минимакс – Вистина.мк

Беше најпознатиот радио и ТВ водител, ја откри Лепа Брена, создаваше ѕвезди иако мразеше народњаци: Се сеќавате ли на легендарниот Минимакс и неговата тажна судбина?

Антонио Димитриевски — Fri, 10 Feb 2023 12:22:07 +0000

Еден од најпознатите водители Милован Илиќ - Минимакс почина на вчерашен ден, 9 февруари 2005 година. Веројатно беше најсаканиот Србин во поранешна Југославија, а ретко кој не знаеше кој е Минимакс. Во својата емисија тој ги угости речиси сите поп ѕвезди, популарни актери и личности кои тогаш се вртеа во јавноста. Минимакс создаде и многу познати личности, тој беше тој што на Брена и додаде епитетот „Лепа“, а сите го сакаа затоа што беше шармантен и остар. Во далечната 1967 година ја започна својата радио емисија „Минимакс“ - минимум говор, максимум музика.Својот познат прекар го добил по таа емисија, а секоја емисија ја започнувал со: „Драги моји и драге моје“ и завршувал со „Чао, нема веќе“. „Мојот живот би можел да го раскажам за седум часа, но и за седум минути, со оглед на тоа што е доста возбудлив и интересен, но без некои позначајни настани, тврди тој. Телевизијата му донесе ново ниво на популарност, а многу популарни беа емисиите „Од глава до петици“, „Минимаксовизија“, „Недела со Минимакс“, „Музички ножици“... и други.На овој начин јавноста успеа да се запознае многу естрадни ѕвезди, пред се фолк пејачи, иако тој не ја сакаше фолк музиката и не се дружеше со нив. "Не се сеќавам дека некој пејач или некој од естрадата ми влегол дома. Затоа што едно е работата, а друго е приватноста", ќе изјави своевремено водителот Сепак, иако соработуваше со естрадата, не секогаш имаше убави зборови за фолкерите.Кога во деведесетите имаше протести против режимот на Слободан Милошевиќ, се забележуваше дека меѓу протестантите има актери, но нема фолк пејачи. „Пејачите не протестираат затоа што имаат куќи, базени, вили, викендички. Тие не протестираат затоа што се чувствуваат добро и најверојатно се молат на Бога да опстане овој систем, овој режим и оваа држава што е можно подолго. Тоа се луѓе кои во младоста веројатно живееле многу скромно, биле гладни и жедни. Сега дојдоа до некои големи пари и сега тоа треба да не се види“. На Минимакс не му се допадна статусот на славна личност, бидејќи секогаш се трудеше да води нормален живот и сигурно затоа луѓето и денес сакаат да го споменуваат.< „Луѓето често мислат дека познатите луѓе живеат поинаку од другите. Толку се изненадени кога ќе ме видат на пазар во недела, исто како нив, како влечам вреќа со компири. Но, тоа е сосема нормално и ми се чини дека е добро зашто јас за сите овие години не поверував дека сум нешто посебно. Се сеќавам дека уште во средно училиште напишав дека најмногу би сакал да станам нормална и искрена личност, бидејќи ги има многу малку“ - ќе изјави тој. Првпат се оженил на само 22 години, а во овој 12-годишен брак го добил и првиот син Игор. По разводот од првата сопруга водителот решил по вторпат да застане пред олтарот, а љубовта со Билјана траела до нејзината смрт во 2004 година. Кога му се слошило, Кемал Монтено и Арсен Дедиќ, му помогнале и се погрижиле да му обезбедат место во болницата во Падова. Црниот дроб целосно му откажал, му била извршена трансплантација, а во исто време на сопругата Билјана и бил дијагностициран малигден тумор од четврти стадиум, кој веќе ги зафатил коските.Починал еден месец и неколку дена по неговата сопруга, не знаејќи дека таа веќе го чека таму некаде на небото. Вака изгледаше гостувањето на Лепа Брена кај Минимакс во една негова шоу емисија (КЛИКНИ ТУКА):

Морничаво претскажување или плетење легенди: Во емисијата кај Минимакс бил најавен крвавиот крај на Аркан? (ВИДЕО)

Антонио Димитриевски — Wed, 15 Jan 2020 12:09:22 +0000

Во средата, на 12 јануари, 3 дена пред убиството на Аркан, Цеца Ражнатовиќ гостувала кај Минимакс во емисија. Во публиката, во првиот ред седел Аркан. Носел црна кожна јакна од модерен крој. Срамежливо се насмевувал, повремено коментирајќи ги „бисерите“ на Минимакс. Веднаш по шоуто, тој посакал да се фотографира со Минимакс, Стефан Миленковиќ, Вук Бојовиќ, манекенката Катарина Ребрац, магионичарот Биг Лале и неговата сопруга. Едвај седумдесет часа подоцна, Аркан ќе биде изрешетан во фоајето на хотелот „Интерконтинентал“, во сабота, на 15 јануари 2000 година. Инаку, тој најмногу ја сакал саботата. Само тогаш си дозволувал да спие еден час подолго. А тоа утро по ништо не се насетувало зло. Тој појадувал со своето семејство. Потоа Цеца отишла да се види со сестра и Лидија, во нејзиниот ексклузивен бутик во хотелот Интерконтинентал, а Аркан да заврши некои ситнии работи. Велат дека бил видел како пие капучино во кафулето „Трозубац“ во улицата Нушиќева, попладнето. Купил неколку дневни весници во трафиката на автобуската станица на Теразије. Пото седнал со телохранителот во неговиот блиндиран џип и се упатил на ручек во хотелот. Се сретнал со неговиот стар пријател Миленко Мандиќ на влезот во Интерконтинентал. Приказната вели дека покојните Ражнатовиќ и Мандиќ, за кои биле кобни тие попладневни часови на 15 јануари, седнале во хотелското фоаје само за да ги пополнат тикетите со прогноза. Мандиќ, половина час пред пукањето, тргнал кон обложувалницата да ги уплати тикетите, но налетал на негов познаник кој се понудил да го направи тоа наместо него. За жал, Мандиќ се согласил и му препуштил на познаникот да го стори тоа... Двајцата, во друштво со Цеца и нејзината сестра Лидија, ручале во хотелскиот ресторан, а потоа седнале на кобната кожна гарнитура во хотелското фоаје. Ражнатовиќ се чувствувал безбедно во неговиот омилен хотел (тука се оженил, започнал бизнис, ја основа партијата, овој хотел му бил како втор дом). Телохранителот, велат, само една минута пред пукањето го испратиле да му ја донесе омиланата сладоледната торта што Аркан ја сакал толку многу. По трагичната смрт на Аркан, во јавноста се појавија вести дека за време на гостувањето на Цеца кај Минимакс на 12 јануари, Минимакс добил неколку пораки на пејџерот (тогаш немаше мобилни) кои го најавуваат убиството на Жељко, но водителот секако не ги ни прочитал. Еднатата, наводно, гласела: „Цецо, личиш на Гоца Божиновска“ (алудирајќи на убиството на Зоран Шијан, поранешниот сопруг на Божиновска), а другата: „Аркан, понеси си ја јакната, ладно е таму горе“. Овие приказни подоцна беа демантирани од Минимакс, но... Погледнете го видеото од последното појавување во живо на ТВ на Аркан: