мизар – Вистина.мк

Мизар од својата „Вечна празнина“ ги извлекоа звуците на нивната – „Небесна тишина“ (АУДИО)

Антонио Димитриевски — Thu, 09 Feb 2023 13:47:25 +0000

Култната македонска група „Мизар“ кон крајот на минатата година го објави својот нов студиски албум „Вечна празнина“. Албумот премиерно го изведоа во декември 2022 година пред белградската публика, каде на најдобар можен начин и го претставија албумот на јавноста со фантастичен концерт во распродадениот „Дом омладине“. „Небесна тишина“ е последниот сингл од албумот, песна инспирирана од композицијата „Midnight Summer Dream“ на The Stranglers, според композиторот Горазд Чаповски, „еден од најдобрите бендови во популарната музика“. Текстуално-вокалната димензија е беспрекорно претставена со длабокиот баритон на Зоран Тортевски, пејач кој моќно и впечатливо го интегрира византиското пеење во музичкото творештво на „Мизар“. „Небесна тишина“ е последна на албумот и навистина моќно го затвора кругот, за што сведочат зборовите на критичарот Маринко Крмпотиќ (Нови лист): „За самиот крај „Мизар“ ја чува „Небесна тишина“, прекрасна песна. на смиреноста, уште едно патување во нематеријалното, астралното и етеричното.“, а неговиот професионален колега Златко Гало (mixer.hr): „Завршната „Небесна тишина“ е, како што сугерира насловот, амбиентална речиси религиски возвишена тема која ги сумира сите карактеристиките на „новиот Мизар“ и албумот“. Во текот на повеќе од четири децениската активност, единствена константа на бендот е неговиот основач Горазд Чаповски, заедно со актуелниот, совршено координиран состав кој го сочинуваат Зоран Тортевски (вокал), Пеце Китаноски (бас), Александар Ристовски Принц (електрична гитара) и Георги Божиков (тапани), „Мизар“ покажа дека неговиот креативен бунар е уште многу длабок и дека нивните материјали вреди да се чекаат. Преслушајте како звучи Мизар кога од својата „Вечна празнина“ ги исфрла звуците на нивната - „Небесна тишина“ (КЛИКНИ ТУКА):

„Мизар“ од нивната музичка „Вечна празнина“ го извадија својот – „Изрод“ (АУДИО)

Антонио Димитриевски — Tue, 13 Dec 2022 12:33:51 +0000

По летниот сингл „Вечна празнина“, култниот македонски бенд „Мизар“ го претставува „Изрод“. Нов сингл, од нивниот шести студиски албум „Вечна празнина“, дигитално достапен од понеделник 12-ти декември 2022. Една од десетте композиции, „Изрод“ е песна за човек кој ја продал душата и со тоа станал Изрод. Изродот нема емоции и емпатија, тој е морален изрод, а парите се императив на неговото постоење. Данте ги класифицирал грешниците во 9 кругови на пеколот, колку нивните гревови се посериозни, круговите се пониски и потесни. „За да се спаси нивната продадена душа, мрестот на Мизар мора да ги отвори „Деветте порти на олово“, завршува составот на Мизар. Впечатливиот и уникатен звук на култниот македонски бенд, претставен преку моќниот вокал на Зоран Тортевски, ги трансформира егзистенцијалните, човечки теми во тешки, но магични композиции. Ваквата комбинација најдобро се чувствува во живо, за која приликата доаѓа наскоро, на 16-ти декември кога „Мизар“ ќе го има шестото појавување во Домот на млади во Белград. По овогодинешната мини турнеја во која беа Љубљана, Риека и Загреб, градови каде публиката ги пречека со ентузијазам, по седум години „Мизар“ повторно свири во Белград. Како звучи музичкото видување нас нивниот „Изрод“ слушнете од „Мизар“ во продолжение (КЛИКНИ ТУКА):

