мултиталент – Вистина.мк

Македонскиот олимпиец нема за што не го бива: Врвен атлетичар, рапер, инфлуенсер, официјален спикер на „КК Црвена ѕвезда“… Јован Стојкоски е вистински мултиталент (ВИДЕО)

Антонио Димитриевски — Mon, 06 Nov 2023 09:32:51 +0000

Охриѓани, но и оние кои ја следат атлетиката добро го знаат името на Јован Стојкоски и познаваат момчето кое пред две години на Летните олимписки игри (ЛОИ) во Токио ја претставуваше Македонија. Тој на последниот глобален светски собир во Јапонија настапи во трката на 400 метри, но за жал без да ја мине квалификациската група. Стојкоски кој е член е на „АКК Охрид“, во моментов се' уште е сопственик на два државни рекорда и тоа во трките на 100 и 200 метри и во штафетата 4 х 100 метри. Но Јован не е само врвен спотрист, туку ако погледнете со што се занимава, ќе заклучите дека ова момче - Македонче е вистински мултиталент! Покрај врвните атлетски способности, „jst400“ - како што гласи неговиот уметнички прекар е и одличен рапер, инфлуенсер, а неодамна беше и официјален спикер на еден од мечевите на КК Црвена Ѕвезда во Белград. „Луѓе, денес ја добив таа чест да бидам спикер на нтпревар од Евролигата пред 20.000 луѓе. Немам трема ниту малку, сепак сум настапувал на олимписките игри... За мене ова е 'мачкина кашлица' “ - се пошегува во најавата пред своето спикерско деби Јован, кој феноменално си ја заврши работатата, па откако добро се покажа доби понуда и за постојан ангажман?!

View this post on Instagram

A post shared by Jovan Stojoski | Olympian (@jst400)

Патем, селфито со “тенискиот бог“ Новак Ѓоковиќ кој беше присутен во арената, беше неизоставно... А кога сме веќе кај белградска Арена, откако одлично се покажа како официјален спикер, Јован како „jst400“ ги покажа и своите музичко-раперски способности, па ја отпеа или поточно одрапува неговата песна „Ноќу“ (Ноќе), за што доби силен аплауз. Полн со самодоверба, раперот веднаш посака и шеговито вети дека еден ден и тој ќе ја наполни пет пати Арена, како Александра Пријовиќ!

View this post on Instagram

A post shared by Jovan Stojoski | Olympian (@jst400)

А, дека шегата и забавата на македонскиот олимпиец не му се страни, покажува и на социјалните мрежи каде со своите шеговити скечеви умее да ги насмее оние кои го следат. Така на пример погледнете како изгледа кога Јован ја учи својата партнерка - Груберка, да зборува македонски.

View this post on Instagram

A post shared by Jovan Stojoski | Olympian (@jst400)

А, вака изгледа видеото и звучи песната „Ноќу“ која Јован, односно „jst400“ и Груберка заедно ја изведуваат: Фото: Инстаграм/jst400 Видео: Јутјуб

Сите знаат дека Елмас е вонсериски талент за фудбал, а само малкумина дека Елиф е роден ММА борец: Волшебник на теренот, „ѕвер“ во октагонот! (ВИДЕО)

Антонио Димитриевски — Wed, 05 Jul 2023 08:21:39 +0000

По Дарко Панчев и Горан Пандев, Елиф Елмас е најголемата и најуспешна македонска фудбалска ѕвезда. Толку млад, а веќе со шампионска титула со Наполи во една од најсилните фудбалски лиги од европската петорка - италијанското Калчо. Дека Елмас е е вонсериски талент за фудбал, сите знаат. Волшебник на зелениот терен, магионичар со топката... Но, само на малкумина им е познато дека Елиф е роден талент и за некои други спортови. Природно надарен за боречките на пример, како што се Кикбокс, ММА, УФЦ или Џиу Џицу... Така што колку и да ви изгледа нежен и кршлив, волшебникот од зелениот тревнат терен, всушност е вистински „ѕвер“ во октагонот, како што го нарекуваат мрежестиот ринг за споменатиот вид борби во спортот кој е се' само не нежен. Дека е тоа така, потврдуваат и видеата кои осамна на Инстаграм приказните на тренерот Ивица Алексовски, односно познатиот македонски центар за ваков вид боречки вештини “The Strongest“. Елмас беше кај нив на гости па сам решил или тие го кандисале да се обиде да проба за да види како изгледа да си кикбоксер или ММА борец... Опремата на него и еве го Елиф како силно удира... И тоа за прв пат како како кикбоксер. Лева-десна, потоа една ескиважа, па уште една и на крај неколку завршини удари во плексусот на противникот, во случајов спаринг партнерот, кој по тренингот за Елмас ќе каже само едно: „Природно, роден талент“!

