема месен огранок во Ново Лисиче каде имавме најсилна поддршка на избори има нов огранок во некое село со 500 жители и 3 члена. Најверојатно раководството низ својата длабоко затворена призма на делување и секташање не дава простор за вистинско растење на партијата, вистинска борба, која многупати била задушувана од самото раководство, па најверојатно исплашени од расколите од минатото кое ги следи како црна сенка, не дозволува никој да пристапи, дава различни идеи и делува. Не се посветува и одвојува ни тронка време за да се согледа и реши внатрепартискиот проблем со дискусија и другарски муабет Не сум сам и единствен кој овака се чувствува, но сум прв кој ГЛАСНО кажува дека нешто "СМРДИ", а смрди КОРНЕ. Дали последната надеж за конечно добра, партија на НАРОДОТ е контролирана и усмерувана од некој повисоки сили и центри на моќ? Времето можеби не е најадекватно и баш пред избори, но јас не можам повеќе да бидам дел од нешто што ќе го уништи духот на МАКЕДОНЦИТЕ, одземајќи му ја можноста за ВИСТИНСКА политика и партија која вистински се БОРИ за МАКЕДОНИЈА. ПРЕДАДЕНИ СМЕ Се вклучивме во ПОЛИТИКА (прв пат се ОБОИВМЕ/ИСПЉАВМЕ ПОЛИТИЧКИ) со сето срце и душа и човечки капацитет, ВЕРУВАЈЌИ во ИДЕАТА и КАУЗАТА за БОРБА за Македонија и подобра иднина за сите луѓе. Борбата за МАКЕДОНИЈА ја ПРОДОЛЖУВАМ секако, но го фрлам оружјето ЛЕВИЦА кое е отапено до толку што не може ниту хартија да пресече, а камо ли да нанесе сериозен удар на НЕПРАВДАТА кој ја трпиме 30 + години. П.С. Во советот на општина Аеродром ќе продолжам да делувам како независен Советник“ - стои во обраќањето на Масларковски, кој како што самиот вели, не е сам и единствен кој вака се чувствува, но е првиот кој гласно кажува дека во „Левица“ нешто смрди - корне“! Дали Левица полека „пука“ и дали е формирана само за да биде нечија политичка „козметика“, ќе видиме допрва?! Избори се ближат...! Фото: YouTube/Brooka/Заспиј ако можеш/Општина Аеродром/Левица - web page/ Facebook/Дарко Масларковски

„Тој разговор ми беше многу важен“: Ѓорѓе Давид го запозна сопругот на жената која почина (фото)

Слаѓана Атанасова — Tue, 20 Feb 2024 09:09:23 +0000

Музичарот Ѓорѓе Давид сепак се појави на снимањето на „Ѕвездите на Гранд“. Се шпекулираше дали тоа ќе се случи бидејќи неодамна доживеа сообраќајна несреќа во Македонија, кога случајно усмрти жена на патот. Давид откри како се чувствува после се. - Подобро и подобро. Обврските и задачите кои се одложуваат поради се што ми се случи ме ставија во турбо, тоа е нешто што многу ми се допаѓа - рекол музичарот и открил дека имал разговор со сопругот на жената што загина. - Се запознав со човекот чија сопруга загина во таа сообраќајна несреќа. Разговорот што го имав со него беше крајно човечки, нормален, крајно татковски. А тој е татко на женско дете и јас сум, тоа ми беше многу важно да симнам огромен товар од моето срце бидејќи знаев дека сака да ја слушне приказната од главата на човекот зад воланот. Мислам дека тоа ми расчисти некои облаци во главата. Многу ми е важно човек да е свесен за целата ситуација. Направив се што можев во тој момент - изјави рокерот и откри повеќе детали: - Не му се јавив лично, иако го имав телефонот, го прашав адвокатот , кој најде начин да дојде до него. Седнавме на јавно место, еден спроти друг. Тоа е многу емотивен разговор кој траеше 45 минути, никогаш нема да го заборавам. До тој степен ми е важно како раѓањето на моето дете, првиот бакнеж, првиот концерт и слично - рече Ѓорѓе Давид и откри какви понатамошни обврски има кон обвинителството. - Имам обврска секој 15-ти во месецот да се јавувам во Куманово. Ова се работите за кои инсистирав да се случат кога првпат отидов таму - објасни тој. Фото: printskrin/instagram/djordje_david

„Жално e што носи таков товар“: Еве што мислат соседите за Ѓорѓе Давид откако се случи сообраќајната несреќа (фото)