„Мизар“ по седум години со концерт во Белград

Антонио Димитриевски — Wed, 19 Oct 2022 12:39:25 +0000

По седум години, Белград на 16-ти декември ќе има можност уште еднаш да биде домаќини на еден од најдобрите бендови на овие простори, култната македонска „дарквејв“ група „Мизар“. Последниот настап на „Мизар“ пред белградската публика беше во 2015 година, три години претходно беа предгрупа на светската ѕвезда Мерлин Менсон, а сега ќе ја собираат публиката во Домот на млади во Белград. На почетокот на јуни, „Мизар“ замина од Скопје на мини турнеја во која беа вклучени Љубљана, Риека и Загреб, градови каде публиката ги пречека со ентузијазам. Тоа беа концерти исполнети со силни емоции бидејќи ги посетија сите три града по долгогодишно отсуство. Од своето основање далечната 1981 година до денес, „Мизар“ поминал низ многу фази. Составот се смени, се разделија и повторно се сретнаа, а единствена константа остана Горазд Чаповски, композиторот, гитаристот и идеолошки водач на групата. И покрај бројните промени, бендот цело време остана доследен на својот специфичен музички израз – „Мизар“ создава музика базирана на старите словенски пеења, македонскиот фолклор и византиската традиција, обликувана во потемна облека. Во досегашната кариера имаат пет откровенија, односно пет албуми, а последниот шести кој ќе го промовираат на белградскиот концерт а го најавија во 2020 година со песната „Галеб“. Ги следеа „Доаѓа ден“, „Лузна“, „Гласници на падот“ и „1903“, додека оваа година ги објавија „Изгорен од ова сонце“ и „Вечна празнина“, песни во кои „Мизар“ го трансформира човечкото присуство на оваа планета во сериозни музички дела, со моќниот вокал на Зоран Тортевски во преден план. Шестчлената постава маестрално изведува композиции кои силно одекнуваат, нивните изведби во живо никого не оставаат рамнодушен.

„Мизар“ се вратија од регионалната мини турнеја со нова песна – „Вечна празнина“ (АУДИО)

Антонио Димитриевски — Fri, 26 Aug 2022 12:24:39 +0000

Култниот македонски бенд „Мизар“ на почетокот на јуни замина на мини концертна турнеја низ регионот, во рамки на која настапуваа во Љубљана, Риека и Загреб. Во сите три музички центри на поранешната заедничка држава публиката со големо нетрпение ги дочека нивните настапи. Сегашната постава има пет члена. Покрај Горазд Чаповски, основачот и единствениот член кој никогаш не ја напушти формацијата, „Мизар“ го сочинуваат и Зоран Тортевски (вокал), Пеце Китановски (бас), Александар Ристовски Принц (електрична гитара) и Георги Божиков (тапани). Инспирација за создавањето на новата песна „Вечна празнина“ беше Риека, каде „Мизар“ настапи по долги 17 години. „Сите ние на свој начин ги доживуваме добрите и лошите, среќните и тажните моменти од она што го нарекуваме живот. Во виорот на секојдневието и рутината, често забораваме дека животот е многу кревка појава. Сега си тука, а утре можеби ќе те нема“...Ќе остана само една „Вечна празнина“! Музиката и аранжманот се на Горазд Чаповски, стиховите заеднички со Зоран Тортевски, а приодукцијата ја потпишува одново лидерот на бендот заедно со продуцентот и тон мајстор Златко Симионски од студиото „До ре ми“. Обвивката на новиот сингл е оригинално слика на македонскиот уметник Никола Пијанманов, чии дела веќе ги илустрираа песните на „Мизар“. Шестото албумско откровение на еден од најзначајните македонски бендови се очекува до крајот на оваа година. Од претстојниот албум, тие веќе ги претставија сингловите „Галеб“, „Доаѓа ден“, „Лузна“, „Гласници на пат“, „1903“ и „Изгорен од ова сонце“. “, а публиката која ги доживеа во живо, можеше да почувствува навистина посебна енергија. Проследете во продолжение како звучи и нивната најнова песна, „Вечна празнина“:

„Бит Фест“ со нов концепт: 64 денови културна програма со концерти на „Танец“, Влатко Стефановски, „Мизар“, „Меморија“…

