миро кацаров – Вистина.мк

Водителот Миро Кацаров се исповеда кај Лазаров за најтешкиот период: „Трипати завршив во болница, помислував и на самоубиство!“ (видео)

Слободанка Илиева — Tue, 05 Mar 2024 10:12:40 +0000

Ако во ТВ емисии и во пишани интервјуа, многу ретко можете да сретнете исповед на познатите во однос на нивната приватност, кога поткастите се во прашање, се случува сосема спротивното. Па така, како да стана во мода јавните личности да се исповедаат како во црква на поткаст, а овој пат дознаваме каков проблем го мачел водителот Миро Кацаров кој се исповедаше кај Стефан Лазаров.

View this post on Instagram

A post shared by Miro Kacarov (@miroslavkacarov)

Миро без заддршка кажа дека во 2018 година додека работел во Дубаи и печалел за подобар живот, се соочил со анксиозност и панични напади за кои вели дека биле како ѓавол кој влегол во него, па не го гледал спасот освен да си се врати во родниот Штип каде си го нашол чарето, а денес зборува како победник кој излегол од ваквата психолошка состојба.

View this post on Instagram

A post shared by Lazarov Podcast (@lazarovpodcast)

– Се разболев од анксиозност. Јас бев болен од анксиозност и панични напади. Затоа се вратив, вели Кацаров, а на прашањето од што била предизвикана ваквата состојба, тој додава: – Од ноќна смена, немав сонце, немав Витамин Д и ми се промени биоритамот. Работев 5-6 месеци само трета смена, од 12 ноќеска до 10. И почнав веќе со депресивни мисли, не можев дома да спијам и почнав да се мачам. Почнаа веќе големи панични напади. Тие панични напади не ги чувствував, само чувствував дека ми се ближи смртта, ми се потат рацете, нозете ми се блокираат. Јас завршив 3 пати во болница, многу тежок период ми се деси пред да заминам од Дубаи. Толку јако мава, што дури некогаш те тера и на самоубиство. Две недели јас не излегов, се плашев од сите луѓе, од секој звук се плашев, од секоја храна се плашев. Многу чудно, многу тешка анксиозност, вели Кацаров. Инаку, за спроблемот со анксиозноста досега јавно проговорија и водителката Милена Антовска Станковска, Панчо Шорти (ДНК), Миа Костова, Адријана Ацеска, како и повеќе ѕвезди од регионот. фото:instagram printscreen/ lazarovpodcast

Ева Јовановска покажа отворени намери дека не може без живот пред камери: Водителката од „Бекстејџ“ сега ќе чекори по „Златниот тепих“ (ФОТО)

Антонио Димитриевски — Thu, 25 Jan 2024 10:05:06 +0000

Ева Јовановска или како што сите повеќе ја знаат како Евче... Млада, згодна, привлечна, симпатична, необична… Манекенка и модел, танчерка и некогашна водителка на естрадниот ТВ магазин „Бекстејџ“ од кој заради икс причини кон крајот на минатата година си замина. Во меѓувреме се појави како водителка не една - две манифестации, како ПР на една промотерско-продуцентска куќа, па реши да му се врати одново на танцувањето и посвети на инфлуенсерството. Армо ама, убавата 20-годишна тетовка како да не ја држи место да ја нема на ТВ екраните, па Евче покажа отворени намери дека не може без живот пред камери и реши одново да застане пред нив, во првата прилика штом таква и се укажа. Hајгледаниот и најпознат естраден ТВ магазин „Бекстејџ“ оддамна се покажа како школа за фабрикување млади кадри за себе но и за некои други емисии, па дури и оние кои се обидуваат да бидат конкурентни на нивните содржини. Така, Миро Кацаров - некогашниот водител на „ТВ магазинот од зад естрадната сцена“ пред три години посака и реши по секоја цена да биде „прва виолина“ во сопствениот „естраден ТВ свет“, правејќи го својот „Golden carpet“ . Откако низ него продефилираа неколку водителки, најновото водителско засилување кое сега ќе чекори по „Златниот тепих“ е токму една од наследничките на неговиот основач, кога тој замина од „Бекстејџ“. Доскорешната водителка на „ТВ магазинот од зад сцената“ Ева Јовановска е принова во емисијата кај оној, кого токму во „Бекстејџ“ го наследи. Имено, од 1-ви февруари Ева Јовановска ќе биде дел од екипата на „G - Сarpet“. Како водителка или новинар кој ќе подготвува прилози или можеби и двете останува да видиме откако Евче ќе зачекори по „Златниот тепих“. За едни родена, за други „умрена“ да биде пред камери, сеедно... Кој како сака може да ја толкува, но факт е дека убавата и згодна тетовка ќе ја збогати и содржински и визуелно емисијата која претендира да биде најгледана во својата сфера. Харизмата и шармот пред камери од една страна, ама и телесната убавина од друга, ја прават сексапилната Евче доволно привлечна и атрактивна на „Златниот тепих“ да му ја качи гледаноста, а таа самата себе си одново, да си ја крене популарноста! Фото: Инстаграм/ miroslavkacarov/_evce_

