мобилен телефон – Вистина.мк

Секој 10-ти човек ја прави оваа „ужасна“ работа во кревет – на тој начин го уништува љубовниот живот

Слободанка Илиева — Fri, 13 Nov 2020 13:20:17 +0000

Луѓето во едно се согласни - зависносста од мобилните телефони навистина отиде предалеку. Истражувањето кое што го спровела компнијата „SureCell“ покажало дека секоја десетта личност е опседната со својот мобилен телефон, толку многу што некои од нив го проверуваат дури и во текот на сексуалниот однос. Освен тоа, 43 отсто од учесниците во истражувањето признале дека тоа го прават постојано, а тие воглавно имаат помеѓу 18 и 34 години. „New York Post“ пренесува дека сепак ништо од горенаведеното не би требало да претставува преголемо изненадување со оглед на тоа што во последните пет години многумина го игнорираат својот партнер затоа што тој константно е на својот мобилен телефон, проверувајќи ги актуелностите на социјалните мрежи. Речиси половина од луѓето во претходни истражувања признале дека константно го прават тоа. Па, дури и кога се обидуваат да се опуштат за време на вечерата со својот партнер, дури 33 отсто од испитаниците велат дека не можат своите прсти да ги држат подалеку од екраните на допир. Многу од испитаниците изјавиле дека мобилниот телефон им го уништува љубовниот живот. Дали вие се гогласувате со ова? извор:to;ka/supermen.kom.mk

Како да го спасите мобилниот доколку ви падне во вода?

Христина Ѓоргиевска — Wed, 15 Jan 2020 12:45:01 +0000

Доколку истуривте вода врз мобилниот телефон, не очајувајте. Дури и доколку целосно бил потопен во вода, може да го спасите. Најважно е да реагирате бргу. Доколку мобилниот не е водоотпорен, а сте истуриле вода врз него или ви паднал целосно во вода, за да го спасите треба што побргу да реагирате. Не паничете туку извадете го мобилниот од вода веднаш бидејќи колку подолгу стои во вода, толку повеќе ќе се оштети. Исклучете го мобилниот иако ви покажува знаци дека сè уште работи Доколку го оставите вклучен, може да предизвика краток спој. Со оглед на тоа дека бил во вода, може да претпоставите дека мобилниот е полн со вода без оглед на тоа што и понатаму работи. Не вклучувајте го повторно за да видите дали работи. Извадете ја сим картичката Отстранете ги сите дополнителни уреди кои се поврзани или се наоѓаат во мобилниот, како што се слушалки или екстерна мемориска картичка. Извадете ја сим картичката и батеријата од мобилниот телефон и ставете ги да се сушат на пешкир. За да откриете дали телефонот е оштетен, погледнете го индикаторот за оштетувања од вода. Тој се наоѓа во делот за батерија, зад батеријата или на самата батерија. Може да биде во правоаголна или кружна форма. Доколку сè е во ред, тој ќе биде во бела боја. Доколку ја смени бојата во црвено или розово, тоа е знак дека телефон е многу оштетен. Сушете го телефонот што е можно повеќе Мобилниот телефон може да го ставите во сад со ориз. Оставете го да стои 48-72 часа. Едноставно, во поголем сад ставете 900 гр. ориз, ставете го мобилниот и батеријата. Оризот ќе ја извлече влагата која останала во уредот. На секој час свртувајте го мобилниот во друга положба со што ќе овозможите на водата која останала во различните делови од мобилниот за да најде пат да излезе од него. Доколку чувате мачка, може да го искористите нејзиниот песок којшто има иста моќ како и оризот. Трета опција е да ја извлечете водата од уредот со помош на правосмукалка. Ова е најбрзата варијанта. Почекајте 48 до 72 часа и тогаш вклучете го мобилниот повторно. Пред да го вклучите проверете дали е целосно исушен. извор: Кајгана

„Ќе бидам вулагарна“: Сопругата на Огњен Амиџиќ откри дали ѕирка во мобилниот на водителот

Христина Ѓоргиевска — Fri, 13 Dec 2019 11:46:23 +0000

Водителот Огњен Амиџиќ и манекенката Даниела Димитровска се во одличен брак веќе седум години, а заедно го имаат синот Матија кој во ноември наполни шест години. Даниела пред камерите на „Премиера“ призна дека нејзиниот син не разговара со неа за нејзините симпатии, туку дека за тие детали разговара само со неговиот татко. „Мене не сака да ми каже, јас го оставам тоа да остане меѓу него и неговиот татко. Јас мислам дека на мене ќе ми признае кога ќе биде нешто вредно, кога ќе ја доведе дома (се смее)“ вели сопругата на водителот. Таа проговори и за неверството, па откри дали ѕирка во телефонот на својот сопруг. „Не гледам во телефонот на Огњен и мислам дека никој не треба да гледа во туѓ телефон. Мислам дека секој од нас има право на приватност, без оглед дали сме во брак или заедница, ние сме индивидуи. Кој на кого му дава за право да ѕирка во туѓ телефон. Да бидам малку вулгарна, тоа би било исто како да одите со сопругот во тоалет. Јас се надевам дека тоа никој не го прави, јас не го правам“ истакна Даниела низ насмевка.

