мики црнокрак – Вистина.мк

Дали се потценува машкоста во модната индустрија? (ВИДЕО)

Антонио Димитриевски — Thu, 14 Jul 2022 06:26:02 +0000

Убавина, грациозност став и добра линија, се дел од предусловите за манекените и манекенките да бидат секогаш и секаде барани. Но, честопати манекените и машките модели поинаку се третирани од нивните колешки, помалку платени, па дури и потценети.

Дали се потценува машкоста на мажите во модната индустрија? Ќе дознаете само во истражувањето кое го направи естрадниот магазин Бекстејџ. На оваа тема зборуваат Мики Црнокрак, Алек Наумовски и манекенот Христијан Стојаноски. Слушнете ги нивните мислења за тоа дали машкоста во модната индустрија се потценува?

Мики Црнокрак: „Пред Светлана глумев фраер, а од трема во кола ни муабет не ѝ правев“ (ВИДЕО)

Антонио Димитриевски — Sat, 21 May 2022 08:00:09 +0000

Мики Црнокрак сите овие години е синоним за мода, жени и убавина. Некогаш еден од водечките манекени, потоа се до ден денес, сопственик на модната агенција „Црнокрак“ низ која поминале речиси сите познати манекенки. Не планирал да стане манекен, ама случајно го откриле на брод на кој бил со друштво додека пловеле по Јадранот. „Имаше некоја ревија на бродот, ама се разболе еден од манекените. Ме прашаа дали сакам да го заменам, па јас кога видов еден куп разголени жени, згодни на бродот, одма прифатив. И така почна сè“, раскажува Црнокрак за „Репортер“. За убавите времиња кога тој беше манекен вели: „Тогаш никого не го интересираше хонорарот, сè беше од љубов“. Мики е во брак со Светлана 25 години. Љубовната приказна која почнала одамна ни ја раскажа со многу емоции. „Кога разбрав дека треба да ја земам со кола Светлана и да одиме накај Битола, нозе ми се пресекоа. По пат не ѝ правев муабет за да глумам фраер, ама во Битола се случи хемијата“, искрен е Мики. Денес имаат две ќерки Нина и Моника кои се 13 години разлика, кои исто така тргнаа по стапките на своите родители. За разликата во годините на ќерките, Мики вели: „Па интересно е во исто време да си и во градинка и на факултет“. Со Црнокрак зборувавме за неговата работа. Цел живот е опкружен со жени. „Остај, од сегде жени, и дома и на работа. Ма и кучето дома ни е женка“, низ насмевка вели Мики. Не го крие разочарувањето од денешните манекени. Вели има убави и згодни девојки денес, но според него повеќето имаат недостаток на домашно воспитување и култура. „Немаат почит. Ќе дојдат мали со 12 години, ќе вложуваш во нив за кога ќе пораснат да ти се врати, оти ние живееме од тој процент и кога ќе се осетат големи, вртат грб. Ние имаме стратегија за нивната кариера, а надвор да успееш не е баш така лесно“, вели Мики, кој има лиценца од преку 40 интернационални избори за убавина. Со Мики зборувавме сешто. Зошто е разочаран од денешните манекенки, како реагира Светлана оти постојано е со жени, зошто 35 години е на диета, од каде е презимето Црнокрак, за загубата на неговата мајка, за деновите кога бил центарфор во фудбалски тим во Австралија. За времињата кога тој беше еден од водечките манекени, за љубовта со Светлана, за родителите, зошто е југоносталгичар... Гледајте го интервјуто.

Сите на плажа само тој во ски центар: Мики Црнокрак ги полни батериите во Дубаи (фото)

Христина Ѓоргиевска — Mon, 31 May 2021 07:07:05 +0000

Иако календарски се уште не е лето, летната сезона и летните одмори за некои започна. Некои од познатите го искористија слободното и топло време за да заминат некаде на плажа, па така досега имавме прилика некои од познатите дами да ги видиме во бикини. Некои се одлучија за домашен терен, а некои одбраа дестинација надвор од Македонија. Меѓутоа, сопственикот на модното студио Црнокрак, Мики Црнокрак својот одмор го користи за да ужива во Дубаи- дестинација каде што летуваат повеќето уметници од српската естрада. Имено, тој во кусите приказни на „Инстаграм“ сподели како го поминува времето. Додека многумина ги полнат батериите на плажа, Мики Црнокрак ужива на снег. Според објавените фотографии на „Стори“, Мики својата посета во Дубаи ја искористи и за да посети ски центар и да поужива во снегот. Инаку, познато е дека Црнокрак е љубител на скијањето, па така традиционално секоја година е редовен скијач во некој ски центар.