Македонските јавни личности и естрадни ѕвезди на свадбата на Миро Кацаров во хуманитарната кутија собраа едвај минималец: На социјалните мрежи „полна уста раскош“, а во реалноста „стипси“ или „тешка сиромаштија“!? (ФОТО)

Антонио Димитриевски — Tue, 03 Oct 2023 09:49:11 +0000

За штипската свадба на водителот Миро Кацаров и неговата животна избраничка Ивана уште се зборува... Зборува и чаршијата, се шират муабети по естрадните кругови и кулоари, пишуваат порталите... Била современа, модерна, необична, налик на голема диско забава на која беа мноштво познати и јавни лица од различни сфери… Од естрадни и ТВ фаци до познати спортисти, пејачи, музичари… па се’ до политичари. Свадбата била замислена како журка со над 400 гости, но младите сакале нивниот најубав ден да има и хумана нота, па ги повикаа сите нивни гости наместо цвеќе, бонбониера, пијалак... да остават парична донација во кутијата ставена на влезот, наменета за дечињата од ранливи категории. „Знаеме дека ќе добиеме многу букети и сето тоа подоцна ќе овене и ќе се фрли, а со донација од 500 денари колку за букет, верувам дека ќе собереме убава сума и ќе дадеме барем мал придонес за дечињата од ранливите категории во згрижувачките домови“ - ќе ја најави водителот хуманата нота на својата свадба во медиумите пред истата да е случи. И се случи... Она што беше замислено, беше до крај оставерно и повеќе од тоа. Меѓу поканетите званици на свадбената журка биле некои од најпознатите и најпопуларни македонски лица од eстрадата, модата, медиумите… Пејачи, музичари, актери, политичари, водители, инфлуенсери и многу нивни блиски пријатели. Сите задоволни и презадоволни од идејата, амбиентот, атмосферата, забавата... И гостите и младите. И црвениот тепих и хумнанитарната кутијата за донации биле поставени на влезот, а на крајот кутијата полна... Само со што или поточно со колку? Колку пари „хуманите“ гости донирале? Имено, Миро Кацаров и самиот раскажа дека на свадбата ќе има повеќе од 400 гости, над 15 музички артисти... И имало! Како и што се надеваше дека секој од нив ќе донира барем по 500 денари во хуманитарни цели! Арно ама... Како што домашниот есап и оној на пазар никогаш не излегува ист, така и надежите на младоженецот и невестата за богата донација на крајот излезе дека се распрснаа како меур од сапуница. Зашто донацијата испадна дека е толку „посна“ што е срамота и да се објави. Сепак, Кацаров по свадбата јавно сподели фотографии од кутијата за донации на својот Инстаграм, а на една од нив и се зблагодари и обзнани колку пари се собрани: „Дечки, благодарение на Вас собравме 22.000 (дваесет и две илјади денари), пари што ќе ги донираме на детенце на кое му е потребна помош. Ве молам ако знаете некое пишете ни или споделето го постот! Од љубов со љубов“ - споделил Миро. Испадна дека македонските јавни личности и естрадни ѕвезди на свадбата на Миро Кацаров во хуманитарната кутија собраа едвај минималец! Едвај 22.000 денари - колку што изнесува една минимална, загарантирана плата во Македонија! Јавните личности и естрадни ѕвезди на социјалните мрежи со „полна уста раскош“, а во реалноста или „стипси“ или „тешка сиромаштија“?! Доказот е во простата математика! Кога собраните 22.000 ќе ги поделите со бројот на присутните, еве нека биле и точно 400 гости, излегува дека секој од нив во просек „донирал“ во хуманитарната кутија едвај по бедни 55 денари!? Фото: Инстаграм/miroslavkacarov

