мус – Вистина.мк

Рецепт за чоколаден мус со кафе

Слободанка Илиева — Fri, 27 Jan 2023 13:11:45 +0000

Кремаст десерт со кафе и чоколадо. Состојки: 130 гр темно чоколадо 1 јајце белки 2 лажици силно, засладено турско кафе 15 гр путер цимет по желба малку сол Подготовка: Чоколадото ситно исецкајте го, ставете го во тенџере, прелијте го со кафе и со мешање растопете го на пареа. Чоколадото тргнете го од пареата и постепено измешајте го путерот исецкан на парчиња. Оставете да отстои околу една минута. Одделете ги жолчките од белките, а потоа измешајте една жолчка во чоколадната смеса. Изматете ги белките додека не се стегнат со малку сол. Во растопеното чоколадо веднаш измешајте околу четвртина од „снегот“ за малку да омекне. Потоа полека измешајте го остатокот од пенестата смеса. Добиениот мус поделете го во четири чинии и ставете го во фрижидер најмалку три часа. Пред сервирање посипете со цимет. изворкурир.мк

Идеален за секој што внимава на линијата: Лесен чоколаден мус (РЕЦЕПТ)

Riste Zdravkov — Wed, 06 Apr 2022 07:17:42 +0000

Без шеќер СОСТОЈКИ: 300 гр. какао 2/3 шолја бадемово млеко 400 мл. јогурт со ниска масленост 1/4 лажичка екстракт од ванила Начин на подготовка: Истурете го какао правот во сад. Во мало тенџере сварете го млекото. Кога ќе зоврие, прелијте го какаото и промешајте со шпатула. Прво промешајте многу полека, а потоа малку побрзо, постепено додавајќи го екстрактот од ванила. Со мешање, додадете јогурт. Мешајте додека смесата не стане хомогена. Смесата поделете ја во чаши и ставете ја во фрижидер 2 часа.

Мус колач од чоколадо: Кремасто задоволство без печење

Слободанка Илиева — Mon, 02 Nov 2020 14:45:02 +0000

Направете вкусен десерт за кој не ви е потребна рерна. Потребни состојки: 800 милилитри млеко 300 грама слатка павлака 180 грама шеќер 50 грама незасладено какао во прав 50 грама густин 200 милилитри млеко 10 грама желатин во прав 60 милилитри ладна вода 300 грама чоколадо за готвење 200 грама маскарпоне сирење незасладено какао во прав за посипување Начин на подготовка: Загрејте ги млекото (800 мл), слатката павлака и шеќерот на средна топлина. Во меѓувреме, измешајте ги какаото и густинот. Додајте малку млеко (200 мл) и добро измешајте. Прелијте го желатинот во прав со ладна вода и оставете го 5-10 минути да набабри. Истурете ја смесата со какао во топлото млеко. Оставете да зоврие и мешајте почесто. Додека мешате, отстранувајте ја смесата од какаото од ѕидовите на тенџерето бидејќи се насобира таму кога ќе почне да згуснува. Кога ќе почне да врие, оставете ја да врие уште 5 минути и мешајте. Тргнете ја од огнот и додајте го и измешајте го чоколадото. Стопете го желатинот на ниска температура и веднаш тргнете го од огнот. Желатинот не смее да зоврие. Додајте го желатинот во смесата со чоколадото и добро измешајте. Претурете ја смесата во голем сад, оставете ја да излади десет минути, а потоа додајте го сирењето. Мешајте со миксер додека смесата не се соедини. Земете плех со големина од 26 цм, попрскајте го со малку вода и покријте го со целофан. Исурете го мусот во плехот и израмнете го одозгора. Оставете го да отстои во фрижидер преку ноќ. Извадете го мусот од плехот – ставете еден послужавник на горниот дел од плехот и, држејќи ги плехот и послужавникот заедно, свртете го послужавникот така што тој ќе дојде на дното, а плехот одозгора. Извадете го целофанот и посипете го мусот со какао. Исечете го со топол нож што можете да го чувате во чаша топла вода неколку секунди или може да го загреете над топла рингла. Чувајте го мусот во фрижидер. извор:кафепауза.мк