мики секуловски – Вистина.мк

Талентиран за музика, ама не и за девојки: Мики Секуловски е ултра актуелен во регионот, но на љубовен план и не му е така сјајно (фото)

Слободанка Илиева — Mon, 04 Mar 2024 09:33:24 +0000

Велешанецот Мики Секуловски (36) од ден на ден станува се поакуелен не само кај нас, туку и пошироко во регионот, а се' тоа благодарение на неговиот талент кој го презентира преку „Ѕвездите на Гранд“. Доколку некој пред неколку години му кажеше на Мики дека ова ќе му се случува, веројатно немаше да му вррува. Со оглед на тоа дека во Македонија пред десетина години беше познат преку „Македонки Идол“, а започна и соло кариера, сепак, тогаш нештата не беа вакви или едноставно не беше вистинското време.

Сега дојде токму она за кое можеби повеќето улесници на „Ѕвездите на Гранд“ сонуваат и посакуваат, а тоа е да бидат редовно пофалени, увежени и поласкани од жирито како што тоа му се случува на Мики. Нема кого не би му годеле редовни комплименти, па и на Мики Велики како што му дадоа прекар судиите на популарното музичко шоу. Но, ако кога е музиката во прашање му тргна во петта брзина, на љубовен план е во лер. Мики во изјава за Гранд откри дека не се појавила вистинската или тој едноставно не се потрудил да ја најде. „Најверојатно се уште ја немам пронајдено вистинската. Имав некои семејни проблеми и останав во Белгија 5 години, бидејќи едноставно морав да останам. Но се вратив и одлучив да се пробам во „Ѕвездите на Гранд“ и живеам во Македонија. Има девојки во Македонија, само треба некој да се потруди да ги најде“ изјави Мики за Гранд. Јасно е дека девојките сакаат популарни ликови, особено музичари, така што Мики нема сомнеж дека наскоро ќе го огрее и без многу да се труди, а како што тргнале нештата може и не ќе мора да мрдне ни со прст. За потесетување, братот на Мики неодамна стана татко, па можеби ќе повлече нога во семејството Секуловски и ќе му се посреќи и на Мики што поскоро да се скраси со понежна половина. фото:Instagram printscreen/ mikisekulovski

Саша Поповиќ го потсети Мики Секуловски како почна, а до каде е денес: „Сега си ѕвезда, но полека“ (видео)

Слободанка Илиева — Thu, 29 Feb 2024 09:46:36 +0000

Велешката Гранд ѕвезда Мики Секуловски, во актуелната и најнова сезона на популарното регионално шоу е еден од нај коментираните и најпофалените учесници. Мики е меѓу повозрасните натпреварувачи и фаворит за финале, а како веќе искусен учесник по вакви музички талент шоуа, многу добро знае како да се постави и издоминира на сцената. Во шестиот круг од натпреварот на „Ѕвезде Гранда“, нашиот Мики „Велики“ повтоно ги освои сите гласови од жирито, односно со сите шест дитектно се пласираше во седмиот круг. По неговото импресивно и моќно вокално претставување, директорот Саша Поповиќ сакаше малку да го спушти на земја, иако Мики во неколку наврати кажа дека не се гледа себеси како победник, барем засега. Поповиќ се присети дека Мики во првиот круг на сцената излегол со брзи чекори и како да воопшто не се претставува пред милионски аудиториум, за разлика од сега кога ноншалантно чекори на сцената, полн со самодоверба и сигурен став. Саша стана од својата фолелја и почна да го имитира Мики од неговите почетоци, на што тој љубопитно и изненадено гледаше и слушаше што ќе каже и направи Поповиќ. На крај и двајцата заедно со публиката се изнасмеаја, а Саша кратко и јасно му порача: „Сега си ѕвезда, но полека“ – сугестија која веруваме дека Мики и покрај сите ласкања преферира да ја задржи својата скромна страна. Видеото од овој дел можете да го погледнете на 28:50 фото:Instagram printscreen/ You Tube Zvezde Granda

Мики Секуловски повторно издоминира на сцената на „Гранд“, а неговиот импресивен настап ја збуни новата водителка Ана Севиќ (видео)

