Мими Јовановска – Вистина.мк

Со бебе на турнеја: Австралија ги пречека „Браќата Нуне“, Мими Јовановска и Дарко Билбиловски

Антонио Димитриевски — Thu, 22 Feb 2024 06:00:43 +0000

„Бендот на браќата Нуне“ и Мими Јовановска за прв пат заминаа на турнеја низ Австралија, а со нив замина и Дарко Билбиловски. Но, тие не се единствените патници, бидејќи со нив тргна и Никола, синчето на Мими и Филип, кое се' уште нема наполнето ниту една година. Ова е прво патување во Австралија на Мими и Филип и секако и Никола тргнаа на своето прво патување иако нема една година. Тие веќе стапнаа на австралиско тло, а Никола вистински уживал во долгиот пат, а сега ужива во убавото време и благодетите на базенот крај брегот на океанската шир. -Кога ја добивме поканата за турнеја низ Австралија, не ни помилувавме да тргнеме без Никола. Во Австралија ќе престојуваме месец и половина и не сакавме толку многу време да се оделиме од него. Никола е навикнат да функционира со музика и со прошетки, затоа и ова патување е долго, но нема да има никаков проблем, велат Мими и Филип. Ова патување не само што е прво искуство и за нив, туку и за нашинците кои ќе ја имаат привилегијата да ги слушнат во живо. А според најавите и според она што досега го имаат сработено има и што да се слушне. „Македонци, подгответе се за една поинаква забава, за нешто што многу ќе ви се допадне и што ќе го барате повторно“, се ветувањата на музичките ѕвезди,кои досега многу пати ја покажале нивната големина. „Бендот на браќата Нуне“, Мими и Дарко заминаа на покана на друштвото „Никола Карев“ од Мелбурн, друштво кое има традиција од половина век. На турнејата, која ќе трае месец и половна планирани се девет концерти. Првиот концерт е закажан за утре, на 23 фебруари во Волонгог, следниот ден се во Сиднеј, на први март се во Квинбиен, за осми март во Мелбурн и на девети март во Џилонг. Во Мебурн, како град во кој им најмногу Македонци планирани се уште два концерти и тоа на 15 и 16 март, а последниот концерт ќе се случи во Перт на 23 март. Тие имаат сосема поразличен концепт на концерти, нивните настапи се во боја и подготвуваат музичко шоу кое ќе се памети. Ќе се пее и свири исклучиво македонски песни и ора, секако забавни и народни. Песни од нашата богата ризница што одамна не ги слушнале. -Ова е прва средба мегу нас и нашинците во Австралија. Затоа ќе биде забава за публика од 7 до 77. Од од танго до чочеци. Сите жанрови на едно место, стари хитови, евергрини, но и модерна македонска музика. Затоа обединете се Македонци, дојдете во што поголем број на забава каква што немаат видено до сега, порачуваат музичарите. На настапот секако ќе има нивни авторски песни, инструментали, песни Васка до Есма. Мими нејзiната најнова песна „Мајко“ за прв пат на жив настап ќе ја промовира токму пред австралиската публика. „Мајко“ е песна посветена за сите нашинци кои се далеку од дома, за сите кои морале да ги напуштат родителите и да заминат во светот, што е приказна во која ќе се пронајдат тие, кои ја доживеале истата судбина. Фото: Архива/Инстаграм/mimijovanovskaa

Мими Јовановска испеа песна посветена на сите разделени деца и родители -„Мајка“ (ВИДЕО)

