мозочен удар – Вистина.мк

Дознајте кои се најчестите причини за мозочен удар и бидете внимателни

Слаѓана Атанасова — Wed, 12 Jul 2023 12:15:43 +0000

Постојат различни причини зошто некои личности се повеќе склони кон ризикот од мозочен удар. Постојат големи артерии кои транспортираат чиста крв и хранливи материи во мозокот. Најголемата од нив е всушност средната мозочна артерија. Таа обезбедува крв во бочните делови на темпоралниот, фронтален и паријетален дел од мозокот. Овие делови од нашиот мозок ги регулираат функциите на лицето, рацете, грлото и дланките. Местото каде оваа голема артерија се раздвојува од внатрешните каротидни артерии најчесто се јавува како место на блокадата, што може да доведе до мозочен удар. Притоа, мозочниот удар се случува кога самата артерија или една од нејзините гранки е блокирана и крвта не може правилно да тече низ неа. Кога таквите патишта се блокирани, сусптанците кои не одржуваат во живот, како што се крвта, хранливите состојки и кислородот, не можат да дојдат до мозокот. Ако ваквата блокада не се отстрани веднаш, може да настане трајна штета. Постојат повеќе причини зошто една личност би можела да доживее мозочен удар на овој начин, но најчестите од нив ги вклучуваат пушењето, дијабетесот, високиот притисок и аритмијата на преткоморите. Ударите најчесто се јавуваат кога крвното згрутчување притисок патува од артеријата или срцето и се сместува во средната мозочна артерија. Понекогаш, иако тоа е ретко, крвното згрутчување се развива директно во артеријата. Во било кој од овие случаи, крајниот резултат е мозочен удар преку средната мозочна артерија.

Сигурно се сеќавате на Сузан Бојл, живееше тешки денови, а претрпе и мозочниот удар, денес е непрепознатлива (видео)

Слободанка Илиева — Wed, 07 Jun 2023 07:31:49 +0000

Шкотската пејачка Сузан Бојл ги изненади фановите појавувајќи се во финалето на „Британија има талент“. На сцената, таа ја отпеа песната што ја изведе на аудицијата во 2009 година, „I Dreamed a Dream“. Меѓутоа, за време на гостувањето во емисијата таа откри и дека во април доживеала мозочен удар и се плашела дека воопшто ќе може да настапи откако ќе и се влошила здравствената состојба. „Одлично е чувството да се биде овде. За мене е навистина посебно бидејќи имав мал мозочен удар во април. Се борев да се вратам на сцената и успеав”, изјавила таа по настапот. Сајмон Кауел, судија во шоуто, ѝ рекол: „Сузан, толку многу ти должиме. Знаев дека не ти е добро, но ако некој се врати на оваа сцена, тоа ќе си ти. Без тебе не би било исто“. Да потсетиме, Сузан Бојл се прослави во 2009 година со настапот во шоуто „Британија има талент“. Таа ја отпеа песната „I Dreamed a Dream“ и за само 72 часа собра повеќе од 2,5 милиони прегледи на Јутјуб. Во споменатото натпреварување, Сузан стигна до финалето, каде што го освои второто место. Во текот на кариерата заработила 22 милиони фунти, но и понатаму продолжила да живее скромен живот. Таа сè уште живее во нејзиниот дом од детството во Западен Лотиан. фото:Принтскрин Јутјуб

Внукот на Ферус Мустафов откри најнови детали за здравствената состојба на музичарот: „Дедо ми доживеа мозочен удар и е во кома“

Антонио Димитриевски — Wed, 03 May 2023 11:28:10 +0000

До само пред неколку дена, македонската музичка легенда, познатиот саксофонист и кларинетист Ферус Мустафов беше активен во јавноста и на социјалните мрежи. Токму поради тоа, веста која осамна преку ноќ дека музичарот починал, а потоа демантирана од семејството дека сепак е жив но се бори за живот, беше дочекана со неверување, недоумици и многу непознаници. Околу тоа што се случило со легендарниот музичар, за „Фокус” појасни неговиот внук Ферчо, кој заедно со семејството беше во Градската општа болница „8-ми Септември“ во Скопје. „Се' беше во ред со дедо ми, се' беше супер, си функционираше како што треба. За сите нас ова е голем шок. Тој доживеа мозочен удар и веќе три дена е во кома. Она кое сакам да го потенцирам е дека дедо ми примаше терапија, таа му беше препишана како доживотна, но не знаеме зошто, еден лекар му ја тргна терапијата. Откако прекина со таа терапија, еве се случи ова, мозочниот удар“ - изјавил Ферчо и продолжил. „Неочекувано за сите нас, секако и за неговите обожаватели, бидејќи до пред некој ден го гледаа како без проблем си извршува секојдневни обврски“ - појаснува внукот. Додава дека целото семејство е покрај Ферус, кој е хоспитализиран во болницата „8. Септември“ во Скопје, и сите се молат да се разбуди од кома. Фото: Фејсбук принтскрин/Fercho Mustafov

