Шакира не излегува од фокус, овој пат има јасно барање, од кое се засегнати нејзините деца

Слободанка Илиева — Wed, 12 Apr 2023 10:45:48 +0000

Колумбиската пејачка Шакира се огласи на социјалните мрежи истакнувајќи дека поради приватната ситуација разбирлива и е љубопитноста на медиумите, но упати молба до истите. -Моите деца, Милан и Саша, имаа многу тешка година, трпеа постојано малтретирање и притисок од страна на папараците и неколку медиуми во Барселона. Сега кога почнуваат нов живот, ги молам медиумите во име на моите деца да го почитуваат нивното право на приватност. Ве молам да се воздржите да ги следите до влезот и излезот од нивното училиште, да ги чекате на вратата од нашиот дом или да ги следите на нивните воннаставни и рекреативни активности како што тоа го правеа медиумите во Барселона со намера да снимаат фотографии. Верувам дека новинарите и фотографите овде ќе бидат чувствителни на ситуацијата со која се соочуваат Милан и Саша и ќе можат да се однесуваат на најхуман начин со нив, имајќи предвид дека станува збор за физичка и емоционална благосостојба на двајца малолетници само 8 и 10 години, кои сакаат само да можат да излезат во јавност и да одат на училиште, чувствувајќи се безбедно и спокојно што не се следени или подложни на постојана контрола на камерите, вели Шакира. Додава дека ова барање не го упатува како уметник, туку како мајка која сака да ги заштити и да се грижи за психолошката и емоционалната благосостојба на своите деца. фото:Инстаграм принтскрин/Профимедиа

Милица Павловиќ по смртта на баба и ги замоли сите што ја познаваат: „Пуштете ме…“

Слободанка Илиева — Wed, 18 May 2022 09:55:46 +0000

Пејачката Милица Павловиќ пред неколку дена ја загуби својата најблиска личност, нејзината баба Рада која ја одгледала од малечка. Пејачката освен тоа веќе неколку денови објавува фотографии и видеа кои и се единствениот спомен од нејзината баба. Освен тоа сега објави и нова фотографија под која напиша потресен опис.

View this post on Instagram

A post shared by Milica Pavlovic (@senoritamilica)

-Животот навистина пишува романи, а јас до сега во повеќе наврати имав ситуации кои ми докажале дека животот на момент може да ви се преврти наопаку. За година и половина останав без луѓе кои беа мое семејство, мој дом, мој тим. Во ноември 2020 замина мојот Дуде, а денес исто сценарио, исти луѓе, само замина мојата Рада. И сега имам два ангели на рамото, напиша Павловиќ. Таа понатаму пишува дека од утре пишува нови победи, бидејќи и понатаму тие се тим и ја чуваат од небото.

View this post on Instagram

A post shared by Milica Pavlovic (@senoritamilica)

-Имам една мала молба за сите луѓе кои ме познаваат, сакаат, поддржуваат, само немојте ништо да ме прашувате. Пуштете ме да научам да живеам со оваа ситуација и начин, а оваа болка ќе успеам некако да ја припитомам, барем се надевам дека сакам, морам, напиша таа. фото:Инстаграм/Милица Павловиќ

молба – Вистина.мк

Шакира не излегува од фокус, овој пат има јасно барање, од кое се засегнати нејзините деца

Милица Павловиќ по смртта на баба и ги замоли сите што ја познаваат: „Пуштете ме…“