Густа супа од моркови која можете да ја зготвите за помалку од половина час!

Слаѓана Атанасова — Wed, 11 Jan 2023 10:58:52 +0000

Црвената леќа е добар извор на протеини од растително потекло. Во 100 g сува црвена леќа, ќе најдете околу 10 g протеини и околу 350 калории. Оваа мешунка има одличен вкус, многу заситува и е одлична основа за кремасти супи. Згора на се, термички се обработува за кратко – ќе бидат доволни само околу 15 минути готвење. Можете да ја комбинирате со различни видови зеленчук, а особено ќе одговара со моркови. Затоа ви носиме рецепт за густа супа од морков и леќа која можете да ја зготвите за помалку од половина час. Состојки: 500 гр моркови 150 гр црвена леќа 125 мл растителна замена за кокосово млеко 1 литар супа од зеленчук 1 лажичка ким во прав прстофат чили во прав растително масло сол и бибер по желба Подготовка: Во поголемо тенџере загрејте малку масло, па на него пропржете ги ренданите моркови. Зачинете со сол, бибер, чили во прав и ким. Додадете црвена леќа и покријте сè заедно со супа од зеленчук и замена за растително млеко. Откако течноста ќе зоврие, варете ја супата околу 15 минути или додека леќата термички не се обработи до крај. Измешајте ги состојките во мазна, густа супа со рачен миксер. Послужете веднаш топло. Добар апетит! Извор:Курир.мк

Храна која е добра за мозокот

Христина Ѓоргиевска — Mon, 21 Oct 2019 13:50:26 +0000

Мозокот е најважниот дел од човечкиот организам, кој како некаков диригент управува со сите телесни и ментални функции. Со негова помош ги извршуваме секојдневните активности. За добра работа на мозокот, потребно е да јадете храна богата со антиоксиданти. Лиснатиот зеленчук содржи многу здрави состојки. Задолжително јадете две или три порции неделно за да го заштитите организмот од вирусните инфекции. Јадете блитва, спанаќ и марула. Цвеклото е полно со природни нитрати кои го подобруваат протокот на крв во мозокот. Од минерали содржи речиси сè – калциум, калиум, натриум, фосфор, магнезиум, железо, флуор, манган, бакар, јод, сулфур, литиум, стронциум, бром. Од витамини најзастапени се Б1, Б2, Ц, како и реткиот витамин Б12. Шумското овошје е полно со антоцијанидин, флавоноид кој ја подобрува функцијата на хипокапус, област во мозокот која се смета клучна за помнењето и за справувањето со стресот. Морковите се полни со антиоксиданти и бета каротин кои се клучни за обнова на клетките. Благодетите на морковите се многубројни, а достапни се во секоја сезона. Направете вкусна салата од рендан морков барем еднаш неделно. извор: Кајгана

моркови – Вистина.мк

Густа супа од моркови која можете да ја зготвите за помалку од половина час!

Храна која е добра за мозокот