министер – Вистина.мк

Миа Костова распали по владата, министерот за образование и образовниот систем: „Вие веќе не сте злобни и себични, вие сте умоболни“ (ФОТО)

Антонио Димитриевски — Mon, 21 Aug 2023 08:42:43 +0000

Откако летово ги пропатува саканите дестинации и имаше продолжен одмор од соништата, една од највлијателните македонски инфлуенсерки, доскорешната ТВ водителка Миа Костова се врати дома. Септември наближува, па време е за на училиште... Нејзиното синче Андрија годинава треба да тргне во 6-то одделение. Арно ама, како што е веќе на власта и „килавата влада“ им стана навика, учебници и годинава токму за основците од шесто се' уште нема и до почетокот на училишната година нема ни да има. Божем ветија дека годинава ќе бидат испечатени на време, дека нема да има проблеми, ама... Нивното ветување само за „луди и наивни“ е радување, па така и годинава се' што кажаа - излажаа! Демек учебници ќе има, ама малку подоцна!? Така велеа и лани, па учебниците на учениците им стигнаа во јуни, непосредно пред да се распуштат?! Револтирана од најновата „измама“ на надлежниот министер и неговата свита, Миа Костова, како што ја дал Бог „без влакна на јазикот“, буквално „распали“ и по него и по министерството за образование и по цела влада. И со право, зашто децата во континует останаа осакатени заради нечија неспособност, инертност, незнаење, штетни предавнички политики, бизнис интереси... Или сето тоа заедно!? Само што овој пат Миа Костова ваквото нивно однесување не го препиша само на погоре споменатото, па дури ниту на нивните карактери и карактерни особини, туку на нешто многу пострашно... На дијагноза! „Андрија од септември ќе биде 6-то. Без книги. Одделение од кое на дете треба да му се направи сериозна навика за учење и совладување на материјал тековно од ден во ден. Две години беше онлајн, лани имаа една книга по сите предмети, годинава ни тоа. Дали има некој со здрав разум воопшто кој ќе одговара за овие деца кои за 6 години во образование немаат никаква престава за тоа што е всушност школо? Вие веќе не сте злобни и себични. Вие сте умноболни“ - споделила русокосата во својот Фејсбук статус прозивајќи ги политичките „пациенти“ кои во континуитет ни ги „сакатат“ децата за наши пари! Фото: Фејсбук и Инстаграм/miandrija

Повеќе на vistina.mk

Додека Бујар Османи изигрува „НАТО стратег“, Хелена Роза откри дека нашите иселеници во дијаспората повеќе од една година не можат да си ги продолжат пасошите: „Министре, како ли мирно спијете… како не ви е срам на сите вас“?

Антонио Димитриевски — Mon, 19 Apr 2021 08:14:47 +0000

Поранешната македонска ТВ водителка Хелена Роза веќе неколку години заедно со своето семејство живее на Нов Зеланд. Иако оддамна ја нема на ТВ екраните како водител, таа е активна на социјалните мрежи, каде знае да објави по некоја скокотлива фотографија, но овој пат нејкзината објава е од сосема поразличен карактер, а тоа Хелена го направи од сосема поинаква причина. Имено, иселениците од дијаспората имаат огромен проблем да добијат нови македонски документи, поточно да си ги обноват истечените патни исправи. Додека министерот за надворешни работи Бујар Османи наместо да води грижа за надворешната политика на земјата што го плаќа и нејзините иселеници, тој споделува твитови за солидаризација со една од големите светски велесили давајќи си сопствена важност во меѓусебните односи на САД и Русија. И додека тој „глуми НАТО стратег“, покажувајќи „храброст од фотелја“ скриен како „глувче зад слон“ упикувајќи му се на стратешкиот НАТО партнер, иако никој од него не побарал таква поддршка, македонските исленици повеќе од една па и две години, мака мачат да си го продолжат својот македонски пасош, што им создава многубројни проблеми. Откако очигледно владата, ресорниот министер, амбасадите и нивните „заспани служби“ останаа глуви на сите обиди и молби на иселениците да го решат овој нивен горлив проблем, што всушност е елементарно човечко и граѓанско право, Хелена Роза упати јавен апел преку сопцијалните мрежи, поточно прку својот Фејсбук профил. Во него таа ги повика сите добронамерни луѓе да го споделат нејзиното обраќање, во името на македонските државјани кои живееат и работат во странство - Македонската дијаспора, но и јавно ја прозва владата, амбасадите, министерот Османи... Проблемот на Хелена Роза и Македонците кои живеат во Нов Зеланд не е единствен. Социјалните мрежи вријат од „неажурноста“, неподготвеноста и нељубезниот однос на „заспаната и арогантна“ администрација по амбасадите и конзуларните преставништва ширум светот, која Македонија ја плаќа од својот буџет, од парите на нејзините граѓани, а таа обичните едноставни процедури за издавање на било каков документ, ги прави комплицирани и сложени, одолговлекувајќи ги со недели и месеци, а како што слушаме и години... Наместо да добијат едноставна услуга, иселениците се соочуваат со „невозможна мисија“.