Миро Кацаров направи свадба за која се зборува и пишува, а младите возбудата и страста толку ги надвладеа, што по се’ изгледа имале и прва брачна ноќ „од соништата“… или барем нејзина реприза! (ФОТО)

Антонио Димитриевски — Thu, 21 Sep 2023 09:47:44 +0000

Водителот Миро Кацаров и неговата животна избраничка Ивана направија свадба за која се зборува и пишува. И тоа не само во неговиот роден Штип туку и низ цела Македонија. Современа, модерна, необична, налик на голема диско забава на која беа мноштво познати и јавни лица од различни сфери... Од естрадни и ТВ фаци до познати спортисти, пејачи, музичари... па се' до политичари.

View this post on Instagram

A post shared by ivana❤️10🏐 (@ivana_mia_kacarov)

Брат ми ми кажа дека утредента на кафе луѓето низ Штип коментирале: „Оди, па сега направи свадба, по оваа свадба“ - ќе раскаже и самиот младоженец за македонските портали ден по свадбената веселба на која највесели најрасположени беа тој и невестата. По „лудата и незборавна“ свадбена журка Миро и Ивана се повлекле во својот хотелски апартман каде ги дочекала „цветна постела“ со мирисна моќ, за нивно добредојде на официјално, првата брачна ноќ… А кога е таа во прашање, сите обично прашуваат дали до рано наутро се туткале чаршафите или се броеле парите? Бидејќи парите од гостите завршија како донација во хуманитарната кутијата на влезот во дискотеката каде што се одвиваше забавата, во преостанатото време до зори останала можноста само за нежни шепотења љубовни зборови на увце... Во пакет со сето она, за што како и обично, подоцна ни крив ни должен, „го обвинуваат штркот“! Дека се мирисало на „прва брачна љубов“ или барем нејзина реприза, говорат некои од фото позите на младите! Како свадбена увертира на „волшебната игра на страстите“. Свадбениот апартман уште претходно подготвен со цветна постела, а на неа и невестата, со последна селфи проверка! Останатото останува во доменот на дискрецијата. Впрочем интимата не би се викала така, доколку е на дофат на сечија рака, особено не на онаа - раката на јавноста. Освен она што е видливо откако и самите млади го објавиле на своите профили на социјалните мрежи, како „црно на бело“ во црно-бело! Според споделеното, зората мора да била бурна и бајковита... Сега дефинитивно останува само уште „штркот да долета“! Фото: Инстаграм/ivana_mia_kacarov/miroslavkacarov

Миро Кацаров направи голема свадбена журка во родниот Штип: Естрадни фаци, познати ТВ лица, бројни гости и забава до бесвест… на свадбената веселба на водителот (ВИДЕО)