Антонио Димитриевски — Mon, 20 Jun 2022 13:01:30 +0000

Битолското културно лето, започна со концерт на Каролина Гочева во Хераклеја и ќе трае до 31 август. Оваа година, „Бит Фест“ воведува нов концепт на културно лето, кое истовремено ќе ги поврзува традицијата и современите достигнувања во културниот свет. Во следните 64 денови, на повеќе просторни сцени во градот на кои како дел од „Бит Фест“ ќе се одржуваат 10 фестивали, со гостувања на уметници од над 20 земји од светот, Битола низ автентичен културен израз, ќе ја промовира македонската уметност, култура и традиција пред домашната и странска публика, градејќи и цврсти меѓународни врски, за нови можности за културен напредок на градот. Освен концертот на Каролина, на програмата се и два други големи концерти. Култните „Мизар“ на 9-ти август на платото кај Офицерскиот дом, а програмата завршува со концерт на „Меморија“ на 31-ви август во Хераклеја. Дел од музичката и музичко сценската уметност на „Бит Фест“ се и Камерниот оркестар „Профундис“, виолинистите Владимир Костов, Ана Контраденко, Марко Поп Ристов, сопранот Весна Гиновска Илкова, а под наслов „Со лезет за Битола“ ќе настапат светски познатите, македонски оперски пејачи Ана и Игор Дурловски. Традиционално, „Со песни за Битола“, продолжуваме со „Незаборав“. За љубителите на џез – културата, ќе се одржи Интернационалниот „Џез Фабрика Фестивал“, а „Балкан Гала фестивалот“ на Камерниот оркестар на Битола, ќе биде исполнет со поп и рок симфонија. Музиката и традицијата, ќе се негуваат преку „Локум фест“, а меѓу богатите содржини за време на фестивалот „Илинденски денови“ на „Бит Фест“ е и гостувањето на ансамблот за македонски народни игри и песни „Танец“ и Влатко Стефановски. Официјалната програма, ќе заврши на 31 август, а на предлог на комисијата, поддржани се и апликации кои се однесуваат на културни содржини кои ќе се реализираат во Битола, надвор од програмата на битолското културно лето, до крајот на годината. Ваквиот пристап на општина Битола, нуди простор и поддршка и за други проекти да бидат презентирани пред битолската јавност, да се потикне потенцијалот за идна соработка, но и да се отвори можност за реализација на проекти кои заради своите специфики и интересот на градот да ги поддржи, имаат потреба за дополнително време и средства за реализација. Целата програма е достапна на веб-страницата на Општина Битола.

„Мизар“ со концерти во Љубљана, Загреб и Риека

Антонио Димитриевски — Tue, 10 May 2022 12:33:11 +0000

Култната македонска група „Мизар“, на радост на многубројните фанови, наскоро ќе пристигне во „Погон култура“ во Риека. Билетите се пуштени во продажба а најбрзите 50 фанови кои ќе купат билет на подарок ќе добијат ексклузивно ЦД на Мизар со 4 нови песни и 4 претходно објавени песни. Концертот во Риека на 3-ти јуни е дел од мини турнејата на „Мизар“ што започнува во Љубљана на 2-ри јуни, а ден по Риека оваа ценета македонска група ќе настапи во Музејот на современа уметност во Загреб, како дел од манифестацијата „Лето во МСУ“ (4-ти јуни). Последниот настап на „Мизар“ во Риека беше далечната 2005 година, една деценија подоцна во Загреб, а пред шеснаесет години свиреа пред љубљанската публика. „Мизар“, македонски готик рок бенд, е зачнат во 1981 година во Скопје и е еден од пионерите на темниот звук на овие простори. Нивното име на арапски значи ѕвезда водилка која им помага на патниците низ пустината да не се изгубат. Уникатни во пеењето на својот мајчин јазик, тие на свој изворен начин ги евоцираа призвуките на македонските етно и византиски традиции, спакувани во прилично мрачна атмосфера за која особено придонесуваат длабоките вокали базирани на црковното старословенско пеење. Поради нивниот уникатен авангарден звук и имиџ, придржувањето кон православните христијански традиции и македонската независност, поранешниот социјалистички режим ги стави на црна листа. И покрај се, „Мизар“ доби големо медиумско внимание во поранешната држава, но и надвор од нејзините граници. Од основањето на групата до денес, единствена константа е композиторот, гитаристот и идеен лидер на групата Горазд Чаповски, кој на оваа мини турнеја ќе го претстави својот претстоен шести студиски албум со шестчлена постава на „Мизар“.