View this post on Instagram

A post shared by CalcioNapoli24 (@calcionapoli24.it)

Потоа уште малку таканаречени „Муаи-таи“ вежби, кои колку и да се тешки, Елиф не само што машки ги издржа, туку и покажа дека со него нема шега... Но, тоа не е се.

View this post on Instagram

A post shared by CalcioNapoli24 (@calcionapoli24.it)

„Добриот глас надалеку се слуша“, а врвниот мултиталент надалеку се гледа, па тренингот со боречките вештини не остана незабележан и во Италија. Така италианскиот calcionapoli24.it ја сподели веста со фото и видеоклипче на кое се гледа како Елмас покрај кикбоксот ги демонстрира и неговите џију - џицу, односно ММА боречки вештини со својот спаринг партнер, покажувајќи дека вистински мултиталент за секој спорт.

View this post on Instagram

A post shared by CalcioNapoli24 (@calcionapoli24.it)

„Елмас одржува кондиција во Македонија и со ММА“, „Елмас 'дели лекции' од ММА“, „Елмас верзија на Роки Балбоа“... се само некои од насловите што осамнаа во Италија. Новата сезона во Калчото набргу започнува, а и настапите на Наполи во Лигата на шампионите... Оние одбрамбени играчи што ќе го чуваат нашиот „дијамант“ нека му ја мислат. Фер плеј и надигрување - може, ама да не им падне напамет некоја глупост да направат грубост... Впрочем, убаво нека ги прегледаат видеава пред и да помислат! Фото: Инстаграм принтскрин/elifelmas24/thestrongestmacedonia/calcionapoli24.it

„Тоа се вика самопочитување“: Игор Џамбазов со личен пример покажа зошто треба да го заследат на социјалните мрежи (фото)

Слаѓана Атанасова — Thu, 22 Jun 2023 09:03:27 +0000

Неодамна македонскиот шоумен Игор Џамбазов наброи кои животни приоритети ги одбира за здраво тело и здрав дух, а едно од нив, покрај одмор, вежбање, сонце, пријатели беше и самопочитта. Тој на социјалните мрежи редовно објавува ситуации кои понекогаш се апсурдни или забавни токму како и овој пат. Имено, на самата апликација „Инстаграм“ во делот за следачи се најде и една голема важна личност во неговиот живот - маестралниот Игор Џамбазов! Или поточно, шоуменот се заследи самиот себе си. Па, бидејќи активно ја користи редно е и сам да се заследи, зошто да не?! „Се заследив сам себе си. На здравје нека ми е!“ - гордо напиша македонскиот мултиталент. Прва на објавата реагираше македонската пејачка Калиопи која му остави до солзи насмеано емотиконче - смајли. Секако коментарите беа неизоставен дел на оваа објава, а некои кои му ги оставија беа навистина забавни: „Ти не си ти, ако не се следиш себеси, „Е тоа се вика самопочитување!“, „Тоа само Чак Норис го може“, „Сам ако не се пратиш, кој“,„Важно е за здравјето, остави то..“ Впрочем, ако не се сакаш, цениш и почитуваш најпрвин себе си, не можеш да очекуваш и другите да го направат тоа. Затоа и Џамбазов со личен пример покажа што значи самопочит! Сега другите се на ред! Фото: Принтскрин/Инстаграм/Игор Џамбазов