Антонио Димитриевски — Mon, 18 Sep 2023 08:28:45 +0000

Со црвен тепих, многу познати гости и богата програма, како и еден куп македонски музички ѕвезди од различни жанрови, познатиот македонски ТВ водител Миро Кацаров викендов (17.09.2023) направи голема свадбена забава во еден познат ноќен клуб во неговиот роден Штип. Неколку недели претходно тој и неговата избраничка Ивана склучија граѓански брак во матично, а исто така се венчаа и заколнаа пред Бога на вечна љубов на црковна церемонија, за потоа да прослават со семејствата и најблиските. Меѓу поканетите званици на свадбената журка биле некои од најпознатите и најпопуларни македонски лица од eстрадата, модата, медиумите... Пејачи, музичари, актери, политичари, водители, инфлуенсери и многу нивни блиски пријатели. Свадбената забава ја отворил Слаткар(истика) со неговата „свадбена ода“ - „Кажи да“, на која наместо свадбен валцер или танго, младите во придружба на дел од гостите танцуваа пред бината. Без Лила Филиповска тешко дека може нешто да помине, па таа исто така така беше меѓу поканетите званици. Најпознатата македонска ТВ водителка расположена и весела не можеше да одолее да не танцува боса, откако културно ги собула розовите чевлички и се качила на софата од сепарето... Заради подобра прегледност на ситуацијата! Нејзината екс ТВ колешка и позната инфлуенсерка Миа Костова заедно со нејзиното женско друштво исто толку весела, распеана и расположена... Наздрави за љубов, наздрави за среќа и бериќет на младите, а Бога ми со високо крената чаша наздрави и за бидермаерот... За кој од разбирливи причини, не беше меѓу оние што се трудеа да го фатат! Познатиот ТВ водител и музички забавувач Жаре - Бербер беше дел од гостите кои исто така се фатија за микрофонот да ги забавуваат останатите. Како и фолк „кралот без круна“ Миле Кузмановски кој беше поканет меѓу гостите - забавувачи на веселбата, а со своите безвременски фолк хитови дополнително ги крена расположението и атмосферата до ниво на еуфорија. Настапија и други познати естрадни уметници како Ивона Јо, Мартинијан Кириловски, Бока Конга... а меѓу гости беа и водителките Елена Најдовски и Ивана Јанковска, како и познатата модна двојка Светлана и Мики Црнокрак... Но и многу други! Невестата Ивана била променета во свечена светкава минималистичка тоалета со длабоко деколте, висок шлиц и линија која го нагласува телото, додека младоженецот Миро во бело сако и црн елек со бела кошула и црна „пеперушка“ вратоврска. Свадбената журка на Миро и Ивана имаше и своевидна хумана нота. Имено, младите ги повикаа своите гости наместо да им купуваат букети цвеќе или бонбониери, да остават донација во кутија поставена на влезот на клубот, за собраните средства тие подоцна да ги донираат за дечиња од ранливите категории. По „лудата и незборавна“ свадбена журка Миро и Ивана се повлекле во својот хотелски апартман каде ги дочекала „цветна постела“ со мирисна моќ, за нивно добредојде на официјално првата брачна ноќ на младите... Или барем нејзината реприза! Останува уште штркот да долета! Нека им е со среќа! Фото: Инстаграм/lilafilipovska/miandrija/miroslavkacarov

Лавина емоции и солзи радосници: Миро Кацаров ја запроси саканата на романтична вечера во Рим (видео)

Слободанка Илиева — Sun, 18 Jun 2023 08:15:54 +0000

ТВ водителот и автор на „Голден карпет“, Миро Кацаров реши да се жени. Тој преку својот профил на Инстаграм обзнани дека патувањето во вечниот град Рим, не било само обично туристичко патување во Италија, туку многу повеќе од тоа. Миро плански тргнал со саканата Ивана со која од не така одамна е во врска, шетале, разгледувале знаменитости, уживале во непознатото и невидениото и се' надидум било така нормално за едно романтично патување на момче и девока. Кога дошло време за вечера, таа ноќ станала повеќе од посебна. Додека виолинистот свири, а Ивана занесена во звуците, Миро го вади скриениот прстен и клекнува пред саканата.

