„Proud“ го доби првиот милион, а ова се коментарите за настапот на Тамара Toдевска во финалето на Евровизија

Христина Ѓоргиевска — Wed, 22 May 2019 07:38:23 +0000

Иако во саботата заврши 64-то издание на Евровизија, впечатоците и коментарите за истата не престануваат да стивнуваат. Имено, Тамара Тодевска не претстави со песната „Proud“ и го освои осмото место, а досега тоа е најдобар пласман на Македонија на Евровизија. По неколку дена од финалето, евровизиската „Proud“ веќе доби повеќе од милион прегледи на „Јутуб“, а веќе неколку дена е во „трендинг“ на „Јутуб“.

Иако Тодевска не победи, многумина ја нарекоа морален победник. За нејзиниот настап во финалето на Евровизија постојано се пишуваат позитивни коментари од целиот свет. „Секоја чест Тамара, уби како пееше, песната е врв, а ти си преубава. Браво“, „Вака се пее и настапува, секоја чест. Штета што не победи“, „Тамара требаше да победи, срцето ми отиде во грло од среќа што цело време беше прва на листата. За нас, таа е наша победничка“, „Ја видовме Мадона, Тамара е многу подобра од неа“, „Мој победник за 2019. Благодарам Тамара за ремек – делото“, се само некои од коментарите на социјалната платформа „Јутуб“.

За потсетување, по враќањето од Тел Авив, Тодевска истакна дека таму остварила многу контакти и дека можеби од се тоа ќе испадне некоја соработка, а како што кажа следната недела има состанок во Бугарија за нова песна која ќе излезе пред летото. https://www.youtube.com/watch?v=0pAURAsum4A

Новата песна на Влатко Лозаноски направи милион километри, но дали нова девојка ги прави првите чекори во врската со пејачот? (ФОТО)

Антонио Димитриевски — Wed, 16 May 2018 07:17:46 +0000

Влатко Лозаноски последниве години убедливо е нашиот најпопуларен машки вокал. Тоа го говорат фактите огледани во радиопреслушувања на неговите песни, која од која поголеми хитови, наградите за апсолутно најпопуларен хит и пејач на македонскиот радиски фестивал „МАРС“, прегледите на неговите видеа...

Така, последниот спот за најновата песна „Километри“ за рекордно кусо време веќе достигна еден милион прегледи на Јутјуб, што е своевиден рекорд и податок за гордеење.

На нашата „Србинка“ Тијана Дапчевиќ песната толку и се допаѓа, што веќе најави дека ќе ја препее за српскиот музички пазар и пошироко за регионот.

Лозано пак, ионака скромен и молчелив по природа, откако ја растури врската и веридбата со сега веќе бившата девојка Савка Грачанин, за својот приватен живот воопшто не зборува. Овој пат љубовта и емоциите ги крие како змија нозете.

Сепак, понекогаш, понекоја постирана фотографија на некој од профилите на социјалните мрежи може да ги открие или барем наговести нештата...

Тогаш, дали девојката од фотографијата која пиејќи го кафето го крие својот лик со летното капче е таа, која ги прави првите чекори во новата љубовна врска со пејачот? Дали на Лозано му фали, тој мирис душа да му гали, или...?

Дали фотографијата е најава за безброј нови заеднички „километри во животот“ или само најава на нешто сосема друго, а сепак ново? Како на пример, новата песна и видеото кои треба да се појават наскоро по „Километри“!?

милион прегледи – Вистина.мк

„Proud“ го доби првиот милион, а ова се коментарите за настапот на Тамара Toдевска во финалето на Евровизија

Новата песна на Влатко Лозаноски направи милион километри, но дали нова девојка ги прави првите чекори во врската со пејачот? (ФОТО)