модна ревија – Вистина.мк

Македонската актерка блесна и како манекенка: Само по бела кошула, Катерина Шехтанска е неодоливо секси и заводлива „до даска“!

Антонио Димитриевски — Mon, 03 Jul 2023 05:28:55 +0000

Несудена балерина, некогашна членка на „златната генерација“ на балетското студио „Ребис“, денес актерка Катерина Шехтанска, кoja има успешен приватен и професионален живот. Иако е сопруга и мајка на две малолетни деца, на Кате годините како ништо да не и можат, зашто за атрактивната актерка тие се очигледно само бројка. Дека се' уште изгледа божествено, а убавината и особено сексапилот кој извира од секоја пора на нејзиното тело и тоа како знае да го носи, актерката покажа деновиве кога налик на светските манекенки со сигурен чекор на газела се прошета по модната писта. Имено, Шехтанска беше дел од модната ревија налик на модно шоу на познатиот дизајнер од Македонија со светска слава, Изет Цури, на кое македонската актерка совршено си ја одработи улогата на манекенка. Променета само во широка бела кошула, Кате се прошета по модната писта по која толку сигурно и суверено чекореше, што многумина прокомнтираа дека штета што не е професионален модел. Убавите тенки нозе, ангелскиот лик и става, како и движењата со колковите, возбудата ја вклучија на најсилно, а машката публика просто ги „залепи погледите“ за убавата актерка, во случајов секси манекенка. Љубопитноста дали Кате носи нешто под кошулата или под неа е само нејзиното голо тело, онакво какво што и го дала природата, уште повеќе ја зголеми возбудата, посакувајќи атрактивната актерка да чекори по пистата до недоглед, зашто со секој нејзин чекор вистинските мажи „ја собекуваа со поглед“! А таа толку многу смирена и самоуверена, уште еднаш покажа како да е од Бога предодредена за уметноста и останатите „фини нешта“. Катерина Шехтанска, неодоливо секси... и заводлива „до даска“!

View this post on Instagram

A post shared by Katerina Sehtanska (@katerinasehtanska)

Фото: Инстаграм принтскрин/katerinasehtanska

Ана Николиќ со портокалови „рози“ на главата и син фустан со длабок шлиц, порача дека не сака повеќе да биде пејачка (фото)

Слаѓана Атанасова — Fri, 26 May 2023 06:41:45 +0000

Пејачката Ана Николиќ вчера пристигнала на ревијата на креаторот Бата Спасојевиќ, а единствениот проблем бил што толку доцнела што ревијата завршила кога влегла во салата. Креаторот Бата Спасојевиќ вчера одржа модна ревија и ја претстави новата колекција. Имено, Ана специјално се подготвила за оваа пригода, облекла син фустан кој го искомбинирала со портокалова наметка и венец од портокалови рози. Многу познати личности со нивното приствство го поздравиа настанот, меѓу кои Мира Шокриќ, Душица Јаковљевиќ, Ивана Кораб, Ивана Дудиќ... За разлика од оние кои ја следеа ревијата од почеток, Ана Николиќ пристигнала на самиот крај и видно збунета. Пејачката потоа им позирала на насобраните фоторепортери и изјавила дека планира да се откаже од пеењето. - Бата секоја година ме кани на ревија, а сега првпат дојдов. Не ми треба стилист, јас сум свој стилист! Јас сум слугинка и дадилка на Тара како и пејачка. Па, еве од нешто ќе гренам раце, на пример,од пеењето. Не сакам повеќе да бидам пејачка! - се пошегувала Ана. Фото: Принтскрин/Рингиер/Г.Т

„Како на модна ревија на – 16“: Сузана Манчиќ сподели фотографии од зимскиот одмор во скап стајлинг (фото)