Култните „Мизар“ со уште една нова песна како вовед во шестото указание – „Изгорен од ова сонце“ (ВИДЕО)

Антонио Димитриевски — Mon, 28 Feb 2022 06:47:04 +0000

„Изгорен од ова сонце“ е новата песна со која „Мизар“ ги трансформира човечките појави на оваа планета во сериозни музички дела, тешки чувства со кои многумина од нас се борат. Овојпат помалку темната и посветлата, единствена музика на „Мизар“ ја потпишува Горазд Чаповски, а како автор на текстот му се придружи и Зоран Тортевски, пејач со исклучителен, длабок глас. Специфичниот визуелен дел на песната „Изгорен од ова сонце“ е оригиналната слика на македонскиот уметник Никола Пијанманов, чии дела веќе ја красат визуелноста на материјалите на „Мизар“. Низ четири децении постоење (кои се одбележаа во 2021 година), „Мизар“ силно влијаеше на создавањето на македонската рок сцена и се здоби со статус на најавтентична православна панк група. Пеејќи на својот мајчин Македонски јазик и вешто комбинирајќи ја византиската музика и црковното пеење со современата музика алтернативни готски трендови, „Мизар“ сè уште многу импресивно изразува критички став за општествени, општествени и политички теми. Песната „Изгорен од ова сонце“ раскажува како човекот, немајќи основа за своето постоење, престојува во овој лицемерен, лажно претставен свет. Обземен од таков немир и страв, мисли дека е најдобро да избега. Сака да се скрие од обесхрабрувањето и бората и моли да добие крилја и да лета некаде далеку, каде што конечно ќе го добие толку потребниот мир.

„Мизар“ стиховите на Петре М. Андреевски ги преточија во песна – „1903“ (ВИДЕО)

Антонио Димитриевски — Fri, 26 Nov 2021 06:58:46 +0000

Култната македонска група „Мизар“, пионерите на дарк-звукот во регионот и ѕвезда водилка на музичката авангарда, која на сцената опстојува цели 40 години, деновиве го претстави својот нов сингл, насловен „1903“ (Слобода или смрт). По претходната песна „Messengers of the Downfall“ (Гласници на падот), новиот сингл е песна за слободата, на текст на познатиот македонски писател Петре М. Андреевски, напишан пред 50 години. Во оригиналниот текст се опишува 1903-та, годината на Илинденското востание, а според членовите на бендот, темата на слободата на нашата земја е многу актуелна и денес. -Новиот сингл „1903“ (Слобода или смрт) е песна за слободата, тема што нѐ засега и во овој миг, кога сите во светот сме затворени веќе речиси две години во домашен притвор поради пандемијата на ковид. Малку по малку ги губиме своите политички и социјални права, како што се вели и во рефренот на песната „Слобода или смрт“ – вели Горазд Чаповски, лидерот на бендот, пренесе Нова Македонија. Тој е автор и на музиката и на аранжманот на песната, а во креативниот процес му помогна и вокалистот на групата Зоран Тортевски. Продукцијата, заедно со Чаповски, ја потпишува и Златко Симионски. Видеото го режираше Филип Арсов, а користени се кадри од играниот филм „Третиот пат“. Претходно групата ги издаде и песните „A Day is coming“ и „Uninije“. Инаку, „Мизар“ на 7 декември ќе настапи на главната сцена на 23. издание на фестивалот „Таксират“, па, така, по подолга пауза, публиката ќе може да ужива во песните од нивното петто музичко откровение, но и оние постарите што веќе се антологија.

Култниот македонски бенд „Мизар“ издаде нов сингл – „Messengers of Downfall“ (АУДИО)