Слободанка Илиева — Mon, 26 Feb 2024 09:20:52 +0000

За македонските фанови и гледачи на музичкото шоу „Ѕвездите на Гранд“, од емисија во емисија станува се’ повозбудливо. Па така, од најновото и последнио саботно издание првиот музички дуел од шестиот круг го отворија Алмри Делиќ и нашиот Мики Секуловски кои грмеа на сцената, а многумина коментираат дека нивниот настап е судир на два титани. Ова беше истовремено и дуел на фолк и рок, а колку беа добри на сцената говорат и големиот број гласови на стручното жири, особено на македонскиот кандидат кој редовно прави вистинско шоу на сцената со секое свое појавување. Мики победи на овој дуел, со шест гласа, додека Амир пет. Ана Севиќ по настапот се збуни, па рече дека и двајцата натпреварувачки освоиле максимален број гласови. Саша Поповиќ веднаш ја поправи и и’ рече да погледне подобро, а Ана веднаш се поправи. - Шест, шест честитки, момци. Мора да го направиме тоа повторно, грешка. Извини, не видов добро - рекла Ана, а Саша веднаш се пошегувал: - Пак нема ништо! Ова е интересна работа, се гледа дека кај нас нема повторување. Ана, гледаш, па броиш убаво, сугерираше Поповиќ низ шега во коментар за новата водителка Ана Севиќ. Мики како и сите претходни кругови ги доби сите пофалби на жирито, простор за забелешака немаше, а веќе од порано стана јасно дека наш Мики вели е фаворит за финале, ако не и победа. фото:You Tube printscreen/ Zvezde Granda

За Мики Секуловски од пеење никогаш доста: Во два по полноќ свесно реши да ги буди комшиите (видео)

Слободанка Илиева — Sat, 24 Feb 2024 09:10:06 +0000

На актуелниот учесник во „Ѕвездите на Гранд“, велешанецот Мики Секуловски, ѕвездите му се наклонети повеќе од кога било. Мики е еден од најпофалените натпеварувачи во ѕвездите на Гранд, па иако и претходно имал големи успеси во шоуа за таленти, овој пат се чини дека за него дојде вистинското време.

За Мики не мора да има договорена тезга, снимање во Белград или слично, на талентираниот велешанец никогаш не му е доста од песна. Тоа го покажа и во едно од своите најнови видеа кое се најде на неговите профили од социјалните мрежи. Па така, иако беше два по полноќ, Мики качен на блакон под отворено небо со гитра во рацете, доби желба да ги искаже своите емоции и моментално расплложение, а како ако не поинаку, туку преку песна. „Рано је за тугу“ од Харис Џиновиќ беше изборот на Мики, рано наутро, но не рано и за пена и тоа отпеана со „полна гас“. Сопирачки за Мики немаше се додека не си го направи меракот, својот, а и на оние кои му правеа друштво кое без сомнеж уживаа. https://youtube.com/shorts/1q32Ldzwx58 Свесен дека ќе ги разбуди комшиите, кои веројатно навикнале Мики да им пее, а за овој утрински испад веројатно ќе му прогледаат низ прсти на популарниот сосед. -Ги разбудивме комшиите“, напиша во описот, а во прилог стави и насмеани емотикони. Се надеваме дека откакло Мики по бурната ноќ се наспа, а и на соседите им беше доволно сон, при првата средба немаше проблем, туку потреба само од едно извинување. фото:Instagram printscreen/ mikisekulovski

Мики Секуловски разврза јазик за својата манторка Цеца Ражнатовиќ: „Мислев дека е поинаква“ (фото)

Слободанка Илиева — Tue, 20 Feb 2024 08:23:08 +0000

Минатиот викенд нашиот кандидат во „Ѕвездите на Гранд“, велешанецот Мики Секуловски, уште еднаш го шармираше и жирито и публиката која ја освои со својата неверојатна изведба, за која беше награден со максимален број гласови и директен пласман во следниот, шести круг. И покрај тоа што врз него беа опсипани само пофалбите на жирито, Мики признава дека не е од оние кои лесно се креваат со комплименти. - Задоволен сум. Може да биде подобро. Секогаш сум доста самокритичен и секогаш мислам дека можам повеќе. Добро беше, но не и идеално, би го оценил четири од пет - истакна Секуловски.