View this post on Instagram

A post shared by Miro Kacarov (@miroslavkacarov)

Таа во лавина емоции од она штио очигледно не го очекуаше, го покри лицето со дланките и заплака од среќа. Виеото од овој романтичен момент Миро го објави на својот профил, а наедно им се извини на сите кои му честитале, а тој во еурофија од убаво не успеал да им врати. Честитки! фото:Instagram printskrin

Ведрана Ѓорѓевиќ повеќе не е дел од „Голден карпет“: Водителката си замина, Миро Кацаров најавува нов концепт – манекенки, пејачки, спортистки, инфлуенсерки… во улога на водителки (ФОТО)

Антонио Димитриевски — Tue, 31 Jan 2023 08:33:24 +0000

Она што беше најавено, се случи... Атрактивната Ведрана Ѓорѓевиќ повеќе не е водителка на естрадниот магазин „Голден Карпет“ кој се емитува на Канал 5 телевизија. Водителката си заминала од емисијата поради оправдани причини, е офицалното соопштение на организаторите организаторите. Неофицијално, висината на нејзиниот хонорар почнала да станува проблем, откако во оваа држава спонзорите кои и онака се доволно „исцицани“ од политиката, се помалку се заинтересирани за инвестирање во забавата! Од друга страна информациите говорат дека иако заминува, Ведрана Ѓорѓевиќ брзо ќе се врати на ТВ екраните. Или барем во медиумскиот бизнис, зашто како што наголемо се зборува во естрадно-медиумските кулоари, еден голем мобилен оператор од соседството кој веќе е влезен во Македонија и нуди телекомуникациски и интернет услуги, а наскоро отвора и своја телевизија, па Ведрана ќе биде едно од првите ТВ лица во тој нов голем проект!? Во меѓувреме, таа во една своја изјава вака го искоментира своето заминување од „златнот тепих“: “Дел бев од “G-Carpet” додека траеше договорот на моите спонзори, а тоа е крајот на јануари. Ако имате такви сознанија од неофицијални извори, верувам дека ви било кажано зошто нема да соработуваме повеќе. Не станува збор за некакво недоразбирање со Миро, не знам од каде сето тоа, тоа се само шпекулации. Што се однесува за стартување на нов тв проект, секако тоа не е исклучено, но за сето тоа ќе Ве известам кога ќе дојде време за тоа. Сега главниот фокус ми е снимање на реклами, имам и сопствена продукција и постпродукција va_dventure е нашиот официјален профил на Инстаграм кога можете посетете го истиот и видете со што се занимавам“ – ќе потврди убавата водителка. Во меѓувреме посилната половина од водителското дуо и авторот на проектот, Миро Кацаров не седеше со скрстени раце, но не се ни обиде да и најде постојана замена на Ведрана, туку пристапи кон еден друг концепт. Имено, манекенки, пејачки, спортистки, инфлуенсерки.... во иднина ќе бидат во улога на водителки н „Голден Карпет“! Со нов концепт кој гледачите за прв пат ќе имаат можност да го видат и искусат во Македонија во февруари стартува еден поинаков „Голден Карпет” на Канал 5 телевизија. Концепт кој како што вели организаторот, гарантира забава со најпознатите јавни личности од регионот. По разделбата со Ведрана која го напушта магазиниот, „Голден Карпет“ продолжува со нов уникатен концепт на овие простори - во секоја емисија со нова водителка. „Секоја недела ќе ги замениме улогите со една јавна личност од понежниот пол која ќе ја добие можноста да биде од другата страна на микрофонот и да се испроба во водителскиот свет. Токму затоа секоја недела на Канал 5 телевизија во „Голден Карпет“ заедно со Миро прашањата ќе ги поставува позната личност од македонскиот шоу- бизнис и модниот свет“ - порачуваат од тимот на Кацаров. Оттука се наметнува сомнежот дека сепак гласините за „секнувањето на чешмата“ кога е приливот на спонзорите во прашање е можеби главната причина за заминувањето на водителката? Зашто новиот концепт во себе содржи „гратис водење за една употреба“, што секако мошне ја олеснува финансиската состојба и не го загрозува опстанокот на „Златниот тепих“, кому во поинаква консталација на односите, можеби и му се закануваше негово „завиткување и пакување“... во заборав! Вака, по „Златниот тепих“ и понатаму ќе чекорат познатите, популарни и селебрити фаци... Отсега, само во друштво на Миро Кацаров! Инаку, „Џи - Карпет” започна со емитување во 2020 година, во екот на корона пандемијата, и за овие 3 години стана препознатлив и еден од најгледаните ТВ Магазини со солиден рејтинг во македонскиот етер. Нудеше забава, смеење, ексклузивни приказни, познати фаци за гости и несекојдневни содржини, кои овој пат ќе бидат спакувани во новиот концепт на „Голден Карпет” кој и понатаму ќе се емитува секоја недела во 19:30 часот на Канал 5 телевизија. Фото: Инстаграм принтскрин/vedrana_edrana/miroslavkacarov

