мисли – Вистина.мк

Кога Мелита ќе се заљуби, само штиклите и страста се задолжителни! (ФОТО)

Антонио Димитриевски — Sat, 04 Nov 2023 08:30:43 +0000

Позната по својот живот „на висока нога“ исполнет со луксуз, гламур и раскош, меѓу кои составен дел е и престојот на разни егзотични дестинации и скапите подароци, некогашната многу популарна ТВ водителка, денес можеби најпознатата скопска трендсетерка Мелита Ракичевиќ меѓу другото е позната и по споделувањето неизмерна љубов. Кога е вљубена - е вљубена, кога некого сака, очигледно го сака... „до балчак“! И не се труди тоа да го сокрие, напротив... Подготвена е да ги сподели сите убави моменти, дури и оние подискретните, што за многумина се во доменот на нивната интима. Така е и овој пат кога изгледа повеќе од јасно дека Мелита е одново вљубена. Нејзиниот рецепт за совршена љубов го знае само таа, но очигледно е првокласен, зашто атрактивната скопска трендсетерка секогаш го добива она што го посакува. Така е кога е побарувачката во прашање, ама што е со понудата, е следното прашање? И покрај тоа што е во „зрели“ години, Мелита изгледа како да доживува „втора младост“. Се' уште привлечна, пожелна секси, со бујни атрибути и заводлив шарм на кој тешко некој може да му одолее. Ако и фати око, речиси со сигурност умее да направи се' за тој да влета во нејзината дискретно фрлена „љубовна мрежа“! Само што некогаш „уловот“ бргу станува „потрошена жртва“, а некогаш „ловецот“ не може да престане да мисли на она што го „уловил“. Како во последниов случај на Мелита, во кој љубовната теорија вели дека има хемија дури и преку телепатија... „Доколку не можете да престанете да мислите на на таа, една личност, тоа е затоа што и таа постојано мисли на вас“! - споделила расната скопска убавица. А кога веќе љубовта е обострана, за истата „да се бетонира“ потребно е блискоста да се сподели на многу различни начини... Помалку или повеќе омилени! Мелита откри која и е омилената поза... Барем за старт на она што следува. Во седечка положба со едната нога подсвиткана во колено, а другата до крај испружена. И тоа во секоја прилика... И кога само позира како филмска дива и кога е подготвена до крај да ужива! Аутфитот може да го има, а може и да го нема. Само штиклите и страста се задолжителни!

@melita_mel7 ♬ Sex and the City (Main Theme) - TV Sounds Unlimited

Фото: Инстаграм/melitameli Видео: TikTok/melita_mel7

Како да престанеш да мислиш на него?