За разлика од многу натпреварувачи кои макотрпно се подготвуваат и размислуваат за секој чекор што ќе го направат на сцената, Мики во дадениот момент се предава на своето чувство. - Уживам кога сум на сцената. За мене проблемот е зад сцената и се останато освен кога сум на сцена. Штом го земам микрофонот, се ми оди природно и спонтано. Обично не вежбам и не се подготвувам, но ме занесува адреналинот – објасни тој за Гранд. И покрај бројните пофалби и коментари дека е еден од фаворитите за финалето, тој тврди дека не размислува за победа.

- Искрено, немам никакви очекувања бидејќи сум самокритичен и можам да судам и без жири. Мило ми е што им се допаѓаат моите интерпретации, па ќе видиме до каде ќе одам - изјави пејачот. Од Гранд за кои наедно и зборуваше, се интересираа Мики да открие и како се разбира со неговата менторка Цеца. - Не очекував толку позитивни реакции и коментари, многу ме радува тоа, особено од Цеца, која ми е ментор. Таа е одлична жена, додека не ја запознав мислев дека е недостапна, а од моментот кога се запознавме веднаш сфатив дека е поинаква и вистински професионалец - објасни Мики. Натпреварувачот, кој неколку години беше келнер во Белгија, откри зошто порано не си ја пробал среќата во „Ѕвездите на Гранд“. - Во Белгија живеев пет години. Имав семејни проблеми кои се случија и кога тие се разрешија решив да се вратам и да пробам музичка кариера – изјави Мики за Гранд. За потсетување, Мики Секуловски македонската јавност за првпат го запозна на првото македонско музичко шоу за таленти „Македонски Идол“ каде беше финалист, а подоцна започна и соло кариера и издаде неколку песни и спотови по кои го снема од музичката сцена. Фото: Printscreen You Tube/ Zvezde Granda/ Instagram/ mikisekulovski

Македонска доминација во „Ѕвездите на Гранд“: Мики и Андријана покажаа дека победата повторно може да биде наша (видео)

Слободанка Илиева — Mon, 12 Feb 2024 11:47:00 +0000

Жирито на „Ѕвездите на Гранд“ не ретко знае да каже дека Македонија е најплодната почва на музички таленти, па дури и дека им е чудно да сретнат Mакедонец кој не знае да пее. Оваа сезона на шоуто како и останатите претходни имаме кандидати со импресивни настапи кои секогаш оставаат силен впечаток, го освојуваат жирито, а и регионалната публика.

Во измината и најнова емисија на сцената настапуваа тројца македонски кандидати: Мелиса Зијадиќ, Мики Секуловски и Андријана Петрушовска. Комплетна доминација на сцена направија најпрвин Мики со освоени шест гласови за директен пласман, а по него при крајот на шоуто пееше и Андријана. Атрактивната црнокоса исто така имаше инпресивен настап со изведбата на „Црно и бело“ од Калиопи каде уште еднаш покажа дека за неа вокално нема преголем залак, па повторно се пласираше директно во следниот круг. Мелиса за разлика од нив оваа емисија немаше наклонетост од жирито, а особено доби модна критика дека направила лош избор, за неа не и беа позитивни коментарите ниту околу комплетната изведба.

Мики Велики, како што го нарекуваат уште еднаш ја затресе сцената со својот моќен вокал, рокерскиот став и избор на песни со кои постјано докажува дека најмногу му лежат.

Андријана пак, како минатогодишна финалистка, очекувано добива ласкави коментари и тоа дека таа е комплетен пакет на сцена каде што се чувствува самоуверено и искусно.