Ана Николиќ по грешка ги објави своите разголени фотографии (фото)

Христина Ѓоргиевска — Mon, 21 Oct 2019 09:24:51 +0000

Ана Николиќ во последно време доста е активна на социјалните мрежи каде што објавува фотографија од себе како вежба, но и фотографии во елегантни изданија на кои се гледа нејзината нова фигура. Николиќ во последните месеци ослабе 30 килограми, а веќе се враќа на својата стара линија. Овој пат на својот „Инстаграм“, Ана објави фотографија со својата ќерка Тара, не помислувајќи дека ќе направи грешка. Имено, пејачката направила принтскрин од својата галерија во мобилниот телефон, и на тој начин ја објави фотографијата. Меѓутоа, на дното на екранот се гледа какви други фотографии има Николиќ во својот телефон, односно може да се виде фотографија на која пејачката е во долна облека. Имено, од покажаната галерија може да се види како Николиќ позира во долна облека пред огледало, задовона од постигнатите резултати. На една од фотограгија се гледа како Николиќ е речиси гола пред огледалото, а во прв план е нејзиниот задник. Таа ја избриша ова фотографија, но сепак таа се појави на социјалните мрежи.

Мобилните телефони можат да предизвикаат акни и други проблеми со кожата на лицето

Слободанка Илиева — Tue, 17 Sep 2019 13:00:33 +0000

Акни на долната половина од лицето

Причините за појава на акни на вилицата, брадата и целиот долен дел од лицето можат да бидат различни. Акните и митесерите можат да настанат поради хормонални нарушувања, а оние околу устата и долната вилица можат да бидат последица и од користењето мобилен телефон. Причината е што мобилниот телефон го олеснува ширењето на бактерии на лицето.

Акни на целото лице

Акните кои се појавуваат на целото лице најчесто се поради лоша исхрана и бактериска нерамнотежа.

Акни на челото

Најчесто, акните на челото се појавуваат поради употреба на продукти за коса. Ако шампоните, регенераторите и сличните продукти завршат на челото, тие можат да предизвикаат иритација и алергија. Се разбира, ова не значи дека акните се појавуваат само поради тоа и најдобро е да посетите дерматолог. Акните се хронична воспалителна болест, која најчесто се појавува кај младите на возраст од 10 до 25 години. Но во последно време забележана е зачестена појава на акни и кај повозрасните луѓе. Овие воспаленија настануваат поради зголемено лачење на лојните жлезди и зголемување на бројот на бактериите познати како Propionibacterium acnes. Воспалителните промени на лицето можат да се манифестираат како отворени или затворени комедони и мозолчиња. Најчесто воспалителните промени се појавуваат на лицето, градите и грбот. По лекувањето, на воспаленото место често може да остане белег или хиперпигментација на кожата. При лекувањето на акните, најважен е индивидуалниот пристап, бидејќи секоја кожа е различна. Пред да се започне со терапија, мора да се земат предвид неколку фактори како дерматолошкиот статус, општото здравје и хронични болести, склоноста на кожата кон создавање лузни, како и психолошката состојба на пациентот поради акните. Терапијата може да биде локална и систематска, но во секој случај може да трае долго. Резултатите се гледаат постепено, но континуирано. За најдобри резултати, потребни се договор и доверба помеѓу пациентот и лекарот. извор: кафепауза.мк

Не гледајте долго во мобилниот навечер во темница!

Моника Манасиевска — Thu, 21 Feb 2019 12:45:57 +0000

Според резултатите од истражувањето кое го направи истражувачкиот тим од Универзитетот во Толедо, синото светло може да ги трансформира очните молекули во клетки-убијци. Тоа е уште една причина повеќе зошто треба да избегнувате долго зјапање во екраните од мобилните, таблетите и лаптопите навечер, во темница. Според истражувањето за влијанието на читање од мобилен или од таблет во темен простор, тоа може да доведе до молекуларна дегенерација , болест на окото поврзана со староста и која води кон целосно слепило. ,,Не е тајна дека сината светлина му штети на нашиот вид , така што ја оштетува очната ретина . Нашите експерименти објаснуваат како доаѓа до тоа и се надеваме дека ќе откриеме терапија за да ја забавиме молекуларната дегенерација , како производство на нови капки за очи.” изјави професорот Аџит Карунаратне од Универзитетот во Толедо , Шпанија.

Синото светло , објаснува професорот , предизвикува одредена хемиска реакција , која е токсична за фоторецепторските клетки , кои умираат и не се регенерираат . Истражувањето , пак на Институтот за глобално здравје од Барселона покажа дека синото светло може да биде поврзано со некои видови на канцер. ,,Постојат докази на поврзаност при изложувањето на вештачка светлина ноќе со рак на дојката и на простата “ изјави координаторот на истражувањата , професорот Манолис Когевинас. Според нивните истражувања ризикот за појава на рак на дојката или на простатат се зголемува од сината светлина за 1,5 до 2 пати.

Шако Полумента ограбен на настап: Пејачот ги откри деталите за кражбата…

Христина Ѓоргиевска — Mon, 13 Aug 2018 09:35:43 +0000

На Шако Полумента на настап во Лесковац му бил украден мобилиниот телефон, а пејачот ги откри деталите за кражбата. „Точно е, украден ми е мобилниот телефон и цел ден не можам да се смирам. Не можам да верувам дека ми се случи такво нешто во град каде што настапував пред 3 000 луѓе. Вечерта започна во одлична атмосфера и телефонот го оставив кај ДЈ-от. Кога го завршив блокот доста луѓе пристигнаа да се сликат, а кога се свртев да го земам мојот телефон, го немаше, вели пејачот. Тој истакна дека го земал микрофонот и се обратил на публиката и културно замолил да му го врати мобилиниот, но ништо.

По некое време тој повторно го земал микрофонот и нервозен почнал вулгарно да се изразува, но крадецот не го вратил мобилиниот. „Газдата на дискотеката е сериозен човек.Се е покриено со камери и самиот сум изненанден од ситуацијата. На камерите се се гледа, ќе се дознае името и презимето на личноста која си дозволи да се игра со мојата приватност. Не се плашам од ништо и ќе ја истерам правдата до крај само затоа што не заслужив некој така да се однесува со мене кога дојдов на луѓето да им приредам убава вечер, вели Шако.