мртов – Вистина.мк

Синот на Марина Туцаковиќ бил пријавен за исчезнат во Израел, а безживотното тело веќе два дена лежело на улица од кварт со лоша репутација

Слободанка Илиева — Thu, 22 Dec 2022 12:32:07 +0000

Телото на покојниот Милан Лаќа Радуловиќ два дена лежело на улица во зафрлениот дел на Тел Авив познат по својата лоша репутација, пред да биде пронајдено и однесено во мртовечница. Како што дознаваат српските медиуми од извор близок до семејството, им било кажано дека во оваа населба најмногу се собирале луѓе склони кон пороци, а многумина го избегнувале овој кварт, па тоа била една од главните причини зошто е толку тешко да се влезе во трага на текстописецот, чија смрт беше официјално потврдена во вторникот. – На Лаќа му беше многу убаво во Израел. Тој бил во посета на својот близок пријател, кај кого отишол на 2 декември и планирал да остане таму до Св. Никола. Целите денови им беа исполнети, ги посети ле сите историски знаменитости на градот, разни библиски места, ресторани. Тие двајца таму се сретнале и со заеднички пријатели. Тој беше одлично расположен, ништо не укажуваше дека може да се случи ваква трагедија. Таму го славеше и големиот еврејски празник. Тој навистина се радуваше на тоа. Меѓутоа, по неколку дена, откако се вратиле од излегување, Лаќа наеднаш го променил расположението. Изгледаше како да паднал во некаква депресија, насмевката веднаш исчезна од неговото лице. Се присети на својата покојна мајка Марина и братот Милош и на некои тешки приказни. Потоа се расплака со солзи, па му рекол на пријателот дека сака да биде сам и го напуштил сместувањето каде што престојувале. Тоа го направил навечер и рекол дека ќе се јави подоцна, вели изворот, продолжувајќи ја приказната за тоа што се случило после таа вечер, по што никој не го видел повеќе. – Лаќа потоа го исклучи својот телефон кој имаше израелски број и оттогаш е недостапен. Пријателот мислел дека сака само да биде сам и да размислува за се. Меѓутоа, бидејќи ден и пол или два не се јавил, се уплашил дека нешто му се случило. Овој пријател веднаш ги известил другите познаници од градот дека Лаќа исчезнал, па и тие почнале да прашуваат за него по болниците и низ градот. Кога виделе дека го нема никаде, пријателот решил да го пријави како исчезнат – додал тој. Милан, според него, го завршил животот во дел од градот кој има лоша репутација. – Кога беше пронајден, Лаќа беше мртов два дена. Тој лежел на земја во оддалечен дел од улицата. Таа населба има лоша репутација. Туристите не одат таму, којзнае како стигнал таму. Кога бил информиран, неговиот пријател избезумено отишол на идентификација, по што се потврдиле црните сомнежи дека се работи за исчезнатиот Лаќа – заклучува изворот. фото:АТА Images/YOUTUBE PRINTSCREEN/ PINK.RS/KURIR.RS

Синот на познатиот американски актер пронајден мртов на паркинг (Фото)

Слаѓана Атанасова — Thu, 09 Jun 2022 09:43:25 +0000

Синот на познатиот американски актер и пејач Џек Вагнер (62), бил пронајден мртов на паркинг во Лос Анџелес. Харисон Вагнер имаше само 27 години, а неговиот татко е најпознат по улогите во сериите „Melrose Place“, „Santa Barbara“ и „General Hospital“. Харисон е прогласен за мртов на лице место, а засега не се знае од што и под кои околности починал. Во тек е истрага, а причината за смртта е наведена како „одложена“. По обдукцијата, причината за смртта не е утврдена, па затоа се бара дополнителна истрага за смртта, која вклучува дополнителни испитувања, соопштија од судска медицина како образложение за доцнењето. На Инстаграм Харисон за последен пат објавил пред две недели. Фото:Принтскрин/јутјуб/ктла5

Актерот Мозес Џеј Мосли, кој беше дел од популарната серија „Тhe Walking Dead“, пронајден мртов!

Антонио Димитриевски — Tue, 01 Feb 2022 11:44:39 +0000

Почина актерот Мозес Џеј Мосли. Имаше 32 години, и беше познат по улогата во серијата што бележи голема популарност „Тhe Walking Dead“. Светските медиуми ја пренесоа дека Mозес бил пронајден мртов во Стокбриџ, град во Џорџија, со прострелна рана, а околностите за неговата смрт уште се под истрага. Од серијата веќе објавија трогателна порака на Твитер профилот. Неговите роднини изјавиле дека не биле во контакт со актерот од 23. јануари, а неговото исчезнување го пријавиле во полиција во средата. Актерот е роден во Аикен, Јужна Каролина, во декември 1990. Тој е познат американски актер, писател и модел, а беше дел од ТВ сериите „Queen of the South“ и „Watchmen“.

Синот на популарниот Родни од култната хумористична серија „Only Fools and Horses “ пронајден мртов

Антонио Димитриевски — Thu, 01 Oct 2020 11:31:25 +0000

Синот на актерот Николас Линдхорст, популарниот Родни од серијата „Мучки“, бил пронајден мртов, пренесува „Дејли Меил“. Според овој портал, Арчи имал само 19 години и бил пронајден мртов во неговиот стан. Неговата мајка му напишала на неговиот пријател на Инстаграм дека тој секогаш ќе се грижи за нив. Повеќе детали сè уште не се објавени.

