модно студио црнокрак – Вистина.мк

Mеѓу нас не постои его: Mанекенките од „Црнокрак“ меѓу најубавите на светските избори за мис (ВИДЕО)

Антонио Димитриевски — Mon, 03 Oct 2022 06:27:02 +0000

Катарина Јовановска, Мија Стерјовска и Ива Пеева од „Mодното студио Црнокрак“ летово освоија титули на изборот за мис топ-модел, што се одржа во Либан. Секоја од нив има поинакво искуство од изборот, но трите велат дека не очекувале да освојат титула и затоа се пресреќни. Во Либан беа повеќе од три недели, време во кое се запознаа со локалната култура, се прошетаа во неколку градови, јадеа локални специјалитети и се дружеа со уште четириесет девојки од целиот свет. „Кога одиш на избор на убавина, најважно е да си приземен, да знаеш дека можеш да освоиш титула, ама да не покажуваш его и нарцисоидност. Таму не можам да мислам дека сум подобра од другите зашто сите девојки се убави и сите сме заедно во истиот брод“, рече за „Репортер“ Катарина, која беше избрана за мис елеганција. По професија е правник. Вели отсекогаш сакала да биде адвокат, а убавината никогаш не ѝ пречела во тоа, иако кај нас и денес знаат да кажат дека убавите девојки не може и да се паметни. ">Мија е ученичка во гимназијата „Јосип Броз-Тито“. На почетокот на годината таа стана втора придружничка на мис Европа, а овој пат влезе во десетте најубави девојки на изборот. Долго пред да ја засака модата тренирала кикбокс. Учествувала на многу домашни и европски првенства, па сега дома има награди и од изборите за убавина и од спортските натпревари. „Кога почнав да се занимавам со манекенство, мислев дека ќе мора да се откажам од кикбоксот, но сфатив дека можам да им се посветам и на двете работи зашто еднакво ме исполнуваат. А моите блиски се гордеат на успесите што ги постигнувам на двете полиња“, ни изјави Мија. "Ива е средношколка од гимназијата „Орце Николов“. Изборот за мис во Либан е првиот на кој учествувала, а ја освои наградата „Мис тин“. Вели, бидејќи била најмала од сите учеснички, другите девојки ја чувале и најмногу се грижеле за неа. „Си бевме поддршка една на друга, се дружевме, си поминавме супер. Пред да излезам првиот пат на сцената имав голема трема, мислев ќе се сопнам со штиклите и ќе паднам, ама тоа не се случи. Искрено, пресреќна сум што освоив круна, па повремено си ја ставам на главата и се гледам“, искрена е Ива. "За изборите на убавина на кои учествувале, модното студио „Црнокрак“, колку им се важни титулите, за поддршката од околината и за љубомората... Гледајте го видеото...

Мис на Европа за 2022 година: Две Македонки од модното студио „Црнокрак“ на најпрестижниот европски избор за убавина

Антонио Димитриевски — Fri, 25 Feb 2022 07:18:26 +0000

Во понеделник, 28.02, 2022 год. (понеделник) во Бејрут, Либан ќе се одржи изборот за Мис на Европа за 2022 година. Финалистките веќе две недели се во Бејрут, каде се подготвуваат за големото финале. Нашата држава ќе ја претставуваат две девојки, Ана Брзанова, 22 - годишната гевгеличанка и Мија Стерјовска, 18 години од Скопје. И двете се членки на Модното студио Црнокрак, кое ја поседува лиценцата за Македонија за овој најголем европски избор за убавина. Мики Црнокрак, сопственикот и менаџер на модното студио „Црнокрак“ со девојките исто така е веќе две седмици во Бејрут, каде Македонките се подготвуваат за настапот на големиот настан. Да им посакаме добар настап и многу среќа на нашите убавици и се надеваме на убави вести од Бејрут во понеделник вечер.

Кристина Димитриевска е најубава „девојка од карантинот“ на светот: Македонската убавица онлајн се закити со светска титула – „мис четири ѕида“!

Антонио Димитриевски — Mon, 18 May 2020 07:42:39 +0000

Македонката Кристина Димитриевска е најубавата „девојка од карантинот“ на светот! Таа вчеравечер, 17 мај 2020 година ја понесе оваа онлајн титула откако беше избрана за најубава меѓу 15 претходно избрани девојки кои беа селектирано од 250-те пријавени од 50 земји во светот. Коронавирусот го стави во фаза на мирување речиси целиот свет, но кога станува збор за изборите за убавина, организаторите и убавиците ширум светот не се откажаа од намерата да се избере најубавата, па водени од максимата дека токму „убавината ќе го спаси светот“, се решија да го направат изборот за „Мис карантин на светот 2020“. Изборот „Мис карантин на светот“ беше во организација на „Gecjan Fashion Group“ од Приштина, додека коорганизатори на овој необичен избор беа и модното студио „Црнокрак“ од Македонија и „Tugce Sarykaya Dagistan“ од Република Турција. Изборот за најубава светска „девојка од карантинот“ одеше директно онлајн од 21 часот на Фејсбук социјалната мрежа, како и на фреквенцијата на “ТВ-21“, која се гледа во Македонија. Полноправен член на жирито бешее и нашиот Мики Црнокрак, кој е еден од иницијаторите и организаторите на изборот, кои и во вакви, „ненормални“ услови, сепак успејаа да организираат уште еден респактибилен настан, овој пат како онлајн ивент. Со оваа победа, атрактивната тетовка и бивша сопруга на Даниел Кајмакоски, по Мис Глоуб и Мис Балкан во 2019, годинава се закити со уште една титула за убавина: „Мис карантин 2020“, што покажува дека дилемата да се биде манекенка, мисица и модел или пејачка, полека како да се расчистува. Победите на изборите за убавина наспроти неубедливото и безлично пеење и тоталната естрадна незабележителност, веројатно самите ќе и го покажат патот во кој правец треба да ја гради својата кариера, без да прави непотребни експерименти и екскурзии... на умот! Од друга страна пак, „Модното студио Црнокарак“ уште еднаш ја потврди својата не само домашна доминација во светот на модата и организацијата на модните ивенти, туку и високиот и респектибилен рејтинг кој го има и надвор од границите на Македонија. Како и да е, корона пандемијата не натера на уште еден, за среќа успешен експеримент, со кој мораме да му се прилагодиме и адаптираме на „новото време“, па така ја добивме и првата светска „убавица меѓу 4 ѕида“... „Мис карантин 2020“ - Кристина Димитриевска!

Кристина Димитриевска е новата „Мис Балкан 2019“ (ФОТОГАЛЕРИЈА)

Антонио Димитриевски — Wed, 25 Dec 2019 14:21:36 +0000

Завчеравечер во хотелот „Амбасадор“ во Белград се одржа официјалниот избор за „Мис на Балканот за 2019“ година. Победничка е нашата Кристина Димитриевска, 23 годишната Македонка од Тетово. Таа во силна конкуренција меѓу девојките од балканските држави ја освои оваа престижна и ласкава титула и на некој начин ја потврди титулата Новогодишна Балканска убавица, која ја освои уште на свои 17 години во 2014 година. Титулата Прва придружничка ја освои претставничката на Србија, а Втора придружничка е девојката од Црна Гора, ни изјавија од Модното Студио Црнокрак, кои ја поседуваат лиценцата за Македонија за овој балкански избор за убавина и преку кои атрактивната Кристина настапи во Белград. Круната и ја предаде поранешната победничка, Дениса Ходисон од Романија.