Meto Di Flash со празничен музички подарок, зашто добро знае дека тоа – „Среќа е“ (ВИДЕО)

Антонио Димитриевски — Mon, 09 Jan 2023 14:04:12 +0000

Познатиот македонскаи музичар, стружанецот Методи Поповски попознат под своето уметничко име Meto Di Flash извади супер музички подарок за Божиќните празници за сите вљубеници во добрата македонска музика, неговата нова песна „Среќа е“. „Среќа е да бидеш со твоето семејство. Среќа е да сакаш и да бидеш сакан. Уште поголема среќа е кога можеш да запееш со своите најблиски. Овие се моите пријатели кои исто така ми се како и семејство. Немаат професионално музичко искуство, но пеат од срце и душа, никогаш не ме оставаат сам и за нив ја напишав мојата нова песна „Среќа е“. Среќни празници на сите и бидете среќни“ - порача Meto Di Flash на неговиот профил на Facebook. Песната има вистински празничен звук, направена е во рок манир и е само продолжување на сингловите кои тој ги издава последниве години наназад. Комплетен автор на песната ( музика, стихови, аранжман, продукција, микс и мастеринг) е самиот тој, а истата и е снимена во неговото музичко студио „Флеш“. „Среќна си ти, среќен сум јас, среќа е да пееме сите на глас. Кога среќна си ти, среќен сум јас, среќа е да бидеме сите заедно до крај“ - порачува стружанецот Meto Di Flash во песната „Среќа е“ за која е изработено и видео кое можете да го проследите во продолжение (КЛИКНИ ТУКА):

Мето Ди Флеш во новото видео појаснува зашто сме – „Позитивни негативно“ (ВИДЕО)

Антонио Димитриевски — Wed, 30 Mar 2022 06:19:51 +0000

Песната „Позитивни негативно” е четвртата авторска песна на нашиот познат музички уметник Мето Ди Флеш која доаѓа со видео запис како и претходните. Мето Ди Флеш се потпишува како комплетен автор на текстот, музиката и аранжманот. Песната е снимена во неговото студио во Струга. Прридружните вокали се на Марија Мечкароска и Анастасија Поповска и ја истакнува он-лајн соработката со повеќе музичари од целиот свет. Песната е напишана како што вели тој во еден здив. Зборува за актуелното време кое го живееме, пандемијата која наместо да не зближи не раздели еден од друг. Луѓето кои се занимаваат со музика и уметност се и беа најпогодените од новонастанатата состојба. „Нема ништо полошо од тоа некој да ти забрани да го работиш тоа што го сакаш и тоа што те прави среќен“ - вели Методи. „Новото 'нормално' ништо добро не ни донесе туку напротив како се повеќе луѓето да сме спротивставени меѓу себе“. Тој упатува порака повеќе да се сакаме,почитуваме и вистински да бидеме позитивни, а негативни на ковид тест. „За видеото да изгледа светски се погрижи Мухамед Манте кој повеќе месеци работеше на него. Го нацрта Њујорк, поштено се изнаработи па од видео студиото Флеш на Самир Демиши директно ме стави во центарот на светот“ - вели Методи повикувајќи вре да ги проследите песната и спотот.

методи поповски – Вистина.мк

Meto Di Flash со празничен музички подарок, зашто добро знае дека тоа – „Среќа е“ (ВИДЕО)

Мето Ди Флеш во новото видео појаснува зашто сме – „Позитивни негативно“ (ВИДЕО)