Слаѓана Атанасова — Mon, 15 May 2023 12:00:21 +0000

Како да престанете да размислувате за некоја личност и да исфрлите одредени мисли од вашата глава – овој начин може да ви помогне да излезете од овој маѓепсан круг! Опсесивните мисли се тешка навика од која не е лесно да се откажете. Дали некогаш сте се почувствувале како да не можете да ги извадите некои луѓе од вашата глава и тоа што го кажале? Кога некој ќе не повреди, постојано се враќаме назад и размислуваме што кажал, што направил, како би можеле да се договориме со него, дали е наша вина… Оваа состојба обично не е лесна, но може да трае со денови, недели, итн. дури и со месеци. Како можеме да престанеме да размислуваме за некоја личност или одредена ситуација од минатото? Како да престанеме да премотуваме филм одново и одново? Вие всушност сакате да се ослободите од овие мисли, но не можете. Сепак, постои начин да го направите тоа и да се ослободите од оваа негативност, која лошо влијае на вашето расположение, здравје и не ви дозволува да ја пронајдете среќата во сегашниот момент. Еве неколку совети од будистката и психолог Силвија Баурштајн! „Справете се прво со вашиот најголем проблем. Будистичкиот учител по медитација Норман Фишер сугерира дека што и да се случи, најголемиот проблем со кој се соочуваме е нашиот сопствен гнев. Нашиот гнев создава облак од емоции што не спречува да реагираме на убедлив, продуктивен начин. Во таа смисла, нашиот гнев е навистина нашиот најголем проблем. Разговарајте со себе: медитирајте, вежбајте, пешачете. „Кога сте лути, тоа го ослабува умот“. – предупредува психологот Силвија Баорштајн. Не можете да размислувате јасно, да бидете креативни или интелигентни и да се справувате со каква било ситуација. „Гневот е стар и го троши умот“, па ако сакате да живеете свесно и да се ослободите од опсесивните мисли, важно е едно правило според психологот – „не треба да се лутите за ништо“. „Не обидувајте се да ги разберете другите. Ова е уште едно учење на Норман Фишер. Често се прашувате дали другите се обиделе да разберат што мислите. Тие веројатно немаат поим што навистина се случува во вашиот ум. Па зошто се обидуваш да сфатиш што мислат? „Вашите мисли не се факти“. Со други зборови, не верувајте во се што мислите. Нашите емоции – грижа, напнатост, страв и стрес – исто така ги доживува нашето тело. Нашите емоции се физички. Често го сфаќаме ова како знак дека нашите мисли треба да бидат факти. Тибетанскиот будист Кокини Ринпоче нè учи дека кога сме емоционално повредени и опседнати со грижи, жалење, страв, гнев или бес, мораме да запомниме дека емоционалната и физичката состојба што ја доживуваме е „реална, но не вистинита“. Тие исто така советуваат дека не сте волшебник кој може да го врати времето назад. Кога се соочуваме со минати настани, често се прашуваме како сме можеле да направиме нешто поинаку за да спречиме дискусија, емоционална рана или раскинување. Но, она што се случи вчера, исто како и пред илјада или повеќе години, не можеме да го промениме. На крајот, една од најважните алатки за отстранување на некои луѓе и настани од вашиот ум е простувањето. Не треба само да му простиме на другиот, туку и на себе. Простуваме за да можеме да живееме без страдањата од минатото. Будистички психолог советува дека со помош на визуелизација можете да си го олесните процесот на простување. Затворете ги очите и замислете како испраќате топка со бела светлина полна со позитивна енергија на друга личност. Нека светлината патува до таа личност, замислете како радост и среќа ја исполнуваат. На овој начин ќе се излекувате! Извор: Попара.мк

Како да го „исклучите“ мозокот пред спиење?

Слободанка Илиева — Tue, 28 Mar 2023 11:35:16 +0000

Има повеќе начини да „се исклучи“ мозокот и да се смират мислите пред спиење, заради поцврст и поквалитетен сон. Пред сѐ, обидете се да си дозволите малку тишина пред спиење… Следат уште неколку совети. Според порталот „Унаворлд“, советот гласи: Внимавајте на фактот дека не може да се влијае на некои работи и обидете се да не се нервирате поради нив. Тоа само може дополнително да исцрпува. Ова не е лесно да се направи, но може да се постигне со умствено вежбање. На пр., прифатете дека не може да влијаете на сообраќајниот метеж или непријатните изјави од други луѓе. Тука имате два избора – да Ве вознемири, или едноставно, да Ве одмине како да не се случило. Пренасочете ги мислите кон нешто поважно во животот – што ве прави среќни. Нема смисла да се повторуваат лошите настани во чија било глава… Така, велат стручњаците, само ќе си создадете дополнителен, непотребен стрес. извор:курир.мк

Претераното размислување не ве остава да заспиете ноќе? Еве како да се справите!