Ведрана Ѓорѓевиќ со големи промени во 2023-та: Водителката заминува од „Златниот тепих“, но и се сели пред олтар… или тоа само така изгледа? (ФОТО)

Антонио Димитриевски — Fri, 13 Jan 2023 08:14:57 +0000

Атрактивната ТВ водителка и модел Ведрана Ѓорѓевиќ во новата 2023-та година влегува со најава за големи промени. И приватни и професионални. Имено, во естрадно-медиумските кулоари веќе наголемо се зборува дека долгоногата убавица на крајот од јануари си заминува од Канал 5. Или поточно од „Златниот тепих“ по кој чекореше и го водеше од самото негово востановување како естрадно-забавен продукциски ТВ проект, заедно со својот колега Миро Кацаров. Имало ли концепциски недозразбирања, мешање во работата, непочитување на договорот, едноставно „секнал“ финансискиот прилив од спонзорите или е во прашање нешто сосема трето? Шпекулациите дополнително ги подгреја и фактот дека убавата водителка веќе подолго живее заедно со својот партнер во Скопје, инаку момче од Србија, па затоа конечно решила врската да ја озакони со брак и да застане пред олтар. Фотографиите на кои Ведрана се појави во венчаница, меѓу кои и онаа профилната на нејзиниот Фејсбук, како дополнително да ги зачинија ваквите претпоставки за кои се почесто почна да се говори дека „каде што има чад, мора да има и оган“? Овој пат љубовен, со тенденции наскоро да се распламти и прерасне брачно-семеен? Сите овие тврдења или поточно нагаѓања, Ведрана не сакаше многу да ги објаснува во детали.Таа во куса изјава за порталот „Музика24“ само изјави дека едноставно на крајот од месец јануари 2023-та и истекува договорот и нема повеќе да биде дел од споменатата ТВ емисија. “Дел сум од “G-Carpet” додека трае договорот на моите спонзори, а тоа е крај на јануари. Ако имате такви сознанија од неофицијални извори, верувам дека ви било кажано зошто нема да соработуваме повеќе. Не станува збор за некакво недоразбирање со Миро, не знам од каде сето тоа, тоа се само шпекулации. Што се однесува за стартување на нов тв проект, секако тоа не е исклучено, но за сето тоа ќе Ве известам кога ќе дојде време за тоа. Сега главниот фокус ми е снимање на реклами, имам и сопствена продукција и постпродукција va_dventure е нашиот официјален профил на Инстаграм кога можете посетете го истиот и видете со што се занимавам“ - ќе потврди убавата водителка. А фотографиите во венчаница, дали се подготовка или поточно генерална проба за нејзиниот нов живот, Ведрана вака ги објаснува: „Освен тоа, периодов работам и на претстојниот Саем на венчаници што ќе се одржи од 10-ти до 12-ти март во Скопје, каде ќе бидам водител-промотер”, ќе изјави Ведрана! Неофицијално, сепак информациите говорат дека иако заминува, Ведрана Ѓорѓевиќ брзо ќе се врати на ТВ екраните. Или барем во медиумскиот бизнис, зашто како пшто наголемо се зборува, еден голем мобилен оператор од соседството кој веќе е влезен во Македонија и нуди телекомуникациски и интернет услуги, а наскоро отвора и своја телевизија, па Ведрана ќе биде едно од првите ТВ лица во тој нов голем проект!? А, за олтарот...? Веројатно и тоа ќе дојде... Кога ќе и дојде денот... Ако веќе не е дојден?! Фото: Инстаграм и Фејсбук принтскрин/vedrana_edrana/miroslavkacarov

Сите се против уривање на “Универзална сала“, само Миро Кацаров – „ЗА“, а еве и зошто: Петре Шилегов го вработи во „Универзална сала“ портпаролот на коалициониот партнер – ЛДП, само еден месец пред изборите