Слаѓана Атанасова — Tue, 07 Feb 2023 11:26:18 +0000

Познато е дека Сузана Манчиќ обожава да патува, а секој слободен момент го користи за уживање и одмор, како на далечни дестинации, така и во Србија. Сузана неодамна отпатува на една од најпосетуваните планини во Србија. Имено, водителката моментално престојува на Златибор каде ужива во снегот и зимската магија, па сними дел од моментите и ги сподели со своите следбеници на социјалната мрежа „Инстаграм“. Сузана со својот изглед ги воодушеви обожавателите. Таа носеше скапа црна бунда и црна капа, а многумина коментираа дека никогаш не изгледала подобро. „Не се менуваш“, „Стануваш се поубава и поубава“, „Дама и убавица, покрај тоа, како на модна ревија на -16“, „Навистина знаеш да уживаш“, се некои од коментари под фотографиите.

View this post on Instagram

A post shared by Suzana Mancic (@suzanamancicofficial)

Покрај фотографиите од зимската идила, Сузана со следбениците сподели и богата трпеза, а реши да се пошегува и со нив. - Не грижи се, не јадев се сама - напиша водителката. Фото: Принтскрин/Инстаграм/Сузана Манчиќ

„Тој моден ритам“: Тијана Дапчевиќ како манекенка пред белградската публика (фото)

Слободанка Илиева — Mon, 14 Nov 2022 08:18:45 +0000

Нема таков кој не ја знае и не се сеќава на песната „Моден ритам“ во чиј спот режиран од Дејан Милиќевиќ, Тијана Дапчевиќ има улога на манекенка на модна писта, а тој заедно со неа во дует. Оттогаш помина многу време, а сега таа повторно беше „too sexy“, но не за своја песна, туку на ревијата на неодамна одржаната Белградска модна недела. Медиумите досега неколкупати и поласкаа на Тијана дека ако не би била музичар или актерка, таа би била одлична и како манекенка или модел. Иако многупати досега за своите фотосесии позираше како модел, овој ангажман по долго време ја врати на модната писта бидејќи ова не е првпат таа да се појави во улога на манекенска за српски моден дизајнер. Не се сомневаме дека се покажала одлично пред белградската модна публика, а на својот Инстаграм Тијана се пофали со неколку фотографии од вечерта каде беше музичко-манекенска ѕвезда. Возбудата и продолжи со тоа што Тијана се спакува и заедно со синот Вук тргна за Скопје за да ја бодри од публика и да ја гледа внуката Хана како за првпат пее на „Златно славејче“. фото:Инстаграм принтскрин/Тијана Дапчевиќ

Бела Хадид се соблече гола на модната недела во Париз каде се случи револуција на писта (фото)

Слободанка Илиева — Mon, 03 Oct 2022 11:24:56 +0000

Бела Хадид и француската модна куќа „Коперни“ се погрижија за вистинско шоу на модната недела во Париз. На крајот од ревијата која ја претстави SS23 Copernicus, Бела на модната писта прошета гола, само во бели гаќички, во еден миг беше опкружена со дизајнери со шишиња полни со бел спреј и внимателно го испрска телото, од рамениците до колената и се формираше изгледот на фустанот. Но дури тогаш дојде шокот. Како што набргу се испостави, тоа беше многу повеќе од испрскано тело. Бидејќи кога бојата набрзо се исуши, се претвори во вистинска ткаенина и формираше бел фустан, сличен на оние што беа прикажани претходно во шоуто. Оваа револуционерна техника е дизајнирана од шпанската компанија „Фабрикан“, а станува збор за специјален полимер кој кога ќе се спои со телото станува цврста ткаенина. Но, тоа не е се. Кога ќе се заситите од таков фустан, можете да го стопите во течна состојба и да создадете нешто друго. Себастиен Мајер и Арнауд Вајан, дизајнери и основачи на модната куќа „Коперни“, веќе ги полудеа зависниците од модата со своите неконвенционални дизајни, а нема сомнеж дека ова ќе стане вистински хит меѓу љубителите на нивниот бренд. Дизајнерите го користеле тој полимер и за својата ташна во форма на јајце, која ја претвориле во чисто злато, а ќе се прави само по нарачка по вртоглави цени. Во секој случај, нивното шоу, невиден настап кој отвора нови можности не само во модниот дизајн, стана главна вест и сензација на Париската модна недела, засенувајќи уште повеќе популарни брендови. фото:Shutterstock