Македонија од претходните сезони имаше двајца победници, Ристе Ристески и Славица Ангелова, па ако судиме од излагањата на жирито, а и од оние на публиката на социјалните мрежи, Мики и Андријана се новите победници без да се оди во понатамошните кругови до финале. Со нивните настапи секогаш изгледа како да е финале, а македонската публика може да биде горда на своите претставници кои гризаат најјако. Настапот на Мики можете да го погледнете од видеото на 1:53, додека на Андријата од 2:14 минути. фото:Instagram printscreen/ podrska_takmicarima andandrijanapetrushovska/ You Tube printscreen/ /Zvezde Granda/ mikisekulovski

Штркот слета: Семејството на Мики Секуловски стана поголемо – пејачот од „Ѕвездите на Гранд“ горд за новата животна улога (фото)

Слободанка Илиева — Thu, 08 Feb 2024 08:31:36 +0000

Актуелниот учесник во „Ѕвездите на Гранд“, Мики Секуловски има убава и голема причина за веселба и славење. Имено, семејството на Мики стана поголемо, а тој доби важна животна улога, стана чичко на внуче од неговиот брат. За убавата вест Секлуловски се пофали на кусите приказни на социјалните мрежи, каде и самиот им честиташе на тазе родителите кои го добија најубавиот дар од Бога. Секуловски станаа побројни, чичо пресреќен, а се разбира и баба и дедо. Ова е една од најубавите причини за веселба и забава во домот на Секуловски, а за пеењето се знае кој би бил задолжен ако не Мики.

За потсетување, Мики Секуловски е еден од најпофалените кандидати од актуелната сезона на регионалното музичко шоу „Ѕвездите на Гранд“, негов ментор е Цеца која неодамна му понуди и да запее на нејзин концерт. Честитки за чичо, нека е здраво и живо внучето! фото: Facebook/ Miki Sekulovski/ Instagram printscreen/ mikisekulovski

Мики Секуловски доби повик од Цеца што не се одбива: „ Знаете која е и што е на овие простори, ќе ми биде чест и задоволство“ (фото+видео)

Слободанка Илиева — Wed, 24 Jan 2024 08:29:51 +0000

За велешката „Гранд“ ѕвезда Мики Секуловски се пишува и во домашните медиуми, а и во регионот. Причина за тоа се маестралните изведби на Мики во „Ѕвездите на Гранд“ од кои е на сигурен пат до финалето на најгледаното и музичко талент шоу. По последното и најново претставување на големата сцена и пред големите музички ѕвезди од жирито, Мики за „Гранд онлајн“ ги сподели впечатоците и проговори за соработката со Цеца Ражнатовиќ која е негова менторка. Мики не крие дека е многу изненаден од начинот на кој Цеца работи со кандидатите. - Цеца е одлична личност, не очекував да ме почитува, таа веќе е бренд на Балканот. Не очекував да биде толку пријателски настроена кон кандидатите, да помага и да дава предлози, па пријатно сум изненаден од неа - изјави Мики, а потоа искоментира дека Цеца рекла дека ќе и биде гостин на еден од следните концерти: - Боже, не знам. Едноставно сум почестен. Сите знаете која е Цеца, што е на овие простори, па ако има можност да гостувам на нејзиниот концерт, ќе ми биде чест и задоволство. Секуловски во разговорот се осврна и на останатите членови на стручното жири, кои му оставија многу силен впечаток. - Нивните комплименти ми значат многу. Најважен е изборот на песната, така што повеќе време посветувам на изборот на песната отколку на вистинската пракса. Коментарите во Македонија се одлични, па моите профили на Фејсбук и Инстаграм „пукнаа“ - рече тој и откри што може да очекува публиката од него во продолжението на натпреварот:

- Да бидам искрен, би сакал да сменам нешто во репертоарот. За да не е само поп-рок стил, можам да отпеам некои наши стари македонски песни. Значи не знам, би сакал да пробам, не знам какви ќе бидат реакциите - потенцира Секуловски за Гранд онлајн. фото: Printscreen/ Grand.online/ Instagram/ mikisekulovski извор:Grand.online

Мики Секуловски доби пофалби од жирито како ниеден кандидат досега: „Ти си сигурен финалист“ (видео)