Антонио Димитриевски — Sat, 01 Aug 2020 07:51:09 +0000

Идејата која ја промовираа поединци од градската власт на чело со скопскиот градоначалник Петре Шилегов за уривање на „Универзална сала“ и распишаниот конкурс за правење на некаков парк со летна сцена на нејзината локација, предизвика бура во јавноста која се' уште не стивнува. Покрај негодувањата на народот, секојдневно се јавуваат со свое мислење и став и јавните личности, најмногу уметниците од разни области: музичката, драмската, балетската... на кои и најмногу и најчесто „Универзална сала“ им била втор дом, местото каде или поникнале и започнувале или каде ја овековечиле својата кариера со фестивалски, соло, настапи на разни манифестации, збиднувања, настани, престави... Не помалку гласни се и новинарите и радио и ТВ водителите кои ја третираат културата и естрадата, но и разни автори: композитори, текстописци, аранжери, музички и извршни продуценти, сценаристи, режисери... Медиумите на „случајот „Универзална“ секојдневно му даваат полн третман, па така деновиве порталот „Вечер прес“ третирајќи ја темата направи своевидна анкета со изјави на јавните личности, меѓу кои имаше и познати пејачи, музичари, текстописци, ДЈ-и, новинари, музички работници... И сите до еден во своите изјави беа на став дека „Универзална сала“ не треба да се урива, туку или да се реновира постојниот објект или да се возобнови одново на истата локација, но никако да се дислоцира и на тоа место да се гради некаков парк! Сите до еден, освен ЕДЕН - ТВ водителот Мирослав Миро Кацаров, кој во својата изјава децидно вели: „Зошто да не се урива? Ќе се изгради нова, најмодерна, најграндиозна на Балканот. Далеку поубава од оние во Загреб и Белград или Софија. И на нова локација ќе биде. Верувајте, Градоначалникот има одлична идеја заедно со архитектите.“ Легитимно е секој да има право на свој став и свое мислење и тука нема ништо спорно, освен едно нешто. Оддамна е познато дека штипјанецот Миро Кацаров не е само лице од ТВ екраните, туку и политички функционер, односно портпарол на Либерал - Демократската Партија (ЛДП), која како „цврст приврзок“ е коалиционен партнер на владеачката СДСМ, од чии редови е градоначалникот на Скопје, Петре Шилегов, а „Универзална сала“ како што е познато е под капата токму на градската власт. Но, причина повеќе во изјавата на водителот: „Зошто да не се урива?“ е и нешто друго, што малкумина во јавноста го знаат. Имено, партиските вработувања пред избори станаа фолклор на власта, стил на живот, начин на работа и однесување, па така скопскиот градоначалник Петре Шилегов само еден месец пред тукушто завршените вонредни парламентарни избори 2о2о, ќе го вработи Мирослав Миро Кацаров - портпаролот на својот коалиционен партнер ЛДП, токму во „Универзална сала“ на позицијата: Соработник за сценско-музичка дејност, за плата од околу 400 евра! И не само него, туку уште три други лица, што значи вкупно четворица нововработени на 30 дена пред избори во сала што не работи и сакаат да ја уриваат!? Нелогично и трагикомично! Затоа ТВ водителот, партиски портпарол, а отсега и Културно-Уметнички Работник, со глава и брада, со раце и нозе, а Бога ми и нокти го брани ставот на „братот“ од челната фотелја на градската власт! Патем, заради пропустите во процедурата на директорот на „Универзална сала“, (кој е исто така нивно кадровско решение) и необезбедената финансиска согласност од Министерството за финансии на Македонија за вработување на Кацаров и останатите тројца, настанал правен вакум, па вработените во „Универзална сала“ неколку месеци пред изборите не можеле да земат плата! Случка која исто така претходно осамна во јавноста.

