За Андријана Јаневска нема машко-женски работи, а овој пат од она што го направи докажа дека е маестрална со резултат за кој и професионалците ќе и симнат капа (фото)

Слободанка Илиева — Fri, 07 Jul 2023 07:10:30 +0000

Веќе и птиците на гранките знаат дека мајстор за поправки и изведби во домот е многу тешко да се најде, особено во летен период, а згора на тоа цените за услугите се дојдени до плафон. Пејачката и виолинистка Андријана Јаневска го имаше ова во предвид, па ги зема работите во свои раце. Кај неа очигледно нема поделба на машко-женски работи, па се реши да ги засука ракавите и да го земе алатот за молерисување во раце. Имено, Андријна за првпат успеа совршено да ја бојадиса во зелени нијански собата на своето помало синче Кико кое очигледно обожава зелено. Како изгледаше процесот качена на скала додека бојадисува, не го покажа, но завршниот резултат беше доволен за да собере многу воодушевувачки коментари. Додека едни се чудеа како успеала без да ја болат рацете и мускулите, таа им откри дека има кондиција од свирењето виолина. Следеа и духовитите коментари дека сакаат да ја договорат да молерисува и кај други, па прашаа колку чини метар квадрат со бонус пеење? Андријана Јаневска следи фудбал, игра шах, лови риби, вози мотор, а сега и молерусува, наедно, докажа дека жена за се’! фото:Фејбук/Андријана Јаневска

Емилија Розман, ти си навистина ќерко, татин син! (ФОТО)

Антонио Димитриевски — Fri, 31 Aug 2018 07:30:30 +0000

Емилија Розман важи за една од најубавите Македонки. Мисица, манекенка, топ модел... Атрактивна, нежна, згодна, убава... е она што се гледа со голо око!

И кога е закопчана до грло и кога е разголена до гола кожа!

Она што се знае за неа е дека покрај убавината, македонската убавица ја краси и хуманоста. Имено, таа постапките на својот покоен татко Дамир, кој беше долгогодишен крводарител, на 26 јули годинава, при одблежувањето на 55 годишнината и сеќавањето на скопската катастрофа, на традиционалната крводарителска акција во организација на Црвениот крст на Македонија, доброволно даруваше крв... И тоа по 10-ти пат во животот!

Ама она што за неа малкумина го знаат, а некако логично се надоврзува на претходното, е дека Убавата Емилија е и домаќинско дете! И тоа ептен! Да посакаш да ти влезе в куќи! Снаа од соништата, неостварена желба на секоја свекрва! И за да не помислите дека претеруваме, еве го доказот... пардон, вистината на дело!

Имено, Емилија Розман како добро воспитано дете, домашните работи ги има во малиот прст. И не само оние за кои на Балканот се задолжени припадничките на понежниот пол. Манекенката и тоа како знае да сработи нешто на што и мажите би и позавиделе. Над се, ако покрај трудољубивоста и се додаде смисолот за естетика, добивате вредна снајка со изразени уметнички пориви!

Кој не верува нека ја погледне фотографијата на која Розманка качена на скала, весела и насмеана со ваљакот в рака, во розово ја кречи, односно бојадисува фасадата на зградата од својот дуќан за подароци.

Розе поза и тоа манекенско - молерска! Ем убаво, ем корисно, ем практично, ем фантастично... Емилија Розман, ти си навистина ќерко, татин син!

молер – Вистина.мк

Емилија Розман, ти си навистина ќерко, татин син! (ФОТО)