На „Скопскиот моден фестивал“ модна ревија со мировни пораки: Идејата добра, реализацијата… со фелер! (ФОТО)

Антонио Димитриевски — Mon, 07 Mar 2022 09:42:55 +0000

На една од модните ревиии кои се одржаа викендов во рамките на модната манифестација „Skopje Fashion Festival“, манекенките кои ги носеа креациите од македонската модна дизајнерка Сара Реџиќ, носеа и листови на кои беа испишани антивоени пораки. Идејата навидум добра, но реализацијата... со фелер! Имено, манекенките држеа бели листови на кои имаше испишано пораки за мир и поддршка за Украина по инвазијата и воените операции од страна на Русија на нејзина територија. Пораките мировни, хумани, за мир љубов, слобода, со испишани пораки и нацртани симболи за итен престанок на војната и воспоставување МИР. Или на англиски - PEACE! Арно ама, мода е едно, а писменост нешто сосема друго. Така, некој што ги пишувал мировните пораки „ги измешал брзините“, а со тоа и поимите, па МИРот на модната ревија почна да се дели на ПАРЧЕ! Имено на еден од испишаните листови во рацете на една од манекенките наместо МИР, пишуваше ПАРЧЕ! Или поточно, наместо PEACE (мир), некој напишал PIECE (парче)! До душа „парчето“ навистина добро... Облека секако, како и сите останати модни парчиња на креаторката, а и идеjата на една јавна манифестација да се споделат мировни пораки за запирање на војната во Украина или каде таа и да била. Тоа што некој случајно или “толку му сече“, па „се правел на Енглез“, е друга работа. Така мирот стана парче, што е далеку од исто, иако можеби исто звучи: ПИС...! Исто е, ама не е исто! Намерата добра, ама изведбата - неписмена! Фото: Инстаграм принтскрин/slobodenpecat/skopjefashionfestival/ЕПА, Ѓеорги Личовски

Учесниците во новото ријалити „Бар“ организираа модна ревија па се разголија: Голотија, згодни тела, секси долна облека и бујни облини (ВИДЕО)

Антонио Димитриевски — Tue, 11 Jan 2022 13:10:49 +0000

Натпреварувачите во новото реално шоу „Бар“ на Телевизија Курир решија малку да се забавуваат, па приредија домашна модна ревија! Додека некои од нив решија да се појават елегантно облечени во фустан на ревијата, некои од нив се соблекоа по долна облека, а Давор ги изненади сите со својот аутфит. Кристина го покажа бујното деколте, Маја прошета пред цимерите во црна долна облека и покажа дека има манекенско тело, а Давор настапи во едноделен танга женски костим за капење со леопард принт и ги насмеа сите до солзи! Како изгледаше нивниот „кет вок“ низ станот, атмосферата на ревијата и воопшто целото расположение, од видеото во продолжение:

Џеј Ло се избрука за сите пари: На сите им лепат етикети, неа случајно или намерно заборавија да и ја извадат (ФОТО)