Антонио Димитриевски — Fri, 26 Jan 2024 06:53:01 +0000

„Не жали ме , мајко не жали ме, тоа што одам од тебе. Солзиве што капат по мене, знаат што се ќе помине. Далеку си ти од мене, но ќе дојде ден да не собереш...“ Ова е мал дел од зборовите искажани во најновата песна „Мајка“ испеана од Мими Јовановска, а кои при секое слушање предизвикуваат солзи. Песната е преемотивна балада, која Мими ја донесе совршено, каков што е и нејзиниот вокал. Музика и текстот се на Филип Нуне, а аранжманот е на Дамир Имери. Секој кој ќе ј слушне нема, а да не заплаче, бидејќи песната е посветена за сите деца и родители кои се разделени. Деца и родители, кои судбината ги однела на печалба далеку од дома. Тема, која не е посветена само на минатото, кога масовно се заминувало во странство. Напротив, оваа тема денес и тоа како е актуелна, бидејќи не постои семејство во кое некој од младите не е заминат во странство. Приказната во песната е вистинска и за авторот на текстот, Филип Нуне, и за пејачката Мими, кои исто така растеле далеку од родителите. -Растев далеку од мајка ми, таа живееше во странство, вели Мими, која на песната и даде невидена емоција, како што само таа знае и умее. Филип, и брат му Раде, кои се дел од „Бендот на браќата Нуне“, ја делат истата судбина. -Песната е поп балада, посветена на сите мајки чии деца се заминати во странство, но и за сите родители, кои заминале во странство, а децата ги оставиле на чување кај бабите и дедовците. Секој има некого во странство или дете или најблизок. Така и се роди текстот. Јас и брат ми исто така бевме одвоени од родителите, бидејќи ние живеевме со баба и дедо, а мајка ми и татко ми беа во странство. Кога ја направив музиката текстот сам се залепи, вели Филип и додава: -Таква емотивна е и приказната во спотот, кој го направи Даниел Јовески. Двајца браќа, едниот и е во срце а другиот во душа на мајката и таа ги пакува во два куфери. Но, на крајот животот ги влече еден кон друг. Не би сакал да ја раскажувам комплетно, бидејќи навистина вреди да се види. Песната е снимена со камерен оркестар, свират 23 виолини, а се работеше во две студија. Спотот е снимен во Охрид во куќата на Робевци и се се поклопи како треба. Изгледа навистина совршено, вели Филип. Спотот на Јутјуб беше промовиран вчера - четврток, 25 јануари 2024, а песната премиерно на жив настап ќе биде изведена пред нашинците во Австралија, бидејќи наскоро Мими и Нуне заминуваат на турнеја.

Македонската „Гранд“ ѕвезда Мими Јовановска и познатиот музичар во исчекување на приновата направија фотосесија за спомен: „Се’поблиску сме до најголемата магија“ (фото)

Слободанка Илиева — Fri, 07 Apr 2023 06:45:31 +0000

Mладата македонска пејачка Мими Јовановска од Велес публиката ја запозна по нејзиното учество во претходната сезона од регионалното музичко шоу „Ѕвездите на Гранд“, каде остави фантастичен впечаток со своите извонредни вокални извдби. Откако во 2021 година таа се сврши со познатиот музичар Филип Нуне и на раката го стави вереничкиот прстен, следеше и свадбената веселба минатото лето. Свршувачка, сбадба, па на ред доаѓа и бебе.

View this post on Instagram

A post shared by Mimi Nune (@mimijovanovskaa)

Мими е во поодмината бременост, а по примерот на познатите и тие одлучија да направат фотосесија за спомен од трудничките денви или како што викаат самите во исчекувањето на најголемата магија. -Ние сме поблизу од било кога до магијата од претворањето на љубовите пеперутки во човечко суштество, пишува во описот на фотографите каде позираат идните родители.

View this post on Instagram

A post shared by Filip Nune (@filip_nune)

Штркот наскоро ќе слета, дали ќе добијат момче или девојче, останува да видиме наскоро... фото:Инстаграм принтскин/станков антонио

Мими Јовановска има љубовно видео со посвета на првиот свадбен танц – „Приказна за нас“ (ВИДЕО)

Антонио Димитриевски — Fri, 16 Dec 2022 06:53:59 +0000

„Среќа е за мене да те имам и бескрајно сакам“ - вели Мими Јовановска во најновата песна „Приказна за нас“, за кој вчера беше промовиран спотот. Партнер на Мими, не само во приватниот живот, туку и во песната е Филип Нуне, кој ја направи музиката, текстот и аранжманот, додека спотот го направи Даниел Јовески. Снимен е на неколку локации во Скопје, но во него се користени и видеосегменти од нивната свадба. Оваа песна е дел од животот на Мими и Филип, се родила со нивна заедничка мисла и љубов, а беше отпеана на нивната свадба, пред три месеци, кога прв пат ја отпеа Мими. Љубовта што ја носат во себе ја преточија во песна, во која ќе се пронајдат сите заљубени. Приказна која е вистинска, инспирирана од нивната љубов и од убавите моменти кои тие ги доживувале. „Песна посветена за нашиот прв танц која опишува дел од нас , а верувам дека и многу млади парови ке се пронајдат во неа. Има многу емоции и љубов во неа, како што има во сите кои се сакаат“ - вели Мими. Дека оваа песна ќе биде прифатена покажа и најубавиот момент за нив двајца, кога решија свадбениот танц да го почнат со нивна песна, вистинска љубовна приказна, каква што е нивната. Погледнете го видеото на во продолжение (КЛИКНИ ТУКА):

