модни совети – Вистина.мк

Модни совети за визуелно да изгубите неколку килограми

Елена Трајчева — Mon, 16 Dec 2019 13:15:24 +0000

Вистинскиот моден избор може инстантно да го подобри целосниот изглед и да го сокрие вишокот килограми кој ја разнишува женската самодоверба.

- Вљубете се во „V“ деколтето. Острото деколте кое ја краде формата на обратен триаголник го издолжува торзото, притоа бришејќи килограми од вашиот изглед. - Избегнете ги чевлите со ремче на глуждовите и ниските чизми. Сандалите со ремче на глуждовите ги прават нозете пократки и до израз доаѓаат "листовите" и бутовите. - Подалеку од сатенот и светкавата облека. Сатенот ќе го истакне секој недостаток на телото и ќе придонесе да изгледате поголеми отколку што навистина сте. Доколку сакате погламурозен изглед, најбезбедно е да го постигнете со светкави и блескави модни додатоци. - Комбинирајте здолништа, хулахопки и обувки во иста боја. Кога долниот дел од телото ви е облечен во иста боја, фигурата ви се издолжува. Ефектот е најочигледен ако изберете црна боја. - Преферирајте подолги палта или џемпери со поголема јака. Палтата и џемперите со средна должина до под задникот го издолжуваат телото. Поголемата јака помага затоа што го привлекува погледот кон лицето и ги балансира широките колкови.

Хороскопски знаци кои даваат најдобри модни совети

Христина Ѓоргиевска — Mon, 25 Nov 2019 13:45:01 +0000

Некои луѓе се раѓаат со чувство за мода и стил, а астролозите сметаат дека тоа им е запишано во хороскопот. Астролозите издвојуваат три знаци на Зодијакот на кои модата им е во крвта. Тие даваат најдобри модни совети, а често имаат работа или хоби кое е поврзано со мода.

Бик

Личностите родени во знакот Бик се на прво место кога станува збор за модата. Кога ќе влезат во просторијата, зрачат со сексапил и на нив облеката им прилега совршено. Со задоволство ќе им дозволите да ви бидат стилисти, со оглед на тоа дека имаат добар вкус за модата.

Близнаци

Близнаците се познати по својот елегантен стил. Нивниот труд во комбинирањето облека не може никој да го замени. Со многу внимание ги бираат модните додатоци, а од дома никогаш не излегуваат несредени. Близнаците секогаш се во чекор со најновите модни трендови.

Водолија

Водолијата е елеганција во движење. Секогаш купуваат безвременска облека, а од нea можат да направат сè што ќе посакаат. Водолиите знаат како да го уредат просторот, знаат во што треба да вложат, а што да одбегнуваат. Прашајте ги, ќе ви објаснат сè. извор: Кајгана

Модни совети за бремени жени

Наташа Тасевска — Tue, 03 Apr 2018 12:45:58 +0000

Многу жени кога ќе дознаат дека се бремени почнуваат да размислуваат за зголемување на килограмите, големиот стомак и големите гради. Најголем проблем на жените е што да облечат за да изгледаат убаво, женствено и секси, а тоа да не биде вулгарно или претерано. Најважното правило е да се чувствувате пријатно што и да одберете. Ова се најдобрите модни совети за бремените жени.

Прво тримесечје Во првите месеци од бременоста, всушност сеуште ништо не се гледа. Но, мачнините, заморот и раздразливоста поради дисбаланост на хормоните во голема мера придонесуваат да се чувстувате непријатно. Во првите месеци, најдобро е да се облекувате во она што се чувствувате удобно и она што го сакате. Сега сеуште имате можност да носите тесни кошули и фустани и да ги користите. Се чувствувате женствено и секси, поради хормони многу жени во бременоста изгледаат поубаво отколку порано. Косата и кожата блескаат, а ноктите растат побрзо. Искористете ги предностите од првите месеци од бременоста за да заблескате повеќе од кога било.

Второ тримесечје Од четвртиот месец на бременоста, стомакот почнува да се забележува. Не го притискајте со фармерки и тесни панталони. Носете еластична облека, туника и сè што е лесно за носење. Вашиот стомак почнува да расте и немојте да го криете. тесните маици убаво ќе го истакнат, а пожелно е да носите и фустанчиња. Сега сте секси бремена жена и вашите гради ви се адут, немојте да ги сокривате. Кратките јакни до половината, болерото и кошулките врзани над стомачето убаво ќе го истакнат топчестото стомаче, а Вие ќе изгледате секси.

Трето тримесечје Во последните три месеци, жените често се чувствуваат лошо, тешко, и колку се поблиску до нивниот пораѓај потешко е да се чувствуваат удобно во секоја облека. За овој период се препорачуваат фустани со различни модели и дезени. Не се срамете од вашата големина. Истакнете ги градите, а фустанот нека паѓа до подот. Без оглед на сезоната, било кој фустан е одличен избор. Се разбира, не заборавајте за топлината и удобноста. Фустаните комбинирајте ги со убави јакни, костими и слично. Ако е лето, долгите тенки фустани се совршени за вас. Бременоста не е време кога треба само да лежите пред телевизорот со сад со грицки и мрсна коса собрана во пунџа. Напротив, излезете и бидете на воздух колку што е можно повеќе. Шетајте и дружете се. Поради хормонскиот дисбаланс, честопати ќе го менувате расположението, а престојот на воздух и во природа ќе ги балансираат овие чувства и ќе се чувствувате подобро.