Дремката ја зголемува можноста за мозочен удар

Слаѓана Атанасова — Tue, 26 Jul 2022 12:15:22 +0000

Луѓето кои често придремуваат дење, имаат поголема веројатност да развијат висок крвен притисок и да доживеат мозочен удар, според ново обемно истражување објавено во списанието „Хајпертенжн“ (Hypertension). Учесниците во испитувањата кои вообичаено дремат во текот на денот, имале 12 отсто поголеми шанси да развијат висок крвен притисок – долгорочно и 24 отсто поголема опасност да доживеат мозочен удар, во споредба со луѓето кои немаат навика да дремат… Кај лицата помлади од 60 години, дневното дремење ја зголемува можноста од развој на висок крвен притисок за 20 отсто во споредба со луѓето кои никогаш или ретко задремуваат преку ден, според научниот труд на Американското здружение за срце (АХА). При трудот се користени податоци од 360.000 лица кои дале податоци за нивните „навики за дремење“ до „Ју-кеј биобанк“ (UK Biobank) – голема биомедицинска база на податоци којашто ги следела жителите на Обединетото Кралство од 2006 до 2010 година. Здружението АХА неодамна го додаде времетраењето на спиењето како една од осумте основни индикатори за оптималното здравје на срцето и мозокот. – Резултатите покажуваат дека дремењето ја зголемува инциденцата на висок притисок и мозочен удар, откако ќе се прилагодат или разгледаат многу варијабли за коишто се знае дека се поврзани со кардиоваскуларните болести и опасноста од мозочен удар, изјави д-р Филис Зи, директорка на Центарот за деноноќна медицина и спиење на Медицинскиот факултет „Фајнберг“ при Нортвестерн универзитет во Чикаго. Повеќе од луѓето во студијата кои редовно дремеле, исто така пушеле цигари, пиеле секојдневно, ‘рчеле и имале несоница.

„Имав пет проценти шанси да преживеам“: Потресна исповед на славната Шерон Стоун

Слободанка Илиева — Thu, 07 Jul 2022 09:34:40 +0000

Секс симболот на деведесетите, актерката Шерон Стоун, во својата тажна исповед открила се’ за здравствените проблеми кои ја принудиле да се повлече од актерството. Во 2001 година, на 43-годишна возраст, таа доживеа тежок мозочен удар, од кој со години се опоравува. Таа мораше повторно да научи да оди, да пишува и да зборува.

View this post on Instagram

A post shared by LensCrafters (@lenscrafters)

- Имав пет проценти шанси да преживеам. Кога се вратив дома од болница, едвај одев. Моите колкови беа нестабилни и не ја чувствував левата нога. Целата лева страна од телото ми беше одземена, не можев да видам ни на левото око, ни да слушам на левото уво. Морав повторно да научам да зборувам, читам и пишувам. Три години не знаев да го напишам своето име – изјави таа во интервју за странски медиуми и додаде дека еден од проблемите е губењето на меморијата, односно неможноста да запомни нови информации, па и било тешко да прифати нови улоги. фото:AP/Instagram

Тара Симов и се слоши, падна, па „преврте очи“: Учесничката во „Задруга 5“ по една жестока кавга за малку што не се шлогираше (ВИДЕО)

