милена јовановска – Вистина.мк

Ленче Кукиќ малку се засрами, ама се изнасмеа од коментарот на Кеба со кој и поласка во „Никогаш не е доцна“ (видео)

Слободанка Илиева — Mon, 18 Mar 2019 09:18:21 +0000

Познатата фолк пејачка Ленче Кучиќ и прилепчанката Милена Јовановска има дуел во најновото издание на музичкиот натпревар „Никогаш не е доцна“. Лечне беше прва и пред жирито и публиката се претстави со песната „Галеб тажен“, додека Милена ја отпеа „Болиш и не пролазиш“.

Од дуелот според гласовите на жирито, оркестарот и публиката во студиото, победник беше Ленче која се пласираше во четвртиот круг, додека Милена остана на крајот во бараж, но сепак не успеа да продолжи понатаму во натпреварот.

Еден интересен момент беше коментарот на Драган Којиќ-Кеба кој беше специјален член на жирито, а во своето објаснување зошто гласа за Ленче кажа дека таа е подобра и од струмичка мастика.

На ваквиот ласкав коментар Ленче се изненади, но и слатко се изнасмеа. Иако и двете наши натпреварувачки беа пофалени дека се одлични пејачки, сепак Ленче беше првата кандидатка од Македонија која ќе ја гледаме и во наредните изданија на „Никогаш не е доцна“. https://www.youtube.com/watch?v=sHCCcquLS7s

Се бори како самохрана мајка, во животот ништо не и одело лесно, а сега оваа Македонка реши да промени сè преку „Никогаш не е доцна“

Слободанка Илиева — Mon, 04 Feb 2019 07:57:12 +0000

Вчерашната емисија од вториот круг на „Никогаш не е доцна“ ја отвори Милена Јовановска од Прилеп. Оваа натпреварувачка прво се претстави со песната „Додири од стакла“ од Нина Бадриќ, со која успаеа да ја разнежни публиката и да го воодушеви жирито. -Се гледа дека секој стих од песната ти е преживеан, тоа се чувствува во твоето пеење – коментираше Весна Дедиќ, а слично мислење имаше и Ацо Пејовиќ. -Пееше песна од жена која многу ја почитувам. Секоја Чест, многу убаво ја изведе. Се почувствува емоција во твоето пеење, кажа Ацо, а со него се согласи и претседателот Саша Милошевиќ Маре. Во ревијалниот дел Милена заедно со својата мајка Горица ја изведе народната песна „Море сокол пие“, а нивниот настап беше исклучително емотивен.

Имено, пред да запеат, Горица кажа дека е голема поддршка на ќерка си како во животот, така и во натпреварот, на што Милена одговори дека благодарение на мајка и денес е таква каква што е и порача дека многу ја сака. А кога ги соединија гласовите, беше јасно за кава поддрша и љубов се работи. Публиката во студиото и жирито ги поддржаа со аплауз и им честитаа на мајката и ќерката за одличниот настап. Инаку, Милена е самохрана мајка која има 11 годишен син. Во едно интервју откри дека таткото не сакал да го призне, но сега вели дека не ни мора. Иако има диплома на просветен работник, Милена иако аплицирала на многу работни места, досега институциите биле неми за тоа што сама одгледува дете и нема работа. Јовановска потенцира дека шоуто на позиртивно и го променило животот, па дури и ако не победи, таа ќе има само убави искуства и спомени. извор:grand.online

Ќе и дадете ли 45 години? Македонка „растури“ во „Никогаш не е доцна“

Христина Ѓоргиевска — Tue, 06 Nov 2018 08:46:29 +0000

Во емисијата „Никогаш не е доцна“, имаме прилика да гледаме и македонски натпреварувачи за кои не е доцна да го покажат својот талент. Претходната сезона ја одбележи 90 – годишната Добрила Ивановска Чабриќ од Дојран која со својата виталност и енергија го воодушеви регионот, но и победи во музичкото шоу.

Во последната емисија на музичкото шоу настапуваше и 45 годиншната Милена Јовановска од Прилип. Таа истакна дека од мала сакала да пее и дека има завршено средно музичко образование.

Инаку, Милена е самохрана мајка на својот единаесет годишен син. Во „Никогаш не е доцна“ ја изведе песната „Да је слаџе заспати“ од Даниела Мартиновиќ. Во црно фустанче и одличен мејкап Милена изгледа многу помладо и изгледа како девојче. Уште на самиот почеток на изведбата таа доби аплауз од публиката, а жирито имаше само пофални зборови. „Секако дека ви оди во животот и допрва ќе ви оди по гостувањето во оваа емисија“ изјави Сања Кужет која беше во емисијата.

Биља Крстиќ која исто така беше дел од жирито истакна дека Милена успеала да ги допре нивните срца.

„Многу ми се допаѓа што сте од Прилеп. Во Прилеп е роден најголемиот гитарист на сите времиња, Влатко Стефановски. Јас сакам Милена да дојде на мојот роденден на 9 ноември во „Комбак Арена“, да биде мој гост. Јас имам концерт, а Влатко Стефановски ќе ми биде еден од гостите на концертот“, изјави Биља. https://www.youtube.com/watch?v=Y6YR_URW3_Y foto:printscreen