мит – Вистина.мк

Мит или вистина? Дали овој тип на мажи е навистина најдобар во кревет?

Слободанка Илиева — Wed, 13 Sep 2023 12:45:30 +0000

Околу 40 отсто од жените не доживуваат оргазам за време на сексот, а истражувањата покажале дека за оваа статистика подеднакво се виновни и мажите и жените. Жените често доживуваат фрустрација поради кочницата во главата и очекувањето дека мажите им ги читаат мислите, додека мажите често не вложуваат доволно труд и мотивација и често имаат проблеми со комуникацијата. Ново истражување, пак, покажа дека постои тип на маж кој жените го издвојуваат како најдобар во кревет – „лошите момчиња“ или хипермажите. Се одликуваат со став, гард, лоши навики и голем број сексуални партнери. Овие мажи често не се врзуваат емотивно и не ги ставаат љубовта и сексот во иста реченица. Лошите момци често доминираат во психолошките игри, обидувајќи се да им угодат на жените на свој начин. Биолошки гледано, жените често ги привлекуваат „лошите момчиња“ бидејќи ослободуваат повеќе тестостерон, што доведува до смелост и изразена сексуалност. Таквите мажи често се емоционално недостапни, што дополнително ја зголемува нивната привлечност, сè додека жените не ја почувствуваат горчината на скршеното срце. извор:попара.мк

Што е мит, а што е вистина за надареноста на актерите?

Слободанка Илиева — Wed, 14 Sep 2022 12:57:33 +0000

Колку се разликуваат филмовите од реалноста Една од најголемите дилеми поврзани со филмовите за возрасни е фамата на неверојатната надареност на актерите. Затоа и не е чудно што со текот на годините се создава впечаток дека големината на гениталниот орган е пресудна за интимните односи. За да може некој да биде ѕвезда на филмови за возрасни, мора да има посебни квалитети, всушност да биде „надвор од просекот“. Нивните гениталии се генерално поголеми од просекот, а нивната способност да постигнат и одржуваат возбуда пред камерите и целата филмска екипа не е нешто што секој може да го изведе. Затоа, ретко кој може да се пофали со овој квалитет. Иако во повеќето случаи, вистинито е дека актерите се понадарени од просечните луѓе, не треба да се заборави фактот дека режисерите користат разни трикови со кои половите органи на актерите изгледаат поголемо. Еден познат продуцент на филмови за возрасни вели дека кога станува збор за „големините“, вообичаеното правило е: 17,7 см се снима за да изгледа како да е 22,8 см. Оние кои се надарени со пениси од 20 сантиметри се „зголемуваат“ на 25 сантиметри, а екстра големите од 22,8 сантиметри може да се снимат така да изгледаат како да се долги 30 сантиметри. Кога го прашале за гениталиите кои во реалноста се поголеми од 25 см, тој одговорил: „Никогаш не сум видел таков“. Поентата е дека индустријата за филмови за возрасни ја искривува нашата перцепција за „нормално“. Значи, сите тие пастуви со ненормално големи гениталии во филмот, всушност, не постојат во реалниот живот. Секој маж кој се чувствува несигурен за големината на својот пенис треба да го знае ова. извор:popara.mk

4 најголеми митови поврзани со секс за кои се срамиме да зборуваме, а сакаме да ја дознаеме вистината

Христина Ѓоргиевска — Thu, 04 Mar 2021 13:13:25 +0000

Често се срамиме поради своето незнаење или проблемите со кои сме соочени, па не сакаме да зборуваме со својот доктор за тоа иако најсигурното место за информирање за здравјето е токму лекарската ординација.

Ова се 4-те најчести заблуди во врска со сексот.

