Премиера: Младинска претстава „Како ќе го делиме мачорот?“

Антонио Димитриевски — Tue, 21 Nov 2023 13:37:34 +0000

Во среда, на 22 ноември 2023 година, во Театарот за деца и младинци во Скопје, со почеток во 20:00 часот, премиерно ќе биде изведена младинската претстава „Како ќе го делиме мачорот“. За жал, разводите денес стануваат се почести, а времето за разговор меѓу децата и родители се пократко. Сегашноста на разни начини ни го краде времето за помирување, мир и смирување. Во тажната нова нормалност и новиот недостиг на време, почувствував потреба да створиме претстава која ќе им подаде рака на децата и младите кои минуваат низ процесот на развод на едно семејство, но и стимул на родителите да поведат разговор со нивните деца и да пробаат да ги разберат нивните гледишта и стравови во сето ова. Од друга страна оваа претстава е „воведен курс“ за сите блиски и начинот на кои тие може да подадат рака на некој ближен кој минува низ развод. Ќе бидеме пресреќни, ако некои деца и млади најдат охрабрување да зборуваат со некого и да ги избегнат вообичаениот срам и страв од околината при соочување со болката поради она што им се случува дома. Секоја болка има лек, понекогаш тоа е разговорот, понекогаш плачењето, понекогаш е подадената рака и разбирањето дека разводот не е крај на светот и дека нема ништо срамно во тоа. Време е да тргнат на страна табуата и да се зборува, за децата и младите да не останат со предлабоки лузни од овој болен и трауматичен процес. Автор на текст и режија: Јане Спасиќ Драматизација: Играат: Драган Довлев Ана Левајковиќ Бошков Матеа Јанковска Никола Наковски Ангела Димитрова Ненад Митевски Марија ЃорѓијовскаЈане Спасиќ Сценографија: Кирил Василев Костимограф: Бранкица Јордановска Избор на музика и звучна обработка: Јане Спасиќ Автор на промотивен материјал: Матеја Николиќ Инспициент: Ѓуро Дракулоски Фотографии на рекламен и видео материјал: Емил Петро Тон мајстор: Владимир Стефановски Светло мајстор: Мартин Митровски Изработка на костим: Љубица Велкова Декоратери: Јовица Видески, Бујамин Селими и Мирзат Камбери Шминка: Игор Петрески Гардеробер: Мирка Ѓоргиева Време траење: 110 мин Продукција: Н.У. Театар за деца и младинци Скопје, ноември 2023

младинска претстава – Вистина.мк

Премиера: Младинска претстава „Како ќе го делиме мачорот?“