Повеќе на vistina.mk

Панчо -ДНК со описна (пре)порака до министерот Филипче: „Ова мене ми испаѓа слично она – не го ставај цел, само до пола“! (ФОТО)

Антонио Димитриевски — Fri, 13 Mar 2020 08:45:15 +0000

Коронавирусот од зараза стана пандемија од светски размери. Светот се бори со неа, барајќи начини како да се справи. Вакцината против „Ковид 19“ е се' уште само „мисловна именка“, а додека бројот на заболени расте, се' повеќе од нив завршуваат фатално. Логичнио, заразата и паниката одат рака под рака, па маркетите и аптеките експресно се празнат, медиумите 24/7 известуваат со најразлични вести, социјалните мрежи оддамна се зовриени. Секој со свое мислење и размислување, рецепти и „100% ефикасни лекови“, упатства за превентива, пофалби и критики, пораки и препораки... И до населението и до оние кои се одговорни за заштитата на неговото здравје. Македонската влада и нејзиниот министер за здравство Венко Филипче со се' порадикални мерки и активности во превенција од ширење на вирусот. По воспитно-образовните институции и забраната за јавни собири, министерот го лимитираше и работното време на кафулињата, кафеаните, меаните, угостителските локали, клубовите, дискотеките... само до 18.00 часот. Меѓу реакциите на сите „обични смртници“ и оние, „необичните“, или поточно, познатите и популарни личности од различни сфери, па и од естрадата со коментари и (пре)пораки до народот и мерките на Владата. Еден од првите кои се најгласни, Панчо - ДНК. Имено, популарниот ДЈ Шорти се огласи со свој коментар на социјалните мрежи. На Панчо мерката на министерот за здравство за затворање на локалите и угостителските објекти од типот: „фифти-фифти“ не му се допаѓа. Особено не, познавајќи го менталитетот на нашиот народ, а Панчо добро го познава, зошто „цел живот“ лебот си го заработува во истите тие локали забавувајќи го истиот тој народ. И ако тргнете по она што Дј Шорти го тврди, неговата реакција има логика. Од 08 до 18 часот локалите отворени, а потоа фајронт? Излегува како „Ковид 19“ преку ден да спие, па се буди попладне и почнува да делува после 18 часот? А народот она што му е забрането му е најслатко, или поточно, она што не може навечер, го надополнува преку ден, па како што видовме уште веднаш „дневната шема - цвета“! Локалите преку ден полни како око, па излегува дека „попуста ти била Венко забрана, кога не е целосна“! Затоа Панчо на министерот Филипче и неговата експертска свита им предлага тотално затворање на угостителските локали со модус за целосно обесштетување на сопствениците, зашто „џабе паника“, кога ова нема логика! Или што би рекол Панчо-ДНК, описно: „Вака, мене ми испаѓа слично на она: не го ставај цел, само до пола“!

Повеќе на vistina.mk

Љубовните сплетки на министерот, новинарката, нејзиниот сопруг – разрешен конзул и шефот на кабинетот: Кој од кого се разведува, а кој кого ќари… муабети што ги „зовреа“ политичките кулоари!