Мит број 1: Жената не може да забремени по првото сексуално искуство Исти се шансите да забремените во текот на првиот секс и за време на односот по којзнае кој пат – тука нема правила. Според статистиките, 20 отсто од девојките забременуваат во рок од еден месец откако ќе станат сексуално активни без заштита. Исто така, треба да се напомене дека единствената 100-процентна контрацепција е – апстиненцијата. Мит број 2: Жената не може да забремени за време на менструалниот циклус Шансите за ова да се случи не се големи, но бременоста за време на менструалниот циклус е секако можна. Некои жени имаат продолжен период на крварење, што значи дека тоа може да се поклопи со почетокот на овулацијата. На тој начин можат да бидат плодни иако крварат. Мит број 3: Полова болест може да се добие преку даска на ВЦ школка Сексуално преносливите болести не можат да функционираат надвор од телото долго време – особено не на студена површина како што е даската од ВЦ школката. Исто така, таквите болести не секогаш се присутни во урината што значи дека шансите за заболување на ваков начин се многу мали, тврди д-р Софија Јен. Мит број 4: Пилулите за „ден потоа“ предизвикуваат абортус Ако итната контрацепција или пилулата за „ден потоа“ се земе кога жената е веќе трудна, тоа ништо нема да промени. Кога јајце клетката е оплодена и врзана со ѕидот на матката, пилулата нема да има никакво влијание. Итната контрацепција не е абортус бидејќи се применува за да се спречи настанување на бременоста, а се користи до 120 часа по сексуалниот однос. извор: точка.мк

Спротивностите се привлекуваат: Вистина или мит?

Христина Ѓоргиевска — Fri, 22 Nov 2019 13:56:35 +0000

Сте слушнале ли за изреката дека спротивностите се привлекуваат? Дознавме зошто ова тврдење е апсолутно точно. Иако на првиот состанок најчесто се обидуваме да го пронајдеме заедничкиот јазик и нештата по кои сме слични, некои работи сепак не треба да бидат исти кај двајцата партнери. Имено, како што пишува Your Tango, личноста чиј карактер е сосема различен од вашиот, ќе ве извлече од вашата комфор зона и ќе ви го прошири хоризонтот. На пример, доколку сте интроверт и уживате поминувајќи го времето дома пред телевизија, гледајќи романтичен филм со кафе во раце и замотани во ќебе, не ви паѓа на памет да се впуштите во некоја луда авантура. Баш тука настапува вашиот партнер кој ќе ве фати за рака и ќе ви го покаже светот надвор од четирите ѕида. Од друга страна, вие ќе му покажете дека понекогаш е убаво да се здивне малку и да се ужива во домашна атмосфера. Ваквите партнери совршено се надополнуваат и нивните врски се совршено балансирани. Сепак, постојат работи за кои мора да се сложите и да се разбирате меѓусебно, но допуштете си да постојат разлики помеѓу вас. На тој начин ќе биде поинтересно и ќе уживате во врската. извор: Кајгана

Митови за болката: Во што не треба да се верува?

Михаела Христова — Fri, 08 Nov 2019 13:30:28 +0000

Упорно кружат неколку митови во кои повеќето луѓе веруваат, но кога треба да се справите со болката подобро е да ја знаете вистината. Еве дел од нив.. Ќе станете зависни од аналгетиците Да и не. Ако земате лекарства против болка кога не чувствувате никаква болка, особено ако се работи за лекови базирани на опијати, како трамадол и морфиум, тогаш, да, лесно ќе развиете зависност. Но, кога чувствувате болка и земате вакви лекови, нема да станете зависни од нив бидејќи токму поради болката вашето тело различно реагира на внесените супстанци. Некои луѓе се вистински плачковци Не. Сите различно ја чувствуваме и искажуваме болката, а тоа ни најмалку не значи дека оние кои се жалат поради нешто што вие лесно би го издржале се „мекуши“. Низа истражувања покажаа дека сите луѓе имаат различнен праг на толерирање болка, што не е поврзано со возраста, полот. Подобро е да издржите без апчиња Акутната болка, како забоболката, ќе ве направи раздразливи и нерасположени, нема да може да заспиете и ќе се одложи процесот на заздравување. Нема причина да издржувате без лекарства, секако следејќи ги упатствата и внимавајќи на контраиндикациите.ежината, ниту пак со она што ја предизвикува болката. Ако често земате апчиња против болка, веќе нема да имаат ефект Ако многу често земате лекарства базирани на морфиум, по одреден период организмот развива толеранција кон нив. Но, со било кои други лекови против болка не доаѓа до таква појава.