Слободанка Илиева — Wed, 08 Feb 2023 12:25:56 +0000

Не можете да заспиете ноќе? Претераното размислување ве држи будни? Ако се борите со непроспиени ноќи тогаш следете ги овие совети. 1. Запишете ги вашите мисли Ако вашиот ум е преплавен со разноразни мисли ноќе, тогаш запишувањето на сето она што ве мачи може да биде одлична идеја да престанете да размислувате пред спиење. Тоа може и да го подобри вашиот сон. Почнете да пишувате дневник 15-20 минути секоја вечер пред спиење така што ќе запишете сè што ви е на ум. Запишувањето на вашите мисли и емоции може да ви помогне да се ослободите од стресот, анксиозноста и фрустрациите од тој ден. 2. Одвојте време за одмор и релаксација пред спиење Почнете со некаква рутина за смирување што ќе ви помогне да се смирите и да се чувствувате опуштени пред спиење. Тоа може да биде медитација или слушање тивка музика. Избегнувајте да правите работи што можат дополнително да го стимулираат вашиот мозок во овој период, како што е телефонот. 3. Исклучете ги вашите уреди Екраните на вашиот телефон, таблет, лаптоп или кој било друг уред емитуваат сина светлина што е фрагмент од природниот спектар на електромагнетна енергија. И оваа сина светлина може сериозно да влијае врз вашиот когнитивен процес и будност и да ги влоши проблемите со спиење. Од друга страна, иако ова сино светло може да го подобри вашето расположение, исто така може и негативно да влијае на производството на мелатонин со зголемување на вашата будност и нарушување на вашиот деноноќен ритам – природниот циклус на сон и будење на човечкото тело. Затоа избегнувајте да работите на вашиот компјутер или да го проверувате телефонот најмалку еден час пред спиење. Исклучете се од социјалните мрежи и оставете ја вашата работа настрана бидејќи сте направиле доволно за денес. 4. Вежбајте длабоко дишење Вежбите за дишење се одличен начин да се ослободите од претерано размислување ноќе. Станува збор за моќна техника за контролирање на мислите и смирување на умот. Разноразни истражувања откриле дека длабокото дишење може да помогне во управувањето со негативните мисли и емоции и нивото на стрес. Тие утврдиле дека техниката на дишење 4-7-8 може значително да го подобри вашиот сон и да ве ослободи од стресот. Сè што треба да направите е – Вдишете низ носот броејќи до 4 Задржете го здивот броејќи до 7 Издишете преку устата броејќи до 8 Секогаш внимавајте да издишувате подолг временски период отколку што вдишувате. Ако вашиот ум почне да „талка“, вратете го фокусот на вашето дишење. Оваа вежба за релаксација можете да ја испробате 10 минути секоја вечер пред спиење. Извор: themindsjournal.com/кафепауза.мк

6 негативни мисли кои ве спречуваат да ја раскинете љубовната врска иако партнерот не ве заслужува

Слободанка Илиева — Tue, 27 Sep 2022 12:56:39 +0000

Дали некогаш во животот ви се случило да се плашите да раскинете со некого иако сте свесни дека партнерот не ве заслужува? Токму чувството на вина не ви дозволува да го направите тој чекор. Во еден момент сфаќате дека вашиот партнер воопшто не се грижи за вас и за вашата љубовна врска, а вие сте личноста која, всушност, ја одржува врската преку вашето страдање. Не заборавајте дека вие заслужувате да бидете среќни со некој кој ќе биде способен да ве сака и да ви возврати со истата (или речиси иста) доза на љубов. Прочитајте во продолжение кои мисли ве држат „заглавени“ во врска со личноста која не ве заслужува. 1. Не сакате да го повредите партнерот Многупати луѓето остануваат во врска бидејќи нивниот партнер бил многу добар со нив и затоа не сакаат да го повредат. Но, доколку сфатите дека не постојат страст и љубов во вашата врска нема потреба да се чувствувате виновни поради тоа. 2. Некогаш ја сакавте таа личност Помислата да ја напуштите личноста која некогаш сте ја сакале или која ве сакала, може да биде навистина болна. Но, не заборавајте дека работите се менуваат со текот на времето, па така и луѓето и ситуациите. Така, партнерот со кој сте биле во врска со години можеби се променил, можеби неговите чувства и однесување кон вас се промениле во меѓувреме. Имајте на ум дека освен љубовта, неопходни елементи за да опстане една врска се почитта и разбирањето. 3. Се плашите дека нема да најдете подобра личност Секој го има овој страв во поглед на иднината: „Што ако не најдам подобар партнер? Што ако нема да пронајдам некој кој ќе ме сака?“. Но, дали некогаш сте помислиле дека токму овој страв ве спречува да живеете многу подобар живот од овој сегашниот? Можеби животот се обидува да ви даде уште една можност, а вие ја игнорирате токму поради вашите стравови! 4. Уживате во начинот на живот што го споделувате со таа личност Можеби партнерот ви ги обезбедува сите поволности и привилегии што некогаш сте ги посакувале во животот. Но, доколку и на двајцата не ви е пријатно во врската, тогаш која е поентата да продолжите да ја одржувате? 5. Немате храброст да се одлучите за иднина полна со неизвесност Никој не ги сака животните неизвесности, но тоа е животот. Затоа, искористете ги можностите кои ви се нудат секој ден и кои сигурно ќе ве однесат кон подобар живот. Пружете си самите себеси шанса за да ризикувате и ќе увидите дека вашиот ризик нема да биде залуден. 6. Сметате дека не заслужувате подобро Не казнувајте се себеси со одлуката да останете во врска која ви предизвикува само болка и тага. Не дозволувајте зборовите на другите да ве натераат да се презирате себеси. Само вие знаете со какви предизвици сте се соочиле во животот и премрежињата низ кои сте поминале додека сте биле во оваа врска. Не дозволувајте оваа мисла да ја уништи вашата шанса за подобар живот! Откако ги прочитавте нашите совети, можеби ќе сакате да прочитате и зошто е тешко да ставите крај на нездравата љубовна врска. Извор: themindsjournal.com/кафепауза.мк

