модна критика – Вистина.мк

Еве како српската модна полиција го коментира изгледот на нашата Лина Пејовска…

Слободанка Илиева — Mon, 03 Feb 2020 06:46:25 +0000

За разлика од соседството, кај нас модната критика речиси и да ја нема, па затоа српските модни критичари почнаа да ги коментираат и нашите пејачи кои се појавуваат на големи регионални настани, како во случајот неодамна одржаните МАЦ музички награди во Белград. Таму се појави и младата македонска пејачка Лина Пејовска која очигледно ја воодушевила тамошната модна полиција. Па така, критичарот Давид Чурчиќ избра да го оцени изгледот на Лина која се појави во дизајнерски фустан со футуристички елементи. -Лина е бомба! Има преубаво лице! Фустанот на Тамара Стерјов баш ми се допадна, тотално уникатна, дури би можела да се направи и како тоалета. Но, Лина е млада, така што вака кратка е полн погодок. Супер е изработена, футуристичките елементи се врв, коментира Давид Чурчиќ, модниот уредник на српскиот магазин „Jolly“ и критичар во модна полиција. На Лина ова и тоа како и годеше, па се пофали споделувајќи го коментарот на својот Инстаграм профил.

Српскиот моден критичар Саша Видиќ го прокоментира стајлингот на Калиопи на „MAC“ – еве што кажа за македонската дива

Христина Ѓоргиевска — Fri, 31 Jan 2020 08:31:26 +0000

Во понеделникот (27.01.2020) во „Штарк Арена“ во Белград се одржа второто издание на доделување на музичките награди на МAC. Токму ова случување ги собра регионалните музички ѕвезди кои во разни модни комбинации продефилираа на црвениот килим. Некои од нив беа номинирани за награди, некои освоија награди, а некои пак воодушевија со своите интерпретации. Македонскиот пејач Влатко Лозаноски со песната „Мајка“ освои награда за најдобра регионална фолк поп песна, а една од домаќинките на ова случување беше Тамара Тодевска. Македонската дива Калиопи со својата музичка интерпретација на „Роѓени“ го воодушеви целиот регион. https://arhiva.vistina.com.mk/radio-mileva/kaliopi-ne-osvoi-nagrada-na-mac-no-dobi-najgolemi-ovacii-vo-shtark-arena/ За оваа прилика Опи одбра црна комбинација која најчесто е дел од нејзиниот стајлинг, но кога продефилира на црвениот килим се сретна со српскиот моден критичар Саша Видиќ кој пред камерите на телеграф, рс откри што мисли за нејзиниот изглед. „Дај да те видам како си облечена“ изјави Видиќ откако ја поздрави Опи. „Еј, немој нешто да ми најдеш дека не е добро. Тоа е мој стил“ веднаш врати Опи. „Не, не. Мене ми се допаѓа. Па, ти си иста. Знаеш, ова е жена која никогаш не се менува. Не знам што се случува. Наместо Калиопи требаше да се вика Камелеон“ истакна Видиќ. За потсетување, Саша е добро познат моден критичар и дизајнер кој често знае да го искаже своето мислење за модните комбинации на познатите. Па така кај него често на тапет знаат да се најдат Дара Бубамара, Јелена Карлеуша, Сека Алексиќ и многу други познати личности.

„Вечна катастрофа“: Сергеј Варошлија „распали“ по Огнен Здравкоски (видео)

Христина Ѓоргиевска — Tue, 16 Oct 2018 07:42:27 +0000

Во секојдневното издание на емисијата „Мода“ имаме прилика да слушнеме модни критики и пофалби на Сергеј Варошлија. Претоходните денови ги коментираше модните комбинации на нашите познати личности на „Макфест“. За некои даде добри коментари, а некои модно ги искритикува. Во последното издание на емисијата, на „мета“ кај Сергеј се најде и Огнен Здравкоски кој учествуваше на еден фестивал во Бугарија Сергеј прво искоментира една фотографија на Огнен со некоја пејачка.

„Дечково до нејзе е во катастрофална модна комбинација. Вечна катастрофа. Бела кошула, бели фармерки, црн каиш, црвени патики и црно сако, заедно двајцата на плочки во некој ходник. На што личите, па на ништо. Ни тој сам за себе, ни таа сама за себе, за двајцата: ќе ми пукне душата“ искоментира Сергеј. Потоа, Сергеј го коментираше и стајлингот на Здравкоски за настапот во Бугарија. „Мислам дека тука во оваа ситуација молчењето е најдобра работа. Ова изгледа како да е фотографирано во некоја месна заедница. Не, со ваков изглед не на фестивал“ истакна Варошлија.

Огнен ги слушна советите и коментарите на модниот критичар, па на „Инстаграм“ објасни дека за следниот настап и фестивал ќе го побара Сергеј за да му помогне за стајлинг.

Инаку, на фестивалот „Златен Кестен“ во Бугарија, Огнен Здравкоски освои награда за најдобра сценска изведба. фото: принтскрин/инстаграм