Слаѓана Атанасова — Fri, 09 Feb 2024 12:18:23 +0000

Музичарот Ѓорѓе Давид неодамна се најде во центарот на вниманието на јавноста, кога имаше сообраќајна несреќа во Македонија во која жена го загуби животот. Откако се вратил во Србија, соседството не го видело неколку дена, а некои не ни знаеле што се случило со рокерот. Соседите со насмевка зборувале за Ѓорѓе и откриле како изгледа неговата секојдневна рутина. - Го знаеме Ѓорѓе, постојано доаѓа во нашиот салон, човекот е сериозен, цар. За него имам најдобро да кажам. Не сме го виделе од несреќата во Македонија - изјавила вработена од салонот за убавина каде пејачот постојано оди. Еден сосед го познавал пејачот по видување. -Постојано е насмеан и постојано се шегува со сите. Жално е тоа што му се случи. Се надевам дека со текот на времето ќе му биде полесно да живее со тоа - истакна таа, а една баба рекла: - Слушнав на телевизија што се случило и така ме обзеде некоја тага. Греота ќе сноси таков товар. Фала му на Бога, Ѓоле е многу силен и има позитивен дух, има прекрасно семејство и верувам дека со нивна помош ќе успее да ја надмине целата ситуација. Во блиската продавница велат дека тој не доаѓа кај нив, туку дека мајка му постојано купувала таму, навикната на локалната продавница. - Ретко го гледам. Тој никогаш не доаѓа во продавница. Излегуваше надвор, но тогаш мајка му беше во лоша здравствена состојба, па помалку можеше да се движи низ населбата. Неговата мајка е прекрасна жена, знам дека беше стара, не знам како е сега... - изјавила една жена од продавницата и додала: - Неговата сопруга не живее тука, но ја гледаме. Дојде со ќерката. Од несреќата се почесто доаѓаат. Да потсетиме, Ѓорѓе Давид налетал на жена која се движела по автопат и ја прегазил. Наводно, првиот судир дошло на два автомобила, со кумановски регистрации и скопски регистарски таблички. Како што се истакнува во соопштението до судирот дошло кога возачот на еден од автомобилите влегол на автопатот во спротивен правец. Фото: printskrin/instagram/

Лара Иванова не е сама: Ова е момчето на македонската поп пејачка со кое е во четиригодишна љубовна врска

Антонио Димитриевски — Fri, 09 Feb 2024 11:01:53 +0000

Младата пејачка Лара Иванова по макфестовската дует-песна „Бела“ со Пајак која стана не само мегахит туку и видеофеномен со над 25 милиони прегледи на Јутјуб и самата се вивна кон врвот на популарноста во друштво на најголемите македонски поп ѕвезди од помладата генерација. Зачестија радио и ТВ гостувањата, нејзиниот лик осамна насловниците на порталите, се почесто почна да дава изјави и интервјуа, рапидно порасна бројот на нејзините настапи, а потоа се појавија и нејзините нови песни... Со еден збор Лара после „Бела“ естрадно се етаблира. И додека јавноста, особено онаа во која помладата публика го наоѓа својот интерес, почна да открива и дознава многу работи за кариерата на „распеаната балерина“, љубопитноста ја надмина професијата, па многумина, особено помлади момчиња почнаа да се интресираат и за приватноста на долгоногата поп пејачка. Оние што ја знаат одблизу и се во нејзиното најтесно опкружување многу добро знаеја дека Лара Иванова не сама кога се емотивното дружење и љубовта во прашање. И тоа не е сама оддамна, зашто пејачката е во во четиригодишна врска иако истата не ја споменува и не сака многу јавно да ја експонира. Токму деновиве таа и нејзиното младо момче Александар Војнески прославија четири години од нивната „љубовна романса“ со фото-колаж на Инстаграм, на кој се собрани фотографиите од најразличните заеднички моменти кои ги вљубените гулапчиња ги поминале заедно. Фотоколажот осамна на Инстаграм профилот на младиот љубовник кој на „важниот датум“ го објави на своето стори и шеговито напиша: „4 години ја трпам“! При тоа изразувајќи ја својата љубов со додаден емотикон на срце! Инаку момчето на Лара е исто така музичар, виолинист и со пејачката се во емотивна врска отприлика од нејзината 16-та година. Тој своето музичко образовние го започнал на седум годишна возраст во ДМБУЦ „Илија Николовски Луј“ во Скопје. Првите години од изучувањето виолина станале клучни за тој не само да развие огромна љубов кон музицирањето, туку и понатаму да одлучи дека патот на музиката преку виолината е токму неговата идна професионална и животна определба. Тој сега е на студии по виолина при Музичката академија во Љубљана, Република Словенија. Праксата еден на друг јавно да си ги честитаат значајните датуми со колаж заеднички фотографии преку нивните Инстаграм профили, всушност не е познато која ја започнал, иако и Александар на Лара, а и таа нему на сличен начин му го честиташе роденденот... „Роденденско момче, те сакам“ - напиша тогаш Лара која неодамна објави две нови песни. Едната со наслов „Ме сакаш кога ме немаш“ и оваа последната, дуетот со Јосиф „Сите светла“. А што се однесува до љубовта со колегата, која сега е на преточена во љубов на далечина... Белким километрите нема да бидат причина да се случи она непишано правило: „Далеку од очите - далеку од срцето“, па оваа принудна дистанца само ќе ја зацврсти нивната љубовна романса! Фото: Фејсбук и Инстаграм/aleksandarvojneskii/_lara.iv_

