моден викенд скопје – Вистина.мк

Родена за манекенка: Еве која македонска пејачка е заштитното лице на најновото издание на „Моден викенд Скопје“(видео)

Слободанка Илиева — Tue, 03 Mar 2020 07:46:23 +0000

На 20-22 март во хотел Мериот во Скопје се најавува најновото издание на Моден викенд Скопје. Секој пат, за најавата на настанот, односно за фотографиите за социјални мрежи, билборди, видео, работат манекенки кои се искусни во тоа. Годинава за промена, наместо манекенка, организаторите избраа тоа да биде една наша позната пејачка на која модната писта и позирањето не и се непознати, бидеќи неколкупати учествувала и чекорела на писта за хуманирарни цели. Станува збор за пејачката и поранешна претставничка на Евровизија, Јана Бурческа, која изгледа одлично во најавното видео на Модниот викенд во Скопје. Јана носи впечалив фустан врз кој има црн корсет, додека на носете е во рамни чизми. Урбаноста е во прв план, а тоа се гледа не само од изгледот на Јана, туку и од избраната локација за реализација. Погледнете дека ако не беше пејачка, Јана ќе беше совршена манекенка или модел.

View this post on Instagram

Enjoying blue skies with @fashionweekendskopje ! Thanks to every creative soul who contributed and of course my very own @atelier_persempre ? • @chris_d_filmmaker @makeup.bysimona @atanasov.milan ?

A post shared by Јана Бурче (@boorche) on Feb 28, 2020 at 4:43am PST

Прво јавно појавување заедно: Елена Ристеска и момчето во прв ред на Моден Викенд Скопје (фото)

Слободанка Илиева — Wed, 06 Nov 2019 07:59:02 +0000

Пејачката Елена Ристеска неодамна за домашните медиуми потврди дека е во љубовна врска со скопјанецот Филип Арсовски, кој инаку е сопственик на еден познат скопски ресторан за здрава храна. Сепак, на Еленче очигледно и требаше време пред да се одлучи за јавно појавување со саканиот пред камери и фоторепортери или пак да објавува заеднички фотографии на социјалните мрежи со момечето кое го освои нејзиното срце. https://arhiva.vistina.com.mk/radio-mileva/elena-risteska-ne-ostana-imuna-na-glasinite-za-novoto-momche-ova-e-nejzinata-reakcija/ Сега, дојде време Елена да се одлучи пред будното око на јавноста да се појави со Филип и тоа на Модниот Викенд во Скопје. Тие се појавија заедно на ова модно случување и како специјални гости седнаа во првиот ред, сосема одлична позиција за фографите да имаат убав кадар за овековечување на моментот. Елена на себе имаше тренди комбинација од црвено палто споено споено принт маичка и црни панталони, додека нејзиниот партнер се одлучил за минималистичка црна комбинација од која со фокус се издвоија неговите впечатливи тетоважи на рацете. Дали ова е старт и поттик на Елена и Филип да ја покажуваат својата врска поинтензивно и во јавност, останува да видиме.

Моден викенд – Скопје 2019: „United Fashion Sее Showroom”

Антонио Димитриевски — Mon, 04 Mar 2019 12:57:54 +0000

Од 29.03 до 31.03 март во поранешната печатница на НИП „Нова Македонија”, ќе се одржува 19-тото издание на Моден викенд-Скопје. Дваесет и деветте интернационални учесници на шоурумот премиерно ќе ги изложат новите колекции за есен-зима 2019/2020 пред домашната и странската публика. Освен од Македонија, посетителите на најголемиот моден настан во Скопје, ќе може да ги видат моделите на дизајнери од Белгија, Германија, Португалија, Франција, Романија, Латвија, Естонија, Грција, Турција, Бугарија, Словенија, Хрватска, Црна Гора, Босна и Херцеговина, Србија и Косово. Главната цел на проектот „United Fashion SEE Showroom” во Скопје е промоција на модните дизајнери од Југоисточна Европа (ЈИЕ) пред интернационалните купувачи и претставниците на медиумите, како и поврзување на дизајнерите од Европската унија со македонските фабрики.

(ФОТО) Риба ипол: Водителот Жарко Димитриоски и новата сакана во први редови на Моден викенд Скопје!

Слободанка Илиева — Mon, 02 Apr 2018 08:13:35 +0000

Изминатите неколку дена на Скопје му се случуваше пролетното издание на модниот викенд, каде љубителите на модата имаа можност да присуствуваат на ревиите од неколку домашни дизајнерски имиња и нивните сезонски колекции. Меѓу присутните се појавија и познати личности од јавниот живот во земјава, а меѓу нив, место резервирано во првите редови имаше и ТВ водителот Жарко Димитриоски и неговата девојка Марија. Жере не крие дека неколку години е во врска и е среќно заљубен, а овој пат решија двајцата заедно да се појават на ова модно случување и со тоа да покажат интерес кон модата.

Е сега, дали следењето на ревијата беше по иницијатива на Жаре или неговата понежна половина, не знаеме, но очигледно дека од дизајнерката чија ревија ја следеа, имаа привилегија да седат во прв ред и убаво да ги погледнат креациите и манекенките на писта. За оваа прилика двојаката се појави во елегантно издание, тој во костум , а таа во макси сако од кое се истакнаа нејзините нозе. По ревијата Жаре и Марија беа и на коктел во друштво на деверот на Kаролина Гочева и брат на Михаил и неговата девојка.