Антонио Димитриевски — Tue, 31 Aug 2021 11:45:16 +0000

Џенифер Лопез во неделата ја посети Венеција, а причина за нејзиното доаѓање беше ревијата на модниот бренд „Долче и Габана“. Популарната пејачка избра помпезна комбинација облека за оваа пригода. Таа ги смести своите облини во панталони со цветен дезен, кои ги комбинираше со топ и „круна“. Ниту високите потпетици не беа „обични“, а целиот стајлинг ја комплетираше наметката. И додека обожавателите се расправаа на социјалните мрежи за тоа дали таа ставила премногу цветни дезени на себе, оние со поостар вид не пропуштија да забележат нештро друго. Нивното „око соколово“ регистрираше етикета со цена што се мавташе под наметката на латино дивата. „Таа има сто телохранители зад себе, така што некој би можел и да и укаже ... Каков гаф“, „Дали е можно толку многу да се избрука?“ - коментираа нејзините следбеници на Инстаграм, додека други се прашуваа и чудеа како тоа можно е такво „шетање етикети“ постојано да им се случува на познатите личности. „Барем тие имаат луѓе задолжени за нивната гардероба“, „Целиот тим околу неа, и ваква грешка“, напишаа разочараните обожаватели. Сепак, постојат и оние кои веруваат дека таа намерно ја оставила етикетата за да се пишува за тоа и така да добие публицитет и таа и настанот на кој присуствувала, како и оние кои мислат дека етикетата намерно е оставена за да може подоцна облеката да се продаде по повисока цена, бидејќи ја носеја позната личност како Џеј Ло. Фото: Profimedia

Моника Белучи блесна во елегантна комбинација: Актерката воодушевува со природна убавина и во шестата деценија

Христина Ѓоргиевска — Thu, 23 Jan 2020 12:15:12 +0000

Моника Белучи изгледаше сензационално додека присуствуваше на ревијата "Alexandre Vauthier Fashion Show" на недела на модата во Париз. Актерката се појави во црна свилена кошула во комбинација со црн блејзер и панталони во истата нијанса. Италијанската ѕвезда го надополнила ваквиот стајлинг со црн пар чизми на платформа и црна чанта, а од накит носела сребрен ѓердан околу вратот. Филмската ѕвезда била многу расположена. Моника е моментално во врска со 36-годишниот Николас Лефевре со кој се верува дека е во врска од мај 2017 година, 4 години по разводот од поранешниот сопруг Винсент Касел. Таа признала дека некое време излегувале и дека работите добро се одвивале, а потоа изјавила: „Мојот партнер не работи иста работа како мене, но тој многу патува. Неговиот ритам на живот го надполнува мојот“ изјави Моника. Белучи прво се занимавала со манекенство, а кариерата ја започнала како модел за “Dolce & Gabbana” и “Dior” пред да премине на актерството.

Душко Тошиќ – татко на пример: Додека Карлеуша пееше во Цирих, фудбалерот со помалата ќерка Ника го следеа манекенскиот настап на постарата Атина

Антонио Димитриевски — Mon, 04 Nov 2019 10:44:39 +0000

Иако игра во далечната Кина, фудбалерот дојде да помине време со своите ќерки, кои ги има во сè уште законски важечкиот брак со Јелена Карлеуша. Тој и наследничките беа синоќа во центарот на вниманието, бидејќи постарата Атина чекореше по модната писта, додека Душко и помладата Ника гордо ја гледаа и бодреа од првиот ред. Со нив беше тетката на Јелена, Даниела, која цело време ја сликаше и снимаше малата манекенка Атена. Девојчето покажа завидна вештина на пистата, па доби громогласен аплауз од публиката, поради што гордиот татко не ја отстрани насмевката од лицето. Цело време, аплаудираше и го коментираше настапот на поголемата ќерка, со помалата Ника. Додека Душко се дружеше со своите ќерки, Јелена беше на службено патување. Таа беше во Цирих за настап, што ја спречи да присуствува на настанот.

View this post on Instagram

MY GIRL! Plače mama od ponosa?? @tosic.atina for @niniakids Žao mi je što baka Divna ne može da vidi...

A post shared by JELENA KARLEUŠA (@karleusastar) on Nov 2, 2019 at 12:18pm PDT

Мојата девојка! Мама плаче со гордост. Жал ми е што баба Дивна не можам да ја видам - напиша J.К. на Инстаграм, додека малата Атина откри дека сака да стане модел. Инаку, Душко пристигна на шоуто околу десет минути пред почетокот. Тој дојде со својата ќерка Ника и тие се сместија во првиот ред. Сите ги гледаа и тивко коментираа. Фото: Немања Николиќ / Инстаграм принтскрин