Паника во „Бекстејџ“ и ЛДП – Миро Кацаров последен му правеше интервју на Петре Шилигов: „Ливче спортска чекаш па се нервираш, се јадеш од внатре, а замисли тест дали си болен или не од корона?“ (ФОТО)

Антонио Димитриевски — Thu, 25 Jun 2020 06:59:01 +0000

Минатата недела градоначелникот на Скопје, Петере Шилегов објави дека е позитивен на коронавирусоти се повлече во 14 дневна изолација. Разбирливо, сите што биле со контакт со него и околу него, беа доведени во опасност да им ја пренесол заразата, а последното интервју Шилегов го даде за естрадниот ТВ магазин „Бекстејџ“ каде разговараше со водителот Миро Кацаров! Едниот со спуштена заштитна маска под брадата, другиот и без маска! Во исто време, Миро е и портпарол на Либерално - демократската партија на Македонија, па, по сознанието дека скоскиот градоначалник е позитивен на Ковид 19, ете ти паника и во продукцијата и во партијата и во „Бекстејџ“ и во ЛДП! Во меѓувреме, Кацаров се повлече во самоизолација, ама отиде и самиот да направи корона тест во најпознатата скопска приватна клиника. Резултатите нормално, не ги добивате веднаш, па затоа и Миро и сите во продукцијата и редакцијата на „Бекстејџ“ кои потоа биле со него во контакт, како и оние од партијата чиј гласноговорник е, стрепеа, со страв исчекувајќи го резултатот од тестирањето. И конечно, завчеравечер резултатите стигнале, а вчера, среда 24 јуни 2020 г. напладне, резултатот од коронатестот на Миро Кацаров и јавно го обзнани, а уредничката на естрадниот ТВ магазин „од зад сцената“ Ева Јакимовска, го сподели на социјалните мрежи. „Во доставениот примерок НЕ Е ДЕТЕКТИРАНА специфична секвенца за присуство на Корона СоV-2“ - пипшува во медицинскиот наод кој и самиот водител јавно го сподели на својот Фејсбук профил, заедно со соопштението за својата приказна, за тоа како изгледа да минуваш низ голгота чекајќи да дознаеш дали си или не си позитиван на корона!? „Другари и другарки,минатата недела моето последно интервју во Бекстејџ беше со градоначалникот Петре Шилегов. Откако јавно соопшти во саботата градоначалникот дека е позитивен на вирусот Ковид-19, самоволно и самоиницијативно се повлеков во самоизолација која е една од најдобрите мерки за заштита на популацијата од дополнителни ширење на коронавирусот. Со тоа ги заштитив првенствено моите родители, роднини,другари и пријатели и сите кои можеа наредните денови да бидат во мое друштво и присуство. Уште истиот ден се консултирав со мојот пријател и еден од најдобрите доктори,професорот Никола Пановски кој ми даде одлични совети како да постапам и кога да се тестирам. Анализата за мене покажа дека осмиот ден од контактот со градоначалникот би бил најпогоден за тест и да биде релевантен истиот, па тоа и го напраив, бев и се тестирав, притоа без никакви симтоми. Вчера вечер ми стигнаа резултатите кои и јавно ќе ги соопштам дека сум НЕГАТИВЕН на вирусот Ковид-19. Се извинувам на сите кои беа во мое опкружување до пред информацијата да ја објави јавно градоначанилникот и беа малку уплашени, но ете вирусот за среќа не е пренесен на никој. Со ова уште еднаш се докажува дека ова зло е меѓу нас и се повеќе ќе имаме контакт со луѓе кои го имаат или го прележале. На никој не му посакувам дома да седи и да чека резултати дали има коронавирус или не, чуството е грозно, мозокот ти мисли на све и сешто, на тв и на ФБ само за тоа се збори, а ти си немоќен во затворен простор. Или по сликовито, ливче спортска чекаш па се нервираш, се јадеш од внатре, а замисли ова е тест дали си болен или не од корона?“ - напишал меѓудругото покрај споделените резултати од коронатестот Миро. И продукцијата и колегите од редакцијата, а и оние од партијата можат да здивнат. Нивниот колега водител кај едните и портпарол кај другите, сепак, за негова и нивна среќа - е здрав! Сега „шоуто може да продолжи“... И естрадното, а и она изборното.