мозолчиња – Вистина.мк

Зошто на некои луѓе им причинува задоволство стискањето мозолчиња?

Слободанка Илиева — Fri, 02 Feb 2024 12:50:55 +0000

Повеќето луѓе кои доколку имаат мозолче на лицето, тоа е причина нивниот ден да е уништен – особено ако имаат некој важен настан. Стискањето на мозолчиња во ниту еден случај не се препорачува, бидејќи може да ја оштети кожата, да доведе до инфекција и трајни лузни. Но, некои луѓе едноставно не можат да одолеат. Има и такви кои обожаваат и на другите да им ги стискаат овие „здодевни напасти“ на кожата. Дали е тоа само чисто задоволство или, пак, нешто друго се крие зад тоа – открил Мет Труб, детски и семеен психотерапевт. Најчесто тоа било забележано кај паровите и како што вели, тоа денес не е воопшто нешто невообичаено. „За многумина, стискањето на мозолчиња причинува задоволство. Не само што го ослободува физичкиот притисок, туку има и пријатен ментален ефект на ослободување на допамин“, раскажал тој. Меѓутоа, не секогаш станува збор за тоа како би се чувствувале подобро. Психолошки, постојат многу причини зошто некој ги стиска мозолчињата на блиската личност. На некој начин, тоа е знак на љубов и грижа. „Колку и да звучи „одвратно“ за некого, сепак тоа е показател за одредена блискост, поврзаност и наклонетост меѓу вас и вашиот партнер“, кажал психотерапевтот и додал дека за некого мозолчињата може да претставуваат несовршеност и непријатност. „Тоа некако кореспондира со изнаоѓањето на решенија. Во одреден поглед, тоа е начин да го „подобрите“ изгледот на вашиот партнер“, додал психотерапевтот во својот заклучок. извор:курир.мк

Трик за убавина од 90-тите кој е повторно популарен: Корисен совет како да ги сокриете мозолчињата

Слаѓана Атанасова — Fri, 11 Aug 2023 11:44:26 +0000

Малку работи имаат моќ да го уништат секој ден како несакано мозолче што ќе се појави во погрешен момент. Слој подлога, па коректор, па уште пудра и уште коректор, но таа е сè уште таму. Сокривањето на мозолчето со голема количина шминка ретко успева, па затоа е важно да почнете да размислувате во друга насока. За среќа, постои еден мал трик за убавина кој беше исклучително популарен во 1990-тите и на кој се чини дека сите сме заборавиле кога станува збор за овој проблем. Веќе знаете дека натрупувањето слој по слој од коректор и пудра само дополнително ја нагласува текстурата на несаканото мозолче. Колку и да се трудиме да го скриеме црвенилото, не можеме да ја сокриеме текстурата. Затоа, секогаш останува забележливо. Затоа, наместо неуспешно да се обидуваме да го скриеме со големи количини на производи, ние ќе го трансформираме. Затоа, кога ќе ја започнете шминката, нанесете ја вашата основа како што обично би правеле. Обидете се да го покриете црвенилото на мозолчето што е можно повеќе, но не грижете се ако не успеете целосно. Сега доаѓа клучниот дел од овој трик – земете кафеав молив за очи или кафеава сенка и едноставно нацртајте точка над мозолчето за да му дадете изглед на бенка. Значи, фактот што кожата е подигната таму работи во наша корист, што ја прави бенката многу поверодостојна, наместо неуспешно да се обидуваме да ја камуфлираме. Доколку сакате, додајте уште ситни „бемки“ околу лицето за да ги споите сите заедно и да го направите вашиот мал натрапник невидлив. Испробајте го овој едноставен мал трик следниот пат кога ќе имате непожелен гостин на вашето лице, и сигурни сме дека тој ќе стане ваш нов вистински коректор за мозолчиња. Извор:Курир.мк

