моден викенд – Вистина.мк

25-то издание на Моден викенд во Скопје: „Discover Who’s Next Graduation Show“

Антонио Димитриевски — Tue, 21 Jun 2022 12:33:41 +0000

На самиот почеток на календарското лето, а едно од најголемите модни случувања во земјава се враќа во Скопје. И тоа не било каде, туку во Градскиот парк. Симболот на младите, на авантуристите, на македонската авангарда и андерграунд. Впрочем, сите оние модерни зданија во градот и оние урбани ликови кои му даваат толку големо значење на Скопје како метрополоа, сите доаѓаат од едно место. Од „улицата“. Или ајде, ќе бидеме малку поблаги, затоа што улицата многу знае да звучи егоцентрично, па дури и несфатливо за помладите генерации, па затоа, Градскиот парк нека биде поприфатливата метафора за сето она што е убаво во главниот град. 25-то издание на Моден Викенд под мотото: „Discover Who’s Next Graduation Show“ e за сите млади луѓе, за сите факултетлии, но и за сите оние бубачки и шумски ѕверки кои сакат да ја пренесат нивната приказна и порака преку модата. Живееме во една модерна ера во која сме сведоци на младите кои секојдневно се повеќе имаат интерес за модата, за нејзино креирање, па дури и за нејзиното „сетирање“. Деновиве се повеќе слушаме за NFT мода, за дигитални артисти, па нема да бидеме изненадени ако наскоро „новата генерација“ што ќе се претстави на Модниот викенд во Скопје ја видиме на некој од билбордите во ЊуЈорк, Парис, Хонг Конг како дел од некоја ултра модерна NFT модна колекција. Но, за тоа останува само времето да покаже, нели? Езерцето во парк било и ќе остане „љубовно гнездо“ за многу љубови во Скопје, па затоа, ние ве покануваме токму таму да бидете дел од најновото издание, за со сигурност и со ветување ви кажеме дека ќе се заљубите барем во еден модел од артистите. Оваа сезона Моден Викенд Скопје им го отстапува местото на новите генерации на модни дизајнери, па така, ревиите на студентите од ДУЦОР „Партенија Зографски“, Скопје, дипломците од Универзитет „Гоце Делчев“, Штип (Технолошко- технички факултет), и студентите при Американски универзитет на Европа-ФОН (Факултет за дизајн и мултимедија) ќе бидат само дел од оние што ќе продефилираат низ Градскиот парк. Интернационалниот институт за мода Изет Цури ќе се претстави со колекцијата на Шќипоње Абудили, а тука ќе бидат и Европскиот Универзитет, Скопје (Факултетот за арт и дизајн), Џолев и Уметностите-со нивната школа за дизајн, уметност и технологија „Скала“, и на крај, тука се студенти од ТМФ при УКИМ, од институтот за дизајн и инженеринг на облека. Посетителите на овој „летен“ Моден Викенд ќе имаат чест за првпат да се запознаат со Националниот младински совет на Македонија, вклучително и Првиот саем за вработување млади во модната индустрија. Ива Дујак од Creative Talks ќе биде модеротор на кружната маса на тема: „Елаборирање и преиспитување на придонесот на дизајнерите во општеството“. Главен партнер на ова јубилејно издание на Моден Викенд е СН Осигурителен Брокер АД Битола. За атмосферата и комфорот ќе се погрижат Smart Living, Lotus Lounge Chair и винарија Камник. Официјална вода на настанот е Велинград Алкалија со висока pH 9,36 – водата e совршен придружник на вашите секојдневни активности! Oд душата на планината! За фризурата ќе се погрижат Revlon Professional, K18 додека пак, за шминката тука се Farmasi, заедно со Школата за убавина „Арт“. Пријател за нега и убавина ќе биде француската медицинска козметика Uriage, додека пак официјална обувка на настанот е брендот Carnival. Позади графичкиот идентитет на настанот стои Јана Марковска со креативнотот студио DO:MORE, додека 3Д анимираниот концепт е дело на Ѓорѓи Десподов.

Од 1-ви до 4-ти ноември: Моден викенд во Скопје

Антонио Димитриевски — Mon, 29 Oct 2018 02:09:39 +0000

Од 1 до 4 ноември на две локации во градот ќе се одржи осумнаесеттото издание на „Моден викенд - Скопје 2018“. Македонски и дизајнери од регионот ќе ги претстават најновите колекции на тема „Модата како дел од екосистемот. Одржлива приказна“.

Четиридневното модно случување ќе го отвори дизајнерката Лидија Георгиева во „F.A.M.E.’S“. На 2 ноември вечерта ќе започне со модната инсталација и перформанс на дизајнерката Ана Скодбо и стилистката Ребека Рој од Британија. Следи ревија на дизајнерката Ирина Тошева. Првпат ревија ќе има дизајнерката Теодора Митровска со колекцијата We Are Not Machines. Колекција вечерта ќе презентира и Кренаре Ругова. Втората вечер ќе заврши со колекцијата Full of Grace на дизајнерката Силвија Миха.

На 3 ноември модна ревија ќе имаат студентите од академијата „Џолев и уметности“. Следна е ревијата на накит на SIGMA и на нивната најнова колекција Future Now. По ова се моделите на Matrons dresses кои првпат се претставуваат во Македонија. Вечерта ќе заврши со ревијата на Олгица Ѓоргиева и нејзината нова колекција Bridges.

Крајот на есенското издание на Моден викенд Скопје ќе го одбележат ревиите на Еrror kolektiv, па ревијата на Сара Реџиќ, а вечерта ќе заврши со ревијата на Александра Јовановска со ревијата „Архетип“.

Дама во црвено: Викторија Лоба со уникатен сталјинг на Модниот викенд во Скопје!

Моника Пејоска — Sat, 28 Oct 2017 09:29:56 +0000

Пејачката Викторија Лоба присуствуваше на Модниот викенд во Скопје. Со уникатен стајлинг, цеата облечена во црвена боја, Лоба гордо позирае пред фоторепортерите. Едноставно и убаво, а дефинитивно оваа боја и прилега одлично на Лоба.

За Јелена Спенџарска нема зима, па не важи ни скопската максима: „Се смрзнав како…“ (ФОТО)

Антонио Димитриевски — Thu, 26 Oct 2017 07:47:50 +0000

„Леле ладничко... - Па, закопчај ја јакната... - Ааааа нема шанси, вака поубаво ми стои...“

Со овие зборови водителкатана Канал 5, Јелена Спенџарска ги зачини новите фотографии на својот Фејсбук профил. Во Скопје беше „Модниот викенд“, па логично е да си „ИН“ ако муабетиш за мода. Долгоногата водителка беше една од „главните“ медиумски фаци на тукушто завршениот моден настан број еден во сезоната есен/зима 2017-18. Во месо боја фустан со шлиц до над кук, Јела покажа и нога и струк... и се останато со што располага!

Без оглед што времето и временските прилики деновиве повеќе наликуваа(т) на зима отколку на есен, ТВ водителката храбро се соочи со меторолошката состојба, жртвувајќи се на конто на сопствената убавина! А и шегата од нејзиниот пост не е ниту нова, ниту случајна. Па не попусто кога многу ви студи, веднаш пред очи ви излегува сликата на некоја девојка како среде зима шета по улица облечена во „мини до препони“ и „деколте до папок“, па на памет ви паѓа познатата скопска максима: „Се смрзнав ко пи.ка“!

До душа водителката по потекло е беровка, а како што е познато Берово е еден од најстудените градови во Македонија, па за Јелена Спенџарска можеби и нема зима, а со тоа не важи ни скопската максима!