Прво огласување на Ѓорѓе Давид по враќањето во Србија: „Вистина е дека се вратив“ (фото)

Слаѓана Атанасова — Thu, 01 Feb 2024 07:04:54 +0000

Српската музичка ѕвезда Ѓорѓе Давид официјално ја напушти Македонија, откако доби одобрение од судските институции. По напуштање на земјава, Давид закажа конференција за печат за српските медиуми во текот на утрешниот ден. Популарниот рокер пред повеќе од една недела учествуваше сообраќајна несреќа во Македонија кога со својот автомобил удри во жена која се движела по автопат, која потоа почина. Во оваа прилика телеграф.рс го контактираше Ѓорѓе, кој потврди дека пристигнал во Белград. – Вистина е дека се вратив. Но, не би рекол ништо повеќе, утре е конференцијата – рече тој. Српски Блиц дознава дека Давид дома се сретнал со својот адвокат, по што го напуштил станот, го фрлил ѓубрето, а потоа со такси се упатил кон градот, од каде може да се заклучи дека рокерот повеќе не вози автомобил по сообраќајната несреќа. Фото: printskrin/instagram/djordje_david

„Не ја поминав границата“: Ѓорѓе Давид сѐ уште е во Македонија по сообраќајната несреќа во која загина жена (фото)

Слаѓана Атанасова — Mon, 29 Jan 2024 09:15:33 +0000

Ѓорѓе Давид, рок-музичарот и член на жирито на „Ѕвездите на Гранд“, неодамна доживеа страшна сообраќајна несреќа во Македонија во која загина жена, а сега тој се огласи и откри дека неговите документи сѐ уште се во обвинителството. Музичарот објави видео на Инстаграм во кое ги замоли сите медиуми да не шпекулираат за неговата моментална ситуација бидејќи тоа му ја отежнува ситуацијата. - Имајте барем малку емпатија и разбирање за ситуацијата во која се наоѓам. Имено, не ги добив документите и не ја напуштив Македонија. Моите документи се во ОЈО Куманово. Ми ја отежнувате ситуацијата, ми го правите животот пекол. Кога ќе ги добијам документите и кога ќе ја поминам границата, ќе бидам првиот што ќе ве контактира - изјави Ѓорѓе Давид. Да потсетиме, документите на Ѓорѓе Давид му беа одземени по сообраќајна несреќа во која жена го загуби животот откако музичарот налета на неа со автомобилот на автопат. Фото: printskrin/instagram/djordje_david

Ѓорѓе Давид учествувал во трагичната сообраќајка кај Табановце во која загина жена

Слаѓана Атанасова — Sun, 21 Jan 2024 11:29:49 +0000

Српскиот музичар Ѓорѓе Давид учествувал во сообраќајната несреќа во Македонија на автопатот Куманово - Табановце во која едно лице загина. Несреќата се случи вчера, 20 јануари, околу 20 часот, најверојатно поради густа магла, а во несреќата учествувале три автомобили во близина на границата. Давид се враќал од Гевгелија каде имал деловни обврски. Музичарот не одговарал на повиците на новинарите. - Во сообраќајката учествувале патничко возило „фолксваген поло“ со кумановски регистарски ознаки, управувано од Б.Т.(24) од Куманово, патничко возило „фолксваген голф“ со скопски регистарски ознаки, управувано од В.П.(45) од Куманово и патничко возило „опел инсигниа“ со српски национални ознаки, управувано од Ѓ.Н.(59) од Република Србија. Во несреќата, од здобиените повреди починала Љ.Т.(49) од Куманово, сопатничка во возилото „поло“, а смрт констатирал лекар од Итна медицинска помош Куманово, информираше полицијата. Српските медиуми објавија дека возачот на инсигнијата е српскиот музичар Ѓорѓе Николиќ, чие уметничко име е Ѓорѓе Давид. фото: printskrin/istagram/djordje_david

Сепак, љубовта не’ победи: Борис Новковиќ се разведе по четврти пат?! (фото)

Слободанка Илиева — Wed, 08 Nov 2023 09:37:04 +0000

Не е првпат да се пишува за разводот на Борис Новковиќ и неговата избраничка Ајрис Волф. За време на четирите години брак повремено се шпекулираше за нивна разделба, но тие секогаш успеваа да ги „испеглаат“ сите проблеми. Сега изгледа дека парот конечно решил да тргне по својот пат. Пред неколку месеци нивните соседи открија дека веќе некое време не живеат заедно, а на вратата на убавата манекенка наводно повеќе не се презиме Новковиќ, туку само Волф.