Македонската „Гранд“ ѕвезда се омажи за познатиот музичар: Мими Јовановска и Филип Нуне направија сопствена песна за првиот свадбен танц (ФОТО)

Антонио Димитриевски — Mon, 18 Jul 2022 08:40:58 +0000

Mладата македонска пејачка Мими Јовановска од Велес публиката ја запозна по нејзиното учество во регионалното музичко шоу „Ѕвездите на Гранд“, каде остави фантастичен впечаток со своите извонредни вокални извдби. Откако пред речиси една година таа се сврши, кога нејзиното момче, познатиот музичар Филип Нуне на раката и го стави вереничкиот прстен, викендов Мими и Филип го кажаа судбоносното ДА и ја направија својата свадбена веселба. Иако невестата потекнува од Велес, по невеста се одело во Скопје, од заедничкиот стан во кој Мими и Филип веќе живеат, од каде тргна и целата церемонија... А како поинаку ако не со музика и свирачи! Заклетва пред Бога на вечна љубов млафдите дале во црквата Св. Димитрија лоцирана преку Камениот мост, на влезот во Старата скопска чаршија. Свадбената веселба во еден од напознатите и најатрактивни скопски локали во центарот на градот, каде најблиските, роднините и пријателите на младите и нивните семајства ја прославија венчавката. Првиот танц на младите е најатрактивен и секогаш се очекува со нетрпение. Изборот на песната, изведбата, споделените емоции... Во случајов на двајцата музички професионалци - беспрекрно! Имено, Мими и Филип за овој момент од нивната свадба одлучиле да создадат своја песна. Сопствена музика, стихови, аранжман, па песната самите ја отпеала Мими, ја снимиле и... Еве ја нејзината премиера на нивната свадба. Изведена во живо, отпеана и отсвирена од нив двајцата за првиот свадбен танц! Пејачката со микрофонот во едната рака, музичарот со свјата труба... И секако, заедничка прегратка при танцовите чекори како за почеток на свадбената веселба со останатите гости. А кога некој професионалец се мажи или жени, музичар или пејач(ка), сеедно тогаш мора да е повеќе од весело. Ако пак во муаиката се и обајцата, тогаш неизоставна е и песната, во случајов од грлото на невестата и свирката, овој пат со звуците на трубата на младоженецот. За музичка поддршка разбирливо, кој друг ако не колегите... И тоа најдобрите. Џамбо и неговата весела дружина, за расположението да кулминира, а невестета оро да поведе и чочек да заигра! А зетот, да покаже дека не е навикнат само бакшиш да прима, туку и бакшиш да дава, кога се работи за среќата на „негова глава“! Ако се познати младоженците, логично е на свадбата меѓу останатите гости да има и познати лица... Естрадни новинарки, пејачки, музичари... А тука е и неизоставната невестинска торта, да се подели за слободните да ги „фати маја“, па наскоро да се случи она... „И на нивна глава“! Се' на се', Мими Јовановска и Филип Нуне повеќе не се момче и девојка, туку отсега и официјално се брачна двојка. Нека се среќни, вечни и... многудетни! Фото: Инстаграм и Фејсбук принтскрин/mimijovanovskaa

Која од која е поубава: Мими Јовановска за првпат ја покажа сестра си (фото)