Конечно откриено: Еве што првата сопруга на Аркан мисли за Цеца Ражнатовиќ

Христина Ѓоргиевска — Fri, 17 Sep 2021 13:15:24 +0000

Првата сопруга на Жељко Ражнатовиќ, Наталија Мартиновиќ со своите четири деца веќе со години живее во Америка. Долго време се шпекулира за нејзиниот однос со Цеца, а сега конечно е откриено какво мислење има таа за најголемата ѕвезда на овие простори.

Имено, вистината за бракот со Наталија и одлуката за развод, Аркан во една прилика ја изнесе во медиумите.

Иако беа разделени, Наталија после неговото убиство ја посети куќата на бившата свекрва за да оддаде почит.

Наталија отсекогаш била дама, отмена. За Цеца никогаш немаше кажано ништо лошо, а кога во нејзино присуство некој зборуваше за неа таа само кратко одговараше: Таа беше избор на Аркан, тој ја сакаше!“, откри пријател на Наталија и Аркан.

фото: стори архива/инстаграм

Рутини што можат да ви помогнат да внесете позитивност во вашето секојдневие

Слободанка Илиева — Tue, 09 Feb 2021 13:45:53 +0000

Еве како да си помогнете и да го промените протокот на мислите што во моментот може да биде негативен. Ако чувствувате дека не одите напред, немате волја за живот или живеете во страв, не заборавајте да побарате помош од стручни лица. Во западниот свет, одењето на психотерапевт е исто како и на стоматолог. Колку вложувате во дружење? Само затоа што во моментот не можеме да одиме на забави, концерти, ресторани и кафулиња, не значи дека треба да заборавите на пријателите. Животот продолжува, само во една друга форма и друг пристап. Поканете пријатели на видеоповик, организирајте дружење, организирајте патување секој викенд во природа на некое друго место. Постојат начини да се одржи социјалната дистанца во овие тешки моменти. Како се релаксирате? Можеби ви се чини дека работата од дома ве релаксира, но тоа е далеку од вистината. Многумина од нас воопшто не знаат како да се релаксираат, но треба да знаете да направите време за медитација, прошетки, читање, вежбање. Потребно е да се одвои време за тоа. Променете го протокот на мислите Една тетратка ќе ви помогне во ова. Запишувањето мисли е многу ослободувачко, па во моментите кога ви е најтешко, напишете на хартија како се чувствувате, а потоа запишете каква е реалната состојба зад тие чувства. извор:кафепауза.мк