Прослава во домот на Светле и Мики Црнокрак: Maлата Нина порасна во прекрасна принцеза

Христина Ѓоргиевска — Thu, 29 Oct 2020 08:26:25 +0000

Познатата македонска модна двојка и сопственици на модното студио „Црнокрак“, Светлана и Мики Црнокрак деновиве има повод за семејно радување кој го прославија во кругот на семејството. Имено, Светле и Мики Црнокрак го прославија 9иот роденден на нивната помала ќерка Нина која во принцеза. Токму, поради тој повод, се огласи Мики на својот Инстаграм каде што сподели неколку фотографии со семејството, а малата Нина имаше и шминка на себе, па изгледа прекрасно и вистинска убавица. „Среќен 9ти роденден на нашата принцеза Нина“, напиша Мики во описот на објавата на која позира заедно со сопругата и ќерките. Девет годишната Нина доби и роденденска торта – фламиго, а нема сомнеж дека мама и тато се среќни и горди на своите наследнички. Под објавата се нижеа бројни коментари со честитки, а меѓу нив и оние на македонската мисица Кристина Димтриевска која напиша – Среќен, како и на Снеже Велков која им поласка - Ај колку сте најубави!Да сте живи и здрави и секогаш вака”. Среќен роденден!

Како друг човек: Мики Црнокрак извади фотографија од архива – ќе го препознаете ли во вакво издание? (фото)

Христина Ѓоргиевска — Thu, 16 Jul 2020 07:10:44 +0000

Сопственикот на модносто студио „Црнокрк“, Мики Црнокрак е активен на социјалните мрежи, па знае да објави што има ново на професионално поле, но некогаш знае и да сподели и некој приватен момент. Мики е љубител на скијањето, па на неговиот „Инстаграм“ профил може да забележите неколку објави на кои покажува како ужива во зимиските авантури. Иако летната сезона е отворена, па јавните личности се расоблекоа на домашен терен, Мики се уште не се пофали каде го поминува летото. Меѓутоа, во изминатиот период за време на вонредната состојба, изолација, карантин поради короната....јавните личности на своите профили на интернет платформите споделуваа спомени од нивното детство, венчавки, родендени... И Мики деновиве се потсети на некое друго време односно извади фотографија од архива на која можеби нема да го препознаете. На фотографијата тој е со црна коса, подолга коса, облечен во црно одело, а во описот на објавата напиша: „Од 20тиот век“. Би го препознале ли Мики во вакво издание?

Скршен од тага: Почина мајката на Мики Црнокрак

Слободанка Илиева — Thu, 21 May 2020 06:40:10 +0000

За семејството Црнокрак вчерашниот ден беше особено тежок, изгубија близок и сакан член на семејството. Мики на своите профил на социјалните мрежи објави дека починала неговата мајка, која како што напиша во објавата, иако целиот живот била борбена мајка, сопруга и баба која никогаш не се предава, сепак ја изгубила оваа битка. „Мојот најголем борец! Мојот херој! Извојува многу животни победи, никогаш не се предаваше, живееше за нас, да има секогаш се за нас, за неа не мора... Сепак последната битка не ја издржа... Почивај во мир мајко мила.“ Скршен од тага, Мики објави и фотографии од мајка си Василка, а стотици пријатели му изразија сочувство за загубата. Од својата свекрва се прости и Светлана Црнокрак. „Моја втора мајко.Почивај во мир, напиша таа на својот Фејсбук профил. Инаку, родителите на Мики во 2017 година обележаа 50 години брак.

Кристина Димитриевска е најубава „девојка од карантинот“ на светот: Македонската убавица онлајн се закити со светска титула – „мис четири ѕида“!

Антонио Димитриевски — Mon, 18 May 2020 07:42:39 +0000

Македонката Кристина Димитриевска е најубавата „девојка од карантинот“ на светот! Таа вчеравечер, 17 мај 2020 година ја понесе оваа онлајн титула откако беше избрана за најубава меѓу 15 претходно избрани девојки кои беа селектирано од 250-те пријавени од 50 земји во светот. Коронавирусот го стави во фаза на мирување речиси целиот свет, но кога станува збор за изборите за убавина, организаторите и убавиците ширум светот не се откажаа од намерата да се избере најубавата, па водени од максимата дека токму „убавината ќе го спаси светот“, се решија да го направат изборот за „Мис карантин на светот 2020“. Изборот „Мис карантин на светот“ беше во организација на „Gecjan Fashion Group“ од Приштина, додека коорганизатори на овој необичен избор беа и модното студио „Црнокрак“ од Македонија и „Tugce Sarykaya Dagistan“ од Република Турција. Изборот за најубава светска „девојка од карантинот“ одеше директно онлајн од 21 часот на Фејсбук социјалната мрежа, како и на фреквенцијата на “ТВ-21“, која се гледа во Македонија. Полноправен член на жирито бешее и нашиот Мики Црнокрак, кој е еден од иницијаторите и организаторите на изборот, кои и во вакви, „ненормални“ услови, сепак успејаа да организираат уште еден респактибилен настан, овој пат како онлајн ивент. Со оваа победа, атрактивната тетовка и бивша сопруга на Даниел Кајмакоски, по Мис Глоуб и Мис Балкан во 2019, годинава се закити со уште една титула за убавина: „Мис карантин 2020“, што покажува дека дилемата да се биде манекенка, мисица и модел или пејачка, полека како да се расчистува. Победите на изборите за убавина наспроти неубедливото и безлично пеење и тоталната естрадна незабележителност, веројатно самите ќе и го покажат патот во кој правец треба да ја гради својата кариера, без да прави непотребни експерименти и екскурзии... на умот! Од друга страна пак, „Модното студио Црнокарак“ уште еднаш ја потврди својата не само домашна доминација во светот на модата и организацијата на модните ивенти, туку и високиот и респектибилен рејтинг кој го има и надвор од границите на Македонија. Како и да е, корона пандемијата не натера на уште еден, за среќа успешен експеримент, со кој мораме да му се прилагодиме и адаптираме на „новото време“, па така ја добивме и првата светска „убавица меѓу 4 ѕида“... „Мис карантин 2020“ - Кристина Димитриевска!

