миа перевска – Вистина.мк

Таткото и ќерката во дует: Пере од „Нокаут“ и неговат ќерка Миа на заедничка семејно-музичка прошетка под – „Месечевиот сјај“ (ВИДЕО)

Антонио Димитриевски — Fri, 19 Jan 2024 10:54:40 +0000

Групата „Нокаут“ деновиве ја промовираше новата песна „Месечевиот сјај“, која е отпеана во дует помеѓу вокалот на бендот, Никола Перевски-Пере и неговата ќерка, Михаела Миа Перевска и самата придружен вокал во бендот. „Досега ја слушавте како придружен вокал на нашите песни и на нашите концерти, а сега и во дует со нејзиниот татко Пере. Задоволство ни е да ја промовираме оваа соработка помеѓу бендот и Миа Перевска со најновиот сингл 'Месечевиот сјај“. Уживајте како што ние уживавме дур ја правевме песната“ - порачауваат од “Нокаут“. Музиката за песната ја напиша Никола Перевски, кој е автор и на аранжманот заедно со Миа Перевска. Текстот го напишал Дуке Бојаџиев, а пост-продукцијата и мастерингот ги изработил Дарко Димитров. Инаку покрај членувањето во „Нокаут“, Миа Перевска досега има снимено неколку авторски соло песни и имала и соло настапи на ланските изданија на фестивалите „Зејмотрес“ и „Д фестивал“, а позната е и по ноќните настапи забаваувајќи ги гостите со своите поп-рок сетови по најпознатите скопски локали. Како звучи заедничкото семејно-музичко дело на таткото и ќерката, проследете во музичката видео - прошетка на Миа и Пере од „Нокаут“ под „Месечевиот сјај“, во продолжение:

Миа Перевска ви праќа автентична, природна и емоционална музичка порака со – „Follow“ (ВИДЕО)

Антонио Димитриевски — Mon, 30 Jan 2023 07:17:12 +0000

Миа Перевска ja одржа промоцијатa на видео-спотот за песната „Follow“. Промоцијата се случи во скопското кафуле „Котур“, а спотот беше проектиран на филмско платно. Младата музичка артистка е комплетен автор на песната, каја патем е и мулти-инструменталист со оглед на тоа што сите инструменти во својата музика ги свири сама, а се потпишува и како автор на текстот кој ја раскажува музичката приказна. Со оглед на тоа што Миа студира музичка продукција, таа е одговорна и за миксот на песната и тоа во придружба на нејзиниот татко Никола Перевски – Пере, додека пак мастерингот го оформил Дарко Димитров. Ненаметливо, но со јасна визија, Миа на публиката и претстави авангарден проект, полн музика, но исклучително заводлив и слушлив. Музиката во слика ја преточи Јован Куцин визуелизирајќи ја ви видеоспотот за „Follow“. Со своето последно музичко парче Миа како млад човек на фронтот на македонската музичка авангарда испрати порака во знак на автентичноста, природноста и емоцијата како водечки принципи на патот на еден уметник. Песната „Follow“, како и спотот за истата е достапна на дигиталните платформи, а веќе престојниот викенд, на 4-ти февруари, Миа ќе настапи на годинешниот фестивал „Земјотрес“ кој традиционално ќе се одржи во МКЦ со почеток во 19 часот. Инаку Миа е дете на познати родители, македонски јавни личности, зашто Михаела или Миа, како што ја викаат, е најстарата ќерка на Никола Перевски – Пере од групата „Нокаут“ , која ја има од својот прв брак со ТВ новинарката на МРТВ, Александра Спировска. Таа е придружен вокал во „Нокаут“, но исто така работи и на соло проекти, кои се поврзани со музиката, а и самата настапува забаваувајќи ги гостите со своите поп-рок сетови по најпознатите скопски локали, а новата песна „Follow“ и видеото за неа се дел од нејзините авторски остварувања... Истата проследете ја во продолжение (КЛИКНИ ТУКА):

Миа Перевска го промовира видеото за “Follow”

Антонио Димитриевски — Mon, 23 Jan 2023 13:20:13 +0000

Четири минути, еден сингл, една година. "Follow" е приказ на магичниот безизлезен круг на алтер егото на Миа Перевска кое ќе биде прикажано на големото платно. Јован Куцин ги режираше и изработи нејзините sci fi сонови, а "Котур Кафе и Филм" по промо цена ќе го служат нивниот нов автентичен коктел. За прв пат во живо ќе може да ја слушнете на фестивалот „Земјотрес“ во МКЦ во сабота, на 04.02. 2023 год. каде ќе ја отсвират како дел од нивниот репертоар.

Промоцијата на видеото е закажана за во вторник на (24.01.2023 г.) во 20 часот.

Инаку Миа е дете на познати родители, македонски јавни личности, зашто Михаела или Миа, како што ја викаат, е најстарата ќерка на Никола Перевски – Пере од групата „Нокаут“ , која ја има од својот прв брак со ТВ новинарката на МРТВ, Александра Спировска.

Таа е придружен вокал во „Нокаут“, но исто така работи и на соло проекти, кои се поврзани со музиката, а и самата настапува забаваувајќи ги гостите со своите поп-рок сетови по најпознатите скопски локали, а најавената песна и видео се дел од нејзините авторски остварувања.