Заборавете на мозолчиња: Ослободете се од нив со природен третман за акни

Слободанка Илиева — Thu, 25 Aug 2022 12:35:30 +0000

Користете медицински масла Како да ги третираме со помош на природни есенцијални масла, напиша Невен Карин, фитотерапевт, духовен и енергетски исцелител, за магазинот „Сенса“. „Најчеста грешка при лекувањето на акните е употребата на разни средства за чистење на лицето, кои во исто време ја отстрануваат природната заштита на кожата, што ја прави уште поранлива. Инаку, сапуните обично имаат pH вредност од околу 9 или 10, што го отстранува киселиот слој на кожата, оставајќи ја многу ранлива. За споредба, 0 е исклучително кисела, а 14 е исклучително базна, додека 7 е неутрална pH вредност, што е воедно вредноста која ја има водата. Нашата кожа треба да има природна pH вредност од 5, што е малку кисела, но честото миење и употребата на разни производи кои немаат соодветна pH вредност доведува до нерамнотежа, оставајќи ја нашата кожа незаштитена. Поради оваа причина, многу е важно да се врати природната pH вредност на кожата по употреба на такви производи или отстранување шминка. Кожата со акни бара упорност и редовна примена и најдобро е третманот да биде индивидуализиран“. Масло за општа нега на кожа погодена од акни 10 мл масло од лешник 8 мл сквалан 5 мл масло од таману 5 мл масло од јојоба 8 капки есенцијално масло од чајно дрво 7 капки есенцијално масло од лаванда 5 капки есенцијално масло од германска камилица 2 капки антиоксидативен екстракт од рузмарин Истурете ги сите состојки во шише од 30 мл, добро протресете и нанесувајте ги на местото погодено од акни 1-2 пати на ден, идеално на кожа навлажнета со соодветен хидролат или лосион. извор:курир.мк

Ослободете се од митисерите без одење на козметичар: Ова можете да го направите самите, потребна ви е само една состојка

Слаѓана Атанасова — Tue, 09 Aug 2022 12:41:06 +0000

Црните точки кои не дозволуваат лицето да сјае, така наречените митесери, се досадна и неизбежна појава за секого. Најчесто ги има во пределот на челото, носот и брадата, а целосно можете да ги отстраните само со редовна посета на козметичар. Сепак, можете привремено да ги отстраните сами, користејќи природни средства. Сокот од лимон ги стеснува порите и ја намалува мрснотијата на кожата, ја дезинфицира и ги отстранува мртвите клетки. Нанесете свежо исцеден сок од лимон, измешан со малку вода на лицето и оставете да делува преку ноќта. Наутро исплакнете се со млака вода. Ако почувствувате продолжено чувство на печење, веднаш измијте го лицето. Во исто време, никогаш не се изложувајте на директна сончева светлина веднаш по третманот на лицето со лимон, бидејќи ова овошје ја прави кожата фоточувствителна, што може да доведе до депигментација.

Разбудете се без мозолчиња

Моника Манасиевска — Fri, 15 Feb 2019 13:15:16 +0000

Сакате што побргу да се решите од досадните мозолчиња на лицето? Испробајте ја оваа едноставна работа со зелка и се ќе заврши преку ноќ. Свежата зелка е една од најмоќните намирници со силно антиоксиданско, антибактериско и антиканцерогено дејство. Благодарение на антивоспалителното својство често се користи за намалување на отоци, а со неа може да се санира и воспаление на молчиња.

*Мало парче зелка малку засечете го или „истолчете го“ за да ги ослободите соковите. *Ставете го на мозолчињата, преку него ставете фластер и оставете го така да стои најмалку пат часа. *Ако зелката ја користите во текот на денот, можете да ја замените после пет часа, а ако ја ставите пред спиење слободно „заборавете“ на неа до изутрина. Зелката потполно ќе ги смири мозолчињата или максимално ќе го забрза веќе почнатиот процес на гноење, па после неколку часа лесно ќе ја истиснете содржината без страв од нови воспаленија.