Миризливите свеќи и освежувачите можат да бидат опасни за здравјето

Слободанка Илиева — Fri, 08 Jan 2021 13:22:52 +0000

Новите студии покажаа дека миризливите свеќи и освежувачите на воздухот можат да претставуваат сериозен ризик за здравјето на луѓето. Ова не се однесува само на миризливите свеќи на кои им се додаваат ароматични масла, туки и на различни освежувачи (особено, оние кои се вклучувата во струја). Бројни истражувања покажаа дека запалените миризливи свеќи испуштаат хемикалии како формалдехид и парафин, а долгорочното изложување на овие хемикалии го зголемува ризикот од развивање на бројни респираторни проблеми, кај децата и возрасните, па дури и рак на белите дробови. Истражувачите од Центарот за радијација, хемикалии и опасноти на околината на организацијата „Public Health England“ во истражувањето дошле до заклучок дека одредени освежувачи на воздухот содржат одредени колични формалдехид, кои можат да доведат до развој на рак во носот и грлото. Истражувачите откриле дека долготрајното користење на овие мириси може да доведе до развој на тумор, оштетување на белите дробови, астма и пореметување на хормонскиот баланс. Организацијата „Women’s Voices for the Earth“, пак смета дека овие производи влијаат на хормоналниот развој на бебињата. И не само тоа, хемикалиите од овие препарати можат да ја трансформираат ДНК структурата, а некои од нив можат да бида поштетни и од чадот од цигарите. извор:нетпрес.ком.мк

Миризливи свеќи за подобро расположение

Михаела Христова — Fri, 15 Nov 2019 13:15:49 +0000

Свеќите даваат топла и интимна атмосфера во домот и можат да бидат одличен антистресен лек и во канцеларијата. Освен што се прекрасни декоративни предмети, тие имаат позитивно влијание врз расположението и внесуваат смиреност, енергија и доверба. Во зависност од вашето расположение постојат различни видови свеќи со различни ароми. За сите оние кои поминуваат низ стресна ситуација поволни се свеќите од смола која произлегува од типичните колумбиски дрва. Тие делуваат смирувачки и ја намалуваат тензијата. За оние кои имаат цврст карактер и обожаваат интензивни мириси, свеќите со арома на боровинки и ирис се идеални за нив. Дали сонувате за слатко бегство во природата? Ако сакате повторно да се поврзете со природата запалете свеќа со мирис на пелин во комбинација со кедрово дрво. Ако сакате да се опуштите во сензуална атмосфера, во стилот на „Илјада и една ноќ“, мирисот на шафран и урми е совршената комбинација. За спалната соба и за оние коие се љубители на слатки мириси, изберете ја класичната ванила и нема да погрешите.

миризливи свеќи. – Вистина.мк

Миризливите свеќи и освежувачите можат да бидат опасни за здравјето

Миризливи свеќи за подобро расположение