Разголен и потемнет како среде лето: Ќе позавидите како Мики Црнокрак ги минува деновите(фото)

Слободанка Илиева — Fri, 10 Apr 2020 08:05:02 +0000

Календарски дојде пролет, надвор еден ден владеат зимски температури, а еден ден наликува на пролет, потоа паѓа снег, па дожд... Меѓутоа, снегот кој наврна, особено повеќе на планините, ја продолжи сезоната за скијање, па иако е време на пандемија, љубителите знаат да уживаат во авантурата на снег, чистиот воздух и мирот без гужва како вообичаено, а особено уживаат оние со викендички на такви места. Познато е дека Мики Црнокарак е голем љуботел на скијање, планина и снег, па не го пропушти ова гратис ужување во април од природата. Тој деновиве скијше на Попова Шапка, а сега е на убавото снежно и сончево Маврово од каде објавува фотографии на социјалните мрежи. Работата со манекенките, изборите за убавина, патувањата низ светот, како дел од работата на Мики, ќе почекаат. Сончање, јакнење имунитет, позитивна мисла и здрав живот, ова е девизата на Мики.

Адреналинот на највисоко ниво: Мики Црнокрак среде февруари ужива во зимските лудории (видео)

Христина Ѓоргиевска — Fri, 14 Feb 2020 08:57:40 +0000

Календарски се уште зима и надвор еден ден владеат зимски температури, а еден ден наликува на пролет. Меѓутоа, сезоната за скијање веќе одамна е отворена, па многу од јавните личности ги подготвија скиите и заминаа во некој ски центар за да уживаат на снегот. Некои го направија тоа веднаш по новогодишните празници, а некои сега се одлучија да заминат на зимско уживање. Банско, Боровец, Копаоник, Шапка… семејството Црнокрак секоја зима е на терените. Имено, кон средината месец декември Мики Црнокрак заедно со неговата сопруга Светле и двете ќерки уживаа во зимската идила на Копаоник, Србија. Меѓутоа, деновиве Мики надвор од обврските и секојдневните активности повторно се впушти во зимска авантура. Тој повторно се качи на скии, а моментот додека скијаше го објави на својот „Инстаграм“ профил. „Ајмо“ вели во видеото и ја сними прекрасната зимска идила. Инаку, Мики сака авантури и обожава да скија, па така неодамна кога беше на зимување на Копаоник освен преку ден тој скиаше и навачер со уникатен спуст на месечината.

View this post on Instagram

A post shared by Miki Crnokrak (@miki.crnokrak) on Feb 13, 2020 at 9:04am PST

Храброст или романтика: Мики Црнокрак во спуст на месечина (видео)

Слободанка Илиева — Wed, 18 Dec 2019 08:31:20 +0000

Иако стартот на зимата официјално се уште не е започнат, вистинските љубители на планините и скијањето ја почнаа сезоната, барем онаму каде има доволно снег. Банско, Боровец, Копаоник, Шапка… семејството Црнокрак секоја зима е на терените, а овој пат сезоната ја почнаа од Србија, односно Копаоник каде со стартот на декември ја подготвија опремата и се препуштија на уживањето. Секој има своја пасија кога е во прашање спортувањето и рекреацијата, а кога тоа го прават заедно сите членови на семејството, тогаш задоволството е уште поголемо. Семејството Црнокрак заедно ја негува оваа љубов, а освен што Мики и Светле секоја зима се редовни скијачи, тоа го прават и нивните две ќерки, Моника и малата Нина која допрва има да учи за скијањето од тато, мама и дада. На социјалните мрежи Мики редовно објавува фотографии од нивната семејна зимска авантура, од кои се гледа дека тој е зависник од адреналин. Имено, Мики сака авантура и не може да се насити само на скијање преку ден, па тоа го прави и навечер со уникатен спуст на месечина. Ризикот за скијање навечер е поголем, но кога желбата преовладува, се' е изводливо. Сепак, романтиката остана нецелосна, бидејќи Светле не му се приклучи во овој храбар потег.