Еве за што размислуваат мажите во текот на сексуалниот однос

Слободанка Илиева — Mon, 30 Nov 2020 14:00:35 +0000

Стереотипното размислување за тоа дека жените се тие кои што најмногу се грижат поради несигурноста можеби сепак не е точно во целост, затоа што ниту мажите, особено за време на сексуалниот однос кога мора да се докажат, не се имуни на стравот. Дури и најголемите заводници понекогаш се несигурни, а најчестите причини за тоа се следните: Раце Каде со рацете во текот на сексуалниот однос е прашањето кое што ги загрижува мажите, затоа што често не знаат дали поради нив ќе се покажат како неискусни. Над, под, одстрана... Опциите се разни, а времето кратко - сепак мора да одржат рамнотежа. Тежина Ниту на мажите не им е сеедно како изгледаат кога облеката ќе заврши на подот. Дали вежбањето вродило со плод? Таквите дилеми во моментот на опуштање создаваат дополнителен психолошки притисок кој што може да влијае на перформансите во клучниот момент. Оргазам На сите мажи оргазмот им е цел при сексуалниот однос. Но, целта кон него често може да ги спречи во размислувањето дали и нивната партнерка ќе доживее оргазам. Во тоа, како и во многу работи во текот на сексуалниот однос, клучната улога ја игра жената затоа што нејзината позитивна реакција и тоа како е посакувана од страна на мажот. Големина Вечното прашање и грижа на секој маж е големината на неговиот полов орган. Таа можеби е важна, а можеби и не, но на мажите им била и секогаш им останала најважна. извор:супермен/точка.ком.мк

Зошто за време на секс помислувате на друга личност?

Слободанка Илиева — Wed, 02 Sep 2020 12:00:23 +0000

Ја сакам својата девојка, но а да доживеам оргазам, морам да размислувам на друга жена во текот на сексот. Што не е во ред? Ќе помислите дека ја заобиколуваме темата, но содржината на порно филмовите имаат големо влијание на вашиот поим секс. Верувале или не, способни сме да ги истренираме нашите рефлекси на одредени симулации, како што ги дресираме кучињата. Едно момче спровело експеримент, кој би вклучувал мануелно задоволување само додека гледаат порно филмови во кои главни хероини се покрупни жени. По некое време, кога на улица ќе видите покрупна жена, ќе почнете да чувствувате сексуално задоволство. Доколку гледате многу порно филмови, во кои мажот и жената се непознати еден за друг или не се во врска, можеби ќе сфатите дека ве возбудува средба со повремен љубовник, па оттаму и непознатата личност во вашите мисли во текот на сексот со партнерот. Решение: Пробјате да гледите порно филмови за заљубени парови, па проверите како тоа ќе делува на вас. извор:нетпрес.ком.мк

За што размислува секој хороскопски знак во текот на ноќта?

Слободанка Илиева — Fri, 03 Jul 2020 12:50:35 +0000

Ако не можете да спиете во доцните ноќни часови, тогаш сигурно ве измачуваат некои мисли за минатото, за сегашноста или за иднината. Во продолжение прочитајте за што размислува секој хороскопски знак во текот на ноќта. Овен Вие сте загрижени дали правите доволно за да бидете подготвени за својата иднина. Бик Се грижите за глупавите работи што сте ги кажале и што сте ги сториле во минатото. Близнаци Се грижите дали ќе најдете вистинска среќа. Рак Се грижите дали семејството и пријателите се добри. Лав Се грижите дали луѓето околу вас се горди на вас. Девица Се грижите дали вашата кариера е на вистинскиот пат. Вага Се грижите за тоа дали некогаш ќе пронајдете љубов што ќе трае. Скорпија Се грижите дали го искористивте максимумот од својата младост. Стрелец Се грижите за тоа дали некогаш ќе се чувствувате удобно во својата кожа. Јарец Се грижите дали работите доволно напорно. Водолија Се грижите дали ги исполнувате вашите сопствени очекувања. Риби Се грижите за тоа дали доволно придонесувате во општеството. извор:кафепауза.мк