Слободанка Илиева — Tue, 23 Jan 2024 08:00:40 +0000

Во „Ѕвездите на Гранд“ македонските кандидати отсекогаш биле и важеле за едни од најдобрите во шоуто. Таков е случајот и сега со учеството на велешанецот Мики Секуловски кој кога и да се појави на сцена го фрла жирито во транс. Во изминатотот издание тој со неговото и повеќе од одлично претставување беше ставен на пиедестал од страна на жирито кое и овој пат го гледаше и слушаше нашиот Мики со восхит. Го нарекоа дури Мики Велики, а имаа уште доста ласкави епитети кои и тоа како му годеа, а богами и му донесоа поени дури и за следните претставувања. Како и секогаш, така и овој паат Мики го фрли во сенка својот противкандидат Мирза Чаушевиш кој иако бeшe добар во изведбата, му се погоди пресилен противник. -Бевте добри, се боревте, но покрај вас е кандидат на кој сцената му е дом, микрофонот е љубов, а вие така можете да го видите и слушнете. Браво, изјави Марија, додека Босанец додаде дека Мики е ајкула. Ниту Ѓорѓе Давид не го криеше својот ентузијазам, предвидувајќи му голем успех. - Кандидат број еден, само твоја несреќа е што налета на Гозила, но ми се допаѓа бојата на твојот глас. Македонче, мислам дека најприродната состојба ти е кога спиеш и кога пееш. Сигурно си финалист оваа година, кој ќе го оспори нека си оди дома. Подготвени си за албум, можеш да пееш кој било кавер, малку пејачи го можат тоа - објасни рокерот. За Ана Бекута Мики е пејач со став, а Вики Миљковиќ и Снежана Ѓуришиќ се согласија со пофалбите. Цеца пак, гордо им се заблагодари на колегите што го препознале талентот на Секуловски, за кој тврди дека е волшебно освежување, а исто така и дека е пресреќна што го има Мики во својот тим. После многуте вакви пофалби јасно е дека Мики е на пат до победа, тој и Андријана Петрушовска се голема надеж дека летово Македонија ќе однесе уште една победа во „Ѕвездите на Гранд“!

фото: Instagram printscreen/mikisekulovski/grand.online

Жирито во „Ѕвездите на Гранд“ со восхит го слуша и му ласка на велешанецот Мики Секуловски, а еве како изгледаше и звучеше пред 14 години на „Македонски Идол“ (видео)

Слободанка Илиева — Thu, 23 Nov 2023 06:54:49 +0000

Со изведбата на „Сонце за три светови“, велешанецот Мики Секуловски го освои жирито во тековната сезона на „Ѕвездите на Гранд“, а истото воодушевување го доби и од следните претставувања. Коментарот дека е најдобар меѓу досегашните учесници кои пеат рок песни, му го кажа Марија Шерифовиќ, што беше сосема доволен знак дека Мики заслужено ќе го гледаме и во останатите изданија од оваа сцена, a ништо поскромни не беа ниту останатите членови на жирито. Некои можеби се сеќаваат на него, а некои можеби и не, но за Мики музиката секогаш била на прво место, освен кога пред шест години заминува во Белгија каде работи како келнер со цел да му помогне на своето семејство. Дури и тогаш песната и натпреварувачниот дух не го напуштаат, па и таму се пријавува на белгиското издание на „The Voice“. За Секуловски музиката никогаш не тргнала од музичките шоуа, туку напротив, тој има завршено средно музичко, а денес е дипломиран оперски пејач. Неговиот живот секогаш се движи во ритамот на музиката, некогаш во побавно темпо, а некогаш ултра забрзано. Така му беше и пред 14 години кога за инстантно време стана популарен како финалист во македонското музичко шоу „Македонски Идол“. Тогаш на истата сцена се натпреваруваше со: Билјана Ѓошева, Јана Бурческа, Виктор Апостоловски, Иван Раденов... Таа приказна заврши, а Мики продолжи во кариерата, сними неколку песни, а имаше и фестивалски претставувањa. Но, кога ќе те снема извесен период, кај нас толку треба за да те подзаборават, се додека не се случи нов бум, како сега со „Ѕвездите на Гранд“, нова прилика, нова шанса, нова реклама и актуелност. Македонците досега биле едни од најуспешните во актуелното шоу, а веруваме дека и Мики е на пат кон врвот, а оваа приказна ќе му заврши далеку поуспешно од претходните. фото: Facebook/Miki Sekulovski/ printscreen You Tube/Zvezde Granda видео: You Tube