Минималистички „скоцкани“ во склад со пригодата, нема сомнеж дека ги предизвикаа погледите на присутните. фото:Моден викенд Скопје/facebook

Дадар беше главен на „Моден викенд Скопје“: Ја ослободи својата магија и создаде совршенство!

Слободанка Илиева — Thu, 26 Oct 2017 07:54:07 +0000

Изминатите денови на Скопје по шеснаесетти пат му се случуваше Модниот викенд каде продефилираа моделите од новите колекции од домашната модна сцена. За се за изгледа совршено, професионално и на ниво, кога станува збор за шминката – зад сцената беше задолжен нашиот познат стилист со долгогодишна кариера, Александар Билјановски – Дадар.

Тој беше на задача да ја реализира шминката кај манекенките, а за таквото искуство ја ослободи својата уметничка замисла за нешто поартистична шминка за на сцената. Па така, на дел од равиите, манекенките се појавија со ултра впечатлива и уникатна шминка, а по секое завршено дело, Дадар ги фотографираше и финалните резултати ги објави на социјалните мрежи.

Секој уметник е особено среќен кога има прилика да избега од комерцијалното, а овој пат Дадар имаше вистинска можност за тоа , а ја изработи на ниво кое му доликува на еден уметник како него.

Сите очи вперени кон неа: Лила го прошета опасното деколте на „Моден викенд Скопје“

Слободанка Илиева — Wed, 25 Oct 2017 06:54:17 +0000

Добро познато е дека популарната ТВ водителка Лила Филиповска е голем љубител на модата, а своите модни апетити не пропушти да ги задоволи со своето присуство на Модниот викенд кој деновиве му се случуваше на Скопје. По тој повод, таа го избра последниот ден од настанот за да проследи некоја од ревиите и да маркира некое уникатно дизајнерско парче за себе. Како вистински почитувач на модата се дотера во специјално минималистичко издание со секси акцент на нејзините бујни гради кои ги истакна во маркантен градник кој ги нагласува, врз него го комбинираше црно сако, здолниште од тантела, а изгледот го заокружи со безвременските црни салонки. -Не и верувај на жена што знае што ќе облече, напиша Лила во описот на фотографијата каде позира пред да влезе внатре и да ги собере погледите на присутните.

Секако, за вака модерна и позната дама беше резервирано место во првиот ред од каде водителката не заобиколи да пренесе некој момент и на социјалните мрежи.

Започна шеснаесеттиот Моден викенд Скопје: Еве како беше!

Слободанка Илиева — Tue, 24 Oct 2017 07:00:00 +0000

Со четири ревии викендов во „Скопје Мериот Хотел“ започна шеснаесеттиот Моден викенд Скопје , под мотото на сезоната #Stopthetraffik. Сезоната есен-зима 2017/2018 ја отвори ревијата на „Papaz“ и колекцијата „Подем на гревот“ чии креации ги потпишува дизајнерот Андреј Папаз Ѓоргиевски. „Централното место во колекцијата ја зазема приказната за Содома и Гомора, два библиски града, синоними за грев, блуд и разврат.

Колекцијата „Подем на гревот“, сугерира со нагласена сексапилност, инспирирана од човековата сексуалност и хедонизам. Силуетата во исто време e провокативна и елегантна, употребени се повеќе видови на еко -кожа, свилен жоржет, штоф и чоја. Земајќи предвид каде се смета дека Содомa и Гомора се наоѓале териториски, деталите се преземени од традиционалната облека од Блискиот Исток.“, вели Ѓоргиевски за својата колекција. Публиката ја виде и најновата колекција на „Sigma Jewelry“ инспирирана од богатата традиција, засилена со тонови на розево и бело злато, а истовремено проткаена со модерен изглед, кој ги отвара сетилата на секоја жена. И оваа сезона ни претставуваат уникатни парчиња накит кои симболизираат среќа, женственост и елеганција во хармонија со перфектна изработка и особено внимание на сите вградени детали.

За колекцијата „Маршот на боговите“ која ја прикажа Викторија Арсовска, вели дека е „презентирана женственост и сексапил преку кроевите инспирирани од машки униформи и преку машката грубост на посебно избрани материјали . Корсети подзатскриени со капути и елеци од чоја и кожа, свилени фустани во комбинација со кожни ремени и метални копчиња, додека лелеавоста на истите се противи на крутиот штоф.

“ Со колекцијата наречена „Art deco“ на „Ателје Коцарева“ заврши првата модна вечер. „Колекцијата "Art deco" е женствена, деликатна и раскошна затоа што раскажува приказна за токму таква, безвременска жена изразена преку софистицирана, гламурозна а смела визија. Секое парче е индивидуализирано, изработено од уникатни материјали (природни пердуви, рачни везови) и на посебен начи го осликува совршениот стил на 20-тите години.“, вели Моника Коцарева.

За време на Моден викенд Скопје во изложбениот простор ќе може да се види и колекцијата на „DIAS shoes and bags“, бренд кој се занимава со производство на ексклузивни кожни чевли и чанти и други аксесоари од кожа. „Ottimo handmade“ и оваа сезона ќе ги изложат уникатните пеперутка вратоврски. Фотографиите ги потпишуваат Ани и Дими