Антонио Димитриевски — Wed, 08 Jan 2020 14:45:30 +0000

Една стара приказна која се провлекува речиси една година, па и подолго, деновиве одново добива на актуелност во политичките кулоари и и' ја полни устата на чаршијата.. Зашто политиката е и онака сама по себе скокотлива, особено ако главна тема во неа се љубовните врски и прељубите, разводите и новите бракови, политичките разрешувања заради одмазда... Имено, уште во март минатата година порталот Доказ.мк пишуваше за наводно „тајните и забранети врски“, во кои главни протагонисти тогаш беа еден многу актуелен македонски министер и една позната новинарка. Нивните наводни „безгрижни интимни шепотења во темнината“ порталот ги изнесе во јавноста во вид на прашања на кои побара одговор. Повеќе како нагаѓања или (хипо)тези, ама сепак, како што е познато во народот, секаде „каде што има чад, има (ли?) и оган“! Токму ова не само што ги подгреа, туку и ги запали не само чаршијата и политичките кулоари, туку и социјалните мрежи, па на оние што подобро ги познаваат сите споменати, им се отворија очите и почнаа да си го одмотуваат клопчето дека можеби „блиските релации“ се зачинети и со „забранети врски“... За кои, речеси една година подоцна, откако маските и функциите паднаа, повторно се зборува. Имено, еве ја приказната која стана одново актуелна, за наводните љубовни сплетки на министерот, новинарката, нејзиниот сопруг - сега разрешен конзул и шефот на кабинетот... Или поточно, што се (о)зборува за тоа, кој од кого се разведува, а кој кого ќари - муабети што ја „зовреа“ и чаршијата и политичките кулоари! Како што веќе тогаш пишуваше споменатиот портал во неколку наврати, а сега пишуваат и другите, наводно, во прашање е министерот за надворешни работи на земјата на која и кумуваше во прекрстувањето на уставното име и новинаката која ја врши функцијата асистент на главниот и одговорен уредник во економскиот неделник „Капитал“. Обајцата во брачна заедница, со деца. Сопругот на новинарката инаку ќе биде пратен да ја извршува должноста конзул во Будимпешта на Република Македонија, подоцна, знаете како веќе прекрстена. Во меѓувреме блискоста на министерот и новинарката наводно ќе прерасне во „интимна дружба“ која ќе достигне такви размери што ќе излезе од контрола на дискрецијата, па за неа ќе дознаат и луѓе од блиското опкружување, кои потоа скокотливата вест ќе ја прошират правејќи од неа „јавна тајна“, за која споменатиот портал прашува: „Што тоа делат во темно министерот и уредничката на економскиот неделник?“ „Мажот на годината“ како што тогаш министерот го прогласија, веројатно понесен од старата скопска изрека: Да “онадуеш“ нешто, а да не се пофалиш, исто како да не си „онадуел“... машкоста не можел да ја додржи, па муабетите велат стигнале и до ушите на „душманите“, а од нивна уста и до неговата сопруга и... разводот чукнал на врата! Од другата страна, кај новинарката и конзулот, развојот на настаните ист... Сопругот на новинарката, поставен за наш конзул во Будимпешта од таму дознава за „слободата во која уживала“ неговата сопруга тука, и тиквата пука и кај нив... Двата брака се во наводна фаза на развод, а екс - министерот и уредничката пред олтар... Кому втор, кому трет пат во животот! Патем, „љубопитниот“ сопруг е разрешен од функцијата, односно конзулот од Будимпешта е вратен дома! Веројатно погодувате по чија наредба и зошто? Така отприлика изгледа приказната што чаршијата ја плете, а во политичките и не само политичките кулоари сега гласно се раскажува. Нешто како турска серија... Но, за да биде заплетот бетер и од сценаријата во турските серијали, се погрижиле уште двајца политички протагонисти од кабинетот на првиот човек на МНР, од кои едната личност имала врска со „унгарскиот“ конзул... Имено, во меѓувреме шефот на кабинетот на министерот за надворешни работи, наводно исто така се разведува, а добро упатените велат дека и почнале да живеат заедно со една од советничките во министерскиот кабинет, која пак види ли случајност (?!), да ти била бивша девојка на конзултот од Будимпешта... Оној разрешениот од министерот за надворешни и до скоро (можеби официјално и се' уште) сопруг на новинарката - уредник, со која министерот му го растурил бракот! Вистина или само шпекулации, чаршиски муабети или сурова реалност, кулоарски озборувања или љубовни сплетки налик на сериите кои ги гледаме, многу наскоро времето ќе покаже! Впрочем, за многу нешта се зборувало дека муабетите за „делењето во темнина“ се само злобни инсинуации, па веднаш потоа се покажало дека „од делењето“ не само што некој „се размножил“, туку „делувањата во темнина“ не се само плод на љубовни, туку и на „опасни врски“... од друг вид!