Христина Ѓоргиевска — Sat, 08 Jan 2022 08:33:35 +0000

Младата талентирана пејачка од Велес, Мими Јовановска стана позната по нејзиното учество во регионалното музичко шоу „Ѕвездите на Гранд“. Имено, кога Мими првпат се појави на сцената во „Гранд“, жирито не беше баш воодушевено, но Џенан Лончаревиќ прифати да биде нејзин ментор, па Мими во секој круг беше се подобра и подобра. Таа посебно воодушеви кога отпеја песна од Уснија Реџепова, па жирито стана на нозе и ја пофали дека така се пее. Мими од круг во круг беше се подобра, но испадна пред финалето. Во една прилика, таа истакна дека нејзината мајка ја пријавила за музичкото шоу. Велешанката е активна и на социјалните мрежи, па често знае да сподели фотографии од себе, или да отпее некој популарна песна. Кога пак станува збор за приватниот живот, таа не сака многу да зборува. Во една прилика, откри дека е во врска со Филип Нуне со кој е заедно повеќе од 3 години. Сепак, овој пат младата пејачка на „Инстаграм стори“ ја покажа си сестра си Марија Јовановска Двете сестри нашминкани, средни, дотерани, заедно позираа пред објективот на камерата. Сигурно во директни пораки добиле еден куп позитивни коментари за нивниот изглед. „Сестра“, напиша покрај објавата. Инаку, Јовановска неодамна го прослави својот 21 роденден. Дали пејачката ќе се пријави за следната сезона на „Ѕвездите на Гранд“, остнаува да видиме. фото: инстаграм/мими јовановска

Важен датум за неа: Мими Јовановска откри по што ќе ја памети 2021 година

Христина Ѓоргиевска — Fri, 10 Dec 2021 08:33:52 +0000

Мими Јовановска од Велес публиката ја памети по нејзиното учество во „Ѕвездите на Гранд“. Имено, Мими се пријави во музичкото шоу и со својот глас ги воодушеви жирито и публиката. Сепак, македонското девојче немаше доволно среќа и испадна од популарното натпреварување. На Мими можеби не и тргна во музичкото шоу, но и тргна во љубовта. Имено, кон крајот на летото таа кажа „да“ на својот партнер Филип Нуне. Овие радосни вести тогаш ги сподели младата велешанка и го покажа свршеничкиот прстен. [embed]https://arhiva.vistina.com.mk/kaza-da-se-svrshi-mimi-jovanovska-ova-e-nejziniot-izbranik-foto/[/embed] Остануваат повеќе од две недели до крајот на 2021-та година, а секој ќе ја памети по различни нешта, а цел свет ќе ја памети по пандемијата со коронавирусот која веќе трае две години. Иако има време до 31 декември, некои од познатите ги покажаа домовите во новогодишно руво, а некои ги сумираа впечатоците од 2021 година. Јовановска во кусите приказни на „Инстаграм“ објави по што ќе ја памети изминатата година. Имено, таа објави својата омилена фотографија од 2021 година, односна објави фотка од свршеничкиот прстен. Инаку, Мими и Филип се неколку години во врска, но пејачката ретко зборува за нејзиниот приватен живот. фото: принтскрин/инстаграм/мими јовановска

Македонската „Гранд ѕвезда“ со вереникот на Јонско море: Мими и Нуне уживаа во благодетите на животот на „меден месец“… на проба!? (ФОТО)

Антонио Димитриевски — Fri, 27 Aug 2021 08:11:23 +0000

Mладата македонска пејачка Мими Јовановска од Велес публиката ја запозна по нејзиното учество во регионалното музичко шоу „Ѕвездите на Гранд“, каде ги воодушеви и жирито и јавноста со своите фуриозни и беспрекорни настапи, преставувајќи се и себе и Македонија во најдобро светло. За приватниот живот не сакаше да зборува се додека не се дозна дека се забавува со познатиот музичар Филип Нуне(вски), од семејниот бенд „Нуне брадрс“. „Јас и Филип сме во врска, ете само тоа ќе кажам, не сакам многу да зборувам за тоа“ - изјави Мими во една прилика. Музичко-љубовната двојка на почетокот на август 2021 година имаше многу убав повод за славење и радост. Имено, Филип ја побара раката на Мими, а таа му кажа „ДА“ на нејзиниот избраник. Мими на својот Фејсбук објави фотографија од неа и Филип, на која го покажа и свршеничкиот прстен. „Милион пати – ДА“ - напиша таа како појаснување на фотографијата. И не помина долго, македонската „Гранд Ѕвезда“ заедно со својот сакан замина на одмор. Еден вид „пробен меден месец“. За дестинација ја одбраа Грција, поточно познатиот остров Лефкада, од каде Мими и Нуне споделија неколку заеднички фотографии, а „распеаната велешанка“ не пропушти да ги овековечи моментите на среќа и уживање и со неколку свои селфија.