Замина уште една ѕвезда: Славниот рок музичар пронајден мртов

Антонио Димитриевски — Mon, 16 Sep 2019 09:30:00 +0000

Рик Окасек, фронтменот на рок-групата „Карс“ бил пронајден мртов во стан во Њујорк. Полицијата вчера соопшти дека властите реагирале на повик на телефонот 911, па кај 75-годишниот пејач само била констатирана смрт. Нема знаци на насилство и напад. Причината за смртта на рокерот ќе биде утврдена по обдукцијата. Меѓу најпознатите хитови на „Карс“ од крајот на 1970-тите и 80-тите, се „Just What I Needed“, „Shake it Up“ и „Drive“. Бендот лани беше поставен и во Рок-ен-рол салата на славните. Рик минатата година по 28 години брак се раздели од својата сопруга, некогашната манекенка и супер модел, паулина Поришкова. Двојката првпат се запознале додека „Карс“ го снимале музичкиот спот за песната на „Вози“ во 1984 година и биле заедно се до лани 74-годишниот Окасек бил примен во халата на рокенрол славните во Кливленд, Охајо. Рик Окасек зад себе остави и две деца кои ги има од бракот со Поришкова.

Пријателот на принцот Хари пронајден мртов – извршил самоубиство!?

Слободанка Илиева — Mon, 26 Aug 2019 09:52:51 +0000

За долгогодишниот пријател на принцот Хари, 37-годишниот Џулс Робертс кој беше пронајден мртов на почетокот на месец август, се верува дека си го одзел живот. Британските медиуми објавија дека принцот бил „вознемирен и во шок“, и иако не се појавил на погребот, тој испратил цвеќиња и сочувство до семејството на починатиот.

-Тој се запозна со Џулс во 2013 година, подготвувајќи се за добротворна посета на Јужниот пол. Според „Мирор“, тие веднаш се здружеле, а Џулс го научил Хари како да се справи и да преживее во поларни услови. „Принцот е шокиран, тој не може да верува дека Џулс го нема“, рече анонимен извор за споменатиот медиум. Џулс беше директор на добротворната организација „Шеригифт“, која работеше со Хари во неколку наврати, вклучително и интегрирање на воените ветерани. Колегите со кои соработувал ќе посветат маратон низ Сахара следната година.

Замина уште една светска музичка ѕвезда: Пејачот на „Продиџи“ пронајден мртов

Антонио Димитриевски — Mon, 04 Mar 2019 11:48:49 +0000

Почина Кит Флинт, главниот вокал на светската музичка атракција „Продиџи“. Светските медиуми објавија дека 49-годишниот пејач бил пронајден мртов во својот стан. „Продиџи“ важеа за британскиот брејк-бит бенд чија музика содржи различни стилови, почнувајќи од рејв и хардкор техно од раните 90-ти, до алтернативен рок и биг бит со вокални панк елементи на подоцнежните албуми.

„Продиџи“ за првпат се појавија на андерграунд рејв сцената во раните 90-ти години, а наскоро потоа доживеаја голема популарност и стана познати низ целиот свет. Некои од нивните најпопуларни песни се: Charly, Out of Space, No Good, Voodoo People, Firestarter, Breathe, Girls и Smack My Bitch Up...! Кит Флинт беше нивниот главен вокал и таначар кој важеше заштитно лице на групата.

Синот на пејачот и авторот на „Пукни зоро“ пронајден мртов

Христина Ѓоргиевска — Mon, 05 Nov 2018 12:09:14 +0000

Марко Маринковиќ (24) синот на пејачот и авторот на „Пукни зоро“, Тома Маринковиќ е пронајден мртов во Шпанија. Младото момче починала во недела наутро, кога по нејасни околности паднал од терасата во хотелот „Al Jusana“ каде што бил сместен со уште неколку студенти од Србија како дел од програмата „Еразмус“.

По завршените студии во Србија, Марко во Шпанија заминал на едукативно подобрување. Несреќата се случила во 10часот наутро. Според локалните медиуми, Марко останал сам во собата, а неговиот цимер заминал на појадок. За сега, не е познато дали станува збор за самоубиство или несреќен случај.

Актерот од ЦСИ пронаден мртов на 49 годишна возраст

Слободанка Илиева — Wed, 26 Sep 2018 08:36:57 +0000

Актерот Пол Џон Васкез, кој се појави во серијата „Синови на анархијата“, почина од срцев удар на 49 годишна возраст. Телото на актерот е пронајдено во домот на неговиот татко во Калифорнија во понеделникот вечерта, јавува ТМЗ. Васкез е пронајден без свест, а иако брзата помош пристигнала брзо, по неуспешниот обид за реанимација, прогласен е за мртов.

Освен во „Синови на анархија“, глумеше и во популарните серии како „Како ја запознав вашата мајка“, „Итна служба“ и „ЦСИ -Њујорк“. Потоа се насочи кон филмот, а гледачите со гледаа во „Ghost Rider“:Spirit of Vengeance и Foreign Land. „Неговата смрт сите не изненади. Тешко е. Беше драг, грижлив и креативен. Ќе недостига многу, вели личноста од односи за јавноста за Fox News.

Пејачот Влатко Илиевски пронајден мртов во својот автомобил

Христина Ѓоргиевска — Sat, 07 Jul 2018 08:58:52 +0000

Македонскиот пејач Влатко Илиевски е пронајден мртов вчера вечерта во својот автомобил. Информацијата за Курир за потврдија од Министерството за внатрешни работи од каде посочуваат дека кај нив е пристигната пријава околу 23 часот синоќа. Од МВР истакнуваат дека Илиевски бил пронајден починат во возило марка „Тојота“ на булеварот „Трета македонска бригада“. Неофицијално, на неговото тело не биле забележани траги на насилство. Министерството за внатрешни работи информира дека на лице место е извршен увид од страна на полициски екипи и Јавен обвинител, по чија наредба телото е предадено на обдукција по што се очекува да бидат познати повеќе детали. Триесет и три годишниот Влатко Илиевски беше еден од најпознатите рокери во Македонија. извор:курир