Антонио Димитриевски — Tue, 02 Nov 2021 11:52:20 +0000

Тара Симов и Менсур Ајдарпашиќ синоќа се степале со вербална пресметка, а се' кулминирало со тоа што на Тара потоа и се слошило, што кај учесниците предизвикало паника и загриженост откако едвај некако успеале да ја смират. Тара излегла пред Белата куќа и речиси се струполила на скалите, а набргу и почнала да се жали на болки во пределот на градниот кош. Во одреден момент имала тешки тикови, врескала и се грчела, превртувајќи очи и жалејќи се дека не може да дише. Сите се исплашиле, па дури мислеле дека колешката ќе доживее срцев или мозочен удар, бидејќи и претходно, пред три дена не и било добро. По некое време, Тара почувствувала олеснување и посакала да се врати внатре. „Ми дојдоа солзи на очи, но левата рака не ја чувствувам“- рекла Тара, а потоа присутните виделе дека левата рака не и функционира и ја кренале за да побараат помош. Погледнете ги моментите на здравствена агонија на Тара Симов во видеото во продолжение:

Сопругата на фолкерот Ѓани доживеа мозочен удар, еве како се чувствува

Христина Ѓоргиевска — Wed, 20 Jan 2021 10:14:02 +0000

Сопругата на фолкерот Радиша Трајковиќ Ѓани, Слаѓа Ѓани доживеа мозочен удар. Таа се огласи па истакна дека сите се исплашиле. „Вистина е, имав мозочен удар. Немав појма, многу ме болеше вратот, отидов во Клиничкиот центар и така дознав. Ме снимаа, сега правиме детални анализи. Се исплашивме кога ја слушнавме дијагнозата. Ѓани многу се загрижи, не е мала работа. Фала му на Господ немам последици. Имам совети од докторите, шетање и потполно го менувам начинот на исхрана, се чувам“, изјави Слаѓа.

По пет месеци откако доживеа мозочен удар, Тони Цетински на својата сопруга испрати емотивна порака

Христина Ѓоргиевска — Fri, 15 Nov 2019 11:08:40 +0000

Сопругата на Тони Цетински и неговата најголема поддршка, Дубравка Цетински во средината на јуни доживеа мозочен удар и беше хоспитализирана. Сопругата на пејачот се најде во јавност и тоа на еден факултет, а со оглед на тоа што нејзиниот сопруг беше во прв ред, по обраќањето на Дубравка се обрати на својата сопруга: „Што да ти кажам, драга Дуда? По се што помина, повтрно излезе како победник. Необјасниво е да го гледам тој сјај во твоите очи и како на забавен начин се пренесе на своите студенти. Добредојде назад, беше прекрасно да те видам во природно издание“ напиша Цетински и додава: „Твојот сопруг е многу горд, не можам да најдам вистински зборови. Те сакам“ напиша пејачот во описот на неколку заеднички фотографии со сопругата. За потсетување, сопругата на Цетински во средината на јуни доживеа мозочен удар, и се слоши дома, а пејачот веднаш повикал Брза помош.

Катрин Денев доживеа мозочен удар за време на снимање на филм

Христина Ѓоргиевска — Thu, 07 Nov 2019 12:26:08 +0000

Според пишувањата на француските медиуми, 70 годишната актерка Катрин Денев е хоспитализирана во една болница во Париз. Како што пишуваат медиумите, актерката е примена во болница откако доживеала мозочен удар на снимањето на последниот филм. Новинските агенции пишуваат дека уморот влијел врз здравјето на актерката. Според тамошните пишувања, нејзините моторни функции не се оштетени, но одреден период мора да одмара. Катрин Денев е француска актерка која во 1993 година беше номинарана за Оскар, а во текот на својата кариера присуствуваше на бројни фестивали.

Сопругата на Тони Цетински доживеа мозочен удар!

Слободанка Илиева — Mon, 17 Jun 2019 11:13:36 +0000

Дубравка Цетински пред пет дена доживеа мозочен удар. Како што пишуваат хрватските медиуми, и се слошило дома, а Тони венаш реагирал и ја повикал брзата помош. Дубравка моментално се наоѓа во болница од каде се огласи на Инсатграм.

-Благодарам на моите ангели чувари, медицинските лица од KBC Риека. Наскоро продолжувам со турнејата самољубов. Тоа што нас не крши, не прави силни.П.с благодарам на Тони цетински што ми го спаси животот. Сега сме 1:1-пишува Дубравка на социјалните мрежи. Имено, како што пренесуваат медиумите, на Дубравка и се слошило во селото Радетиќ каде двојката живее со години. Тони за среќа бил дома и веднаш можел да реагира.