View this post on Instagram

A post shared by Mimi Jovanovska (@mimijovanovskaa)

„Бидете благодарни, забавете и уживајте во животот“ - напишала Мими покрај летниот фотосеријал, очигледно задоволна и среќна од она што годината 2021-ва и го донесе во животот. Популарност, нови пријателства, повеќе настапи, крунисување на љубовта... Не е малку, особено не во време-невреме, на пандемија и економска криза, за кои Мими е доказ дека патиштата на животот се чудни. Некому за жал, солзи, некому за среќа, бисери...! Фото: Инстаграм принтскрин/mimijovanovska

Кажа „да“: Се сврши Мими Јовановска – ова е нејзиниот избраник (фото)

Христина Ѓоргиевска — Mon, 09 Aug 2021 09:01:54 +0000

Mладата македонска пејачка Мими Јовановска од Велес публиката ја запозна по нејзиното учество во регионалното музичко шоу „Ѕвездите на Гранд“. Иако во првиот круг, Мими не остави силен впечаток, па доби само еден глас од Џенан Лончаревиќ кој и беше нејзин ментор, во следните кругови Јовановска беше маестрална, па добиваше само пофални зборови од жирито. Пејачката стигна до пред финалето, но на музичка план е активна повеќе од кога и да било. Иако за музиката и музичките проекти е отворена да зборува јавно, за својот приватен живот не сака многу да открива детали. Имено таа е во неколку годишна врска со нејзиното момче Филип Нуне. „Јас и Филип сме во врска, ете само тоа ќе кажам, не сакам многу да зборувам за тоа“, изјави Мими во една прилика. Велешенката деновиве имаше многу убав повод за славење и радување. Имено, таа кажа „да“ на нејзиното момче. Мими на својот Фејсбук објави фотографија од неа и нејзиниот партнер, сега свршеник, а го покажа и свршеничкиот прстен. „Милион пати – да“, напиша таа како објаснување покрај фотографијата. Под објавата се нижеа честитки од нејзините следбеници, пријатели, колеги.... Ова е нејзиниот избраник. Честитки! фото: Инстаграм/мими јовановска

„Слушнав и прочитав многу“: Мими Јовановска се обрати јавно по излегувањето од „Ѕведите на Гранд“

Слободанка Илиева — Mon, 26 Apr 2021 07:22:31 +0000

Иако во актуелната сезона на регионалното музичко шоу „Ѕвездите на Гранд“ настапија и се уште се дел од натпреварот доста претставници од Македонија, велешанката Мими Јовановска се издвои во фокусот. Таа за многумина беше потенцијален финалист, но сепак во последната и најнова емисија од петтиот круг, Мими сепак не успеа да добие шест гласови од жирито, а со тоа пееше во бараж, каде пак не успеа да помине во следниот круг. https://arhiva.vistina.com.mk/radio-mileva/mimi-jovanovska-i-pokraj-site-pofalbi-od-zirito-ispadna-od-dzvezdite-na-grand-ti-izgledash-kako-holivudska-dzvezda/ Како што сега стојат нештата, Мими повеќе не е дел од „Ѕвездите на Гранд“, а по напуштањето на шоуто таа им се обрати на своите следбеници и обожаватели кои постојано и даваа поддршка, но и утеха по излегувањето.

View this post on Instagram

A post shared by Mimi Jovanovska (@mimijovanovskaa)

-Драги мои, ви благодарам од се срце за огромната поддрсшка после мојот вчерасшен настап на Ѕвездите на Гранд. Секој ваш коментар го слушнав, прочитав и многу ми значи. Ми значи успехот што го постигнав до денеска и тоа што вие несебично ме поддржувате. Ќе се потрудам и во иднина мојата енергија и песна да ја пренесам на сите вас! Ве сакам! – пишува Мими на својот Инстаграм. Во голем дел од коментарите кои осамнаа на нејзиниот профил стои дека Мими е победникот на оваа сезона. „Браво Мими, ти си мој фаворит“, „Ти си нашиот победник“, „Мими, непрабедно испадна“, гласат само мал дел од коментарите.

View this post on Instagram

A post shared by Mimi Jovanovska (@mimijovanovskaa)

Гранд продукција секогаш е непредвидлива во своите одлуки, така што нема да биде чудно доколку повторно ја повикаат Мими до крајот на шоуто.