3 митови за косата во кои треба да престанеме да веруваме

Слободанка Илиева — Mon, 23 Sep 2019 12:30:01 +0000

Веруваме дека сте слушнале многу факти за косата, но време е да заборавите на некои од нив, бидејќи се сосема невистинити. Мит 1: Косата треба да се чешла по 100 пати на ден, за да биде убава и здрава Во текот на денот нормално е да ви паѓаат определен број на влакна од косата, но со претераното чешлање може да ги поттикнете и оние здрави влакна кои не треба да паднат, да го сторат тоа. Употребувајте ја четката за коса, само за да ја обликувате вашата фризура. Мит 2: Косата расте побрзо, доколку ја шишате на секои 6 недели Косата расте од коренот, така што нејзиното шишање нема директна поврзаност со со нејзиниот раст. Причината поради кои овој мит во форма на совет, е толку популарен, е тоа што редовното шишање ги отстранува изгорените и оштетени краеви, кои се најчест непријател на долгата коса. Мит 3: Врзувањето на косата во коњско опавче придонесува за нејзино опаѓање Овој мит е делумно вистинит, односно ниското коњско опавче и лежерната пунџа нема да ја оштетат косата, но доколку често ја врзувате презатегнато, тоа може влијае штетно врз фоликулите на влакната. извор:нане.мк

Клима уредот предизвикува настинка: Ова се сите митови и вистини!

Слободанка Илиева — Thu, 01 Aug 2019 13:15:26 +0000

Живееме во некои убедувања кои одамна се наметнати, а всушност повеќето од нив се само еден обичен мит. Летните вирусни инфекции во основа не се разликуваат од зимските. Тие се предизвикани од истите вируси, а за инфекцијата да се развие потребно е вашиот имунитет да биде ослабен. Во текот на зимата, имунитетот опаѓа поради ниските температури, но што предизвикува негово опаѓање во текот на летниот период? Причините се бројни – пред сè може да биде сонцето (прегревање на телото), но и преоптовареност и умор, недостаток на сон, лоша исхрана, изненадни промени во дневниот режим или клима и големи температурни разлики. Еве само дел од најчестите митови за настинките во текот на летото: Сладоледот и консумирањето на ладните пијалаци предизвикува болест – МИТ Не станува збор за консумирање на ладни производи, туку за разлика во температурата која се јавува во текот на летото. Во текот на топлите денови, целото тело се загрева, а сладоледот или пијалаците кои се чуваат во фрижидер предизвикуваат шок. Тоа лесно може да доведе до грчеви во крвните садови на грлото и тоа е она што им олеснува на вирусите да навлезат во нашето тело и да го заразат. Истото важи и за пливањето во студено море, океан или езеро. Настинката во лето се третира на ист начин како и во зима – ВИСТИНА Кога станува збор за домашните лекови за настинка, препораките не се менуваат во зависност од сезоната. Иако можеби ви се чини дека топлиот чај со мед не е најдобра идеја во летните месеци, тој ќе ви помогне да го зајакнете имунитетот. Постојат и превентивни методи кои не се менуваат во текот на годината, од кои најважна е правилната хигиена – миење на рацете пред и по јадењето или дезинфекција со посебни средства, доколку не можете да користите сапун и вода. Клима уредот предизвикува настинка – МИТ Самиот клима уред не предизвикува настинки, меѓутоа под одредени услови може да биде поволно тло за нив, пред сè кога температурата во климатизираната просторија значајно се разликува од онаа надвор. Второ, ладниот воздух ја суши слузницата која станува поподложна на воспаленија и ја слабее природната заштитна бариера на нашето тело. Со тоа, доколку просторијата нема доволно балансирана циркулација и влажност на воздухот, клима уредот може да придонесе за појава на настинка. Исто така, постојат илјадници микроби кои се развиваат во неисчистените клима уреди, па затоа е важно филтрите редовно и темелно да се дезинфицираат. За време на летото е потешко да се настине – МИТ Точно е дека летните инфекции се јавуваат поретко и најчесто имаат поблаг тек, но не е точно дека за време на летниот период е потешко да се настине. Иако се предизвикани од истите вируси кои напаѓаат и во зима, во текот на летната сезона главната улога ја има исхраната. Затоа, искористете го сезонското овошје и зеленчук кои изобилуваат со многу витамини, движете се повеќе и поминувајте повеќе време во природа. извор:точка.ком.мк