Еве како да подготвите модар патлиџан потпечен во сос од домати

Слободанка Илиева — Thu, 16 Jun 2022 11:44:16 +0000

Модриот патлиџан во последно време е вистинска ѕвезда во кујната. Меѓутоа, кога станува збор за децата, овој зеленчук не е нивниот омилен избор. Но, доколку го подготвите по рецептот кој ви го предлагаме, и најмалите ќе го обожаваат. Кога ќе го наполните со сирење и зеленчук, па ќе го завиткате и ќе го испечете сето тоа во рерна со сос од домати, никој нема да може да одолее. Состојки: - 2 поголеми модри патлиџани - 1 главица кромид - 150 гр. спанаќ - 2 чешниња лук - 1 лажица мелена црвена пиперка - сол, бибер - 400 мл. сос од домати - 300 гр. кашкавал - 300 гр. сирење - масло - магдонос за декорација Подготовка: Модрите патлиџани исечкајте ги тенко по должина, па посолете ги и оставете ги настрана. Во загреаната тава истурете малку масло, па додајте исечкан спанаќ, кромид и лук. Сето тоа заедно се динста околу пет минути, а на крајот се додаваат наведените зачини. Тргнете ја тавата од оган, смесата ставете ја во сад, па додадете го кашкавалот и измешајте. Истурете го целиот сос од домати во тавата во која ќе ги печете модрите патлиџани. На работната површина ставете едно парче модар патлиџан, па премачкајте го со мешавина од сирење и спанаќ. На крај, врз модриот патлиџан посипете рендано сирење и завиткајте го, па ставете го на плех. Повторете го процесот додека имате од смесата. Ставете ги ролните во загреана рерна на 180 степени и печете ги 20 минути. Кога ќе бидат готови украсете ги со магдонос и послужете ги топли. На здравје! извор:кармин/точка.ком.мк

Либанска салата со модар патлиџан и јогурт

Слободанка Илиева — Thu, 27 Aug 2020 13:30:20 +0000

Потребни состојки: 2 килограми модар патлиџан (се сече на коцки) 2 лажици маслиново масло 200 милилитри јогурт 2 средни чешниња лукж 3/4 лажички мелен ким 1/2 лажичка сол 1/8 лажичка црн пипер 1 и 1/2 лажици ситно сечкано нане свеж сок од лимон Начин на подготовка: Загрјете ја рерната на 250 степени. Исечкајте го модриот патлиџан на коцки. Поставете го на хартија за печење и печете за 30 минути или додека не зацрви. Кога ќе биде готов ставете го во еден сад и додадете ги сите други состојки. Мешајте. Додајте сок од лимон по вкус и избор. извор:кафепауза.мк

модар патлиџан – Вистина.мк

Еве како да подготвите модар патлиџан потпечен во сос од домати

Либанска салата со модар патлиџан и јогурт