Антонио Димитриевски — Thu, 07 Oct 2021 12:43:53 +0000

Култниот македонски бенд „Мизар“ издаде нов сингл под наслов „Messengers of Downfall“. Бендот е со сигурност еден од пионерите на темниот звук на овие простори, дури и по 40 години, создава и изведува подеднакво моќно, предводен од длабоките вокали на Зоран Тортевски, со кого исклучително толкува специфичен израз базиран на словенско црковно пеење. Иако „Мизар“ во основа е рок бенд, звуците на македонските етно и византиски традиции течат низ нивниот звук. Некогаш поизразено, некогаш послабо, секогаш придружено со карактеристичниот вокал на Тортевски, идеално потопен во целокупната темна атмосфера. „Messengers of Downfall“ (во превод „Гласници на падот“) е песна за енергијата на човечката душа, чиј контекст е поразбирлив со преводот, и за која нејзиниот автор вели: „Човекот не разликува добра мисла од лоша, без да знае како енергијата е иста за сите луѓе. “гласници на падот“ се демони, лоши мисли или пораки (дезинформации), додека музиката е порака за добра енергија.“ Музиката е напишана од Горазд Чаповски, гитарист и единствениот постојан член на „Мизар“ од основањето на групата (1981). Сегашниот состав го сочинуваат: Зоран Тортевски (вокал), Пеце Китановски (бас) и Златко Симионски (тапани). Вокали во придружба се Петар Георгиевски, Бранко Илиевски и Иван Петковски, аранжманот го потпишуваат „Мизар“ а продукција Златко Симионски и Горазд Чаповски.

Леб и сол, Лева Патика, Мизар, Дејвид Боуви, Квин… ќе добијат улици во Скопје?

Антонио Димитриевски — Wed, 17 Feb 2021 09:09:33 +0000

Контроверзна најава дека британските музички ѕвезди Дејвид Боуви и бендот „Queen“ ќе добијат свои улици во Скопје, предизвика бура од реакции и многу коментари на социјалните мрежи. Како што е објавено на веб-страната на Град Скопје, Советот на Град Скопје на претстојната седница ќе расправа за дополнување на листата на имиња на улици, плоштади, мостови и на други инфраструктурни објекти на подрачјето на Град Скопје. Со усвојувањето на ова дополнување, постоечкиот регистар на имиња се предлага да биде дополнет со вкупно 571 име. Листата опфаќа имиња на истакнати личности од областа на градското, националното и светското културно и историско наследство, поважни настани од македонската и светската историја, имиња дадени според топоними на градови во земјата и регионот и други имиња. На овој список се најдоа: пејачот Дејвид Боуви, Френк Запа, групата „QUEEN“, Есма Реџепова, Вања Лазарова, Саша Николовски – Ѓумар, оперските пејачки Васка Гајдова – Биџова и Блага Видец, легендарните македонски групи „Леб и сол“, „Лева патика“ и „Мизар“. Но и документарниот филм „Медена земја“. Со ова дополнување на листата предвидено е да се зголеми бројот на имиња на женски личности и настани кои оставиле белег во историски и културен контекст, како и на припадниците на немнозинските заедници кои живеат во Скопје, но и на бројот на топоними со регионално и светско значење. Од вкупно 571 име, 479 се имиња на истакнати личности од кои 79 се имиња на жени, додека пак останатите 92 имиња се имиња на поими кои означуваат поважни настани, топоними и други поими. Во дополнувањето на листата вратени се и имињата на улиците од периодот на солидарноста и изградбата на повоено Скопје, а кои беа отстранети со претходни одлуки на Советот на градот. Град Скопје спроведе on-line анкета во летото 2019-та година на која граѓаните ги дадоа своите предлози за имиња на градските улици, а листата беше дополнета и со други формално доставени иницијативи. Законот предвидува две одделни постапки за утврдување на имиња и нивно задавање не конкретни топоними. Листата на имиња ја утврдува Советот на Град Скопје, по претходно добиена согласност од Владата. При утврдувањето на листата на имиња од страна на Советот на градот Скопје, општините од подрачјето на градот Скопје даваат мислење по истата. По добиената согласност од Владата, Советот на Град Скопје ја усвојува листата, а дури потоа може да се пристапи кон менување на конкретни имиња на улици, плоштади, мостови и други инфраструктурни објекти, коишто се менуваат со посебни одлуки на Советот. Сите идни промени на имиња на улици, плоштади, мостови и на други инфраструктурни објекти на подрачјето на Град Скопје согласно овој закон предвидено е да се црпат исклучиво од оваа листа. Од останатите области на списокот се најдоа: новинарот Никола Младенов, спортистите Благоја Георгиевски-Буштур, Атина Бојаџи, покојниот заменик-градоначалник на Скопје, Енвер Малиќи, писателите Славко Јаневски, Петре М. Андреевски, Блаже Конески, Владо Малески. Од интернационилите имиња тука се: Алтеа Гибсон Алтеа (прва црномуреста жена која го освоила Вимлбдон), Небојша Глоговац (српски актер), Умберто Еко (писател) итн.