ДНК во уште една возможна мисија: Јордан покажа како се сака мајка, а Андреј и Панчо како изгледа да си голема ѕвезда, со уште поголемо срце! (ФОТО)

Антонио Димитриевски — Wed, 22 Jan 2020 07:51:36 +0000

По потресна сторија на колегата Влатко Тевчев и приказната за велешанецот Јордан (40) кои сам се грижи за својата тешко болна, по мозочниот удар неподвижна мајка Ангела (72), дуото ДНК тргна уште една навидум невозможна мисија да ја направи возможна... Поточно, хумана! Иако не им е прв пат, хуманите срца кои чукаат во градите на Андреј и Панчо уште еднаш докажаа дека можеш да бидеш најголемата естрадна ѕвезда на светот - попусто... Не си ништо, ако не си човек! А тие двајцата се многу повеќе од популарни естрадни изведувачи... Тие се големи ѕвезди со уште поголемо срце! Тоа и овој пат го потврдија со посетата на синот и мајката кои живеат во субстандардни, мизерни услови за живот, под секакво човечко достоинство! „Одвоивме време и отидовме да помогнеме онолку колку ни дозволува нашиот буџет. Тетка Ангела беше пресреќна, дури не покани да седнеме до неа и си поразговаравме малку, не само за лошите работи. Иако болна и со синот Јордан оставени на цедило од државата, беа одлични домаќини и ни се заблагодарија за тоа што сме одвоиле време и средства за да им помогнеме. Јас само би додал дека така се сака МАЈКА, бидејќи е една, а токму нејзиниот син Јордан е пример за сите нас. Секогаш со неа и до неа, посветувајќи и го несебично неговиот живот, но на кого друг би го посветил ако не на жената која го донела на овој свет и го изгледала и пружала безусловна љубов. Факт е дека живеат во прелоши услови, но благодарение на сите добри луѓе, веруваат дека условите ќе им се подобрат и дека ќе може да живеат еден нормалн живот, како што доликува за секое човечко суштество. Ние дониравме храна, средства за хигиена, шпорет на дрва и дрва во соработка со нашите долгогодишни соработници, а сите вие кој можете и сакате да помогнете исконтактирај те го Јордан на следниот број: 074 / 600 - 659“. Голема благодарност до : @zito.marketi @petka_5ka @agrotehna и Fruit Land - напишал Пнчо во својот статус покрај фотографиите од посетата на ДНК на семејството во Велес. https://arhiva.vistina.com.mk/megafon/humanite-dnk-vo-nova-vozmozna-misija-koga-detskata-nasmevka-kje-ja-osvetli-temninata-foto/

мисија – Вистина.мк

ДНК во уште една возможна мисија: Јордан покажа како се сака мајка, а Андреј и Панчо како изгледа да си голема ѕвезда, со уште поголемо срце! (ФОТО)