View this post on Instagram

A post shared by Boris Novkovic (@boris_novkovic)

Шпекулациите се засилија кога нивните следбеници забележаа дека нема нови заеднички фотографии. Ирис, згора на тоа, објавува само фотографии со деца. Медиумите од соседството пишуваат дека музичарот се развел, а се чека официјална потврда. Последниот љубовен бродолом се случи на крајот на есента 2020 година, кога Новковиќ потврди дека се разведува од својата две ипол децении помлада сопруга. Таа тогаш дури се иселила од заедничкиот дом во Загреб, а потоа стигнала необичната вест - дека чекаат бебе.

View this post on Instagram

A post shared by Boris Novkovic (@boris_novkovic)

Популарниот пејач и неговата четврта сопруга очигледно имале доволно време во карантин за да ја смират својата врска, па една година подоцна им се придружи бебенце. фото: Instagram printskrin

Сопругот на Антониа Гиговска отвори душа за бракот, улогата на татко, коментарите од јавноста… „Страшно ме вади од памет, стварно не капирам!“ (фото)

Слободанка Илиева — Wed, 11 Oct 2023 07:17:12 +0000

Роберт Спасенцовски, име кое доколку му се додаде префиксот „сопругот на Антониа“, веројатно за повеќето би било појасно за кого станува збор. Сепак, тоа на Роберт не му пречи, бидејќи тој реално и е сопругот на нашата позната пејачка со која неодамна се оставија во улогата на родители. Роберт е дипломиран музичар, негов прв инструмент е хармониката, постојано активен на сцена, но и во создавањето музика за себе која ја претставува под уметничкиот превдонимот Џокер. Изминатите месеци откако се заедно со Антониа, како сопружници и родители на наследникот Киан, за брачната двојка редовно осамнуваат наслови во медиумите, особено за нивната приватност. Токму за ова, Роберт проговори и откри дека во денешно време ретко кој би останал резервиран за социјални мрежи, па и тој, но најчесто останува без реакција дури и кога нешто не му се допаѓа. - Искрено не реагирам никако. Почитувам секакви мислења и секакви ставови –зборувам за искрени. Обично не читам, ама нормално на Фејсбук сум исто така активен и кога ќе налетам на некоја објава со 150 коментари, секој ќе ке погледне нели? Но, страшно ме вади од памет кога ќе прочитам, вулгарни коментари полни со омраза и толку погрдни зборови од некои возрасни жени, да не речам тетки, со фотографии со деца на нивните профилни и кавери.Си велам: „ Добро бе, па стварно не капирам?!“ Ама, небитно, на крајот од денот пак се смеам, и ќе продолжам да се смеам, вели Роберт во интервју за „Женски магазин“. Неодамна го прослави својот роденден, кажа дека подготвува нова песна која ќе биде изненадување за публиката, а откри и како се снаоѓа во улогата на татко. Повеќе прочитајте на линкот...

Војаж ужива во новата љубов: Раперот објави романтична фотографија со својата девојка (фото)

Слаѓана Атанасова — Thu, 05 Oct 2023 06:29:46 +0000

Михајло Веруовиќ, попознат како Војаж, по врската со популарната пејачка Бресквица долго време беше сам. Често се шпекулираше за неговиот приватен живот и го поврзуваа со неколку девојки, а тој одби да ги коментира овие наводи. Сепак, летово се појавија слики и видеа од младиот рапер со извесна Тамара Кујачиќ, а тој често изјавуваше како е во среќна љубов која сака да ја држи подалеку од очите на јавноста со оглед на тоа дека неговата девојка не е јавна личност, пишува IDJTV. Тамара живее во Норвешка, а како што изјавил Михајло, врската на далечина не им претставува проблем бидејќи постои голема желба врската да успее. Се чини дека Војаж одлучил почесто да споделува љубовни моменти на своите мрежи. Па сега сподели слика со девојката од лифтот. Иако нејзиното лице е делумно покриено со телефонот, она што на сите им падна во очи е широката насмевка која ја имаше раперот, а очигледно беше дека ужива во љубовта. Фото: Принтскрин/Инстаграм/Ата Имаџес