Повеќе на vistina.mk

Ѕвездата на „Гранд“ добила непристоен предлог: „Министер ми понуди стан, а за возврат да имаме се*с!“ (ФОТО)

Слободанка Илиева — Wed, 21 Aug 2019 10:32:29 +0000

По ѕвездата на „Гранд“ Александра Младеновиќ „одлепил“ еден министер. На влијателниот политичар толку многу му се допаѓа пејачката од Самариновац, село близу Житораѓа, што и понудил 100 квадратни стан само за да биде интимна со него. Тој на таа идеја дошол со помислата само јавноста да не дознае дека двајцата се заедно. - Овој министер има неколку врски со разни убавици, но во последно време сериозно се „загреа“ за Александра. Навистина му се допаѓа. По неков вкус е и дава се од себе за да ја заведе. Тие се запознале на приватна прослава и потоа размениле телефонски броеви. Се слушаа редовно, а неколку пати се гледаа и во поголемо друштво. Александра досега не била сама со него. Забележа дека му се допаѓа, а на крајот и го кажа тоа. Тој дури и ветил стан како подарок, но таа одбила - раскажува изворот близок до пејачката и додава дека Александра не сака да биде со него, но дека би сакала да го има како пријател.

„Двајцата не се заедно, но иако таа му рече дека не сака ништо повеќе со него отколку пријателство, тој не се откажа. Тој е внимателен во комуникацијата со неа и дава се од себе за да ја освои. Колку што знам, тој никогаш претходно на никоја не и понудил недвижен имот , но сега тоа го стори. Сè што сакаше е дека ако таа се согласи да биде со него, тоа би било тајна афера. Таа го одбила затоа што не сакала да се крие, а околу дваесет години е постар од неа. Тој продолжува да се обидува. Тој рекол дека ќе и помогне и во нејзината кариера, дека ќе биде поуспешна со него отколку што е сега - завршува изворот за српски Курир. А пејачката на ваквата изјава вели: - Точно е дека ја добив понудата, која без размислување ја отфрлив. Тие фори „ќе добиеш стан, автомобил, цвеќиња, само биди со мене“ кај мене не „палат“. -Во мојот случај тоа не функционира затоа што не сум наивна. Среќна сум и заљубена и нема човек што може да ми купи недвижен имот или што било. Јас се обезбедив и сум многу среќена со мојот статус. Овие се сериозни работи, и фала му на Бога што работам одлично и можам да купам што сакам. Музиката е патот што сакам да го одам и затоа напорно работам и не се грижам за какви било понуди - рече Александра.

Повеќе на vistina.mk

Градоначалникот Шилегов побара идеи од граѓаните за аерозагадувањето, прв се јави Иван – Исцелител… и го најде лекот! (ФОТО)

Антонио Димитриевски — Mon, 18 Dec 2017 11:45:20 +0000

Загадувањето во Скопје достигна енормни размери! Не се диши ни со гас маска! Мерки, вакви, мерки онакви... на крај мерки никакви не се преземаат! Градоначалникот Шилегов побара идеи од граѓаните како да се реши загаденоста во главниот град.

Прв се јави тој... Иван - Исцелител... Со чаре, како да се реши проблемот! Па, не џабе е исцелител... Не би го викале така, ако нема „лек за секој проблем“!

Еве го неговото „генијално предлог решение“, кое за жал заради презафатеноста не можеше да дојде лично да му го соопшти на скопскиот градоначалник, ама затоа „лекот“ го постираше на Фејсбук:

Останува да ја сочекаме одлуката на Шилегов... Ќе го прифати ли предлогот на македонскиот Исцелител, па при првата реконструкција на владата... еве ти кандидат за нов министер за екологија и животна средина. А, можеби може и веднаш.... за здравство!

Повеќе на vistina.mk